上海婆婆336 (荃新天地) (Closed)

好耐未食過，見d位疏，諗住安全d試下，入到去發現間嘢根本無乜人，d嘢食一嚟就要人用現金俾錢，在食物上的錢翻來翻去，好不衞生，d嘢食又無水準，待應態度差，但目測根本好得閒，感覺好懶，自己幾個大大聲吹水話唔明點解生意額少其他鋪一半，我就知自己中伏...無下次...見到原來呢度咁多人要寫二百字先評到分都係咁寫就知呢間嘢有問題點咗一個炒飯，得飯幾粒菜同少於5mm的幾粒火腿一個雞絲粉皮，一堆乾粉皮+花生醬...經濟咁差都做唔到咁，希望佢快d結業真係食到嬲

一坐低佢拎左幾個餐牌嚟！我就打開咗個平時下午茶餐牌睇吓！其實有時我都會去食！大約都知道食乜！咁就叫佢過嚟落單同佢講話要一個上海湯粗面，佢第一時間就話冇下午茶個喎，我話咁有冇得散嗌佢話有不過唔係咁嘅價錢！咁我已經有啲火火地！因為佢用D好差既語氣同我講！好似我比唔起正價嘅價錢咁！好啦！有個有着制服的職員過嚟接手可能佢大粒啲啦，佢即刻掉低啲嘢！好晦氣咁走咗！跟住我就鬧佢...但佢已經走咗,然後呢個阿姐可能走去問佢做乜，佢就喺我嘅視線範圍係咁話我，當佢見到我望佢佢就唔再講！然後到嘢食嚟到我嗌咗一個酸辣湯麵一個上海湯粗面！個酸辣面十分難食！不辣但十分酸！湯面一pat野！最後埋單叫另一個阿姐！佢見到我哋示意埋單！佢冇應！以為佢聽唔到再嗌多一次！佢竟然好大聲話嗌咗啦等等啦！我屋企人都忍唔住話你冇應我點知你聽唔聽到呀！究竟呢間野D員工係咪衰到咁呀！冇下次呀！

行左咁多次荃新天地都經過呢間上海婆清婆，今日終於入去試試。我地被安排坐到近商場道路嘅一張卡位，餐廳職員好好心提升好好睇住個袋，小心俾出面嘅人拎左個袋，所以大家坐呢個位嘅時候都要小心小心。我地點左5樣食物1. 雞絲粉皮，一般，粉皮唔滑2. 擔擔麵🍜，差，好稀，唔夠味👎🏻3. 紅油抄手，豉油味重過辣味，比例錯😥4. 小龍包，正常，無驚喜5. 椰奶炸饅頭，正常，椰奶無椰汁味，似普通煉奶😀總結，大家唔好抱太高期望黎食上海菜。

吃過很多次了，品質上都保持得不錯環境也挺好，空間大，位置也多就算多人很快就可以入座昨晚叫了四個菜，擔擔麵，小籠包，生煎包， 黃金炒飯，不過我最喜歡他家的擔擔麵擔擔面叫之前可以選辣度，我一般選小辣，感覺小辣的味道就剛剛好，辣度不會搶了湯底的味道，再加上花生醬粒，香口之余，口感層次也豐富，麵條硬度適中，我很喜歡，連個湯汁也吃光光🤓小籠包一上枱，可以見到里面的湯汁是飽滿的，外皮很薄，咋眼一看，小籠包看起好晶瑩剔透那個湯汁就要溢出來了，放涼一下下，把一個小龍包放在口中，果然湯汁可是滿滿的，跟里的內餡非常的鮮甜美味，這個必叫生煎包的底皮煎到好脆，一口咬下去，很香脆，跟里面的肉餡和著吃，好吃喔這個黃金炒飯是用蛋黃汁炒的，再加上鮮蝦飯粒粒粒分明，很有咬勁，蛋黃炒的炒真的非常的香口，再加上鮮蝦令口感不會太單一，而且分量夠多，這個炒飯吃得過😌總體這家店不錯吃环境：空間大服务：不錯

推介午市套餐，快靚正好快上菜，而且有得訂枱！我們一行四人，點了酸辣湯麵、黑醋排骨、鍋貼、小籠包甜品有高力豆沙。樣樣都咁好味，熱騰騰的, 套餐種類多，而且每份$60有交易，不錯！

