拾味山西刀削麵館

Open Now

Now Closed

以前吃中環拾味，覺得幾好食，但今次食灣仔分店，係世界級失望。配料無味，刀削麵同樣無味，朋友叫口水雞，都係雞無雞味，口水汁無辣味。所以冇咩人食🫣*豬軟骨熱拌刀削麵 $62豬軟骨有三大塊，但係係無味嘅，無豬肉味，無任何調味，而且肥肉佔4成，軟骨嘅份量少得可憐，豬肉偏乾硬。刀削麵麵質偏向軟腍，個人覺得唔夠煙韌，但同樣都係無味，表面有四川擔擔醬、底有腩汁，撈埋一齊都係無味，無豉油味無辣味無鹹味，一句總結就係無味。

Intro: 喺灣仔食夜晚好難用70蚊內埋單，而今次就搵到一間專賣刀削麵嘅舖頭，而呢到餸嘅選擇都好多，但多數都係麻辣，呢次加埋豆漿都係64蚊埋單炸！___________________🍽 麻辣豬頸肉刀削麵 ⭐️7.75/10🍽 麻辣豬軟骨刀削麵 ⭐️7/10💰 58 （+6送豆漿）✍🏻 刀削麵嘅份量好多，好煙韌好厚身✍🏻 湯底似用咗粟米去熬煮，甜甜地嘅味道✍🏻 豬頸肉被炸得外皮香脆，好爽口又入味✍🏻 豬軟骨肉質偏硬，軟嘅地方係肥肉部分✍🏻 豬軟骨醃得好入味，但真係辣到建議大家要加杯凍豆漿___________________🏠 拾味山西刀削麵館📍 灣仔灣仔道212-214號怡康大廈地下A號舖⭐️ 7.75/10___________________

難得出開灣仔🚶🏻‍♀️🚶🏻見到網上啲人話呢間嘅刀削麵好好食順便決定去一次究竟😗🤙🏻同朋友叫咗兩碗刀削麵🍜朋友叫咗水餃🥟🍜我就叫咗佢哋推介啲嘅麻辣牛腩🐂一嚟到嘅時候見到份量一啲都唔細😆而且作為第一次食刀削麵嘅我😗對於刀削麵始終都有啲期待🤩佢哋嘅刀削麵入口好煙韌同好入味❣️配埋麻辣嘅牛腩成件事真係好惹味❣️但唯獨美中不足嘅係刀削麵比較厚身🙆🏻‍♀️如果想食比較薄身嘅刀削麵就唔太建議🥲但係佢哋嘅刀削麵都係大碗兼抵食嘅💛如果喺灣仔搵唔到嘢食🤕佢其實都係一個明智之選🤙🏻

📍「拾味山西刀削麵館」- 灣仔今次食食食之旅黎到灣仔😌呢排食得太多西餐，想食返啲港式野，呢間👧🏻以前lunch 成日去食，因為好中意佢哋嘅刀削麵，今次帶埋👦🏻去試試佢😎📷餐廳位於灣仔道，雖然店舖唔算大，但座位都算幾闊落，坐得舒服😇👍🏻值得一讚係職員上菜速度都算快🤗🍴麻辣牛展刀削麵💰HK$58✨推薦指數：7/10麻辣牛展刀削麵可以3樣嘢完全分開上，平時麻辣牛展一齊會有太咸既感覺，依家分開上可以自己中意點幾多就幾多🤗牛展比較薄，咬落唔會太淋😛不過由於薄身，所以口感比較一般，不過又唔會太咸，有啲似食緊五香牛展咁🫣可惜個麻辣醬有啲失色，麻既感覺一啲都無，辣亦都唔覺香🥹一讚嘅係刀削麵口感一流，軟淋適中，咬落煙煙韌韌，而且唔會碎得好嚴重，份量亦都相當多😛可能揀其他餸配刀削麵會更好🤣🍴上海雲吞溫泉蛋木耳刀削麵💰HK$62✨推薦指數：7/10唔食得辣嘅朋友仔都可以揀呢款👍🏻夠哂清淡😗上海雲吞有3️⃣隻，食落個皮幾薄而且幾滑，餡料係豬肉碎同蔥，份量唔算少，味道偏清淡😇溫泉蛋有半流心狀態，唔會太熟🤗木耳份量都幾多，而且好爽口，口感一流😋刀削麵就依然出色，煙煙韌韌好咬口😌

