Video
3-min walk from Exit A2, Sheung Wan MTR Station
continue reading
Telephone
26082648
Opening Hours
Mon - Sat
07:00 - 21:00
Sun
Closed
Above information is for reference only. Please check details with the restaurant.
由於最近嚴重缺乏住家飯嘅關係，今日突然諗起已一段時間冇幫襯嘅上環食堂。雖然食堂係一間家庭式嘅舊式餐廳，但其實佢地都好in，可以係面書睇一周餐單架是日餐單，啱食，即打個電話叫定先今日我揀咗燒汁豬扒同菜心，本來好想揀埋蒸蛋，但三個餸應該食唔曬（有食過嘅朋友都知佢地係一盒餸一盒飯，餸係超多嘅，而且試過幫朋友叫多飯時，佢地真係俾好多飯 哈）本來擔心燒汁豬扒會熱氣，但如大家所見，果然貫徹住家飯嘅味道，你係完全唔覺自己食梗街外飯的。上環食堂絕對係住家味道之選
continue reading
自從冇做office工之後就冇再食過飯盒，記得嗰陣食個飯盒都要$40幾50，今日就試吓呢間標榜冇味精嘅住家飯盒先番茄薯仔魚尾豬骨湯味精就真係冇嘅，但係咪有屋企嘅味道呢？唔覺有，其實唔落豬骨，就咁番茄薯仔魚尾湯已經會非常清甜，而家落咗豬骨去煲，我只係飲到豬骨味，完全飲唔到有番茄薯仔魚尾嘅味道，要讚嘅就係好少油及唔算鹹啦翠玉瓜炒肉片+魚香茄子 ($38)2個餸$40，3個餸$50，外賣自取平$2，包一個例湯。外賣係一盒餸，一盒飯咁樣，其實飯嘅份量非常多，如果可以少啲飯或將啲飯塞喺一邊，另一邊放餸，咁可以慳返一個盒，環保好多。抵讚嘅係餸嘅份量超級多，翠玉瓜好爽脆，肉片入味但得兩三片；魚香茄子冇平時嗰啲咁鹹，有好多舊茄子但好多肥豬肉。值得一讚嘅係啲餸唔算好多油OK係因為佢好抵及唔算油，但係咪好好味就唔算係。如果志在飽肚，唔要求好多嘅，咁呢個價錢就絕對OK啦
continue reading
之前一直都有個師兄不段叫我去試下，終於前幾日就去試試，由禧利街行上去，過左生記轉入畢街直行就會見到一間細細間既上堂食堂，師兄叫我點都要試下堂食既感覺。一坐低老闆就問係咪堂食，答左佢都仲未叫野食已經拎左碗湯黎，感覺就好似一收工返到屋企，媽媽問完你返工攰唔攰呀，都未答佢就已經有碗湯係眼前，望望餐牌有5款餸揀，2餸40蚊，3餸50蚊，師兄話每日都會有一款係魚，我就揀左凉瓜牛肉同叉燒炒蛋，好快野食就送到，賣相唔錯都幾大份，味道都幾好，仲有碗湯係冇味精(因為附近幾間送既湯都好重味精), 真係一個唔錯既選擇，附近返工既朋友可以試下，仲有一樣野要講，外賣自取係會減2蚊
continue reading
原先相約囝囝契爺交收，見差不多晚餐時間，就在附近逛逛，醫醫肚皮。生記不論粥麵都經常光顧，有時都會覺得悶。就在生記總店的旁邊，有一間其貌不揚的小店，店甫只有十來個座位，但在天寒地凍的晚上，卻有種很溫暖的感覺。望望牆上餐牌，只有六款小菜供選擇，如果兩菜連湯及白飯，都只不過$40。飯未到，先來一碗湯，熱辣辣的，是花生豬骨湯，雖然不是什麼名貴材料，但喝得出沒有味精。點了蝦仁炒蛋及青瓜炒牛肉，兩款菜都是隨意放在碟上，蝦仁沒有過熟，但雞蛋略為過火，青瓜炆至透明，而牛肉軟熟好味，很有家常菜的感覺。店內越來越多人，不單外賣，亦有客人冒著寒風在門外等位，是意料不及的事實。店主應該是兩夫婦，男的在廚房內炒菜，而妻子在店面幫手，兩人很少交談，就像沉實的中國人，默默地守護著店子。真的……店外很寒冬，但我的心很暖。
continue reading
店子很小，容不下20人。但晚市人流不多，通常都有位。每天有6款菜式選（天天不同）。兩餸＄38，三餸＄48，還附送無味精老火湯。這一次我點了洋蔥豬扒同脆玉瓜炒豬頸肉。洋蔥豬扒很正每次有這道菜我都會叫，因為肉很鬆軟，入味，洋蔥爆得很香。炒豬頸肉就有點遜色，沒什麼特別，像不同炒豬肉片。脆玉瓜就非常爽口，香甜。（當天還有soy sauce雞翼，煎魚，菜心）最正一定係個湯，西洋菜魚頭豬骨湯，非常鮮甜，十分足料。飲完一啖會好自然「啊」一聲，因為很少外出食飯的老火湯會清甜不鹹。唔夠飯可添。這裏真的100%無味精，因為食落d野同平時出街食飯真的淡得多。＄38這價位真的無懈可擊。service就唔好要求d咩，亦都唔好要求坐得舒服，來這裡就係簡簡單單食餐好味住家飯但這店真的很efficient，一落單就3分鐘內把熱騰騰的飯菜送到。希望這些良心小店能繼續經營落去。
continue reading