新沙雀桌球聯誼城

Open Now

Now Closed

拎嘢食又近，洗手間又方便，地鐵站行過去又近，價錢又平，👍🏽👍🏽性價比又高，消下嘢食又可以打下牌篤下波，啲員工服務態度又好友善，地方環境又夠大，公司搞大型bbq 完全無問題！👍🏽

疫情後，終於重開！食物比之前好！幾年前去，食物很差，今次喜出望外！地點方便，唯價錢高了一點，但不用長途跋涉去BBQ，是市區BBQ一個好選擇！整潔！推介，雞扒、雞翼，好好味！可自帶海鮮！由於未有酒牌，可自行帶酒類！

原本諗著近近地係沙田燒野食 點知去到問聖誕節都仲未恢復番個露天燒烤 問個阿姐就話原來唔夠人手去做燒烤部 難得咁近新城市唔洗坐咁耐車都可以食燒烤。 咁就冇左個選擇 十分可惜

方便，市區燒烤場但地方小，四邊都有牆圍住比較熱服務員態度正常，親切，無客時會同你傾計😂😂市區燒烤場唔係好多，絕對貪方便之選，地方比較細同埋四面係牆，無咩風係會熱🔥啲，隔離係娛樂場所同食晚飯既地方，可以自費打麻雀或者打桌球。如果唔怕煙味🚬無人晚飯時可以入去有冷氣地方休息下。食物方面同一般燒烤場一樣，比較特別既有魚柳，原條魚，雞軟骨，蕃茄，魷魚乾，大大隻冬菇，司華力腸同一般既青口。肉就醃得唔係好入味，不過有提供辣豉油，仲免費提供一個燒烤網可以夾住雞軟骨和魚黎燒。建議自己帶蜜糖，蜜糖比較淡。只提供一罐飲品，一定唔夠。不過買都係10元一罐唔係太貴。#新沙雀桌球聯誼城#沙田#BBQ#市區燒烤店如果鐘意我既介紹就like 同share我個post 啦！🙏🏻🙏🏻

地點方便，沙田火車站行過黎約10 分鐘，其實喺桌球麻雀會入面，所以有d 集。$158一個人，算平。食物有基本野，冇多春魚，以呢個價錢都算係咁。因為方便大家所以黎左呢度燒。

朋友唔講都唔知呢度有間露天燒烤場娛樂城搭lift五樓 首先要經過桌球場 再經過雀會 先出到露天場地 七八十年代裝修無變過 充滿懷舊氣息 七點幾到 只有一枱兩個人燒緊嘢食 場內叔叔即場幫我地開爐 食物餐具要入番室內攞 另外每人一張飲品卷 啤酒佢話無牌但可以幫我地 但只有嘉士伯細罐裝$96一打 有凍桶裝著 食物基本野有齊 最特別是有魷魚乾 送酒水一流 餐具齊全 但得紙碟 所以要分幾次攞食物戲肉來了 首先第一下感覺食物排列整齊 但睇落好似雪左好耐 算吧 睇嘢唔可以睇表面 一場黎到 點都攞啲試下既 黑椒鷄全翼 得幾粒黑椒响面 未完全解凍 燒熟後完全無味 辣鷄翼頗為最正常 丸類 只敢試：龍蝦丸 貢丸 獅子狗卷 紅腸 可惜一律雪到無晒味🤢簡直挑戰味覺底線唯一令人安慰係厠所好乾淨 服務都不錯 完

上年1月黎燒, 今年1月又再黎燒~ 牛丸 - 彈牙 魚旦 - 勁細粒, 唔彈牙 魚柳 - 幾嫩 茄子 - 好有木既味, 好奇怪 白麵包 - 幾軟綿綿, 所以好易穿爛 司華力腸 - 頗為咸, 一舊已經夠晒 雞翼 - 普普通通啦

自入夏後很久沒燒烤，這天雖三十二度，仍決定痴線地走來BBQ﹗每人$138入場，二人開爐加多$30，啤酒$15支買6送1﹗與兩年前來的價錢一樣無變。32度，全場只得我與對面一對情侶，場面冷清。食物依舊整齊，應有則有，雞翼、牛扒、豬扒、丸類、腸類、魚柳、蔬菜及麵包等一應俱全，食物醃味也不錯。特別推介是烤乾魷魚，送啤酒很美味﹗太熱了，食左個半鐘已無胃口，這些天氣還是好好待在家比較好﹗

