幸福鳥 (K11購物藝術館)

Open Now

Now Closed

今日放假去尖沙咀睇戲就響附近食個lunch😊坐低後先享受一下呢個舒適嘅環境，柔和嘅日光從繪馬間透入餐廳，好舒服😊🔸燒頂級谷飼牛定食🥩呢度以串燒為主打，先前食過唔錯，今次想試其他出品就叫咗個燒牛定食。每個定食都隨餐附上前菜、沙律、味噌湯、溫泉蛋、白飯🍚牛肉燒得有啲過熟，配燒汁未至於好乾。記得之前同屋企人嚟食，燒牛肉入面仍然能保持粉紅色的。今次嘅全熟燒牛有進步空間。🔸汁燒牛舌丼定食🍚汁燒過後嘅厚燒牛舌有啲乾，都係過熟了。反而汁燒後嘅洋蔥配飯底嘅燒汁拌飯更好食。🔸拉絲芝士玉子燒🥚有大胃王男友包底，叫咗個芝士玉子燒試。熱辣辣冒煙而且拉到絲嘅玉子燒好好味😋 玉子好軟熟，加埋蛋黃醬一流😋🔸芝士免治雞肉棒🧀芝士控忍唔住要叫，燒過嘅半溶芝士配免治雞肉棒好香口。🔸汁燒免治雞肉棒🌕每次去居酒屋都必叫嘅汁燒免治雞肉棒，加埋月見醬汁真係百吃不厭🤭餐廳以鳥居作設計，居酒屋路線，餐廳環境絕對加分⛩️ 店員細心服務態度有禮，食物可能未達滿分，但整個用餐體驗唔錯。呢度以串燒為主打，串燒的確做得好出色，下次食返串燒定食確實係穩陣之選😊

餐廳模仿日本神社, 每次經過敝店都被它門前的鳥居和掛在旁邊繪馬所吸引, 加上店名取用同音字由幸福了變為幸福鳥, 非常特別, 所以一直都想嚐試 😊 所以當朋友提議到這𥚃用饍我就二話不說讚好了。正是這樣, 到訪後才發現餐廳主要吃串燒的, 有點意料之外 😅靠門邊位置設有串燒吧, 再入內就是其他座位。 餐廳座無虛席, 以現在的經濟環境下也能保持這個狀態實屬難得! 😳 拉絲芝士玉子燒 $88一切開就見到非常濃厚的芝士, 入口嫩滑, 配上沙律醬伴食更加邪惡 😈 焦糖菠蘿 $38被燒焦的是菠蘿🍍面層的砂糖, 所以當咬去焦糖後就吃到涼涼的菠蘿, 菠蘿甜美多汁 😋大啡菇 $38似乎燒得稍微偏乾身, 正常一咬多汁的大啡菇只剩下少許水份 🫠 師傅未有加太多調味, 吃得到原汁原味和牛串 $78軟熟嫩口, 加了少許醬汁, 旁邊配有芥末醬, 不建議加芥末醬, 完全破壞了本身的味道 😐芝士年糕 $42外脆內軟糯, 比較淋, 不算太煙韌, 但芝士份量不少燒絹豆腐 $38朋友讚口不絕的豆腐, 我卻覺得一般, 最主要不喜歡豆腐皮的口感, 而且豆腐淡而無味 😐另外還點了其他食物:松露炒日式野菜 $98烤茄子 $28唐揚魷魚

假期同小朋友外出走動走動唔知食咩好，就入左呢間食下，食左滑蛋雞柳定食同壽喜燒，再加兩隻蝦刺身。先講壽喜燒，牛肉夠滑味道唔錯，反而滑蛋雞柳定食就唔太得，蛋夠滑但雞有腥味同最重要係太太太咸。不過整體服務唔錯另外提一提大家，呢到無小朋友枱，因為無晒卡位我地又心急入去，結果小朋友係正常情況無特別百厭既活動下係張櫈背中間成個跌左落嚟下，應該都幾痛。所以帶小朋友既要留心呢點

首先，服務好好！因為我本身鍾意飲茶所以飲得超快🤤好及時留意到幫我斟滿！另外，d嘢食最鍾意嘅係玉子燒，好滑好香，應該下次都會再食多次！鰻魚飯嘅鰻魚刺都好細，就算唔太喜歡食到刺嘅人都會接受到！總而言之好好

