上海美食

Open Now

Now Closed

每次都會特登來到柴灣呢間食佢既酸辣湯麵，呢間我食左好多年，每次一諗起 酸辣湯 就會想返來食，其實比起好多大牌子既上海餐廳，呢間真係喜水準之作,o係外面成日都食到d又稀 只有酸味 好似d水溝左醋 打d生粉落去就算咁，而呢間佢個湯除左 酸味外 佢既辣仲有層次感，個湯d配料又充足 筍 雲耳絲 豆腐 肉絲呢d配料充足,食落去唔會咁單調，我今日出左糧要慶祝一下就決定俾多5蚊加左個炸菜肉絲,再俾多10蚊加多左個菜肉雲吞，食落去成個湯真係乜料都有， 個雲吞真係要讚一讚，裡面應該係白菜再加豬肉來，1 0蚊有4粒，食落去好有咬感 ，皮又唔厚仲有一樣推介就係燻魚 下次去開你地都試下加,唔係度度可以食到架加埋個豆漿 60蚊埋單推薦指數✨️✨️✨️✨️✨️環境✨️✨️✨️選擇性✨️✨️✨️✨️✨️價錢✨️✨️✨️✨️✨️

【#肥波餃子系列】#沒有店舖立場資訊 🎈呢幾日要溫書，寫啲簡單啲嘅野，星期二係新蒲崗考完試我要去食肥仔銘 @fatmingrestaurant 獎勵一下自己～雖然我已經打定輸數唔會合格～哇哈哈～～🎈呢間係同事推薦嘅午餐之選，8隻餃子都係$35以下，超級飽！同事佢地就會揀雲吞酸辣湯麵，但我鍾意佢嘅韮菜餃多過佢嘅菜肉雲吞，因為雲吞有薑絲係裡面🙅🏻‍♀️🙅🏻‍♀️🙅🏻‍♀️呢間呢餃子好大粒好足料！粒粒都肥嘟嘟大大粒🥟配埋佢地嘅豆瓣醬真係好滿足❤️酸辣湯我麵試過一次，都幾足料而且幾好味架～📍上海美食📍柴灣怡順街10號舖地下#自費 #午餐 #肥波日常 #柴灣 #柴灣美食 #柴灣人柴灣事 #餃子 #上海美食 #hkig #hkfoodie #hkfoodblogger #foodie #foodblogger #hkigfoodie #hkigfoodblogger #hkgirl #hkwife #hklocalfood #dumplings #hklocalrestaurant

由小就住係柴灣，到現在大個左返工都係柴灣，總是離不開這個地方，所以每次諗食咩ge時候都會係諗到頭都大埋。😭😭😭今日lunch好想食啲酸辣野，咁就諗起宏德居有間上海麵店，小店有個酸辣湯好好味🥰，而且又好多料，辣味加埋酸味簡直一流呀！小店仲有豬扒都係超好味，必食呀。👍🏻👍🏻我今次就揀左酸辣湯麵加豬扒，大滿足呀！😂👍🏻食得好開心！其實小店仲有餃子，雪菜肉絲都係我至愛，下次要再食埋餃子🥟先🥰

有種幸福叫住柴灣上海美食開左好多年，又細到大都幫襯佢碗酸辣米粉（$31），非常開胃。好味得久不久就會想食。今日心癮發作又想吃，於是收工去了買外賣。酸辣湯同平時一樣非常足料，有荀、雲耳條丶豆腐等等。味道上酸與辣亦好平均，停不了口。吾夠飽仲可加10元要4隻餃子，大大舊又足料，豆漿都係加3蚊。外賣的話不建議餃子連湯放在一起，因為發脹左口感會變差。果度啲姐姐好好人，試過幾次帶玻璃盒去，佢地都好樂意幫我分開裝。

到柴灣開會，之前住附近的親戚介紹了這家上海食店，趁今次順路便來試試。一間蚊型的食店，只有兩張枱，隔壁連著另一間茶餐廳，同樣可以點選上海美食的食物。點了酸辣湯麵加燻魚和一杯豆漿。酸辣湯很足料，有筍、冬菇、豬肚、豆腐乾、木耳.......酸辣度適中，不過我愛吃醋，所以另加幾滴黑醋更醒胃。麵底則是我愛的上海麵，不會很黏。而燻魚亦很好吃，甜甜的，只需$8一塊。另外豆漿只需$3一杯，今時今日香港哪有食店可以賣到這個價？！

食左多年，都仍會久不久就想食這間舖番一碗酸辣湯韮菜餃，味道好，而且足料，豬肚係我最想食到的，一些異味也沒有，一碗4隻餃，唔係大食都好夠雖然有時餃子皮接駁位厚有少少唔熟的情況，但我都仍然久不久就想食一次另外，唔可以唔提佢的薰魚，好入味又好大件，又唔會炸到魚乾硬哂咁，所以深得我媽喜愛但好似數量有限，薰魚無散叫，一定要跟麵/飯才可以叫，所以唔可以隨便買來加餸咁耐以來，我未試過坐底食，次次都係外賣，而且有時會自攜盒去買，侍應姐姐都會幫我地入得好好，以免有漏，所以街坊服務ok㗎

已經係街坊客，其實都再三提醒要米線，佢同我比麵，拎麵個時已經問係咪米線？佢好爽快咁答我：係番到去撈一撈，係麵黎既…無奈，打落去換侍應：你撈左既麵就唔洗拎落黎，拎落黎都冇用，淨係落黎拎番米線啦～～～我心霖未撈既話唔係霖住重用掛？咁好啦拎番米線以為有得食，咬落去硬既，再打落去講，佢叫我落去比佢煮軟佢，我：其實冇心換既可以話唔得，咁其實係咪玩街坊？做生意咁做既真係冇野講。其實先前已經試過比漏牛又要落街拎，下下叫你呢間外賣都出事既，真係…想講粗口，係咪好得閒先，食個麵要我又上又落

