幸福鳥 (太古城中心)

Open Now

Now Closed

位於港島東老牌商場、屹立三十多年的日式百貨，近年動作頻頻。繼縮減規模至剩下地面及地庫，去年又開始了大翻新；地面先行亮相，整個變得更光鮮和簡約。這樣一變，原本位於角落的日本名牌咖啡廳也被更換了。這天未有預訂之下來訪，發現這主打燒物的新店人氣甚盛，首輪坐滿之餘，還有一長串碰運氣的電話號碼。心急地等了又等，排在前面的等候客人，很多已轉到其他食肆了，我們得以在次輪入座。這已是一份幸福！選擇多，但胃口和荷包都容量有限，只好選幾款特別有興趣的來試；而名物「幸福焼き鳥」($188)，也要待第二次光顧時才點。今回綜合起來，與各位分享！在此特別「插播」：幸福鳥駕臨！吃到此，還有一味菜未到；催促之下，開胃菜變了「餐後菜」…回顧這個光顧經驗，即使抵扣集團的兩張現金券，每位消費 (不包括第二次去吃的幸福燒雞) 都超過$270。同一筆預算，您會作何選擇？

黎得太古城，對佢既餐廳都有一定既期望。今次呢間望落個裝修好日本風咁，晚餐唔知食咩就試試佢啦！叫左幾串串燒、飯團同埋海鮮鍋。串燒都仲叫做正正常常，不過海鮮鍋就真係o咀喇🤣上菜果下以為係十年前去左快餐店食火鍋咁😂湯底係大路味精湯，食材就有眼見啦，就係普通到冇得再普通既野。食落就係快餐店既質素。（但緊呢個要$188再加一）串燒既肉冇咩肉味。因為店名叫幸福鳥所以有期望！所以最後就失望左喇！🥲最搞笑係佢個所謂前菜係要收每位$20。當佢收茶錢喇，服務又唔到位，茶杯吉左，有人行過幾轉都唔會添！呢間野下次真係唔好搞😂唯一要讚下既係店既裝修。

店舖地址在以前舊UCC Cafe，門面漂亮，滿心歡喜去試新餐廳，可惜串燒一點也不香口，像是用微波爐翻熱一樣，沒有什麼好推介，而且價錢貴，一串墨魚串燒索價$88，食物質素和價錢不成正比。

食物好一般，啲串燒好咸，其他嘢就冇驚喜，好多地方都食到果種，不過就完全唔值個價錢。樓面都幾friendly，不過企喺counter果幾位“chefs”就有啲趕客。淨係我地坐果個幾鍾，已經發脾氣左兩次脾氣，一次對住張order單係大聲鬧，當時只有一兩張枱所以叮時有啲擔心自己叫嘅食物。終於有個waitress 姐姐要去呵番先靜啲。不過見佢地冇嘢要燒嘅時間都係喺度玩玩下噤，我就唔喺好鍾意呢種態度。抽氣好差，啲燒嘢食味煙得好勁，冇乜心機坐。

本來係去pokka cafe 但原來轉左做呢間。見門面幾靚就決定一試。地方好闊落，都坐得好舒服。叫左牛肉壽喜燒，牛舌，手羽先，燒粟米，茄子，燒飯團，巨峰味乳酸。除左茄子 同燒飯團唔好食，其他都好好食，特別係牛肉壽喜燒👍🏼👍🏼所有份量都好好，唔似出面串燒極細份。會再來👍🏼

太古城lunch 有得訂位的日本餐廳。上次試過串燒set, 好回味個免治雞軟骨串。今次因為有coupon 所以豪一豪，食個最貴嘅lunch set。坐低會有前菜pickle and salad。日式便當包刺身、吉列炸物、關東煮物、燒牛扒。刺身就一般，有少少過凍。吉列蠔同芝士都熱。關東煮都係一般，不過不失。燒牛扒都好香有肉汁。Overall ok，無驚喜。