午餐美味😋環境舒適，位置方便，沒有訂位都可以即時入座，乾淨衛生。燒頂級谷飼牛：我哋叫咗兩份，熟度有生有熟，食齊兩種口感味道，另一份全熟完全符合我嘅要求。半生個部份嫰滑多汁，全熟部份牛味香濃。同事食串燒七盛合，每樣都恰到好處。餐包括嘅半生熟蛋，生熟情度恰到好處，撈飯一流，蛋有蛋香味。侍應服務態度－流，不時加添熱茶，服務質素媲美區內五星級大酒店，招呼周到，風趣幽默，主動性強。下次－定再同朋友－齊再來光顧。

今次星期日午市光顧，即使係假日，都有午市套餐，價錢以尖沙咀區而言，尚算合理 。首先介紹係主打嘅串燒定食（$198），定食總共有七款串燒，有各種肉、秋葵、菇，都燒得好惹味 。點串燒要等候耐一啲，因為即叫即燒。另一個定食係壽喜燒（$158），可以揀豚肉或者牛肉，個鍋入邊有菜有肉有蛋，非常豐富 。所有定食都配溫泉蛋，但唔想食生雞蛋可以要求佢轉玉子燒 。最後一個定食係鱈魚西京燒（$198） ，鱈魚燒嘅汁甜甜地，配一大堆沙律菜，適合唔想食咁多肉食得太飽嘅朋友。定食仲可以加$28轉稻庭烏冬。值得一讚係服務態度非常好，有禮貌之餘，仲好關心客人需要。

好味又好服務，全部食物都熱辣辣，店員介紹詳盡。職員友好，特別係金仔，靚仔又大隻又高又風趣又幽默又似韓國oppa。😂😂黎開尖沙咀會再到訪，會介紹比朋友also。

🍽️ 走進幸福鳥，嗅到陣陣燒烤嘅香味，真係口水直流三千尺，港式話講就係"肚餓到咁上下"! 揀左張靠窗嘅位，環境唔錯，有種微微放鬆嘅感覺。🍗 搞掂落單，首先上嚟嘅係個拼盤，賣相靚得嚟，啖啖肉嘅燒牛舌，外層微焦香脆，啖啖滋味；而燒雞，啲肉嫩滑得黎又多汁，真係食落一啖幸福滿滿。添喇，忍唔住叫多份，跟住就係個汁燒九洲槍魷魚，海鮮鍾意者必試呀！魷魚夠晒彈牙，入口即溶，只係搭住少少嘅薑蓉就已經"嘩"到我哋。🥡 至於牛肉壽喜燒，哩個就真係溫暖人心，甜甜哋嘅壽喜燒汁包裹住肥牛同埋各種蔬菜，都算係一個過癮嘅選擇。雖然味道強烈，但又好似幫到其他嘅食材提香，充滿層次。總括嚟講，呢度嘅食物賣相同味道都掂，特別係個拼盤同牛舌，真係嚟一次仲想再嚟。店員服務都好貼心，雖然無賣酒，但係可以自己帶酒嚟配菜，嗰種小心思，就令成個體驗加分唔少。不過串燒呢邊，就覺得仲有啲提升空間。若果問我會唔會再返嚟食，答案係嘩！絕對會嘅！👍👍👍

