拾味山西刀削麵館

Open Now

Now Closed

呢間刀削麵在灣仔集成的後面，入座後自助掃QR CODE落單，刀削麵即叫即煮，啲麵食落口好彈牙，加上熱辣辣的清甜湯底，冬天食一流。叫左麻辣牛展刀削麵，面和餸分開上，呢個牛展都好好食，牛展係冷盤來的，麻辣蒜香，非常正。好少可食到咁滿意的刀削麵。想知啲面點樣整，仲有個電視螢幕可以看，介紹如何製啲咁好食的面。

之前經過渣甸坊都想試下終於試了 灣仔分店呢間餐牌好多種類有湯麵，熱撈，冷撈，麻辣，蒜泥，口水口味，仲有菜飯試左1. 蒜泥牛湯刀削麵蒜泥味好重 餸係細係碟 分開上 碟底浸住滷水醋汁都唔錯 酸酸鹹鹹 好醒神 牛薄切都算咬得爛 唔算硬 湯刀削麵就一般 厚身略嫌麵硬 如削薄身軟熟d會更好2. 口水手斯雞 餸係細係碟 分開上 碟底辣油浸住 面頭有辣椒醬 最辣係底個d辣油 有青瓜斯 都幾惹味刺激 都係湯刀削麵 都係厚身略嫌麵硬 如削薄身軟熟d會更好 整體感覺普普通通 不過不失

今日唔使返工突然想食刀削麵，見呢間評價不錯所以特登出嚟灣仔呢間食。 一唔食還好一食真係好失望。講講環境，唔係話expect佢要好靚好fancy我先會覺得佢環境好好。 我去既時候都3點唔係啲咩野繁忙時間，客都係得幾枱，我坐既個張枱亦唔係上個食客啱啱走，但係一坐落去張枱都係污糟有上手d汁。其實咁已經令我對呢間餐廳印象不太好。咁我自己有濕紙巾我自己抹咗就算。講埋食物，我嗌咗口水冷刀配手撕雞，味道上係唔錯嘅，都係我想像中嘅味道。但d手撕雞撕到大大舊仲要好諧身，坦白講一啲都唔好食。而講到點解會咁失望，係碗野食入面有鐵絲😠😠 唔知係洗唔乾淨定有咩原因，但as一個身客真係好失望。唔會再食😤

見網上幾多人推介蒜泥牛展刀削麵縱使餐牌無手指公👍🏻推介都叫左刀削麵嘅份量相對大碗細食嘅女仔建議搵多個人share再叫多幾樣餸菜 試多啲唔同款式蒜泥：同一般蒜泥好唔同一入口佢似白雲鳳爪隻味多啲 酸味濃係新體驗但唔覺得可以提升到牛展嘅味中規中矩刀削麵：見到師傅即場削d麵但就粗幻不均 相對偏厚身 韌度咬勁夠

平時灣仔區食野都好多人繁忙時間一定要等位不過lunch time都算流量快唔會等好耐就入得天氣凍就會想食暖胃既野QR code 落單 即叫即削😛個日同同事試左口水手撕雞刀削面口水汁無麻辣汁🔥咁辣怕辣既可以試口水汁👍🏻或者可以另上 幾細心另外叫左上海水餃刀削面水餃係椰菜豬肉餡上次食上海雲吞係菜肉餡但加埋刀削面真係好飽肚😂仲加左小食 越式春卷熱辣辣好脆口 好食有驚喜呢😋飲品揀左熱豆漿都算唔錯 不過可以再少甜dlunch 呢個價錢黎講都算唔錯既選擇啦

經過灣仔見拾味就係附近，即刻去試下！下晝6點，仲有好多位，去到6點半度，已經差唔多full！餐牌好豐富好多嘢揀，唔同麵餐，冷熱都有！點餐方便，scan 檯面qr code，唔洗一定嗌姐姐過嚟！揀c餐，刀削麵跟一個餸，口水雞普普通通，略嫌唔夠味，刀削麵高質，湯底夠味，麵有咬口，揀麵煮淋啲，個人覺得啱啱好！麵頗多，食晒都幾飽！總括嚟講，嘢食ok，灣仔區，一人晚餐6x幾蚊埋單，抵食之選！想食良心刀削麵，經過不妨一試！

