嚐糖

Open Now

Now Closed

這小街就有多間甜品店，選了【嚐糖】就是在因為其佈置，看見店主的用心，有操場，有locker，課堂桌椅，餐牌用功課簿…… Ms 芒：芒果十分鮮甜，當造就好味；椰果及蒟蒻，感整佳，每Ms芒更多層次；一講層次就要講：椰汁芒果沙冰，盤底內椰汁不多，芒果味濃，又夠真涼。 今次選了好地方，食好味甜品，

心太軟配綠茶雪糕心太軟啱啱整好拎出黎，熱辣辣，一切開啲朱古力流晒出黎真係超正但味道又吾話太甜，覺得啱啱好，超正！而綠茶雪糕都超好味，少少澀澀地又甜甜地 完全值得一試！！同心闖朱峰 入面有雲妮拿朱古力綿綿冰，可可米，Oreo，小丸子同朱古力醬。但雲妮拿綿綿冰味道較淡，所以容易被巧克力味蓋過，綿綿冰又吾會話太甜和太冰，係熱辣辣嘅天氣食啱啱好。

以課室作設計的小店，內有班房常見的學生檯及椅子，抽屜內有書簿，簿面寫著每個人的搞笑名字，例如“吳廣德“ “朱投炳“，打開就是各種特色甜品餐單小店的地板上也貼上了✨️跳飛機✨️一種小朋友的遊戲，在地上畫的圖上單腳雙腳跳起來，跳到終點就贏了😆好有回憶😁我跟朋友都對台灣的芋圓情有獨鍾，而甜品的名字又有以台灣不同地區的名字而命名，好特別，想都不想就叫了🔹️台南紅豆先生👍陳皮紅豆沙、芋圓、豆腐花芋圓真的很Q彈而不失軟糯，非常甜美☺️三種食材都互相融入，不會太甜，很適合個人口味🔹️士林綠豆丁👍海帶綠豆沙、芋圓、涼粉很清爽的味道🤤🔹️楊枝甘露豆腐花楊枝甘露、豆腐花這個也不錯的，但好像分開吃會比較好

今日天氣三十幾度,求其搵間甜品鋪食少少野休息下嘆下冷氣等位落單都算正常,我地兩個每人叫咗一碗(一百蚊左右),啱啱開始食就要求我地調位 (都尚算正常)調完位唔夠5分鐘就叫我地埋單,感覺好似趕緊客咁之後我地兩個廿幾分鐘食完,佢見到個碗無野就即刻行埋黎店員:多謝曬 記得拎整嘢走. (開始收走啲碗)其實去甜品鋪都係想坐下同朋友傾下計,個店員咁趕真係俾人感覺勁差.講埋啲嘢食,我地叫咗一碗綿綿冰同一碗,味道屬於中下水平同樣價錢去食鮮芋仙好過,建議大家去旁邊嗰三四間試下

旺角人氣班房風甜品店 成日夜晚7點後行過 都好多客人係門口等位 見到wolipay有佢 良心店 梗係去試試 入到店內真係好似班房 木枱 記事薄餐牌 教員室廚房 整個風格幾過癮.⭐️暗戀阿里山$55底下牛乳綿綿冰 表面香芋 芋圓 小芋圓👍🏻綿綿冰夠綿 入口即溶果隻👌🏻芋圓ok軟熟 小芋圓數量比大芋圓多好多‼️成個甜唔設計都好低糖 唔太甜.⭐️芒果小丸子$32 雪糕單球$20👍🏻芒果沙冰底 用左真芒果汁 唔係芒果糖漿 加分👍🏻表面有唔少芒果 同小丸子最重要係 今日芒果夠甜 完全唔酸感覺到呢個甜品 唔洗額外加糖都夠甜.#嚐糖 (旺角) ....上堂...嚐糖....真係好爛....地址：旺角廣華街13號廣輝大廈3號舖.⭐️評分：味道：3.5/5 呢日芒果4分環境：3.5/5服務：3.5/5抵食：3/5 .

Ooo校園風自選百搭配料綿綿冰ooO係旺角食完飯上網search 旺角綿綿冰🍧就出左呢間嚐糖! 店舖細細，用校園的桌子及椅子🪑，連餐牌都設計用練習簿製作😊OooooO自選綿綿冰 $49最鐘意係佢有得自己任搭😊必定選到岩自己既🍧4款綿綿冰底（芒果益力多/雲呢拿朱古力/牛奶/士多啤梨🍓）16款配料-選3（西米/香蕉/蘆薈/火龍果/爆爆珠/小丸子/涼粉/紅豆/椰果/哈蜜瓜/水晶珠/Oreo/蒟蒻啫喱/朱古力彩針/可可米/爆炸糖）5款配醬（煉奶/芒果汁/朱古力醬/士多啤梨醬/乳酸醬）OooooO西瓜沙冰配綠茶雪糕 $46我影完相覺得似吞拿魚䈶配wasabi😂😂😂!之後職員話唔記得放西瓜🍉粒太忙！放返就似返西瓜沙冰😎唔會太甜，我喜歡。

