嫦記 (Closed)

星期五晚一行三人往嫦記一試味道叫咗明太子雞亦味道略咸, 上湯油鹽蜆有好多沙真係失望, 金沙椰茶幾好食同特別, 蝦醬蒸豬頸肉味道還可以, 一碟豉油皇炒面睇得出廚房大哥用心落好多油去炒, 叫咗三罐可樂消費共$284 ,之前聼人講此店好食特往一試有點失望

尋晚同家人一齊食飯, 之前一日留枱, 仲留埋2碗翅, 菜膽翅+雞湯翅, 其實我同家人共5個人, 我阿姨實在太鍾意食翅, 所以誇張到叫左2個, 2隻翅都好味, 雞湯翅就濃味d, 又甜d, 水準不錯。除左翅外, 我地仲叫左:魚湯菜- 好味, 雖然d菜唔係好靚, 但係d魚湯好味, 同魚翅d湯有得揮garlic 介菜膽- 冇得傾, 本人鍾意的菜, 好味水晶雞- 幾好味呀, 但係少少咸, 送飯應該不錯豉召炒蜆- 好正呀, 味道好濃, 而且d 蜆好大隻, 好正呀, 完全食完有少少覺得唔夠喉食完成餐, 我家人都覺得水準係進步左, 因為成年前黎食係覺得d 翅正, 其他一般, 但係今次就樣樣都好食!值得一讚的是嫦記有個伙記叔叔都幾生鬼, 幾nice~

近期天氣炎熱,真係唔想煮飯,同朋友見識明星大排檔,先叫左黃金虾,係要逐両計再加十蚊配料費,結果成百元先得六隻,真係好貴,味道幾好但唔夠脆口,明太子雞翼係釀入虾膠同明太子,唔係現貨,味道同一般汁燒雞翼差不多,找不到明太子同明太子獨有嘅棘味,敗筆.魚湯菜胆個湯好濃好好味但份量太小.蟮卷就好正.風沙雞隻雞好脆又有味,加埋成隻雞面Ｄ蒜溶又脆又香好正,不過隻雞真係好細,略比春雞大小小啫.總括味道可以,但份量小以致價錢好貴,隻隻餸都六七＋蚊up.另有魚翅包魚食,但食唔起,.真係要留番比明星食先得.最後食完去洗手間,但男廁竟閂左门,街市下面又閂左門,攪到要輪好耐傷殘洗手間,市政真大大失敗

一行七人，係附近探完朋友，七點左右，順道去嫦記食個晚飯，唔知係咪因為無叫翅，鮑魚之類菜式，伙計態度冷淡，叫咗六碟小菜，三吹四請，等咗一個小時，先上咗四個小菜，問伙計炸豆腐點解咁耐都未得，佢話炸緊，再等十五分鐘之後，答案都係炸緊，心諗炸豆腐都要咁耐，唔係啩，好神奇！雖然已經一肚氣，不過最後唯有食咗四碟小菜走人，再去街市對面間麵舖繼續搵食！食物一般，跟對上一次食差咗（可能心情影響喇）！想食翅先好去！

嫦記-有魚翅食的冷氣大排檔5月30日星期三的晚上，約了朋友去黃泥涌市政大廈的嫦記食飯，這裡是明星飯堂，好多明星都係呢度食過，我們都點了一些出名的菜式：雞炖翅：一大煲$280的雞炖翅，真材實料，沒有添加味精，湯很清甜，翅亦很多，4個人都還有多呢！ 花枝小棠花：內有清新的小棠花，有咬口的花枝，混在一團香煎，外脆內鮮，亦得推介！ 黃金蝦：新鮮，蝦都算大隻，爽口彈牙，咸蛋亦令蝦很入味，不過$100先得10隻左右有點兒偏貴。 砵酒焗生豪：好入味，爆香後的豪，外表香口，內裡嫩滑多汁，有的10多隻，都好抵食，洋蔥亦很惹味！ 蒜子上湯浸白菜：新鮮青綠的蔬菜。 風沙雞：很期待的半隻雞，等了差不多半小時，有一點點失望呢！一來比較細隻，$80半隻亦不平宜呢！極多的香蒜企圖暪著沒有鮮味的事實！過熟的雞肉踢走了嫩滑的質感，香脆的外皮只是風沙雞的指定動作呢！ 手抓骨：值得推介！外表香口而有醬汁，內裡的肉亦有豐富的肉汁！雖然之前漏了單，但這額外的15分鐘也值得等的！結賬共$721，平均每人$180，不算平，不過大排檔食翅，小弟卻是第一次！更多的相片請參考：http://hk.myblog.yahoo.