收工，唔想去咁遠，想返去屋企樓下食，於是就隨便去上海婆婆度試下啦！好彩咁岩就有一張枱，唔洗等位，咁我地就好快咁睇左個menu，點左以下嘅菜式啦！首先係家常豆腐，感覺上係紅燒豆腐嘅上海版，面頭有青椒，跟住係走過油嘅豆腐，底部有冬菇，食落去有少少辣嘅豆瓣醬，幾開胃同香口。生煎包，一個比較麻麻嘅菜式，個包面好硬，而且唔夠熱，裡面肉肉汁都唔夠，有少少失望。跟住到上海粗炒，經典嘅上海菜，配料有菜絲，肉絲，冬菇絲再加上醬油炒，e個係最快上菜嘅一款，唔係好夠熱，唔知係唔係即叫即炒呢！？最後係松子黃魚，佢係我地覺得最正嘅一道菜，個酸汁煮得好正，配料足，有蝦仁，蕃茄，椰果，菠蘿等，魚肉新鮮，啖啖肉，而且見到師傅唔會偷功減料，炸起嘅魚再加上酸汁就真係絕配，下次再黎幫襯都會再食e 個，最後埋單走人返屋企。

難得平日有假出來行街吃下午茶，荃新天地下面選擇真係唔多，見有上海菜就沖了入去。平日下午茶時間都算長，選擇種類都算多。椰菜回鍋肉$60，包一碗🍚同酸辣湯，個湯真係好酸，回鍋肉偏肥同比較硬，可能唔係新鮮豬肉。銀牙炒鱔糊$68，芽菜份量比較多，鱔肉相對就少，而且炒得唔夠香。整體味道真係好一般，無乜特色，感覺唔夠正宗，雖然只係一餐下午茶，但作為品牌連鎖店，咁樣嘅水準的確有點失望，這個價錢如果包埋飲品就比較合理。

星期六黎到荃灣荃新天地一期，好多食店都滿座，見到336位同好耐無幫襯過，就走去食個晏大閘蟹當造下的時令蟹粉系列。1. 雞絲拌粉皮($68) ，花生醬好多，粉皮夠Q，但粉量較少。2. 黃金炒飯($75)，飯炒得乾身，成蝶得幾粒雪藏蝦，見餐牌寫住推介我覺得尚可，無特別。3. 排骨拉麵($58)，除左個麵係手拉有彈性外，其餘真係好唔掂，先講個湯，有鹼水味，而個湯個甜味似加左砂糖個排骨先出事，外面應該用左黃薑粉醃味，所以外皮有黃色，但成塊豬扒係無味，一D味都無，連肉味都無，超級失望。4. 336 上海小籠包($36) ，皮唔夠薄，肉汁亦少環境衛生方面，入坐後見到其中一張椅應該之前倒瀉水，無人抹，而梳化位有飯粒，加上枱面有餸跡，抹唔乾淨🤦🏻‍♂️🤦🏻‍♂️🤦🏻‍♂️真係無下次。

今日中午又和家人去荃灣行街，到差不多2點左右就搵野食，剛巧去到荃新天地，見到有好多餐廳，其中一間是上海婆婆336，係門口見到差不多時間下午茶，價錢便宜，另外位知客都非常有禮，熱情招呼，所以就決定入去坐，望到餐牌，$50左右上海野，價錢都可以，我叫左個擔擔麵，我家人叫左個螺肉冷麵，約5分鐘好多就到了份量麵幾多，並且有小食，豆漿送，味道都可以，擔擔麵就無咩特別，反而呢個螺肉冷麵就好正，值得推介，下次會試試晚飯。

我已很久未有到荃灣逛街了，今日到荃新天地逛逛，這裡商店多又新，逛久了便找食，這間外觀不錯，下午茶價錢優惠，當然要試下婆婆炒飯飯炒得粒粒分明，油份不多，料有菜粒、火腿粒、松子仁等，炒得夠鑊氣，鹹香套餐包一杯豆漿，免一位茶錢酸辣湯麵麵條軟身有彈力，酸辣湯料有木耳、豆腐，酸中帶辣，落蔥花更香套餐包一杯豆漿，免一位茶錢自選拉麵可配一款點心，我揀家常餅餅一開四片，像餅乾香脆，有香蔥香豆漿香甜午安套餐選擇更多，店內座位多，職員友善，不錯！

上海菜係繼日本菜之外另一成日食既菜😜今日同男友係荃灣游水游晏左 驚出去食飯多人可能要等位 就決定留係荃灣食行經上海婆婆見到唔駛等位 就即刻坐低 食食下出面都開始要等😆叫左食親上海野都會叫既小籠包 夠熱又夠多湯 皮薄餡都靚 收貨😂之後係雪菜肉絲炒年糕味道唔錯年糕份量好多食到後半開始牙軟😂但肉絲份量唔夠 覺得有d寡之後係黃金蝦仁炒飯重黃金味👍🏻但因為食年糕飽左 所以呢個食左半就打包😆仲有個香辣蝦球蝦球好大粒 但唔鐘意個醬 有d酸