呢間餐廳個刀削麵真係真材實料 同埋每一碗刀削麵個份量好足 好夠飽坐係到見到師傅真係即場一條一條削啲餸份量好足 大份但賣點當然係佢啲刀削麵啦如果個湯可以濃味啲會更加好呢

唔知點解對刀削麵有情意結，上網search到呢間餐廳就去咗。呢度嘅款式都幾多，又凍、又熱、有湯、有撈，而且每料都有好多唔同嘅選擇，總有一款啱你心水。我哋兩個人嚟到，知道佢碗麵比較大碗，所以只係叫左一碗，係雞 + 面。唔好睇小隻雞，都幾大份而且好肥美！另外我哋就去咗紅油抄手，抽手好大粒，而且佢啲皮係超級好味，唔會太硬唔會太林，配埋啲豉油、紅油、花生、蒜蓉，我真係覺得幾好味！而且一定會夠飽。下次我想再食下佢嘅夏日撈麵

灣仔再搵野食，見到有刀削麵檔就決定試，位置位於銅鑼灣同灣仔中間，2邊行過去都要10分鐘，夏天真係熱死。平日6點左右去到唔需要等位，入座就見到形形色色既poster，餐牌好多野揀，有湯麵冷麵撈麵，配料有辣有唔辣，五花八門，任君選擇。麻辣東坡肉刀削麵3/5分開上菜，即係湯底係大家都係同一隻，加辣都係睇配料既辣度，我覺得可以有誠意啲會煲埋辣湯囉。刀削麵麵質煙韌，唔會太硬太淋，粗幼啱啱好，份量充夠，可以接受，合格而已。東坡肉味道一般，肉質分明，一係肥一係瘦。叫左杯豆漿，係室溫水壺倒落黎，好似擺咗好耐咁，衛生情況令人擔心。溫泉蛋水餃木耳刀削麵 3.5/5溫泉蛋有薑醋味，友人覺得有趣還可以接受，水餃大隻粒粒飽滿，肉餡有麻油味，開胃又香氣撲鼻，意想不到，麵量充足，食得滿足。地理:灣仔銅鑼灣中間位置，可以搭巴士電車中間落比較方便快捷。地鐵站出就要行10分鐘。環境:正常裝修，文宣告示，但可以再乾淨少少，提高衛生意識。價錢:65蚊人頭費，呢個價錢可以食譚仔食得好飽，一餸收65蚊算偏中高價位。服務:自助落單，上菜速度正常，仲細心提醒客人小心注意門口有梯級

同男朋友一人叫一碗冷刀削麵（$68可自選一樣餸） 揀咗招牌手撕雞，本身可能有好大期望，見佢電視上面播緊「香港開電視」嘅訪問介紹，睇到師傅好用心準備食物....好吸引結果食落發覺太有落差，有啲失望。雖然份量真係好多，但有啲over多，啲麵好難消化、口感硬，所以食得會唔太舒服，個胃頂住頂住。啲雞非常乾，入口有雪味，唔推薦。反而見幾多人叫湯麵，我諗湯麵會比較好，麵會易咬易吞啲，同冇咁重口味（啲擔擔醬同麻辣麵有啲重手，食到底好口渴！！！）小食嘅木耳落糖重手。服務幾好 唔算難食但都應該冇下次了。

