上上籤 (Closed)

行過見到$58午餐咁抵食就試吓仲要包汽水，仲有得免費加辣菜圃，有店員招呼唔洗自己攞呢樣攞果樣，有多種付款方法，都幾方便，蔥油撈飯好好味😋雞扒正常、下次唔會叫多飯，食唔晒🥹

同朋友們去呢間小店食晚市串燒同鍋物，覺得佢地幾有Heart，自家製多款特色串燒及調配醬料，而且食材新鮮，醃料及調味亦做得唔錯，必須要推介一下！Menu及其他照片會另外upload～【串燒】- 燒雞皮：雞皮燒得好薄，好似食緊薯片咁！必點！- 燒馬友：第一次食用日式燒嘅方法去燒馬友，就咁食已經好好味！另外沾自家調製嘅醬汁都非常夾！- 燒椰汁糯米飯：食咗呢個燒糯米飯，大家都覺得好驚喜！味道香甜，糯米燒完一啲都唔乾！- 生菜豚肉卷：店家有試過唔同嘅包裹生菜份量得出呢個完美比例，估唔到燒完啲生菜仲係咁脆！- 芫荽豚肉卷：荽控必點，芫荽好爽脆！- 免治雞肉串配蘭王雞蛋：淋上自家製燒汁令味道昇華咗，再加埋蘭王雞蛋不得了！- 燒雞翼：食得出醃製嘅醬料味道唔錯，雞皮燒得香脆，唔需要加任何調味已經好好味！- Wasabi雞肉串：芥末唔算好嗆口，雞肉Juicy！- 勁辣青椒：好似抽獎咁，而我揀中咗條最辣嘅🤣【晚市小食及鍋物】- 涼拌話梅蕃茄仔：除咗蕃茄仔仲有苦瓜，估唔到咁！而且非常入味，話梅亦係小店親自挑選過，啱食仲有零售嘅話梅可以買走！- 日式燒豆腐：正常發揮，習慣表示如果可以再多啲醬汁就好啦！- 豚肉鍋

Lunch經過，原本想食星馬野，無都唔緊要，就試下其他，當捧下場叫左個叉燒炒蛋飯，熱檸茶個飯細都唔緊要，叉燒又細片又薄同埋好多濃晒，個炒蛋又係薄到，同佢D相完全唔同咁既質素+熱飲，收86蚊，仲要寫住鎮店叉燒，真係好大穫

一心想去食大細腳手黑油撈，去到見餐牌無，唔通今日無做？都叫左叉燒蛋撈烏冬同牛肉撈烏冬。叉燒好食，豬肉肉香，偏瘦，啱我口味。牛肉烏冬正常無咩好平價。正式份量偏少，我個小朋友都唔飽，不過佢係可以叫多麵，因為我本身唔知佢有幾大份所以叫正常份量。最後比錢時問點解無大細腳個啲，侍應話已經無做... 唉...

餐廳主打串燒，放工後想食宵夜嘅不二之選，食得出很用心燒，「厚切牛舌芯」和「厚切豚肉」超好味😋鎖住哂肉汁，另外因為都鍾意芫荽，所以「芫荽豚肉」我都好鍾意。希望北角多d呢d有水準的小店。

觀塘名物拿督冰室喺北角重開❤️‍🔥午市要排長龍🥹排咗一個鐘先食到，到底值唔值得呢？1. 炆大細腳黑豉油乾撈麵 $58大細腳即係豬腳+雞腳，炆得又腍入味！😆豬腳嘅皮好黏口，係滿滿骨膠原✨粗麵麵質爽口彈牙，每一條都沾滿黑豉油，好邪惡🫣撈麵整體都比較油膩，會推介俾鍾意食濃味嘢嘅朋友仔🙌🏻2. 馬拉鮮桔仔水 +$10桔仔嘅份量毫不吝嗇，酸酸哋好fresh好解渴✨可以中和撈麵嘅油膩感🙈整體嚟講，味道偏濃但啱我口味😋而等候時間對打工仔嚟講較長，如果lunch break得一個鐘嘅話，建議提早叫定外賣🥲

由觀塘到今日嘅北角，就係同拿督餐廳嘅緣份只欠一點點！之前疫情，觀塘熟食中心無開，到重開，又無時間去，直至熟食中心關閉！之前聽聞又再在某處重開，今日的起心肝上網揾，原來喺北角開半日，於是馬上就過海試試！坐低睇睇餐牌，點解嘅…….點解無我想食嘅黑醬油撈麵………一問之下，先知原來主事人陳太要休息，由2月開始就已經再無出嚟，全日就由晚上做串燒嘅主理人做午市！我又錯過咗！😭反正都已經嚟到，咁就試試啦，叫咗叉燒炒蛋配蔥油撈烏冬，蔥油燒雞扒飯。叉燒係每日自己做，用五花腩醃，肉質稔，汁香。燒雞扒層皮脆，可惜肉有啲乾！蔥油好好味！總算有少少收穫！😋希望拿督餐廳可以再現！🙏🏻

