上海姥姥

Open Now

Now Closed

整完牙想食埋晚餐才回家， 即興到上海姥姥，位於馬鞍山西沙路608號馬鞍山廣場2樓269-271B號舖。 餐廳主打上海菜，但種類不算多，點了招牌小籠包$43、 爆汁鮮肉鍋貼$41、 蔥油餅$43、 紅油五香牛肉拌麵配菜肉雲吞湯$72、 家鄉回鍋肉$88、 凍豆漿$19和熱豆漿$19。🥢▫️🥢▫️ ▫️招牌小籠包🫓 ～ 賣相唔算好飽滿，但即叫即蒸，湯汁豐富，幾新鮮。 ▫️爆汁鮮肉鍋貼🥟 ～ 鍋貼的底部好燶，外皮好硬。 ▫️蔥油餅🥠 ～ 香酥美味，做得好清爽。 ▫️紅油五香牛肉拌麵配菜肉雲吞湯🍜 ～ 拌麵都幾辣， 五香牛肉薄切份量多， 配上兩粒菜肉雲吞， 可以中和拌麵的辣度。 ▫️家鄉回鍋肉🥘 ～ 回鍋肉發揮得中規中矩， 唔夠惹味。 ▫️凍豆漿和熱豆漿🥛 ～ 豆漿味道正常。 整體味道普通，但價錢親民😉。 🏷️溫馨提示～ 整個用餐體驗均屬個人分享意見， 只作參考😊。

上海姥姥排隊不用取票，直接在餐廳右邊排隊入座雖然隊伍比較長，但都排得快今日超肚餓，所以無等所有食物到齊先影相 🙉招牌小籠包侍應將一籠小籠包放下時，見到湯汁仍然在包皮裏面盪漾所以取出小籠包時，要輕輕用力，以免穿左皮未算最薄，口感 okay，只是肉餡食到最後有少少乾身醉雞醉雞有酒香，但入口不會有好強烈的酒精味雞好滑，少肥，有肉食，有少少鹹味調味斬件斬得好，無碎骨和血塊漏出雞無腥味先係重點鎮店酸菜深海鱸魚menu 寫有一隻辣椒仔的辣度 🌶️但完全不辣，有酸味和少少麻味以這種辣度，下次可以食水煮系列 😎主角魚片，無骨，滑溜隨手筆一羹，全部都係料有薯粉、蓮藕片、豆腐皮、金菇薯粉夠 2 人食豆腐皮偏硬，應該要再煮耐少少(？)金菇的份量都比較少，切得有點碎最後，要了杯凍豆漿始終有豆漿，先有食上海菜的感覺 😌

放假梗係唔少得同媽媽一齊出街食lunch！行完街豬太郎同媽媽一齊嚟到上海姥姥，過咗lunch又未到tea time，唔使等位就有得入喇！仲發現有新menu𠻹！鍾意食辣嘅朋友就啱晒啦～#雞絲粉皮 $58前菜揀咗豬太郎鍾意食嘅雞絲粉皮，雞絲份量都唔少㗎，仲有爽口嘅青瓜，放喺底粉皮唔會好厚，份外清爽，更加開胃！.#招牌小籠包 $40食上海菜點可以唔食小籠包！平時偷懶唔想煮都會嚟呢度食返一籠，夾起上嚟唔易爆開，咬開湯包住有香濃嘅肉汁，正！.#麻辣無骨雞雙式面擔擔湯 $59終於嚟到今次嘅主角之一，呢款無骨雞仲可以有兩種食法，唔怕辣可以就咁拌麵，想轉食湯麵，加啲擔擔湯一樣好味！#家鄉八寶辣醬 $78最後仲揀咗個小菜，有8種料 — 雞肉、雞腎、蝦仁、五花腩、豆腐乾、冬菇、毛豆、竹筍，鮮味甜香，唔會太辣，餸飯一流呀！.#黑糖冬瓜茶 $23今次仲有飲咗黑糖冬瓜茶，仲有啲冬瓜肉，黑糖味香而不膩，加上夏日熱辣辣，冬瓜茶就夠晒解暑啦！.上海姥姥馬鞍山店