嚐糖係一間以學校做主題既糖水舖，唔止淨係食糖水，仲有少少回到校園感受上堂既感覺，先有功課簿做menu，入面重有不同既科目、家長教師會等等，單單menu已經可以慢慢欣賞🙃坐既枱櫈都係以前中學課室既款式，再望下重有locker有教員室，好有心思。🍡今次叫左台式芋圓科既花蓮仙草凍，仙草凍黎講真係唔夠過江龍整得咁滑嘟嘟”sir”落嚟咁滑，係比較實淨，但有食出有仙草味，而且唔甜，相反紅豆🫘、杳芋都好甜，一定要溝勻去先好食，整體ok。🍧另外重有暗戀阿里山，其實就係牛奶🥛綿綿冰配上杳芋、小芋圓等。綿綿凍係十分之牛奶，而杳芋同樣係甜，對我黎講單食搞唔掂，所以一定要一齊食🤭小芋圓同芋圓口感都唔錯。

旺角嘅糖水舖都知道不嬲都多，今次又去試下一間糖水先，見到個名叫嚐糖，最搞笑係餐牌同埋裝修到係模仿學生時期🤣糖水嘅種類都算多，有啲可以自由配搭💝叫咗碗豆腐花，咋喳，楊枝甘露，士多啤梨雪糕乳酪杯味道不過不失，喺舖頭嘅主題比較特別啲🤭

食完晚餐行過見到呢間糖水店裝修幾特別就入去試一試，我地叫了一碗豆腐花，咋喳，同楊枝甘露，糖水大嘅10分鐘左右到，咋喳味道令我有少少失望，豆比較硬，豆腐花就不過不失。

喺九龍城食完豐富嘅海鮮餐同屋企人一齊行路行咗去旺角食完主菜又點少得甜品行到旺角天氣又一間良心甜品店幾出名就捐窿捐罅去搵一去到已經係夜晚係九點幾趕住係十點堂食完之前要食完裝修簡單模擬課室場景無論係枱櫈風扇定係餐牌都見到校園小心思今次一行五人試咗幾個特色甜品由於天氣太熱叫咗四款都係綿綿冰底每樣都有自己嘅特色我個人就最鍾意芒果小丸子椰汁綿綿冰底食落去真係透心涼😍😍😍每樣特色甜品大概40至$50左右不過有最低消費每人最少叫一樣所以一行五人叫咗四個甜品再加多一個小食燒賣

嚟到旺角一定要食糖水，去到廣華街有咁多間糖水鋪，見到呢間幾多人排隊，走港式校園風，好有中學年代感！啲名都好有特色又啊sir，miss，明星名都有，真係走90年代日系港風🤣我食仲甜品ok，可能係雪糕，朋友食嘅紫米露就好稀，好淡，好唔得😂🍴廣抹涼子 $49 (7/10)賣相就一般啦，一上枱好似碗湯咁😂有Haagen dazs抹茶雪糕，水晶珠，小丸子，紅豆，涼粉，抹茶奶昔，份量都幾足，抹茶奶昔有抹茶味唔會太甜，紅豆都淋，甜甜哋，涼粉偏硬身，小丸子煙韌，水晶珠一咬就爆好爽口，Haagen dazs抹茶雪糕香濃抹茶味唔會太甜，整體嚟講都幾夾幾唔錯！推薦指數: 7/10個人覺得幾唔錯嘅，雪糕甜品幾ok，應係係雪糕甜品好難整得唔好食，但朋友食中式傳統糖水就真係唔得，食咗啖都覺得好稀冇乜味，唔食傳統嘢應該就唔伏😂

喺廣華街一帶有唔少嘅糖水舖，當中我哋見到呢一間用校園主題設計嘅糖水舖，都幾特別所以就入咗去試吓。我哋四個人每人一樣糖水，包括士多啤梨芭菲、咋喳、豆腐花同楊枝甘露豆腐花。每一樣都好普通。豆腐花豆味唔夠香滑，楊枝甘露完全冇芒果味。係得咋喳同士多啤梨芭一菲叫做好啲。呢度嘅糖水只係啲名特別，食落去完全係另外一回事。大概都唔會有下次，會選擇同一條街嘅其他湯水舖。

响旺角食完韓燒之後轉場食糖水由menu到裝修都係用課室做主題D糖水名都係食字廣末涼子/糕主教/涼校長/楊老師etc 咁菠蘿冰都可以叫波多野啦！？(我心諗)我食咗紅豆同綠豆糖水(熱),算正常發揮。甜度中度至偏淡之間(我接受到)紅綠豆沙兩碗唔係好起沙, 綠豆沙亦欠缺香草類嘅香味。

我諗好多人都有食過嚐糖la，最特別既係就係佢好似課室既佈置，彷如翻到中學時期🤤連餐牌都好似學生既練習簿咁，夠曬心思。1️⃣木桶即撞豆腐花（$40） 豆腐花要等一陣，送上黎既時候熱辣辣😍配上桂花糖，清甜花蜜香配上豆腐花好正～豆腐花豆味都幾夠，唔算好滑，但係熱辣辣食落好滿足😌  

近排天氣熱，又係食冰嘅好時候😎🤩🍧芋圓芋泥綿綿冰原本見到芋圓雙眼已發光😍食落就失望了😔芋圓比較煙韌，可惜芋頭味較淡，芋泥質感可更軟身；而牛奶綿綿冰味道偏淡，硬實實之感，一啲都唔「綿」，非常失望😫。