有晚去跑馬地探訪親戚，他們帶了我去街市食，我以為又是銖記，但原來是隔鄰的嫦記。我們隨便叫了幾個小菜、兩盅翅和汽水。他們的翅比銖記用料豐富，可一過口癮。小菜就比較失色，鉢酒牛柳完全食不出有酒味、肉質普通；蒸蛋嘅蝦米硬如蝦乾、難以下嚥；煎鱈魚則皮肉不分，甚難分割。不過其實講真，正如親戚所言，其實銖記和嫦記的選擇、味道和價錢都差不多，如果單從桌上的食物根本看不出分別。

打ball前食飯，第一次係跑馬地搵野食，去左打ball隔離既熟食中心，上到去，有2間係咁sell，就係嫦記同姝記，見佢d送好似幾特別，於是選擇左嫦記，仲叫左我最鐘意既焗蠔，椒鹽鮮魷就係佢叫既，不過2者我都覺得好好味，好惹味，但佢就唔多欣賞。佢話個蠔個炸粉太厚，但我又唔係好覺，而椒鹽鮮魷我覺得點埋個汁真係very good！

以大排檔既質素, 算係很唔錯~去到跑馬地街市, 8點幾銖記同嫦記都眾滿人等位, 銖記都通常都多人等o的, 不過今次食嫦記都幾好食!叫左各1盅菜膽翅同雞燉翅, 個人覺得雞燉翅好食少少~ 見到o的翅一梳梳咁, o係大排檔食, 算係唔錯辣酒煮花螺: 份量雖唔太多, 味道唔錯, 叫左中辣~真係幾辣架~ 好香酒味風沙雞半隻: 炸蒜蓉配炸子雞, 皮脆肉滑~ok呀爆醬蝦丸拼脆鱔球: 蝦丸內有芝士, 幾濃郁, 不過就略微太細粒~唔夠吸引;鱔球釀有饀料, 鱔肉唔太多, 不過整個配合2者皆可以嘗試到都幾好再叫左蒜容粉絲蒸茄子~ ok呀~ 再加埋幾支汽水~ 下次會再黎

有些地區的街市食肆很有名，好像北角的東寶，石塘咀的成記，而跑馬地就有銖記和嫦記。今晚我和朋友試了嫦記。環境在街市中算是很不錯，有冷氣，不過就迫了點。在門口會有人問你去銖記還是嫦記，告訴他們後，他們便會帶你到相應的枱那兒，我相信他們是用膠枱布的顏色來劃分的。餐牌的食物都很吸引，海鮮是時價的，不想太貴所以沒有點，點了炒鮮奶、黑椒牛仔骨、脆皮乳鴿。炒鮮奶很香滑，牛仔骨剛剛好，味道適中，至於乳鴿都好好味。三個餸都很有水準。

上週日(19.11.2006)一行9人來光顧，發覺水準明顯下降。一：點了10只蒸扇貝，當中有兩只只有港幣1元的面積，但逐只計錢！二：面豉唐生菜，有酸味，換過一碟蒜蓉豆苗，一樣有酸味！我已幫襯過十多次，但現在這樣的水準值得我們開車泊車給隧道費來吃嗎？No way!!!