第一次覺得難食到要食評提醒下大家針對嘅係佢嘅食物同服務是咁的 最近係附近返intern，咁今日冇帶飯，放lunch行過，見到好似唔錯，都幾吸引喎，就諗住試下啦 結果伏了🫠佢係可以用Qr落單嘅，咁我見天氣熱，佢又有個消暑冷刀，所就諗住試下啦。 叫咗一個手撕雞冷刀削麵，一落枱 心諗賣相好好🤩一定好好食！結果…手撕雞勁「鞋」仲有陣怪味？可能係平時啲人講嘅雪藏味，但我唔識分只可以形容俾大家聽係怪味😮‍💨跟住到個面啦…食第一啖 呆咗😨差啲咬唔開 真係韌過香港人條命…跟住上黎OpenRice 睇下發現um…啲人推薦話：好煙韌！有咬口！正！但我真的欣賞唔黎 可能係我人生經驗未夠 唔識欣賞🥱如果你鐘意煙韌口感 呢間野一定係你嘅最佳選擇👍🏻 最後，到野飲，加$6 要咗杯凍豆漿，環保冇飲管我明，但大佬呀，你白色杯，跟住杯邊有啲黑色一達達嘅痕跡我點落口呀？咁都算啦，我攞紙巾抹咗一圈 同自己講 可能係佢甩色呢🤪 跟住飲第一啖 震驚了🤯飲多啖確認下，我竟然飲到陣涼茶味？GG唔通我中咗covid，味覺失調咗？真係勁難飲，20歲人第一次飲咁難飲嘅豆漿🤮題外話：我坐吧台，佢個雪櫃係我斜後面，個姨姨次次黎攞野都勁大力閂

暫時雨停就從銅鑼灣行去灣仔，本身諗住去試鬍鬚仔，點知前幾日啱啱結業😭不過行前幾步係我好鍾意既拾味山西刀削麵館，都有段時間沒食過，擇日不如撞日lu💛雖然從健康角度我就唔應該食辣，不過日日落大雨食啲辣都ok啦🤣就嗌咗麻辣冷刀削麵加手撕雞，淨上海雲吞😋返到屋企因為車程關係麵都變咗一大舊咁😂青瓜絲，雞絲，擔擔醬同麻辣醬都唔少，mix晒所有料拌下拌下都變返正常。之前試過口水風味冷刀都唔錯又唔會覺得好辣，不過麻辣係餐牌度比口水多一個🌶️果然個辣度翻咗倍😂麻就唔係好feel到不過辣就真係好鬼辣🤣好彩我有買淨雲吞，都要間中食下雲吞飲啖湯先可以繼續食麵🤣麵都好韌有咬口，有keep到個質素👍淨雲吞都係我幾鍾意既encore，因為可以嚐到幾分正宗既上海味道🙈雲吞就中等size，菜肉約1:1咁，鹹淡適中，皮少少厚有上海ful，淨湯係有落豉油不過唔鹹剛好，雖然因為車程個雲吞皮浸得耐好容易斷，不過都仍然好食，同埋今日個雲吞真係救命雲吞😆麻辣風味冷刀削麵 7.0/9淨上海雲吞 7.5/9OVERALL 7.5/9唔食得辣既話真係唔好輕易嘗試麻辣😂我食咗半日都覺得胃入邊仲有一股暖流😂而家好擔心聽日既菊花🙈今日發覺比之前

今日喺open rice見到這間有麻辣吃的刀削麵，一向喜歡吃麻辣嘢嘅我， 梗係第一時間來試再加上見到食評都話幾好， 相片又好似好吸引，所以把心一横就買嚟試下，點知就中伏咗！本人從來都不寫食評 ，但今次我要動起手來，首先麻辣豬扒刀削麵，豬扒又乾又韌，接著冷芝麻醬撈刀削麵(加豬肚絲)， 豬肚又霉又縮味😓，其次雞腎仲好大陣雪櫃味😫，根本正份餐只吃3成，完全沒辦法吃下去！ 整體只有刀削麵同埋涼拌青瓜都還可以 ，但一定無下次！實在太失望，花費了$192，只吃了3成😭，本人唔會推介來試，免掉錢落咸水海！

