上海婆婆 (Closed)

女朋友鍾意食上海野，唯有一齊去食飯，訂咗枱係荃灣上海婆婆，我就行錯路去咗荃新天地嗰間，最尾先行返去綠楊坊，超傻～老實講綠楊坊真係方便啲嘅，因為就比較近港鐵站荃灣線，不過荃新天地就比較近西鐵站，有辣有唔辣。婆婆小籠包＄36@4隻好多汁嘅小籠包，味道都唔錯，濃郁嘅湯汁，裏面嘅豬肉肥中帶瘦，皮薄餡靚。淮揚酸辣湯＄35@1位酸辣湯比想像中嘅份量更加多，味道比較酸味重，辣只是小辣，裏面材料都好豐富，爽口的，如果再辣少少應該會更加好味！蒜泥雲白肉＄65呢個好鬼正，＄65唔係平，但係白肉加上蒜泥質感口味都一級棒；仲有好彈牙嘅粉，透明顏色，加上蒜泥好味到不得了。水煮牛肉湯拉麵＄62真心建議如果食唔到譚仔三小嗰啲千祈唔好叫，好辣，不過又係自己死蠢冇叫佢調校味道！如果食得辣嘅話就會好欣賞，水煮牛肉唔係肥牛，係滑牛，香辣味道濃郁。紅油炒手＄46@6粒我本身唔知咩嚟，仲以為係豬手，原來係好似餃子嘅嘢，但係就有啲辣油係旁邊，中間係豬肉，又真係幾香。雜果凍酒釀丸子＄30食到都幾飽，但係又想食啲甜嘢，所以就叫咗個丸子，啲丸好似縮小版湯圓，而且比較煙韌，凍酒味道好清，不要期望有太濃郁的酒味，不過正合我意。

今日來吃set lunch，只平日有,weekends 冇set lunch的。$68左右一碗麵，包点心。叫了2碗麵，腩肉和牛展，切得太太太薄，好碎，冇口感。麵OK,湯底不錯。点心叫了小籠包和牛肉包。小籠包有4粒，4粒令人滿意。牛肉包有3個，size適中，也令人滿意。牛有少少juicy,很夠味。但肉不夠多，咬後飽內空心位少少多。每個歺也不加一，不收茶$。唯一不好是地方大，但waitress係甘安排枱迫枱。每一位客也會說太迫。但大半地方冇人坐，希望你們為此改善。以客舒適為先。

係幾年前去過尖沙咀食上海婆婆，令我一試難忘，不但是價錢優惠，功夫菜款式多，今日看見荃灣綠楊坊新開了一間便立即嚐試有何轉變因為我們到達時間12點 時間尚早 便安排坐卡位 另外斟水時很貼心地說小心熱餐牌大部份已供應了圖案 還有午市套餐 相當便宜四小拼（肴肉，燻魚，烤夫，小排骨） $98食上海菜怎麼可以沒有小菜呢 通常是order 4小碟 6小碟 8小碟最岩我呢啲乜都想試既食客肴肉：賣相精緻 味道不咸 以往食的肴肉會過咸燻魚：頭兩塊冇骨 之後食好多骨 真的要小心烤夫：淋淋的 入灑味小排骨：鎮江骨甜甜的 好食醉乳鴿 $90經常食醉雞 第一次嘗試醉乳鴿的分別用了大量慶酒加微少的花鵰酒 乳鴿使用了大乳鴿 起了鴿胸肉 方便食用 ，肉質嫩厚 食落啖啖酒的香味午市套餐紅油牛展麵+京蔥手切牛肉包3隻 $63牛肉包入邊好juicy 外面煎到脆一脆 皮又吾會硬又吾會過厚 但一定要 熱辣辣食 凍左就淋灑牛展麵有幾塊薄薄的牛展鋪上麵 麵質彈牙 師傅很細心已經將麵剪開一半 放便夾 又不會太碎豆漿不會過甜 新鮮即磨豆漿

