上海婆婆 (Closed)

想食得清淡，最好就是吃中菜，而這天晚上就選了上海菜。記得很久以前經常食淘大那間上海婆婆，但後來覺得每況愈下，就很久沒光顧了。不知是全市裝修後味道提升返，還是這間特別好~ 總之我對這餐是滿意~入座大約8時左右，眼見店內客人也不少，幸好也不用等位。婆婆小籠包 – 皮薄，但不易穿。餡靚，肉汁也夠，夠熱又未到燙口!兩個人一籠啱啱好~酸辣湯 – 足料，而且材料也不會切到太大塊而要不停咬~酸度OK，可惜個人覺得不夠辣(本人是辣妹)，唔夠過隱。花雕醉雞 – 雞滑，擺放整齊，且中間放了幾粒杞子，令人食指大動。但酒味略微不足，濃一點會更好。火腿滑津白 – 清淡之選~味道其實唔錯，不過津白稍為大條，切多兩刀會好一點。另外金華火腿是四整片放在津白上，跟淡味的津白一起吃就剛剛好了。黃金炒飯 – 這個最有驚喜! 蝦是細了點，但重點不在於此。黃金，即是咸蛋黃，炒到粒粒甘香且有咸蛋黃味，也不太油~超滿足!!

只為賣飽肚才可以接受，不能要求好味囉擔擔面只有少許麻醬味已經無其他感覺外觀也不行雲吞麵也是一樣，淡而無味。依日其實成個場得幾台客，一啲都唔爆，所以啲職員超級好服務囉放低筷子5秒都無，職員即過黎就收走佢係連筷子都收走埋囉！即係唔可以再叫其他食物？還是再叫再比新筷子？所以見到咁既情況，都即埋單走人

同朋友去左食上海菜，先黎個例牌小籠包，一定必叫，又熱又多汁，一流！黃金炒飯，炒得夠乾身粒粒分明，好香！鹹蛋炒四季豆，可能哩期興鹹蛋食品，樣樣食物都加鹹蛋黃，好好味，好重鹹香味！雞絲粉皮，冰涼爽口！

逛完街經過，打算吃清淡一點，來到這家上海菜，環境整體不錯，店員也很積極。六點半開始，已經幾乎滿座了，生意還是不錯的～點了五個菜，四小拼：肴肉 烤麩 熏魚 糖醋排骨(就這個還不錯）乾燒蝦仁🍤（太鹹）桂花蜜汁金沙骨（蜜汁不入味，排骨不夠嫩）上海炒年糕（一般般）酒釀丸子（太甜）整體口味一般般～兩個人吃了459，很飽，也可能是因為菜品太油了，而且整體都非常鹹，喝了很多茶水，好在店員都很積極的過來幫手加茶水和收拾桌子，整體感覺很好～

今天約了朋友在荃灣地鐵站見面，自從綠楊坊裝修後，真係多了很多食店，朋友突然話想食小籠包，於是就選擇了上海婆婆。今日發現原來星期一至五，這裡有下午茶，都有很多選擇。自選套餐，我們點了炸菜肉絲麵加一個點心，點心選了有兩隻小籠包，加$12 有雞絲粉皮。如果一個人嘅話，選點心套餐份量剛剛好另外炒粉麵套餐，點了婆婆粒粒炒飯，個人覺得炒飯太肥膩唔夠乾身。每個套餐都會送凍豆漿，遺憾沒有熱豆漿選擇，但整體嚟講，這個套餐幾抵食。

晚餐時間就黎呢到食我地三個人嗌左小籠包、醉雞、白菜仔、擔擔麵同黃金炒飯小籠包皮薄多汁，唔錯幾好食醉雞面頭既雞肉就冇咩味，係底既就濃味好多，濃d既雞肉會好味好多雞肉唔會硬，腍腍的、都唔錯擔擔麵冇咩味，我個人覺得可以再濃味d另外麵就過腍，不過整體黎講都接受到而屋企既老人家就覺得好味，因為麵夠腍同唔會太濃味黃金炒飯有好多咸蛋黃、炒到乾身，飯就粒粒分明，可惜咸左少少之前食開婆婆炒飯，我覺得都係婆婆炒飯好食d

昨天食完越南野，今日就去食上海野，因為方便的原故，所以黎左綠楊的上海婆婆。見有個麵餐幾抵食咁，叫左一個婆婆擔擔麵+小雲吞+鎮江肴肉。我未身唔係好食得辣，我開頭諗住個面唔辣，所以一邊食一邊好熱，至於味道同賣相都還可以。而個小雲吞就都辣辣地，原來我睇漏左係青花椒湯，雖然唔係特別鍾意，但都可以嘗試一下。至於鎮江肴肉因為唔知係咩東東，所以抱住見識下的心態。但口感都幾得意，有少少食jelly的口感，佢仲配上醋，味道都唔錯。整體感覺一般。

難得放下平日，真係吾好錯過下午茶，係個商場揾下野食，見到上海婆婆下午有麵有點心仲要免茶免加一，就入去試下拉。選了擔擔麵配春卷，因為餐牌我一睇吾知有豆漿，以為得杯茶，落完單冇耐有杯豆漿送上，好似即時仲扺左，冇耐擔擔麵有得食，但比我想像中麻麻地，因為麵質好淋，我想像是拉麵但這裡不是，湯底亦不夠香，花生油香欠奉，湯底亦較稀，唯一可說的是夠熱。春卷是即炸的，2大條，煎開有4舊，一個人比較飽同炸。食到尾其實都好飽，為免浪費我不得不吃完，總結黎講下次我會試第二間。