今日同兩個阿姨喺MOS食上海菜@上海姥姥, 唸住一次半次食下家鄉菜, 點知食完之後我地異口同聲: 完全唔合格.>好味的: 午餐加HKD18嘅招牌小籠包 皮唔可以話特別薄, 充滿湯汁同埋熱辣辣嘅小籠包係成餐算好味的.>午餐: 酸辣湯酸味非常突出, 每一羹都可見一小舊透明嘅東西, 而口感就是食緊漿糊一樣. >午餐: 姥姥手製排骨拉麵🍜拉麵本身味道清淡可以理解, 湯底無味道, 排骨Dry.>午餐: 四季豆牛肉粒炒飯好多四季豆, 好多牛肉粒, 蛋絲, 葱花份量好足. 可惜用上過量油去彌補咬落乾到不得了嘅飯粒. 我食左幾啖, 但唔嘥野嘅阿姨清哂, 油到一個點.>午餐: 四喜烤麩>Order三個午餐, 原來最好味係Add On嘅小籠包同豆漿. 唔怪得咁繁忙嘅lunch hour, 行匀成個mall只有li度唔使等位👉🏻👈🏻.

話說耐唔耐想食小籠包於是又黎到上海姥姥啦晚市時間係馬鞍山食野點都要等下位~今次除咗叫小籠包之外 我哋仲有叫其他點心同主食自己本身都幾鍾意食上海菜 又鍾意叫野食所以今次就叫埋擔擔麵、香煎素鵝、豆沙鍋餅同生煎鍋貼幾個人食份量啱啱好呢！不過人多d 既話就可以食多幾款啦!!!可能睇圖會覺得香煎素鵝有少少油 不過食落覺得啱啱好啦 唔錯唔錯!!但係豆沙鍋餅就真係有啲甜 一件起兩件止就岩岩好~以後黎食有多樣野食必點啦~

由於下午要參加朋友婚禮，我們一眾人打算先在附近一同午膳，醫飽個肚先～朋友行左一圈廣場，就決定左食呢間，人多可以試多啲野食。最近上海姥姥好似愈開愈多間咁，不過其實聽朋友講得多，但我都係第一次食。先上前菜先～雞絲粉皮係我每次見到餐廳有都會必點既。最緊要多醬，呢碟夠醬而且粉皮是爽的。成碟野涼涼地，最岩而家熱熱地既天氣。推薦菜肉雲吞的肉餡很足，唔會只係食到厚皮。拉麵就無咩特別重點小籠包黎唔，朋友就係為左食小籠包先揀呢間。小籠包有濃郁湯汁，皮不厚，夾起身都唔會好易穿。不過小籠包如果可以獨立分番開4隻就更好，兩隻兩隻痴埋一齊，夾既時候都好驚穿😂相比之下，鍋貼比較失色，不過可能係我地已經放左一陣，令到個摺位皮比較硬。味道夠濃，面身軟。呢個純粹係俾外貌吸引而叫，熱食既時唔錯，好蘇脆。但當凍左先食就有啲油膩。所以呢個要襯熱食。總體黎講，食物味道都中規中矩，都會有下次再食既機會。不過服務方面，可能員工唔夠，叫極都無人應，除左埋單個下🌝

2人行上海午餐宋嫂魚羹:清清地暖下胃,適合酒後未清醒嘅我. <但正宗好似唔係用龍脷柳? >*****小籠包: ALL TIME FAV, 皮簿濃郁湯包,必食@V@小事一椿:之前食過有經驗,小籠包唔會有碟托底,夾爆左就會漏到枱面,今日特意記得叫佢地俾隻碟;食左2隻時另一侍應提出幫我收起,我當然回覆未食完,竟然再被反擊話意思係收起隻碟.看看旁邊已見底又唔收嘅湯盅, 我冷靜再回答"俾我食埋先好冇?~". 汗顏||||||////::: *****擔擔麵:手拉麵彈牙,花生湯香而不膩.最鍾意邊食邊隔住玻璃睇師傅拉麵,包餃子.