Happy Friday放工的飯聚，到了荃灣地鐵站附近吃，近大家嘛。想食小籠包已到了上海婆婆，亦是商場食店中貼地的選擇。店員勤快地送上熱茶，亦添茶添得很密。點了大愛的黃金炒飯（$70），極喜歡咸蛋黄，用黎炒飯好香呀，粒粒米有咬口，食落完全不覺膩。朋友想試試干貝賽螃蟹（$78），好滑啊，仲有濃濃的瑤柱香，真係色香味俱全呢。婆婆小籠包（$36），一籠四個熱辣辣，皮有一定的厚度不會一夾就穿，包著鮮味的湯汁，好味好味。最後追加了一碗酸辣湯雲吞（$60），酸辣湯調味不錯，酸跟辣的平衡恰好，冬菇絲，蛋絲等增加咬口。一碗入面有六隻雲吞，很飽滿，啖啖肉好滿足。好好味呀～碟頭不算很大，兩個人share剛剛好，可以試多幾款。

講起中菜，愛玩生Foster比較鍾愛京菜同上海菜。要搵一間水平保持，又好食嘅上海菜連鎖店，係香港係比較少嘅！上海婆婆就係其中一間。 恰巧荃灣呢間新開，又裝修得幾靚，就入去試下啦！茶介每人6蚊﹑午餐免加一﹑小菜就要加一啦。今次食咗呢幾個小菜：1. 黄金四季豆 ($68)唔好講笑，第一口落口，咸蛋味已經好濃香，好令人開胃，而且呢個菜唔係間間上海菜有得叫呀！2. 咸香蝦球 ($118)朋友最想食嘅咸香蝦球，竟然見到呢間有得食，就點黎食吓啦！ 蝦球彈牙，咸蛋黏實蝦肉，不像外面的粉粉般，分開的！3. 午市套餐 酸辣麵令人開胃，雖然唔太辣，但好大碗又多料呀！最正就係小籠包，包皮唔厚﹑入口湯汁四射﹑濃烈的新鮮豬肉味，性價超高！

去開荃灣個頭見到有個宣傳牌寫住上海婆婆新開張，有啲想食上海菜，所以就去咗喇，地址係位於綠楊坊。聽男朋友講，上海婆婆本身係荃灣都有一間，但新開呢間就腳D~~近地鐵嘛，一出就係！！首先嗌咗婆婆小籠包四隻$36，我習慣用匙羹'不'起小籠包，再用筷子篤穿佢，飲佢啲汁，非常之好飲，熱辣辣，而且唔重味精。而肉塊都幾好食，口感非常之嫩滑多汁，除咗個餡，皮都好重要！個皮算係薄，唔會太厚感或者食到勁飽勁濟。個麻婆豆腐菜牌印有辣椒嘅圖樣，一開始驚驚地食唔到，但食落一啲都唔辣喎。配菜有肉燥和四季豆，整體唔算好油膩，配上白飯簡直係一流(我哋兩個人嗌咗一碗絲苗白飯)，豆腐夠完整，完滑。 之後就嗌咗一碟水煮牛肉$85，底下有啲酸辣粉令我們感到十分驚喜，酸辣粉的口感煙煙靭靭，很有彈性，非常之好食。醬汁嘅味道非常之香辣，有少少開始飲水的反應，哈哈！反而覺得牛肉唔係幾好食，有啲鬆肉粉嘅感覺，冇咩牛肉味道，話唔定其他水煮系列會好好食，因為個汁好正。之後就嗌咗一個排骨拉麵$55，麵食來說幾抵食。炸排骨的外表十分香脆，而裏面就好似食緊豬頸肉咁，口感非常之清爽得來又唔鞋口。來得食上海菜唔少得飲茶，茗茶嘅收費係每位五蚊，呢間餐廳