朋友話之前試過話不錯，一行四人去試吓。食物：－我試了司華力腸、芝士腸、牛丸、紅腸、燒賣、獅子狗卷、青瓜、雞翼、牛油方飽、腸仔都無特別，只有魷魚超級鹹。飲品：-只包一罐飲品，一定唔夠啦，所以另加了三支雪梨茶及一支清水服務：-除了付款及開爐，全程自助價錢：－每人118元，四位或以下要另加開爐費40元，另加飲品37元，合共549元，每人大約137元環境：-距離火車站大約行十五分鐘便到，十分方便

不知什麼神推鬼擁的關係，竟然給我地發現了沙田原來有得燒野食﹗地點在從來也沒有去過的津津娛樂城頂樓。如井底蛙的我成日心諗，呢個娛樂城又桑拿又波樓，唔方好野，點知來到，原來地下有間極新穎的大機鋪，人潮如鯽，才知這兒是個好地方﹗來了頂樓的桌球城，明明係波樓，但行出天井位別有洞天，好一個露天的燒烤場，座位不多，爐大約十五至二十隻左右，尚算企理。入場即要俾$108，再加$30開爐費，任食燒烤場來說當然偏貴，但竟然唔洗入到無雷公咁遠既屯門元朗等地bbq，計埋車費慳番，$150位都殺佢﹗食物種類不少，正常的扒類丸類粟米等一應俱全，還有已包好的牛油蒜泥金菇，味道不過不失，勝在整齊亦衛生。最難得的是有我最愛既乾魷魚，烤一烤香氣撲鼻，送啤酒一流，我很滿意﹗啤酒偏貴，嘉士伯$90半打送一罐，食物可自攜但飲品卻不能，一貫燒烤場規矩﹗那麼就近當然會再來，入冬想燒烤的好去處﹗

燒烤癮起，剛搬來沙田，元朗嫌遠，西貢又嫌貴，上來OPENRICE搜查，得知沙田只有呢度有得燒烤。2個傻人就決定係夏日炎炎既天氣走去BB蕉6:30PM左右來到，全場無人，店員見到有人來燒烤，都好似打左個突咁，因為話就話6PM開始有得燒,但我地去到個場連同食物都未準備好。可能佢見大熱天時，都照計無人來燒，所以連場都費時擺。店員都話下次如果訂左位先來就好D!上到五樓穿過桌球會再經過麻雀房，到達天台花園............去到係1個人都無?!原來我地係今晚第一個客人，真係佩服自己為為食而付出既能耐!望住店員將食物一盤盤拿出來，磨拳擦掌....拿住一隻好薄既紙碟全力衝刺，司華力腸、墨丸、魚柳、雞翼....野飲就得一罐，少得可憐2個傻人一直燒，燒到差唔多8PM先有第2檯客來，到我地走既時候，加埋我地，都只係得2檯客,真係要做蝕本生意總括來講，食物算有質素，價錢除左開爐費比較貴D之外，都算合理。野飲少D，得一支，連水都無，但都算係就腳，廁所又比其他燒烤場既乾淨好多，燒到熱又可以入去涼冷氣...冬天應該會帶同沙田友再來.....

為了慶祝一下囡囡考完試,星期六晚約了Blog友,八大兩小的去呢度試吓BBQ,這兒平日成人每位$88,小童$58,兩位成人可免費帶一位90cm以下小童入場,身高120cm或以上的小童則以成人收費計算~ 星期六,日及公眾假期,成人$108,小童及長者$58,沒加一,飲品只包一罐汽水,再飲的話,每罐$6-10元~ 食物種類都唔少,而且,好衛生,連烤魷魚都有,仲有埋燒烤夾比您用,牛扒都好好食,只是......要有心理準備,呢度係全自助形式的,包括埋起爐~~~ 仲有,呢個場好細,爐與爐之間太近,所以,即使當晚有少少風的天氣,也感到好熱,但...食物都唔錯,都可以再來既,不過,一定係冬天,夏天就咪搞我了~~

第一次上去~紅日~預左多人~bbq的人久久不散~而且香味濃~下次要試試在沙田天台bbq的感覺先今次係來玩~但因未食飯~西炒飯~奶醬多~奶茶全部都合格有餘!!!新鮮熱辣~而且西炒飯都係$30 姐~ok wo~~玩之餘唔洗食樹皮~很不錯~