石磨坊 (Closed)

之前粉嶺果間竟然執左SOSAD，今次經過MK竟然見到有返!!好開心，咁我地當然入左去石磨坊不嬲都好食開，今次都係叫左芒果綿綿冰，佢D配料有D得自己揀，例如粟米片、火龍果、芒果、朱古力碎等，我就叫左芒果同火龍果。依舊同粉嶺果間一樣，好凍既冰，但食得好舒服，D芒果好甜，D配料都好MATCH，感覺一流。但我FD就食到好似中左伏咁，佢叫左個紅豆泥撈，話好似食緊X咁，我唔敢試@@BUT石磨坊D芒果甜品係抵讚!

參加完一個聚會後，在下與友人在花園街排檔和金魚街閒逛，之後就找地方歇歇腳。咱們商討後，就到附近的甜品店落腳。曾經到訪過石磨坊的豉油街分店，今趟走來西洋菜街分店，一來就腳，二來可以快快的坐下來。看看餐牌，有不少甜品，不過咱們三個人只選了兩個來吃吧。自製石磨坊撈河。不知道何年何月有甜品撈河？不過既然有了，就一於少理。河粉有著奶油和桂花香，也有芒果在裡面。話實河粉都幾滑的，不過河粉就幾甜，可能在下現在少吃甜吧。芒果都幾香和清甜，幸好是果糖，不然的話在下也少吃為妙。雪白甜如筒。外形就像是芝麻卷一樣，圓條形狀，外層是與河粉同一材料，加上芝麻和奶油。吃下時外層煙靭香富芝麻香味，內裡的豆蓉猶如紅豆沙之種的口感，粒粒起沙般，不是那般幼滑。然而在下對於甜品，卻是美味，但又不可吃得太多吧。

參加完Openrice Focus Group 後便相約食友轉場吃甜品去，石磨坊是價廉物美的甜品代表，路過此地我們又豈能不進去吃一吃！？ 自家石磨坊撈河 $38 … 是大碗的河粉份量，河粉爽口滑溜，帶少許奶油味，依靠桂花糖漿作調味，不過味道稍甜，撒上白芝麻及加入新鮮香甜芒果肉，味道更美！ 雪白甜如筒 $32 … 外層是與河粉一樣的爽口奶油筒，再裹入不太甜的紅豆茸，撒上白芝麻及花奶作調味，整體感覺 so ~ so !就這樣便 $70 了 (－ｏ⌒)

與友相聚，韓燒飲飽食醉之後油膩不堪，各人提議出不同的解決方法，我就話去食冰……石磨坊出名的刨冰，大大的一碗包保涼透心椰香哈蜜瓜刨冰撈 $26足足比我手掌還要大，三角錐的碎粗冰裏注入了椰漿與糖漿，旁邊排了6粒有果甜的哈蜜瓜丸，底下還有幾粒涼粉，幫忙舒緩咬冰以致牙關震效果😨！椰香西瓜涼粉 $26結構上與上邊的刨冰相似，只是涼粉有半碗份兼且今次少量的就只是粗碎冰，同樣是椰漿及糖漿調味！ 西瓜粒又甜又起沙！食店空間大，冷氣強，只是存在著一股奇異又刺鼻的氣味，久久也不能散！

今日好多朋友一齊去食飯之後當然要食埋糖水先係完美既結局,我自己就食左依個芒果涼粉,如果天氣熱食依個真係一流,涼粉還面有少少沙冰,一黎到個下真係嚇親我,D芒果粒比出面既大到好鬼誇張,好似已經有成個芒果係到,而且D芒果夠新鮮,又甜又多汁,之後仲有D芒果汁加埋少少花奶,好好味,係個底到係有涼粉既,超大份呀,好彩同朋友SHARE,唔係一定食唔哂。之後就係朋友揀依個焗芋頭西米布甸,依個聽個名就覺得好吸引喇,因為我都幾鍾意食依個,話明係焗,當然要等番幾十分鐘咁既時間,焗完出黎真係幾靚,出面既西米粒焗到好似金黃色,一悶一閃咁真係睇到都想食,面頭個層都幾好食,第一啖就已經食到入面已好香芋蓉,糊狀既芋蓉都食到好棉,有好香既芋頭味,一熱一凍,好正,不過依個好飽肚。 

一班朋友在附近吃過晚餐之後，意猶未盡，決定吃完甜品才各自歸家，最終來到這間「石磨坊」吃甜品。一行多人，各有所愛，各取所需，百花齊放，而我的選擇是「椰香紅豆泥撈」。這以紅豆泥為主要材料的甜品，中間是款得高高，成尖錐狀的幼細冰粒，圍著冰錐的則是呈暗紫紅色的紅豆泥和少許黑色的涼粉。紅豆泥入口幼滑，味道甜而不膩，椰香只有一點點，味道不算很好，都過得去啦！

在旺角吃完正餐的晚餐後我和老婆仔在花園街逛了一會最近忙碌的工作老婆仔已經很久沒有行街購物了所以在花園街這個相對物價較低的地方看到喜愛的東西便亳不猶疑買了把愉悅延續, 我們又邊走邊找糖水店原來旺角的另一邊也有一間石磨坊我要了20元的蛋白燉鮮奶老婆仔就選了23元的合桃糊+杏仁糊沒想到這裡的蛋白燉鮮奶也竟然這麼好吃甜味適中很滑很軟, 但也不會有塌下來的現像吃起來也沒有飽飽濟濟的感覺而且份量也剛剛好我吃完之後就剛剛好飽了是意料之外的美味至於合桃糊+杏仁糊老婆仔認為也不錯我也嚐了一口只是認為合桃糊的味道太重了完全蓋過了杏仁糊不過也算是不錯的選擇重點是老婆仔說它養顏所以味道也是其次不過不知為何整個店的冷氣開得很大逼著我們點熱食但冷氣再大, 我們只是靠得愈近