🍎蘋果食在荃灣～～同朋友仔相約在荃灣，食咩好？先排食完cafe，美國菜⋯所以🍎專程安排咗中菜日：上海婆婆之後再黎個點心！實行「至飽方休」😆·🍎就揀咗上海婆婆，佢地個lunch set真係好抵呀‼️供應時間由11AM-2PM一碗麵加一款點心都係$63，仲要免茶/免加一‼️麵款及點心都各有五款選擇！仲可以：➕$6配杯鮮豆漿🥛➕$10配酒釀丸子🍡➕$15配冷盤小竹笋或四喜烤夫或鎮江肴肉一客（🍎好貪心，咩都加晒🤣）·上海婆婆嘅湯底濃稠且帶帶濃厚嘅花生香！而麵身爽口並吸收晒湯底嘅精華，一啖麵一啖湯，什是🈵足❗️而且食麵要趁熱，如果唔係啲麵索乾晒啲湯會慢慢變到一舊舊，好紮實嫁～·有人話：最好嘅擔擔麵係包括5️⃣種味道：麻，香，辣，甜，酸！味道齊全而且要各取平衡❗️而上海婆婆嘅婆婆擔擔麵就做到香，甜，辣啦，但似乎麻同酸依方面就稍為欠缺啦⋯·小籠包～～4粒，套餐黎講仲有4粒，算好好啦！熱辣辣趁熱食♨️，小心輕夾，以防夾爛湯包😂需要嘅係輕輕一咬，嘩，啲湯汁就係爆晒出黎😆餡料實在，唔實太厚皮，係可以接受嘅程度！食完無油膩感，帶點清甜嘅味道！都係個句：趁熱食，凍咗食個皮會變硬同凍，唔好食嫁啦！

位置十分便利，就係地鐵站上面嘅綠楊坊！七點鐘去到食飯，雖然人流都多，但唔駛等好快就入座。店員服務幾好又有禮貌，我哋兩個女仔就叫左老幹媽炒年糕，宮保雞丁，紅油抄手，仲冷盤冷盤麻辣燻蹄。黎到d野食好香，炒野夠鑊氣，啲嘢食好入味材料都幾新鮮！先講個老干媽炒年糕，分量真係唔講得笑既多，年糕有嚼頭彈牙唔粘，夠辣惹味，所以怕食辣嘅朋友仔真係要避免。宮保雞丁係十分推薦，佢有啲乾咗嘅昆布，食落鹹鹹地有啲似紫菜同茶葉乾，雞粒唔辣但係夠晒入味，撈埋一齊食好好食，炒出嚟真係好香，送飯很不錯。紅油抄手，辣辣地，不過好欣賞就係皮薄餡料靚，好食！至於麻辣燻蹄就一般般啦，對我而言太辣了，同埋分量真係太多，係幾抵食。 整體而言，價錢好合理好啱一家大細嚟食，份量都多，坐得舒服，服務幾好，係傳統得來又有啲改良嘅上海菜，吸引！

上海婆婆係綠楊坊開左分店啊！裝修得好靚～好似高級餐廳座位好闊落！好舒服！首先一入到去店員服務態度好好，好快幫我落單，上菜速度都好快，啲嘢食都係熱辣辣上到來，效率好好，唔係癱到啲餸凍哂！！！叫咗兩杯凍豆漿，豆漿唔會太甜，而且有豆味！！！醉雞，雞肉啖啖肉 ，雞肉夠滑，好香花雕酒味！！ 食上海嘢一定要食小籠包啦！ 皮好薄 而且好juicy , 攞筷子夾起就感覺到滿滿的肉汁！！！一啖擺落口！正啊！必食必食！！！排骨拉麵🍜 真係好大碗，兩個人都食唔晒！連喋菜都好大，兩個人食就岩岩好！！！ 所以真心低食！！！甜品推介：香蕉高力豆沙，口感似棉花糖，香蕉同紅豆味超夾 整體而言，環境好！服務好！味道正！份量多！！！