今次係第一次幫襯呢間嘢，之前食尖沙咀嗰間覺得還可，一心揾番呢間食，今次懷著好心情嚟試，叫咗3樣嘢，葱爆牛肉，炸脆鱔，唔知乜春卷。出事啦！！葱爆牛肉只得咸味，但都可以夾硬食，碟炸脆鱔就攞命囉，燶同乾嘅，食入口真係有燶味㗎，咁大個仔從未試過叫咗一碟嘢係唔食得嘅，唔知乜春卷都係差。上海婆婆妳好嘢，回想唔怪得大把位啦。

今日同朋友喺附近行街，行咗幾個鐘開始覺得肚餓，搵下附近有咩食，唔知點解突發好想食小籠包，但其實好既小籠包做得好，有啲個皮太厚太軟，所以行左好耐。終於搵到間上海菜，環境好似幾靚幾光猛，試諗住試試佢。但係呢間既小籠包令我地有少少失望，個皮太軟，加埋啲蒸氣令到個皮爛爛地，好似一pat野咁，但個肉質尚可，反而啲湯油左少少。服務態度方面都ok，雖然好多人，但都容易叫到待應加茶、落單，等野食都唔算好耐，但就未必會再去。

從多年前，在屯門市中心吃過一次之後，就喜歡吃上海婆婆，喜歡的原因是：婆婆炒飯，干扁四季豆，爆汁小籠包。但是不知從何時開始，多了一家名為：上海婆婆336，質素和上海婆婆也有點分別。原以為兩家是一樣的，但原來不是，就好像譚仔和譚仔三哥的分別。友人說想吃清淡一點，又想不到去那裡吃，剛好經過上海婆婆，便提議進去吃。我很喜歡吃上海婆婆中的：「婆婆炒飯」，飯粒分明，配料當中有臘腸，加上豉油和臘腸炒在一起，鑊氣十足！但上海婆婆336，只有336炒飯。原以為一樣，但原來不是「婆婆炒飯」，沒有臘腸換上了牛肉，也沒有粒粒分明，更沒有鑊氣。我不會說不好吃，但真的只是一般，飯質偏濕，所以沒有粒粒分明，換上牛肉後，不再惹味。蒜泥白肉卷，肉質很乾，醬油味濃，分走了肉味和蒜味。而且，蒜泥太小，不點上蒜泥完全沒有蒜味。粉皮又只有濃濃的醬油味，好像吃醬油一樣。青瓜又不夠新鮮，這盤真的不好吃。小籠包的質素跟上海婆婆持平，皮不會太厚，一咬下去又爆湯汁！這個是推薦的四季豆，炒得很有鑊氣，爽口惹味！加上炒飯一齊吃，讓炒飯有了點鑊氣，令炒飯加了一點分總結來說，336謀殺了上海婆婆一直以來在我心中的形象，如今的形象好像只剩下為了快

假日出去食飯邊度都咁多人一行4個人，係周圍都排晒隊張飛去到幾十個之後，呢間竟然有位! 唔通有伏🤔由於另外三個男人連同我自己都唔想等位(差d想食米線陣就算)，照入去啦* 味道: ❤️❤️❤️❤️賣相: 🌸🌸🌸🌸環境: 🎪🎪🎪服務: 👍🏻👍🏻👍🏻👍🏻..............................價錢: 💸💸💸Dinner 人均消費~$120*小食拼盤 👎🏻唔推薦，唔係好味，肉定骨果d好硬普通炒飯 👌🏻叫呢個係因為我地唔想另叫白飯，幾好唔太鹹，岩晒😜 🐮蔥爆牛肉 👍🏻比較濃味，對我黎講唔覺得有辣，雖然有隻辣椒🌶️係度，好岩餸飯上海小籠包 👍🏻有驚喜喎, 厚度perfect, 夾既時候唔易爆(頂同底都係), 但皮絕對都算係薄, 咬開湯汁幾多而且香😍干煸四季豆 👍🏻份量適中，好香口濃味，又係好餸飯🍚之選蔥油拌麵 👍🏻有驚喜，本身以為會好普通，但上枱勁香蔥油味，又唔會好鹹，正呀😋*由於有限時要交枱，我地無時間食甜品，唯有轉場再食過😆======================#foodreview_junjunjunko#junjunscore8/10