食飽飽,外賣糖水食下~~天氣凍, 叫左熱既焦糖鮮奶燉蛋, 今日比較多人, 所以都等左一陣先有燉蛋外表幾靚, 好濃蛋味, 甜度可以接受~蛋就唔係太滑, overall都算係咁

最近成日都去哩間到食甜品因為真係幾好味的.最近哩兩次都係食刨冰好大碗啊^^兩個人食都夠的超好味啊 見到都超開心啊!!有好多生果(芒果 西瓜 哈蜜瓜)仲有涼粉伴底食刨冰仲可以食到三種味的(芒果味 西瓜味)+仲會淋上椰汁的好正 值得推介!!

夜晚經過呢度就外賣試下d dessert先，見到有個薯蓉西米布甸就買左。薯蓉西米布甸有d失望，薯蓉少而且無咩薯仔味，西米太腍完全唔chewy，布甸唔夠滑，custard 同蛋香都唔太夠，唔對路。

我都有睇過呢間嘅食評，笑臉唔係太多，但幾開果頭，，有嘢要做，就搵間就腳嘅地方食甜品。今次有三個人食，所以叫咗4個甜品，得1個係令我覺得難食，其他都可以接受，但有1個都覺得係幾好味焗芋頭西米布丁 ，布丁裏面係好香嘅芋豆蓉同西米，外層好似比火槍燒過咁，所以外層會比較實，但內裏係好軟，一齊食口感好特別奶黄蛋白燉鮮奶，中間係有奶黃，而燉蛋白部分都好滑，味道唔會太甜，我就覺得呢個甜品無嘜特別，只係多咗一d奶黃蓉夾埋一齊食 西瓜河粉，算係ok嘅食物，叫呢個最保險芒果黑糯米芝麻卷,芒果好酸,芒果同黑糯米唔夾,夾埋一齊真係好難食

路過太子見行街行到有啲攰就地揾到間甜品店入去“歎世界”甜品選擇來來去去都系呢幾樣叫咗件 芒果雙圓雙圓系指芋圓同埋薯圓賣相真的非常倒胃口吧有芒果肉不太酸有沙冰（？？）很是奇怪芋圓同埋薯圓數埋唔夠六粒太少之餘咬勁也不太足絕對不是誠意之作加上椰汁都只是得個香味味道也偏向太甜有點失望本來系想食芋圓結果得幾粒最後買單就要$25

個人挺喜歡石磨坊，甜品選擇多、有創意，亦有質素。這次與朋友分別點了香濃芝心薯及凍南北杏木瓜雪耳糖水。香濃芝心薯是蕃薯蓉，內裏打了一些芝士，面層亦略烘一層薄芝士；芝士挺香，與蕃薯蓉配搭亦適合，蕃薯蓉做得軟，有醬料的質感，不錯。凍南北杏木瓜雪耳糖水清涼不冰，甜味得宜，材料入味。有機會再試其他的。

回顧我多篇食評, 好少提及甜品. 可能晚餐都太過豐富連甜品都吃不到便返歸. 希望之後有多d甜品屋食評.這晚太早晚飯, 開完會已晚上8點, 於是同友人去了花園街附近找糖水舖. 本身想搵d新開店, 最後都係故地重遊, 對腳不自覺地行入石磨坊. 時間踫巧是晚餐時間, 但已經有人同我們一樣, 開始吃甜品了.裝修十年不變, 海藍色為主的牆身, 枱椅, 便是石磨坊的特色. 芒果涼粉一客透心涼的沙冰涼粉系列, 我選了價錢較貴的芒果做底. 芒果粒大得有點誇張, 鮮甜多汁, 極新鮮!之後是淋上鮮芒果榨汁溝花奶, 清香, 又覺得好健康.底層是有份量的冰凍涼粉, 因為盛載器皿能保住新鮮同冰凍, 整個一流, 冇得彈~ 焗芋頭西米布甸這個看起來很複雜做起來很簡單的熱食布甸老公很喜歡, 可惜我未的起心肝學...~因為即點即做, 等待時間15分鐘.焗爐關係, 外皮的西米粒焗成金黃色, 我想餅廚是有用火槍噴過.第二口挖到入面已變成糊狀的芋頭蓉, 好香芋頭味, 不過都好易飽肚.味道會因為份量不足開始掛念

7.10.2012去完一個大學團契姊妹的婚宴之後, 我就被幾個很久不見的弟兄姊妹拉去吃糖水, 繼續傾計. 在這個星期日的晚上十一時多的時份, 幸運地, 我們一行六人不用等位. 不過, 這裡燈光很微弱, 如果要看餐牌或影相就不太方便了. 大家都是點些滋潤的糖水來潤喉, 而我就點了一碗熱的合桃糊. $20的合桃糊, 比我想像中大碗. 雖然合桃糊裡沒有大大粒合桃肉, 但裡面仍然有大量細細碎碎的合桃蓉或浮或沈的在糖水之中. 合桃蓉質感不算十分諧口, 不過咬著也挻有口感. 而合桃糊不太杰身, 甜度也適中, 夠熱, 算是達到滋潤喉嚨的效果.期待下次可以再與弟兄姊妹相聚傾計, 因為和你們傾計是最開心, 最無憂無慮的.