老師個寶貝囝囝生日大家由細睇住佢大，出嚟食餐飯慶祝一下順便聚一聚因方便泊車選擇係綠楊坊進午膳綠楊坊本身食肆選擇唔多，中式更少最後決定食上海婆婆雞絲水晶粉皮芝麻醬香味足夠，仲有白芝麻灑係面青瓜雞絲同粉皮比例剛好份量亦算多，唔會每人夾少少就冇晒為呢餐飯揭開一個幾好既序幕蒜泥雲白肉瘦肉比例較多，係走健怡路線既白肉醬油混入老抽，輕輕拌勻就已經有充足既醬油色澤，賣相吸引味道咸中帶微甜，蒜泥帶香不帶辣而且罕有地蒜泥白肉上有粉皮本人覺得表現不錯鎮江小排骨肉質鬆軟，醬汁酸甜度調配恰當鎮江黑醋香味亦相當突出係幾開胃既前菜五香燻魚燻魚外皮不酥不脆炸粉漿明顯太厚身，攤涼後口感變得更硬魚肉多骨，肉質偏老唯一可取之處係掛汁量足夠呢碟完全可以作為燻魚既反面教材麻辣燻蹄份量相當多，六個大人亦無辦法食晒燻蹄肥瘦適中，口感不油膩麻辣醬有陣陣麻香但未算好重麻味對於唔食麻辣既本人麻味能接受但偏辣扣分位係燻蹄當中有好幾塊帶雪藏味即使有麻辣醬亦無法蓋過黃金四季豆四季豆炒得夠乾身，口感爽脆之餘亦無多餘水份咸蛋黃碎均勻分佈每條四季豆咸度適中亦帶咸蛋黃香味雖然變凍後略帶油膩感但不足以影響整體表現可謂全餐最出色既菜色婆婆小籠包皮夠薄身

上海粗炒加凍豆漿 免茶介免加一婆婆粒粒炒飯 加 凍豆漿 免茶介免加一個飯好咸但做到粒粒分明粗炒正常唔特別勝在係免服務費 都算幾抵食嘅份量又夠多啱晒香港人 豆漿就冇乜特別囉！

上興趣班前，細妹又想吃小籠包和銀絲卷，所以我們來吃上海婆婆。兩姐妹很喜歡這兒的小籠包，皮薄肉鮮嫩，汁多(但她們會先弄穿包皮，讓湯汁流出，免燙口，真有點暴殄天物)，熱燙燙的，一人至少吃四個。這一趟，家姐胃口非常好，還加單多點一籠，但只吃了兩個，便飽了。媽媽點了個青菜煨面，菜和面份量都多，還有少少磨菇，最適合少吃肉的我。可是，碗面略咸，吃完後，要飲大杯水才解渴。總的來說，這兒的點心很符合我家小孩的口味，而且常不用等位太久，可以一試。

成日想話去試都唔得閒，終於都搵到有個中午可以去試，佢非常好地方就係套餐有湯有飯連一個小菜，結果我同朋友擇左栗米魚塊同干煸四季豆，起初我都好怕spicy個四季豆，點知出奇咁好吃送飯超一流真係嘢多碗飯都得，真心推介黎吃午餐要吃呢個四季豆，另外魚塊都正常野唔會太差，呢間上海婆婆真係唔差

午市篇 拉麵拼點心友人嗌咗擔擔麵 試咗幾啖 幾重花生香我就要咗紅油牛展麵牛展腍身, 但係碗野完全唔辣 仲有D淡口🙈點心要咗小籠包(×4) 新鮮蒸出嚟 但係湯汁唔夠鮮普通貨色京蔥牛肉包(×3)口感好好 煎香咗包嘅表面餡有蔥香 肉汁一咬就漏出嚟值得一試咁睇法...下午茶會抵食好多食物款色差唔多 平D仲有豆漿送————————————————————$63 免茶芥 免加一上海婆婆荃灣綠楊坊2樓S22-23號舖

有時放飯晏咗 索性等多一陣食下午茶餐侍應示意可以入座先 到1400先至落單下午茶仍然係拉麵拼點心 送凍豆漿酸辣湯拉麵上枱時都熱 夠大份 酸辣適中連湯飲埋會好飽蔥油開陽伴麵好香蔥味 但食完會覺得太濃味附上嘅清湯 可以紓緩下迷你五香芝麻餅脆身 好香芝麻味京蔥牛肉包仲有個點心 ,但係太肚餓食咗 冇影到相———————————————————————$48 免加一/茶芥上海婆婆荃灣綠楊坊2樓S22-23號舖

係香港，上海餐廳多得很，就算連鎖既都有一大堆，今次選擇上海婆婆，第一次試菜，我覺得佢地食物平平無奇，無咩大驚喜，只能說是一頓不過不失既晚餐。今晚既晚餐總共叫左6款餸菜。首先有蟹粉小籠包，我略嫌皮唔夠薄，師傅整餡料時壓得過實，所以肉既口感有點結實，湯汁雖然尚算熱乎乎，但唔夠鮮甜，有d失望。再來冷盤四小拼，當中我只係食過肴肉、小排骨，味道尚可，但另外二款賣相唔吸引，所以試都唔想試。砂鍋醃篤鮮真係一個敗筆，首先個湯好鹹，唔熱，覺得自己似飲緊茶記例湯，無誠意，一定唔會再叫呢個湯類呀！再來雪菜肉絲炒年糕，呢個咁簡單既菜都好難整得難食既。之後個擔擔麵味道有啲辣，如果鍾意濃味嘅朋友都應該會覺得OK，最後一味就係皮蛋豆腐，豆腐用既係超市買嘅即食豆腐，相信成本應該好平，所以唔建議order。總括來說，呢一餐一定唔係物超所值，短期內應該唔會再去幫襯。