常滿百家菜 (Closed)

 其實星期1-5 的下午茶時段最抵,1:45pm開始!全部大中小點的點心一律$7.8!!而且茶芥又特別平當日星期6去飲,每人茶芥$7~特點要$13.8..小點$7.8 ,中點$9.8我地點了蘿蔔糕~ 味道還不錯,唔算煎到金黃色,厚切的3件~ 精選小菜$25 菠蘿咕嚕肉雖然唔算大碟,但份量真係唔惹少~菠蘿大大粒,有青椒,洋蔥~吃起來味道非常好~甜酸汁的杰身度及味道也是很不錯!!!非常開胃,而且即叫即炒~咕嚕肉卜卜脆的!!   點心拼盤(大點)蝦餃1件,叉燒包1個,千層馬拉糕1件,潮州粉果1件可以滿足食4件點心的慾望! 每次 千層馬拉糕的質素也是很好,每層之間有層甜絲絲的味道,很棒!叉燒包的蜜糖汁很好~甜度適中,叉燒唔會多肥肉!    菠菜餃共3件,餡料的菠菜十分之多!真是十分美味~    特價$27炒粉麵 雞柳炒河但雞柳的份量實在很少..每件又好細粒…而炒河的份量真係很多…所以食左1陣已經感到好飽!質素還不錯的 煎腸粉 即使0係屋村商場的酒樓食o既煎腸粉,也不會這麼差吧?!?!?腸粉只煎了1面,仲要煎得馬馬虎虎的…不好吃~加上腸粉的粉皮成啖粉咁…可惡~粗切的多件….味道很差…毫不像一般腸

今晚本來想同太太去楊屋道買料打鞭佬，奈何整天落雨，加上太太做完「飛素」回來已經五點幾，但係打鞭佬條癮仍在，於是近近地試吓呢間常滿，真係遮都唔駛擔。是晚收費$139，再加$10任飲，但係我地八點前交檯又平返廿蚊，即係同平日價錢一樣。地方唔大，而且幾大排檔FEEL，但係都算乾淨。有兩個大筒，一個放啤酒(森堡加獅威)，一個放汽水(好多款，主要係忌廉同冰紅茶)，另外有架果汁先生機，睇住係原樽倒落去，冇溝水。呢度嘅免費鍋底都幾多架，除左常見嘅清湯、沙爹之外，仲有水煮鍋，而且仲可以雙拼，咁就試吓清湯拼水煮。湯底幾厚，水煮嗰邊撈到好多辣椒同花椒，真係又麻又辣，清湯就普通料。火鍋料選擇比較少，但質素唔錯，肥牛唔係七肥三瘦嗰隻，菜類都算新鮮，係D蝦好細隻。漏單情況唔嚴重。另外每位一件響鈴(OK，不過唔係好GOOD)。驚喜嘅竟然係呢度熟食嘅水準，自取嘅炒菜同炸雞翼，兩樣都暖嘅，雞翼仲好脆口添。至於點心，我地只係試左蝦餃、燒賣、春卷同炸雲吞，蝦餃好多蝦，好爽口，燒賣大大粒，炸雲吞同春卷都好脆，全部都係即叫即做，所以要等耐D。八點前飽晒交檯，慳返廿蚊！

如上次滇園食評所言,這大廈地下的兩個舖位年來轉了又轉,那次吃雲南米線時八卦看看這家常滿百家菜,那時候的常滿只做夜市,午間仍烏燈黑火的還未營業,想光顧也沒辦法;日前午餐時間沙咀道天橋上又有紙仔派,其中一張就是這家常滿百家菜,原來她也開始供應午餐了,單張上寫道午餐除了各款飯麵還包括一款點心和糖水!連甜品也有的午餐看來好吸引,一於找天跟同事來試試。這家常滿的門口一點也不好看,大門側用上平時用作間房的屏風間格,驟眼看來就像酒樓後門般,走進店裡又沒有知客或侍應帶位,最近門口的收銀處也沒有人,兩人走進店裡才被指示需要搭枱,反正只有一小時也沒所謂了;門口有點不好看,反而裡面燈光通明還有樓上一層,不做午市也是浪費,畢竟租金不便宜嘛。 胃口小的同事提議點一個午餐再加點心,肚子有點餓的我也懷疑這份量可以吃飽我嗎?? 不過也沒有異議也幸好沒有異議! 在點心紙中剔了想吃的午餐+點心,另點一個點心拼盤,看看是否足夠吧。一向走任食路線的常滿,午市時也沒有個別茶壺, 一大膠壺的普洱茶放在桌子敬請自便,幸好侍應也不時換上更滿更熱的熱茶,泡出來的總算知道是普洱,而且午市不收茶錢也只好收貨了。看到送到鄰桌的廈門炒米大大堆