Video
Introduction
It provides authentic Japanese cuisine in a comfortable environment. There are VIP areas too. The choices in menu are diversity, you can try steamed rice, ramen, sushi and even wagyu here.
continue reading
Opening Hours
Today
17:30 - 22:00
Mon - Fri
11:30 - 15:00
17:30 - 22:00
Sat - Sun
17:30 - 22:00
Above information is for reference only. Please check details with the restaurant.
About Reward Scheme
#20240712 🤍📍 四季‧悅 日本餐廳 九龍灣宏泰道23號Manhattan Place 1樓101-103號舖 🍽️金鐘夏慤道16號遠東金融中心UG樓A1號舖➖➖➖➖➖➖➖➖➖➖➖➖➖➖➖➖➖#慶回歸日式放題 $225/位💭 網上睇到呢間野有特價，原先好似$385一個人，依家做緊71折之餘仲每兩個人減$100，圍起上尼先$225，當然要原價數加一啦，不過都抵既🤑. 🥢 #冷盤💭 最主要尼梗係食刺身啦，大路野果啲#三文魚 呀、#赤貝 呀、#吞拿魚 呀佢都有既，不過#蝦 就淨係得熟蝦，鐘意食蝦刺身既朋友就要失望喇，用有既刺身尼講，佢都新鮮而且塊塊厚切，算唔錯啦🐟. 🥢 #熱食💭 其實呢度既選擇唔多，但有啲幾特別既，例如佢會有#豬大腸串燒 ，又有#大阪燒 ，好似平時係出面食放題好少見，有得任食#日式蒸蛋 加左分，重點係佢整得幾好食，入面有菇有蝦有瘦肉，炸物最推薦#芝麻雞翼 ，外脆內軟滑，覆桌左幾次都仲想食～. 🥢 #甜品💭 呢間係四洲旗下既放題店，所以佢啲野飲同雪條都係四洲品牌，唔好太高期望，想試伏可以自己去特惠店買條試🚁不過佢有個#窩夫 即叫即整幾吸引，多返啲朱古力醬會仲好味🧇總括而言呢間野有特價不妨一試，但原價尼食就唔推介喇😅.#九龍灣美食 #🐷在九龍灣 #金鐘美食 #🐷在金鐘 #🐷_食
continue reading
今年母親節及父親生日搵左間未食過既日式放題餐廳，位置九龍灣Mega Box附近，網上見到做緊優惠價，原價$388，現在$240一位（另收原價加一），而且每2位送4件海膽壽司，以及每位母親送一罐養生桃膠。放題同其他餐廳差唔多，刺身幾厚切，但無生蝦只有熟蝦；燒物方面沒有羊架，而牛脷又乾又硬，有少少失望。但要讚炸物好出色，叫左幾次都係新鮮炸起熱辣辣，仲有軟殼蟹！而比較特別是芝士溶岩系列，有蟹柳，帆立貝，玉子，炸雞粒等，全部熱鍋上加芝士醬，一定要趁熱食！餐廳只有QR code落單點餐，沒有自助區，飲品只有四州旗下飲品，比較少選擇。整體餐牌選擇同平時食開既放題少左啲，食物質素就有高有低，但都合格既。.餐廳地方夠大，客人唔算多，而且無需行出行入拎飲品或自助區取食物所以坐得幾舒適。母親節後少了海膽壽司及桃膠優惠，價錢將是原價減$150，即係比我今次用餐平$2，性價比就低左啲。
continue reading
呢間餐廳原本已經食過好多次，今次由7:30入座，原本可食到9:30，係8:45職員提我哋9點last order，順手擺低埋張單叫我哋買，我哋就即刻拎張卡出嚟俾錢啦，同時朋友就即刻落單叫埋想食嘅嘢，但係由埋左單（8:45）之後到9:30中間既45分鐘都冇嘢食上過，等到忍唔住去問職員啲嘢食仲會唔會嚟，佢答原來廚師一早已經走咗，廚房已經冇人可以提供食物😓好無奈，原來係客人仲可以嗌嘢食嘅時間，廚師已經離開，對一間餐廳嚟講，都幾唔負責任，之前食過好多次，一直覺得呢間餐廳價錢合理，又坐得好舒服，又適合同朋友食飯傾偈，但今次食唔飽咁離開，真係好失望😓
continue reading
四季‧悅 日本餐廳 - 九龍灣📍九龍灣宏泰道23號Manhattan Place 1樓101-103號舖朋友公司附近有間抵食日式放題，原來就係金鐘都有一間既四季悅。不過今日狀態麻麻，上到去都係叫左套餐食，留返下次再黎食放題。啲套餐睇落都幾有質素，而且包左前菜、海鮮三文魚籽茶碗蒸、大蜆麵豉湯、甜品、飲品。前菜有三款：冰鎮梅醬蕃茄、麻醬豆腐、漬物和牛。三樣都清清地，開胃一流，由其是梅醬蕃茄，好fresh. 海鮮三文魚籽茶碗蒸茶碗蒸係熱辣辣咁上枱，蛋係滑到隔時係口到漏走，入面仲有一舊雞肉、蟹柳、冬菇同大大粒既三文魚籽，好豐富。大蜆麵豉湯呢個麵豉湯粒蜆係我見過嘅麵豉湯入面最大粒既，真係超級肥美厚肉，仲要無砂，有驚喜。岩鹽板A4薩摩和牛厚燒120克配御飯 - $358一大舊岩鹽板上面放左燒過既和牛，粉紅色既鹽板好岩打卡用。和牛有燒過既蕉香味，牛既油脂唔算太多，唔會食到一口油，有少少鹽既調味，如果想多啲變化，可以點埋佢既燒汁，係蒜香甜甜地既，兩個口味送飯都一流。時令手握壽司9貫 - $328擺盤都好靚仔，9件壽司都係左靚料既，有大蝦、吞拿魚、吞拿魚腩、海膽、同其餘幾款魚類。飯既份量唔大，所以可以好好享受個刺身，有啲魚佢會界左花，入口既口感會更豐富。海膽係有兩層，好滿足。飲品/甜品係加左冰既梅酒，酸酸甜甜，唔太高濃度既酒精，夏天飲好爽。甜品係明治既白桃烏龍冰條，係無死既組合，為呢餐做左個好好既結尾。
continue reading
喺九龍灣有一間日式料理餐廳除咗主菜單佢哋都仲有放題食不過上次就去試咗單點佢哋嘅料理首先，鹽版牛配飯，真係一絕！😍牛肉嫩滑多汁，仲有啲鹽香，同埋飯嘅口感真係非常好食！❤️🙆🏻♀️如果你係牛肉控，一定要試下呢個！而焗三重芝士黑豚石鍋飯都出色～啲黑豚肉已經夠鮮美，再加埋三款唔同嘅芝士😍😍焗熱落去，啲芝士嘅香味同黑豚肉嘅食落去非常邪惡😆焗芝士年糕都係咁吸引啦😄年糕一焗，啲芝士就會流曬出嚟，又軟又滑🫶🏻我哋仲試咗啲小食🙆🏻♀️月見免治雞肉棒同煎廣島蠔！雞肉棒外脆內軟，真係滋味☺️至於煎廣島蠔，啲蠔新鮮肥美，煎至金黃，仲有啲醬汁落去😍😍🫶🏻總括嚟講，呢間位於九龍灣嘅日式料理餐廳，真係值得一試！下次都想試吓佢哋嘅放題😆👍🏻
continue reading