趁好天去龍脊行山終點到柴灣記起年幾前食過的上海美食决定再去嘗味價錢平三十幾元就有一碗麵／餃子呢個價錢係巿區食到咩同老媽子都食酸辣湯不同的係一個食麵一個食餃子酸辣湯大大碗好足料有豆腐，木耳，雞肉，冬菇等等湯杰身 酸味比辣味重少少麵身 較軟但口感不錯餃子 韭菜水餃 一共4大隻菜同肉比例相若 餃皮比較厚餃子本身調味不多配酸辣湯食剛好店鋪細小 堂食的話只有店內一張摺枱和店外另一張摺枱本身對上海食物無咩認識但的確價錢平又好食進食期間亦見好多街坊幫趁必會再來 推薦

每次幫襯都係叫呢碗酸辣米粉，勁足料亦夠酸又夠辣，下午茶時段加一蚊有豆漿，都係三十蚊。因為呢間餐廳令我愛Password要有數字加英文上酸辣湯，亦多左試其他大大小小既上海店，點知味道跟稀水一樣，超失望。Password要有數字加英文所以我未試過既真係要黎食呢碗酸辣湯，可加餃子，米粉，米線。間鋪係露天無冷氣，怕熱可以行入旁邊間天天茶餐廳食。

有做街坊生意的舖頭在附近是一種幸福，因為價廉物美在今天愈來愈少，遇上了，要多點去。這小店得兩張枱，一張坐街邊，一張在舖入面，舖面極細，賣的是上海麵、點心。甚麼也不想，點了一碗雪菜肉絲麵，只賣$25，負責煮麵的是一位婆婆，只見她收到柯打後，快快手手，不消三分鐘，麵已經預備好。上海麵當然是一早煮好的，白色，幼幼的那種上海麵，十分正宗，麵質有點腍，但還可以。雪菜肉絲用了新鮮的雪菜，份量十分之多，味道不錯，甜鹹得宜，沒有味精，幾乎是這幾年來，吃過比較好食的。二十五蚊，還可以吃到有質素的食物，要多去。

今早要到東區醫院覆診，於是決定順個靚便係柴灣食lunch平時都少黎呢邊，都唔知有咩好野食，所以就上左openrice搜尋下有咩好野食。無意間比我發現左呢間上海美食~餐廳格局簡單而食物總類都不算多我點了碗紅燒豬扒麵，追加了榨菜肉絲。面的份量算大而榨菜肉絲的份量也很多。豬扒也很大件，肉汁也很多。除此之外，還加了$3買了杯凍豆漿。豆漿略為細杯。食飽埋單都係$34,抵！ 

再一次嚟食…又係酸辣湯，今次係雲吞…酸辣湯依舊…夠酸夠辣…又夠料…正…雲吞…就普通雲吞囉…是餐共$27(其中$3豆漿)見同檯的叫咗…牛麵…嘩…有8塊牛…只係$26…下次要試吓…出面其他店都可能只有4塊咋…又見其他叫牛腩，又係好多舊…唔似出面只有幾小舊…推薦啊…

自從擴充埋隔離間茶餐廳都未再食過，星期六晏就都唔算太多人，見左淨雲吞同水餃各一，每碗有八粒，雲吞係白菜豬肉，水餃係韮菜豬肉，兩者個皮都好好好好好厚，明明雲吞正常既都係薄過餃，除左個皮太厚之外，個味精湯底都好鹹，雲吞同餃個料都ok可以接受，$20咁平係差唔多。

係，無錯，呢度嘅酸辣湯係全港最好嘅，正終平、靚、正。我係湯怪，呢十多年嚟飲遍港、九、新界，什麼三六九、王家沙等等等等，大大小小上海店嘅酸辣湯後均感到失望及失落，唔係只有酸無辣，就係只有辣無酸；一係兩種味衰到都無添...到我十年前食過呢度嘅酸辣湯之後，我喺其他嘅上海食店再唔會點酸辣湯。我就好似吸毒上懚一樣，無論夏天定凍天，一諗起就想食。佢嘅酸辣湯係橙橙地色，唔似出面食開嘅「黑忟忟」及「傑達達」，酸、辣味平均，誰搶不到誰的鏡頭，湯料好豐富，有豆腐絲、木耳絲、肉絲、東菇絲，而料量亦恰到好處，再加埋新鮮香甜嘅九菜雲吞 (酸辣湯雲吞$23)，大大碗好滿足呀！！ 而家講起都好想整碗嘆下，可惜佢九點幾十點就收檔...其他上海麵、菜飯、薰魚都好好食，下午茶仲送豆漿添，係地踎啲，但味道好，價錢比其他平兩三成，你食唔食嘞？

今日心思思想食番當年返學時最中意食既上海美食,價錢$32蚊大大碗酸辣湯米粉,仲有杯豆漿,[$32蚊已包豆漿價錢同埋加底]之前番學著住校服杯豆漿系送既,而家就要加3蚊,都OK啦吾算貴~我個人比較中意拎番屋企食,因為間鋪好細吾想次次都要坐街邊食...叫外賣個陣個阿姐好好禮貌甘問我要咩,整好之後又好好禮貌甘第比我感覺好幸福丫番到屋企打開左仲超熱架@@!D味道仲系KEEP得好好,又吾會太辣,D湯濃度岩岩好~食完又吾會好口渴,系抵我甘中意食既~呵呵下次經過呢邊一定會再食!!