依間餐廳每日晏晝時段都好多人因為佢哋嘅都刀削麵係即叫即削、真材實料所以都幾受灣仔區嘅客人捧場每次我揀食咩揀好耐 因為佢嘅配料種類繁多又有湯嘅都實現仲有冷熱拌刀削麵今次就試食冷拌麵見到有得揀唔係幾常見嘅燻蹄絲如果鍾意食燻蹄嘅朋友仔可以試一試我就揀咗佢再加手撕雞等既時侯見到廚房師傅拎住麵團不停削碗麵好大碗，燻蹄嘅份量十足，口水汁十分惹味可口，配上清爽嘅青瓜絲，撈埋一齊又出奇地好味，值得一提嘅係刀削麵好彈牙，絕對係靈魂所在！最後提一提碗刀削麵真係好大碗好飽肚好抵食！

首先利申，刀削麵好少食。平日夜晚自己一個黎。填完表發覺冇人理，我就直去對牆位，途中個阿姐見到我，叫我都係去嗰度坐。張檯有啲濕。冇人俾餐牌我，見到後面有就攞咗，原來都唔平，最基本揀一餸嘅刀削麵都要$60，加多個餸就加10蚊，食碗麵黎講嘅基本收費真係貴，因為基本只係得個醬(譚仔都有堆菜)。不過豆漿反而6蚊杯。啲阿姐又響遠處行黎行去，見到牆上有QR code 點餐就用電話點。發覺個點餐系統個價錢同餐牌唔同，終於捉咗個阿姐問，佢話唔洗理照撳得...ok...點咗個雲吞豬頸肉熱拌刀削麵 + 熱豆漿，驚辣所以醬分開上。之後有兩班人黎坐我左右。等咗輪，豆漿黎...係俾佢兩檯的...嘢食都係佢哋黎先...最後到我碗麵黎我都未有嘢飲...問個阿姐..."你點咗熱定凍呀？"...食咗輪...個豆漿黎"你係咪點咗熱豆漿呀？"... 其實如果啲阿姐係唔睇系統嘅，不如唔好要個點餐系統啦...Anyway, 雖然我希望會細條啲，但麵係好食嘅, 同埋好大份, 男人都夠曬飽。個醬只係小辣，少過十小辣。分醬係好事，如果佢落曬落去，成碗嘢應該好heavy. 豬頸肉餐牌佢有寫推介，果然係好味，唔係燒到燶燶地嗰隻，係醃得好味

二訪出色人手即切刀削麵店👅刀削麵厚薄雖然唔夠均勻，但都ok當係食落更有層次感，仲好有咬口！湯底好鮮甜，味精唔重👍🏻 又夠大碗，食完好滿足des❣️.As the noodles are freshly sliced off the dough by a knife, they are the chewiest I have ever had! Feel like the soup doesn’t have much MSG too. Personally, I recommend the spicy beef shank option over than chilli poached chicken. Absolutely satisfying bowl of sliced noodles for an economic and filling meal 👅 .麻辣牛展刀削麵 $55叫咗少少辣，都幾啱我口味，因為我唔太食得辣。牛展爽口，價錢都OK因為牛展一向偏貴。所以幾推介叫牛展！Rating ⭐️: 8/10口水雞刀削麵 $58 呢個都係signature之一，但比較失望。雞無乜肉，同埋

今晚揾宵夜，見到拾味山西刀削麵館，好似幾多人好評，就一於試試佢。👀👀餐牌都唔少配搭選擇的，都有D眼花撩亂：😂我揀左刀削麵自由配，要左竹笙&紫菜素食湯底，外賣拎走。😙下單十分鐘後我就去到餐廳，外賣已經準備好啦，可以拎走。🏃🏻‍♂️餐廳環境唔大，我9點8個字到，都仲有堂食， 睇嚟佢哋生意唔錯。番到去打開個外賣，麵同湯係分開嘅，刀削麵就無味，湯好鹹，可能咁樣先就番個無味刀削麵，至於湯入面既紫菜都算多，竹笙都有五、六件。比較特別嘅係佢每一條刀削麵都係唔同樣既，我估唔係機整既，唔係係咪呢🤔🤔 今晚食完呢個宵夜好飽，唯一唔好既係我覺得呢個湯好咸，我食果時仲加左好多水落個湯度整番淡佢。😂

上海擔擔醬上海雲吞刀削麵，雲吞好普通，上海擔擔醬有肉醬同炸菜粒，帶有好重豆瓣醬同花生味，都算合格，撈勻落就可以變擔擔麵湯底呢度有半開放式廚房睇住師傅即場刀削麵，刀削麵好吃，外面軟身又唔會糊化，內裡煙韌又全熟，食落好香嘅麵粉味，頗為大碗，食得完一定夠飽