難得有家人由加拿大返港，咁咪出下街食下飯，我地因爲要就一就老人家，所以去左綠楊食飯，家人偏好食上海菜，近近地冇得揀就決定黎食上海婆婆。蒜泥白肉：幾好味，但腩肉真係好薄.....個汁好味，但有別於我食過其他地方嘅蒜泥白肉，但好少蒜同埋係唔辣。鍋貼：皮好厚個底部亦冇煎到香脆，上檯時只係溫暖唔係熱，差不多四十蚊一碟得3隻...仲要唔好食。炸醬麵：面條係一舊舊痴埋，但個炸醬幾好味，不過都係一樣好細份。咸蛋炒四季豆：呢個係全晚最好食嘅餸，起哂沙一樣嘅咸蛋黃包住每一條四季豆，但又唔會奮咸，好惹味。上海粗炒：好咸，好多汁係底，成碟面好濕，菜多少肉，一隻手可以數到有幾多肉係入面。小籠包：呢個不過不失 但唯一都係唔夠熱，入面嘅上湯係夠嘅，肉嘅調味都剛好。 鱔糊炒年糕：好重味，好大陣胡椒粉味，令人食完要飲成杯水先得。生煎包：同鍋貼一樣冇煎到個底香脆，一樣只係暖而唔係熱，入面嘅肉好細，成個包都比一般出面食過嘅細。上海炒面：同粗炒一樣冇咩配料，佢再用上少少豆瓣醬去炒，所以比起粗炒更咸。南瓜餅：一碟四個，面頭有椰糖，入面係紅豆蓉，塊皮係南瓜搓成，南瓜味係完全食唔出，似係一舊粉糰比人拎去煎。我知係香港食上海菜普遍

放工後今日同事想食上海野，我就提議不如食上海婆婆，因為我上次經過綠楊坊知道嗰度有一間，我哋就決定試一試！我哋到餐廳係七點幾，都算好多人，等左一陣好快就入得去。餐牌種類都算係多，冷盤、主食、麵食、小食同甜品都齊。我地點左一個冷盤四小拼同兩個主菜。食上海菜點可以唔食冷盤啊？四小拼係肴肉、熏魚、烤夫同小排骨，擺盤好靚好吸引，如果兩個人食，份量都有啲多。肴肉即係水晶肉，係用富有膠質嘅豬手或豬腳再加豬肉煮成，放入雪櫃等佢凝結，再切出嚟，就成一塊塊既肴肉，好似凍肉啫喱咁，唔會覺得肥膩，都幾特別！熏魚既醬汁酸酸甜甜咁，都幾開胃，但個人不太喜歡食魚。烤夫同小排骨都煮得好入味，最鍾意食烤夫，因為索晒啲汁好野味，成個拼盤由賣相到食物都唔錯！👍👍講下兩個主食，一個係鱔糊炒年糕一個係糖醋魚塊，兩個份量都好足，食得我哋好滿足！鱔糊炒年糕炒得好夠香，鱔糊亦夠多，個人認為可以多一啲醬汁，可能為咗符合香港人嘅口味健康啲！糖醋魚塊啖啖肉，醬汁酸甜度都啱啱好，加上洋蔥、菠蘿同青椒紅椒，好開胃，可以餸兩碗白飯，只可惜食唔落，哈哈！餐廳整體感覺都好好，侍應殷勤，座位都算闊落，下次可以叫埋其他同事一齊試！😋😋😋

話咁快又到星期三搵食夜 不過加班過後 只有近近地搵間餐廳食 見到新開上海婆婆唔洗諗即入 地方又幾大喎呢間分店啲店員好好禮貌 好友善㨂左雞絲粉皮作為開胃菜 香濃嘅麻醬加上爽滑嘅粉皮 重有雞絲同青瓜 三重口感 當然我地㨂左少不了嘅婆婆擔擔麵 麵質好彈牙 湯底好香花生味 重有婆婆小籠包 即叫即蒸皮薄之餘中間裝滿濃湯再來一客我至愛嘅煎餃子 咬一口爆湯 正最後㨂左媽媽指明一定要食嘅 香蕉高力豆沙果然無令人失望 蛋白被打起至脹卜卜的中間有少許豆沙加香蕉 加埋表面嘅糖粉口感一流 又唔太甜 大推介