中午特登行咗去灣仔道嘅拾味山西刀削麵館買刀削麵。 每碗刀削麵跟一款主菜， 可以額外加錢加一啲配料。 我要咗一份醉雞刀削麵。 醉雞肉嫩， 骨頭仲有一啲紅， 未熟透 。餐廳切咗一份雞髀畀我， 雞肉入口散發出淡淡嘅酒香， 令人回味無窮。 刀削麵份量好足， 我最後食剩咗三份之一。 大食嘅朋友就啱曬啦。 面嘅湯底就好普通， 冇乜特別之處。 埋單58蚊， 收費合理， 想偶然轉一轉口味嘅朋友不妨黎試一試。

近排疫情關係，出街食野都想去支持返D良心小店，今次就去到灣仔呢間刀削麵店。有別於其他牛肉麵/其他地方所見嘅刀削麵，呢個麵竟然係人手每條即叫即削，未食都已經覺得手軟。究竟點解店舖老闆堅持著呢個匠心呢？老闆以前就係點心師傅，後來諗住移民美國，就希望將佢自己最愛嘅刀削麵帶去美國，於是就花咗一年學藝。但天意弄人，當地嘅移民政策改變，迫於無奈之下喺灣仔設立首間麵店。店內麵條由新鮮高低筋麵粉混合而成，再加入冰水攪拌麵團，經揉麵/醒麵後就等到食客落單時，抱著至少兩至三kg嘅白麵團，用「磨打手」再削成厚薄均勻嘅麵條。辛苦就必然嘅，但就儲咗一班熟客，竟在疫市擴張，老闆之前響傳媒訪問中講到「鐘意就得啦！」除咗刀削麵出哂名之外，餸菜都不容忽略。見到個餐牌好似睇緊報紙咁，有超多麻辣/口水/紅油口味嘅肉類。又有正常嘅湯麵，仲有熱/冷拌麵。當日去咗灣仔分店，其實中環/銅鑼灣都有分店，而環境都比較狹窄，lunch hour都係外賣算lu。 豬軟骨熱拌刀削麵$60(+10加餸-豬脷) 份量唔好以為就係得睇到咁多，其實底下仲有一大浸，加上佢麵條又粗又長又具有嚼頭，飽到反艇。 我就叫咗熱拌麵，如果係冷拌麵就會煮完即刻放入

📍拾味山西刀削麵館 @ 灣仔ღ 口水雞刀削麵 $58ღ 口水金錢肚刀削麵 $58ღ 泡椒鳳爪 $38呢間銅鑼灣、灣仔同中環都有分店 啱晒上班一族但聽過同事形容 話銅鑼灣分店最好味🤣麵條質地煙煙韌韌 好似係逐條人手刨㗎麵底同配菜份量都好多～口水雞唔係就咁淋嗰汁喺面 叫做入味嘅而且咁啱我今次食有雞胸又有雞髀位 我最鍾意😙金錢肚都好爽彈 吸晒啲辣汁！不過個人認為小食泡椒鳳爪最出色🥰泡椒味好香 食落舒服唔算好辣 （我食辣好廢哈哈鍾意吮雞腳人士必叫喇(´∀｀*)回頭指數😼3/5（港島返工放Lunch推薦(*≧∀≦*)

這間餐廳在我運動的地方附近，每次經過都沒有胃口吃，這天天氣開始冷，想吃暖暖的主食，就過來支持一下～這裡主打即叫即製刀削麵，刀削麵的配搭頗多，有湯有撈有冷，適合不同季節吃，還有很多小食，人多的時候可以和朋友叫來分～🔹上海雲吞溫泉蛋木耳刀削麵 $60基本配搭有一餸湯麵，不過因為加多少少就有我喜歡的溫泉蛋和木耳，所以選擇了這款。原來刀削麵份量超～級多！加上每一條麵都有相當厚度，所以吃起來其實很飽，配料都很足量，像我這些胃口小的人基本上無辦法吃完😂 不過湯底很濃郁，菜肉雲吞皮薄餡料飽滿，很夠咸香，麵放久了都不會糊，男士們可以來解決一頓飯，下次我可能純粹叫餃子別浪費🙈🔹凍豆漿跟餐加$6 可以有一杯新鮮豆漿，豆漿帶微甜，豆味鮮明沒有渣，配麵吃有種很地道的風味。