▪️𝑪𝒓𝒊𝒔𝒑𝒚 𝑾𝒉𝒊𝒕𝒆𝒍𝒆𝒈 𝑺𝒉𝒓𝒊𝒎𝒑 $88 👍🏽脆炸白蝦The shrimps were fried with right seasoning, thin batter layer and they were not oily. It's the best dish in the whole meal.---▪️𝑺𝒉𝒊𝒂𝒘𝒂𝒔𝒆 𝑴𝒊𝒏𝒄𝒆𝒅 𝑪𝒉𝒊𝒄𝒌𝒆𝒏 $68/2pcs幸福鳥免治軟骨雞肉ᴛᴇʀɪʏᴀᴋɪ sᴀᴜᴄᴇ . ᴄʜᴇᴇsᴇ▪️𝑺𝒉𝒊𝒂𝒘𝒂𝒔𝒆 𝑪𝒉𝒊𝒄𝒌𝒆𝒏 𝑻𝒉𝒊𝒈𝒉 $68/2pcs幸福鳥雞脾肉燒sʜɪsᴏ & ᴘʟᴜᴍ sᴀᴜᴄᴇ . ᴡᴀsᴀʙɪ▪️𝑩𝒆𝒆𝒇 𝑹𝒊𝒃 𝒊𝒏 𝑻𝒓𝒊𝒚𝒂𝒌𝒊 𝑺𝒂𝒖𝒄𝒆 $68汁燒牛肋肉▪️𝑶𝒌𝒊𝒏𝒂𝒘𝒂 𝑷𝒊𝒏𝒆𝒂𝒑𝒑𝒍𝒆 $38沖繩菠蘿The skewers were really tiny and expensive in terms of their size🫠. The taste was average too tho the meats were not dry. Extra disappointing when

今日既lunch係預早一日book講定，之前食過一次，今次帶埋同事一齊去食。一入座，職員已經好熱情咁叫打招呼，而且即刻有前菜serve。一個醋做醬汁既沙律，正常味道，都唔算特別岀色。之後我地一行3人試下叫唔同既lunch set，試多啲唔同既款。便當個presentation都好唔錯，每一樣野都算好精緻，但又講唔岀邊一款特別好食，會好有深刻印象，所以對於佢收$188既性價比就略嫌有啲失色。之後拎有叫番角切魚生飯，平時都有去唔同地方食魚生飯，呢一間餐廳明顯係切得特別大件！係新鮮，不過又唔係特別好味，三文魚既油脂有啲少、吞拿魚就反而有啲食唔斷既肋，應該同切既部位有問題？最後呢一個雞壽喜燒，我個人覺得最岀色！可能天氣凍，熱湯會特別加分。未食個壽喜燒，個白飯明顯有用心，日本米同大大粒，我幾鍾意。之後個雞應該都係煎過先放入湯，好香口。不過湯底就唔係太濃味，係偏淡味一啲。Overall都算係唔錯既lunch experience，尤其係職員既服務態度，好友善、好有笑容，絕對唔會因為lunch而hea！所以服務個性價比好surprised! 個人覺得食物質素可以再加多d 特色，有少少覺得太中規中矩，

一家人外出食飯，訂了 6:15 分，但因事要遲到，服務員很好，幫忙改為 7:00 ，食物很新鮮，但價錢不便宜，因為食物遲了很久才到齊，貼心服務員送上甜品作補償，總結都是食得開心，坐位舒適的餐廳

一直都「幸福鳥」尖沙咀店嘅客，因為方便同抵食所以lunchtime都成日去。我住港島，見佢太古城開新店唔洗過海，晚餐又未試過，所以去試吓。太古城店嘅裝修同menu同尖沙咀唔同，d枱以藍色瓷磚為主。等位時，聽到佢哋為客人播生日歌。餐牌有刺身同串燒。刺身好新鮮，厚切。串燒，叫咗免治軟骨雞肉串燒，好好味，impressive，推介！！串燒仲叫咗牛舌，粟米，沖繩菠蘿；好鍾意燒菠蘿。另外，汁燒原條九州槍魷魚，同燒雞，兩個都好大碟，抵食；牛肉壽喜燒鍋，好足料。服務好好。總括，非常滿意，會再encore！！

同同事黎試下呢間新餐廳，見佢咁多人以為好好食，但真心唔值呢個價。我叫咗個串燒六盛，有湯有前菜有飯同茶，加野飲要再加錢。食得飽，但唔係特別好食。個冬菇燒得算係好，唔會太乾身，咬落仲有少少汁。但其他真係唔ok，串燒嘅醬汁好重要，佢啲肉根本唔夠汁，要自己加豉油先夠味，個免治雞肉串好鬆散，食落無乜咬口，雞軟骨同雞肉好似唔太混合，有待改善。雞翼還好，因為係鹽燒，所以唔存在唔夠醬汁嘅問題，但如果加埋要接近兩舊水真係不會揀。最大問題係你一食完就催你埋單，我地坐左一個鐘都無，會唔會急咗啲？