特登星期日過黎食 果然無平日咁多人qr code自助落單好方便揀食咩揀左好耐 又想食麻辣又想食拌麵揀湯麵但又無得揀麻辣手撕雞最後揀左麻辣雞腎湯刀削麵 $55加麻辣牛腩 $10 加凍飲 $8刀削麵係即叫即削 見到廚房師傅拎住舊麵團不停削好正麵質我揀左爽D 好煙韌碗麵好大碗 食哂都好飽雞腎同牛腩係分開上 所以個湯底就唔辣既雞腎分量正常 有麻辣汁同蒜粒而牛腩就得2舊 不過都幾大舊加$10算係咁 同埋都幾入味整體黎講都真係幾好食 下次想試埋拌麵

今日同實習嘅朋友一齊嚟食山西刀削麵，門口已經見到呢間野好鬼死多人。等咗一陣就有位坐，見到佢個Menu有菜飯同埋刀削麵，諗咗好耐最後都係決定嗌刀削麵，雖然自己真係好鍾意食菜飯，考慮到佢出名係刀削麵所以都係試吓佢啲撚手小菜。今日叫咗個麻辣豬軟骨刀削麵，佢嘅小菜同埋面係分開上嘅，豬軟骨上面有辣椒同埋蒜蓉喺面，非常之吸引人。飲咗一啖湯底，鹹鹹地但係唔覺得好重味精，刀削麵亦都好煙銀蛋牙，而佢嘅豬軟骨熬到好林，呢一間野喺灣仔來講都真係幾唔錯

拾味山西刀削麵館📍上次喺中環已經見過佢，位置係歌賦街，隔離左右太多餐廳，所以捨離咗佢冇幫襯。今次再見到灣仔有分店，嗱嗱聲等開門入去食碗麵。老闆曾接受『蘋果日報』加持，餐廳內電視不斷播緊果籽個訪問，餐廳內有晒Pepe及米豬連認證，今次冇入錯鋪。今日見到老闆好後生，又勤力做嘢！環境企企理理，乾乾淨淨！呢度有好多種餐，除咗湯麵外，仲有冷拌熱拌、温泉蛋木耳。淨係冷拌刀削麵都有5款，有排揀。最大劑係呢度配搭嘅餸類及小食都有好多，例如：蒜泥燻蹄、口水豬肚、花雕醉雞、水煮金錢肚。喺呢30分鐘用餐期間，不停聽到有網上外賣平台落單，好多人叫「燻蹄絲」「口水手撕雞」「麻辣東坡肉」如果唔中意食刀削麵，仲可以轉做上海年糕/拉麵或者米線。另外呢度仲有素紫菜湯底及酸辣湯底，適合各口味人仕。最正係呢度仲有上海菜飯食！今次我坐低唔使諗就揀咗食咩，我食醉雞湯刀削麵，麵條削得比其他鋪頭幼及薄身，但口感都係彈牙，完全冇影響。醉雞份量都多嘅，不過唔知點解比我嗰碟仔特別細咁解咋。。。

·拾味山西刀削麵館灣仔刀削麵🍜💛💛💛💛💛·～～～～～～～～1️⃣口水雞刀削麵($58)＊招牌係口水雞刀削麵，口水雞辣度適中，對於小編來講係有少少辣嘅，但配刀削湯麵食，味道又恰到好處😍😍😙😙😙雞肉肉既部份都有好多，慢慢食慢慢嘆😂👍🏽👍🏽＊但略嫌刀削麵條唔夠硬身，湯浸2浸好快腍哂😂🙈🙈湯底嘅味道都唔錯嘅，都幾香👍🏽(Score: 4/5)·2️⃣口水手撕雞刀削麵($58)＊唔想食到骨既朋友，又想啖啖肉，就可以是口水手撕雞，雖然冇就咁口水雞成隻雞咁油黃同嫩滑，但味道一啲都唔失色，個香辣度都有喺度😋😌(Score: 4/5)·3️⃣蒜泥牛展刀削麵($58)＊勁多蒜泥，勁香😌😆😆食到成個口都一浸蒜蓉味，係蒜蓉愛好者必吃🤣🤣🤣牛展份量正常，厚切到正常，軟硬度都適中，整體黎講都唔錯👍🏽👍🏽😋😋😋(Score: 5/5)••-評分👑賣相：✨✨✨✨味道：👅👅👅👅價錢：💰💰💰💰服務：🤵🏽‍♂️🤵🏽🤵🏽🤵🏽推介：⭐️⭐️⭐️⭐️(5分滿分)~~~~~~~~~~