這天來到了荃灣的上海婆婆,每次吃上海菜都必點小籠包。 這裡的小籠包真的不錯,皮薄多汁,又不算太貴。 另外試了上海大雲吞,它是青湯雲吞,配以芽菜,蘿蔔絲和蛋絲,雲吞大小就沒有特別大, 整個配搭很清,適合愛健康吃得清的人士。 京蔥牛肉則覺得普通,味道正正常常,沒有太過突出。 整體來說也是不錯的。

還記得幾年前，朋友帶我到荃新天地的「上海婆婆」晚膳，那時候門外排了長長人龍，等了很久才入座，而進食時間是1.5小時，雖然有限時，但因為味道不錯，當時這種新式上海菜在香港也不常見，所以依然人龍不絕~現在分店多了，人流分散左，省下不少排隊時間，今次平日來到錄綠陽坊新店，不用排隊，座位闊落，係正地鐵站上蓋又方便~婆婆小籠包 $36/4隻食上海菜必點的小籠包，一客4隻，之前見有食家話皮厚本來仲有點擔心，但我們覺得不厚啊，不知道是改良了還是什麼？著面包裹著滿滿的肉汁和肉餡，味道也相當討好~京蔥牛肉叉子 $82牛肉肉質像沙嗲牛公仔麵上的滑牛，用醬油炒香，連京蔥一起釀進餅皮裡吃，惹味香口~砂鍋雲吞雞 (例) $172雞湯內有半隻雞，6隻菜肉雲吞，菜膽~份量多足夠六人分享，雞肉入味，湯頭清甜~外婆紅燒肉 $82以茶樹菇墊底，紅燒肉鋪滿面，每件肉都掛上惹味帶甜的醬汁，肉質鬆化入味，就是瘦肉略多，欠缺甘香，不夠過癮~婆婆粒粒炒飯 $72果然是"粒粒炒飯",米飯乾身粒粒分明，調味不複雜，濃濃的豉油味好香口，混入了蝦仁，肉粒一起炒~鱔糊炒年糕 $82鱔肉份量多，肉質彈牙，整體味道較清淡~

今日我們原本一心想去通利琴行買演唱會飛，點知賣晒，無得睇。好在琴行對面都有幾間餐廳可以晚飯，唔會專登黎到綠楊芳又無收穫。上海婆婆一間一早就想試嘅餐廳，7點鐘岩岩淨反一，倆張枱唔駛排隊，睇反d食評話小籠包皮厚，肉實。但食上海嘢無小籠包點成事。小籠包$36/4隻，親身嘗試左，都無其他食評講得咁差，反而我覺得外皮厚薄適中而且肉汁豐富，入口燙熱，我就覺得好食啦。砂窩雲吞雞$172例牌，雲吞有6隻湯亦足夠6人用，湯色乳白，味道香而不膩，唯獨雞肉會比較老。京醬牛肉絲配叉子$82,牛肉絲炒得軟嫩，而且每條都有醬汁包圍，配上叉子，口感更見風味婆婆粒粒炒飯，食落比較普通，有蝦仁，肉粒，主要以醬油調味，飯炒得乾身，能做到粒粒口感，可惜尚欠鍋氣外婆紅燒肉$82同一般東坡肉有啲分別，無咁肥唔係三層花肉，而盅底有啲類似金針，梅菜食落減少肥膩感，既入味又夠熱鱔糊炒年糕$82賣相一流，鱔肉切得好靚，完全無骨，配搭爽脆銀芽，煙un年糕，值得再試