之前一路經過K11一直都好想試，上個禮拜終於有藉口可以試😗初時以為都可能價錢偏貴，但係每款都好食，冇乜邊樣唔得，最緊要價錢唔會太貴overpriced!!個人最鍾意食玉子燒、烏之盛，玉子燒係因為我本身係一個食蛋迷😂淡淡芝士真係好好食，非常足料；另外烏之盛啲雞肉燒得啱啱好，唔會鞋口，個雞翼真係啱啱好。當然除咗食物質素，服務都好好，尤其是經理好服務又好好笑，因為我去廁所去得太耐，佢哋以為我失咗蹤😂因為晚市優惠，又送日本蠔俾我地食，好鮮甜！我本人其實鍾意食生蠔多啲，成日覺得熟嘅蠔冇咁好食，但係今次真係有驚喜！同埋可能我哋坐近吧枱，睇住師傅燒到覺得特別和味。另外因為我都覺得燒魷魚一定唔會差得去邊，佢本身有兩款，一款係避風塘，一款係九州，問咗經理佢會建議唔鍾意食太重味嘅叫九州魷魚，一樣好食。不過我哋兩個人食一碟，其實都幾飽😌甜品方面，我哋就叫咗焦糖菠蘿，初初以為焦糖菠蘿係熱嘅，但係其實只係焦糖面燒熱，菠蘿都喺凍身，估唔到都幾特別，同埋食完串燒嘢，食返凍菠蘿都幾舒服。然後經理話見我生日，再送多兩個甜品俾我，所以我哋又揀多咗布甸加雪糕作為甜品結尾！紅豆綠茶雪糕正常，最有驚喜係日本布甸，除咗好動L之外

今日試左午市定食（串燒餐）份量相當豐富，有前菜温泉蛋味噌湯御飯，這間餐廳服務相當一流，各服務員及經理細心款待，特别高高肥肥的哥哥，今天非常開心，下次一定再來，嘗試其他款式既午餐。

星期天與家人到幸幸福鳥午餐，食物方面，食材品質非常好。服務方面，服務態度細心，特別係高小肥的四眼哥哥，服務細心體貼，2老不食生雞蛋，我跟他說聲，立即轉玉子給他們。真係比個like 佢。

食物非常美味，燒牛肉必食推介，環境好好，服務態度真係好👍🏻👍🏻👍🏻尤其是高大靚仔哥哥！－定再次回來吃😉地點在尖沙咀地鐵站非常方便、非常享受這次晩餐！

和朋友訂枱慶祝生日。太多選擇，有選擇困難症的我們最後決定點二人餐。餐的食物類別很豐富，有前菜滑豆腐沙律、鮑魚、三款刺身（全部都好新鮮）、六款串燒、炸樱花蝦（唔油又香脆）、芝士明太子玉子燒、清酒煮蜆（勁香濃清酒味，啲蜆粒粒都咁juice)、肥牛烏冬、鰻魚飯，仲有美味布丁甜品，可以一次過試到好多款食物之餘，每款都很美味。最後不得不題經理的殷勤又細心嘅服務，亦是這個原因才在這邊發文表揚。絕對係其中一個回頭再訪的原因。唯一是如果用餐時間可以有120分鐘就更加幸福了。

同朋友出街食飯 見到呢間幸福鳥原本都驚日本福島嗰邊啲廢水員工都好耐心咁同我解釋佢地入嘅貨唔係全部都嚟自日本而且佢地自己都有驗貨 聽到佢地咁講我地都食得放心咗我地叫咗一個叫幸之晚宴嘅二人餐同散叫咗一啲鳥冬、燒魷魚同埋燒鰻魚 份量都唔少足夠我地四個人食 啲野食好好味 特別係串燒同埋鳥冬 刺身都唔錯但始終都係有啲驚福島嗰邊 所以叫咗三文魚腩同埋帶子試少少 價錢偏貴 但係好值得食 真係價錢公道 用料優質重點係店舖環境好舒適 一邊享用美味嘅晚餐一邊舒舒服服咁飲住酒同朋友傾偈 服務員嘅態度非常之好 好熱情同好細心 得閒同啲員工傾吓偈有講有笑真係有啲居酒屋嘅感覺 整體嚟講 以後有機會就一定會過嚟食飯

幾個星期前朋友一直喋喋不休的在推薦幸福鳥日料店雖然本身對日料沒什麼興趣的我經過朋友的推薦後抱著試一試的心態就去了k-11的幸福鳥到了目的地後 前臺人員便熱情的跟我打招呼和安排就坐 就坐後拿起餐牌 就叫了個滑蛋雞柳丼 等了大概十五分鐘左右我的丼飯就出餐了這個丼飯真的很好吃 雞柳和蛋的搭配讓我越吃越順口 然一旁的工作人員偶爾會問一下我有沒有其他的需要 服務態度真的滿分總之就是 我十分推薦大家試一下幸福鳥的日料不僅食物好吃 工作人員 和吧檯的廚師服務態度也相當不錯