本來都唔太寄望有機會LUNCH 時間食到呢間麵館，因為鋪頭位置唔多，每次都要排好耐隊先入到去食，點知同事做到野一早去霸位，去到竟然可以入埋房 (6人台) 到食。聽講呢間野係先前觀塘搬過來的，而且素有名氣，必點次選係「黑豉油」乾撈麵😄⭐️黑豉油咖哩牛筋腩幼麵四方形的擺盤，份量比較少，味道岩岩好，可惜既係咖哩牛腩冇咩咖哩味同肉質有D 柴🥲撈麵感覺都係配粗麵好D，而且佢冇送麵湯，食完油膩感高D⭐️黑豉油咖哩牛筋腩粗麵呢款係我同事叫的，睇樣個黑鼓油撈粗比較上色，麵筋掛汁，亦都係呢間店出名既菜色。同樣地咖哩腩有好大進步空間。

🇭🇰上上籤·呢間我之前喺觀塘返工嘅時候已經食過架啦 我覺得佢個黑豉油撈麵好好食 所以知道佢係北角開返嘅時候我就即刻bookmark咗啦😎·星加坡咖喱豬軟骨黑豉油乾撈麵$62 l 燒香茅雞扒胡椒湯麵$65我覺得佢個黑豉油撈麵仲係好味既 質感好好 但係唔知係咪因為我地揀左少油 我感覺上佢依家食落無以前觀塘嘅時候咁惹味🤔🤣🤣之後佢呢度個豬軟骨係炆到淋晒 一咬就化個種黎既 如果佢多少少軟骨既膠質應該會更加好食 不過依家都正既😈🐷之後佢個胡椒湯麵我自己就覺得無咁特別 雖然佢個胡椒湯真係好濃胡椒味 但係食落冇咁有驚喜🫢😂·#rbyeat#rby東南亞菜#rby北角·📍北角琴行街5號華禮大廈地下G14-16號舖

之前見大排長龍，滿心期待的去試試最後有點失望我點的是豬頸肉撈麵從menu 上顯示圖，份量係大而事實上豬頸肉，得幾「條」一般街外豬頸肉有彈牙感，薄切「片」，而佢沒有食落去唔似豬頸肉，或許切得太幼，或許係調味汁太多，唔識欣賞另外，撈麵太油太鹹職員係友善，食物要改善一下

星加坡咖哩牛筋腩配黑豉油乾撈粗麵好一般，咖哩無味，牛筋腩唔夠淋。撈面可揀粗麵或油麵，個豉油幾香口，幫成碟野力挽狂瀾。熱星加坡白咖啡對咖啡無研究，但味道同平時啲咖啡幾唔同

觀塘拿督餐廳重開-北角上上籤之前有聽過觀塘碼頭有間叫拿督餐廳，原來佢執左之後拍住一間串燒店捲土重來，淨係做午市。間舖頭細細位於北角琴行街，我地LUNCH排左一陣就有位了，叫左個招牌大細腳胡椒湯米同埋咖哩豬軟骨黑豉油撈麵，再加個菜。飲品就order左個美褖恐龍同奶茶。味道濃郁岩哂我口味，Yummy🤭! 提提大家呢個一定係lunch先有得食架，要預d時間等位啦😬

收工想食宵夜，見呢間新開冇耐入去試下。店鋪比想像中大，有一間6人房，我們3個人坐房，當日星期一晚上8點幾都滿座，所以有房坐。QR code落單有圖片（餐牌無圖片）。店員很有耐性講解食物煮法（熱食）和介紹，價錢中等，但食物質素高，我覺得「豚肉五花腩片」、「厚切牛舌心」必試，「芫荽豚肉卷」在其他串燒店比較少見，所以試下，點知又有驚喜喎，「燒飯團」也燒得很香脆，店員還提議幫我們1開3，很細心，還有好幾款串燒未試到，期待下次試埋其他會有驚喜

之前有睇YouTube 就bookmark 咗呢間,終於有機會嚟試.平日lunch hour,大約等咗20分鐘到.點咗一份大細腳黑豉油撈麵,胡椒蘿蔔牛丸湯,同埋個豬頸肉.大細腳黑豉油撈麵-個黑醬汁我個人就覺得無咩特別,個粗麵唔知點解無咩彈性. 大細腳就炆得幾好,相對上冧同入味豬頸肉-燒得唔係特出色.唔乾,但無應有既juicy,勁多醬胡椒蘿蔔牛丸湯-超重胡椒味,我就唔好彩,我食蘿蔔嗰頭兩嚿都勁多揸,之後我朋友食就話冇咩揸,好入味總結,如果我係附近返工或者耐唔耐都有機會食,但就唔需要特登過嚟試啦

看見 youtube 介紹，便山長水遠(不管車程要70分鐘 )都要去試試，原來午餐時間是 12 至 3 點，我們去到差不多 2 點，看見有 6-7 人排隊，店旁是冷巷，所以啲人就排在冷巷內，但頭頂正在大廈維修，是否會有冷氣水滴💧下來 ，既然來了，點都要排隊，好在只排十多分鐘便有位，進去后，發現坐位有啲擠逼。我們叫咗，咖哩雞飯(少少辣，少少咖哩味)，豬腳+雞腳胡椒湯米粉(胡椒不算好辣，湯味道都唔錯，就係米粉有時碎，豬腳同雞腳口感不錯)，香茅豬扒撈粗麵(個黑豉油不會太咸，粗麵口感非常正，可惜豬扒煎過頭，有啲燶，但沒有想到豬扒口感竟然沒有變差)，炸魚多士(賣相特別)，胡椒煎魚餅(呢個胡椒味太重，麻麻)，燒豬頸肉(味道都不錯)，薑汁奶茶(少少薑味，好特別，不算甜，唔知可否加糖，我比較喜歡甜些)