早幾日約了朋友出來食飯，見也有一段日子沒有來過這裡食，便再來試試。最喜歡這裡的菜膽翅，$68一盅，真材實料，貨真對版，每次來都要試試。另叫了炸鱔球、油鹽水蜆、炸田雞和蒜茸菠菜！炸鱔球- 外脆內鮮，但茨汁比較濃，而且都幾油，一人一舊就已經很夠了。油鹽水蜆- 蜆肉唔得靚，可能係唔夠新鮮，而且都幾多係只有殼沒有肉的，都幾令人失望。炸田雞- 炸得很脆，田雞肉也很入味，幾好。蒜茸菠菜- 菜新鮮，當然好味，但偏油多，食到底因油太多便不想吃了。食物水準，感覺有點下降了，只有菜膽翅最好味，又抵食。

星期日無無聊聊，兩公婆坐叮叮入跑馬地行個圈。之前無做功課，所以唔知有乜好食，諗住熟食中心會胃口，就上試。中午時分，只得三檔有開：「嫦記」同「銖記」做粉麵飯，「昌記」就做多士、啡茶。我幾肚餓，「嫦記」阿姐又sell得落力，無乜所謂就幫襯「嫦記」。未叫阿姐已經好識做，送兩碗例湯(白菜豬骨湯)俾我，幾好飲，白菜亦好食。佢有$22三飯，不過又唔係趕時間，梗係唔食一早整好喇。於是叫椒鹽骨套餐，包飯同送汽水($30，係大枝裝可樂)，另外加碟星州炒米(又係$30)。即整等一陣至有得食。椒鹽骨用上帶些少肥肉排，咬落幾鬆軟，分量亦唔少，只係稍嫌椒鹽味輕。星州米亦炒得唔差，幾均勻，係嫌佢料少(蝦得幾粒仔)，同埋唔夠辣。熟食中心食$30個午餐唔講得平，不過有水準，招呼又好，食得過喇。

同家人7大2小到這裡晚飯...晚上8 時..超級full house....好大油煙...too bad..個場太多人...侍應根本無暇理你..除了上菜..很多餸會突然間話€估清"...風沙雞都賣光...沙律蝦球..唔掂...好酸價錢是中價酒樓..服務是街邊檔...應該沒有下次

未去前聽到不少好評,到D食物黎到..我地8個人個嘴都變左~(^0^)~英文字母(O字嘴)頭碟炒蜆$55 ~ 蜆殼7成肉3成茶樹姑時疏$58 ~ 4人份量風沙雞半隻$80(如圖) ~ 一人約一兩件腰果牛肉粒約$50 ~ 好粒粒O羅雞燉翅6-8人份量$380 ~ 大排檔有這上價菜確令人唾涎,但質及料就見人見置帶十分希望去,捧百分失望走

舊班子最近和我第二個屋企一樣, 立立亂, 連白皮膚的老細都要逃跑找新目標.碰巧星期五大家有空, 新人舊人就來聚一聚, 順道替舊老細賀一賀.菜式也為舊老細而設, 我雖要戒口也沒法, 要放肆了.第一碟的豉椒炒蜆麻麻地, 好多都冇開口, 味道都是普普通通.沙爹聖子-聖子都幾大條, 吃落都唔算韌.雞燉翅-大大煲, 七個人一人一碗都仲有剩, 分量足, 翅和雞均足料, 味道好.風沙雞-一如以往有水準, 雞皮脆肉唔算乾, garlic 又香口, 我食左幾件. 粉絲扇貝, 辣酒煮花螺我沒有吃, 結帳的時候先知花螺都幾貴, 百多元一碟.蝦子柚皮(pomelo peel)-還真要記下英文, 當晚都唔識點講這味菜用什麼來煮的, 真失禮;柚皮腍腍的蝦子香, 也有水準.腐乳通菜幾惹味, 在舊老細的眼中, 吃得到腐乳(Chinese cheese), 但皮蛋(A thousand year egg)就咪搞了.牛尾煲-牛尾略少肉, 但伴著的紅蘿蔔好鮮甜, 添回不少分數.黃金蝦-水準也甚高, 有咸蛋香, 但個人而言東寶的出品是好一些.煎蠔餅-此店還真"蠔", 小小件已夾著十多粒蠔仔, 不過做法有點像台式煎法, 兩面都