週六中午，和家人來個滬式中午餐⋯⋯ 姥姥家鄉粗炒 （上海粗炒）等候：約5分鐘 （ 最先上桌的一味）賣相：上菜已是圖中的模樣 溫度：室溫，入口部分是凍的材料：白菜、冬菇、豬肉絲麵：乾身且短，似麵碎份量：三小碗評價：大失所望！與半小時後下一輪上菜的相比，份量明顯有別，鄰枱的熱騰騰到出煙，我這碟彷彿如隔夜餸菜混在一起，用微波爐稍為加熱，還要溫度不夠上筷就如給小孩的麵食，每條短短的；可是鄰枱的可夾起到視線水平四川擔擔麵等候：約40分鐘（三番四次催促才上的）溫度：熱騰騰材料：白芝麻、蔥段、豬肉碎湯：花生、麻醬和少辣帶出這碗麵的精髓，味道不錯麵：略為硬身，要慢慢咀嚼 份量：兩小碗評價：麵的份量不算多，料更不在話下，但湯的美味可搭夠招牌小籠包等候：足足一小時(不停催，回應也是制作中，跟本就是等齊所有入單的小籠包一起上，怪不得有部分食客等到放棄）溫度：熱騰騰外層：皮太厚，唯一好處是不易穿餡：多汁，肉質鮮嫩 評價：中規中矩，不過不失炸銀絲卷等候：約10分鐘賣相：不錯（如圖）值得一讚：伴碟的隔油紙亦不見得有太多油份溫度：熱騰騰評價：外脆內軟，咬到裡頭一絲絲卷成的麵團非常欣賞 香煎素鵝

星期五晚，同媽媽行開新港城。大概七點，見到上海姥姥出面大排長龍。見到佢咁受歡迎，就試下佢啦。入到去都坐得幾舒服，唔會太逼。等左大概十分鐘就上菜啦。蒜蓉白菜。油唔算太多，味道都適中。唔錯 擔擔麵。份量十分之多。一個女仔一定食唔晒! 肉碎略嫌太少。整體幾好食!冷盤三拼，薰魚，豬手，醉雞。最好食呢個! 薰魚唔會太多骨，細骨都可以食落肚。醉豬手既味道十分好，酒味岩岩好，食落精神! 醉雞就反而比較多骨，而且肉唔多，有少少食到成口骨都未食到肉。建議各位可用燻蛋去取締呢個。招牌小籠包都好正! 皮不會太厚，肉質彈口，一咬穿皮已有湯流出。正! 食物味道不錯。兩人食咁多野係食到超飽! 埋單$200。價錢公道。

上星期經過仲裝修緊, 今日同老婆行過見到今日試業, 即刻試下可能因為第一日試業, 好多人等位, 門口帶位話如果坐吧檯可以快D入座....吧檯? 上海菜? 成間舖個設計都幾舒服, trendy, 最入面竟然係吧檯! 其實我都幾鍾意吧檯, 同老婆可以親密D!不過張吧櫈有D重, 男士要幫手拉下!看完MENU, 點左姥姥上海冷拼, 小籠包同擔擔麵再看清楚MENU底部, 原來呢度不設茶費同加一!一個字...好抵呀! 即刻請示老婆, 追加一個可樂!!!由於掛住傾計, 除左小籠包之外, 其他兩個食到一半先記得未影相 >_<小籠包個皮夠薄, 好彩食四個, 四個小籠包個皮都無穿, 肉汁都夠鮮味, 水準之作!另外姥姥上海冷拼, 勝在可以完全自選, 我選醉雞, 海蜇, 老婆選燻魚醉雞夠入味, 其他都OK擔擔麵都唔錯, 份量都夠下星期再路過, 要再試其他!