歇腳亭 (Closed)

今日好熱，到呢間Sharetea剛開張就諗住去叫杯野飲我一入到去店員就同我打招呼就叫左杯起司奶蓋綠茶，7分甜，大杯幫我同事叫埋一杯台灣珍珠奶茶，大杯可能店員見到我有隻手拎住野主動幫我用膠袋放起2杯野飲好細心店員態度好好下次會再黎買

今日行開出尖沙咀辦年貨，見到有間野，有人排下隊咁，望望原來係歇腳亭。咁岩又口渴，就湊下熱鬧嗌杯珍珠奶茶。 正當我諗緊熱定凍時，見到台面上面有張咩手作野，心諗咩手作野咁巴閉。 嘩，係 芋圓 同 地瓜圓 ！然後就即刻揀左杯熱既珍珠奶茶，各加一份！一份都不過係加5蚊。出去食都要廿幾三十蚊碗，仲要超飽。我又無咁大個胃食咁大兜，所以加落杯野到，可以行住飲，又暖胃。 都等左5-6分鐘，可能人多啦，不過杯野摸上手就真係熱辣辣既。先去圖：個妹妹就好貼心咁俾枝匙羮我，話驚啜唔到d芋圓。又叫我小心熱，都幾窩心既。十幾蚊貨仔，出奇地態度不錯，又有笑容搭夠。味道上都不令人失望，奶茶夠濃唔會淡某某，珍珠、芋圓、地瓜圓都好煙靱，軟林林又有𡁻口，仲要杯野係仲係熱既。好重要我想講多次，杯野俾我搞完一輪，又開蓋，又bud野上黎食，都仲係熱既。唔係暖咁簡單。因為天氣凍，有時好怕摸兩摸杯野凍左。凍左杯野又甜，入面既料又結攤攤，凍哂一舊。所以， 我覺得最滿意就係佢夠熱。（好似講左4次） 順帶一提，間野十分乾淨。可能地方寬闊，佢又唔係好多人好亂咁樣啦，望入去間鋪係我so far見過最乾淨既歇腳亭，非常齊整。 下次想試佢杯咩野手

中午食完飯，午餐沒有飲品，同埋最近天氣又凍凍地，行到k11 附近，便諗住去買杯熱飲暖下，見到新開歇腳亨，可能新開關係，無乜人排隊，立即去睇下有咩熱飲，職員同我講新開張一個月，跟著好熱心介紹左有邊幾款熱飲，最後我唔要珍珠，揀左熱紅豆奶茶。紅豆奶茶唔算甜，而杯底紅豆都好多，又煮得好淋，粒粒紅豆都好粉，攪勻杯底d 紅豆，用飲管都一樣可以飲到d 紅豆，最重要杯奶茶攞到返公司都仲係熱，宜家又可以多個選擇買到台灣飲品。

最近發現加拿芬道新開左sharetea，係隔離買完熱辣辣薯條梗係要飲翻杯野，每次我飲ge都係冬瓜檸檬，今次飮樂活水果茶，而爸爸就飲冬瓜檸檬（真係兩父女）。兩杯都少冰少甜。冬瓜檸檬一如既往好飲。雖然唔係咁多人欣賞佢個炒米味咁，但我就鐘情於個個酸酸地又有淡淡冬瓜茶味ge感覺，尤其係夏天，勁消暑！比起冬瓜茶，又無咁甜，止到我對台灣ge思念。樂活水果茶有驚喜，底部有百香果籽，浮面ge係橙肉。攪勻佢岩岩好，唔太甜，飮落去幾清新，之後茶味會慢慢滲出黎，幾正。呢條街完全可以餵飽個零食胃啊！