早兩日家人為我慶祝生日晚飯，我們來到位於太古城新開不久的 幸福鳥 用膳，裡面環境日式格調很高雅舒適，座位也非常之寬敞，食物方面種類繁多，前菜好味配酒一流👍食材非常新鮮刺身鮮甜好味，生蠔或燒蠔都非常Juicy😋是日精選推介的食物都とても新鮮だ美味しかったです🙏串燒都非常用心烹調恰到好處，員工非常親切有禮，就像身處日本一樣感受到環境食物服務一樣😊整晚一家人都非常開心滿意🙇🏻有興趣的朋友不妨試試。

這間坐落於太古城中心，以明治時代的京都為主題，餐廳的設計復古之餘又加插了時代感，即使無得去日本旅行，都猶如至身京都之中。餐廳主打海鮮為題，多款海鮮菜式，適合朋友及家人聚會用餐的地方。一坐低店員即送上前菜。燒雞泡魚干燒至兩面微焦，魚干煙韌有咬口。刺身拼盤有三文魚、吞拿魚、甜蝦、帶子及油甘魚，刺身鮮甜，帶子及三文魚都不錯。極上牛舌牛舌厚切，十分彈牙爽口。幸福鳥免治軟骨雞肉雞肉串沾上蛋王汁後，令雞肉更滑，中間的軟骨略有咬口。汁燒原條九州槍魷魚魷魚燒至表面焦香，爽口彈牙，還有點燒汁香味。沖繩菠蘿菠蘿香甜無渣。牛油粟米粟米牛油味濃，而且十分香甜。豆腐豆腐燒至金黃香脆，外脆內滑。幸福燒雞燒雞皮脆肉嫩，雞肉十分juicy。牛肉壽喜燒鍋牛肉嫩腍，下面舖滿了娃娃菜等，吸收了醬汁味道。

今日去太古搵朋友，同朋友嚟咗呢間叫幸福鳥嘅日本餐廳食。見佢晚市時間差唔多都滿座，應該都幾好食。燒雞泡魚乾 ($68)有驚喜，朋友鍾意食雞泡魚乾，本來都諗住雞泡魚乾係會比較乾身同硬，但係呢個雞泡魚乾燒得唔會太乾，口感適中。點埋沙律醬食好滋味。叫咗個刺身拼盤食 ($318)有三文魚、吞拿魚、油甘魚、赤蝦、帶子整體來講新鮮肥美😋豆腐（$38）炸豆腐外面微脆內滑，上面落左啲蔥花同埋木魚絲。幸福鳥免治軟骨雞肉 ($68)我哋揀咗鹽燒同埋汁燒，點埋日本生蛋食。咬落有少少軟骨嘅碎粒粒，加埋雞肉，口感方面幾有唔同層次。另外仲有芝士同埋激辛兩款口味。牛舌 ($88)牛舌燒到啱啱好，唔會太硬，厚薄適中，入口有油香，但感覺唔會太肥膩。烏冬欣賞佢個湯清清地，烏冬係煮得啱啱好嘅軟硬度。汁燒原條九州槍魷魚 ($158)原條九州魷魚擺上台，感覺好吸引。以前食過燒魷魚係好硬身或者魷魚本身嘅肉質係好硬，但係呢個燒魷魚嘅肉質依然保持鮮嫩，趁熱食嘅話仲有超香嘅魷魚風味。蒜香粟米($58)粟米睇落平平無奇，但係佢嘅甜度都幾高，有帶點炭燒同埋牛油嘅香味。牛肉壽喜燒鍋 ($188)利用醬油做湯汁，入面加咗唔同嘅蔬菜好似係豆腐、蒟

不過不失的一餐,係黑豚長葱燒d豚肉太韌,燒雞有驚喜,蟶子以為麻麻地,不過都燒得好食,槍魷魚都係呢間餐廳另一必點菜式,海鮮鍋中規中矩,唔想食壽喜燒,食咁多肉既朋友不妨一試,