四季‧悅 日本餐廳 (Manhattan Place )

Open Now

Now Closed

今晚book咗19:30枱食情人節晚餐 19:15已經入座 個陣時入座率大約7成 但我地等咗差不多10分鐘先有職員攞QR code俾我哋落單我哋第一次落單每款食物叫咗少少諗住試吓 但等咗大半個鐘先嚟第一樣食物（炸物）之後又要再等15分鐘先有第二樣食物（都係啲炸物）等都等到落晒嗝魚生等到大概20:30先有 壽司更係9點幾 啲枱走得七七八八先出叫完最後真係嚟咗嘅我諗大約只有三成 而且完全唔跟落單次序 邊張枱催就有食物係咁出比佢地物呢排餐廳仲做緊每位+$60有得食蟹粉放題 我地都加左試吓 佢有6款蟹粉食物 我哋落咗幾次單 每次叫幾款咁 但最後只係嚟咗兩樣野 （好彩最後同侍應反映完 有得豁免返呢個額外收費）食物同侍應服務都ok嘅 但上菜真係要大大改善🫠真係等到懷疑人生 覺得唔寫差評太對唔住自己 於是第一篇食評就獻咗比佢啦

今晚朋友話想試吓佢公司附近呢間日式放題, 本身我對放題興趣不大, 印象中係成日漏單,質素麻麻, 同埋坐得好迫。無期望下反而有驚喜,坐位闊落, 食物新鮮, 出餐快而準, 服務員親切有禮, 最新推廣係有蟹粉任食(加$60), 幾特別, 讚!餐後甜品都吾錯, 如果款式再多D會更好。如下次有其他主題, 會再嚟食過~

屋企必備小零食，一定有Calbee薯片🥳共有5到7種味道，有啲仲係期間限定！餐廳集齊各款口味，食客盡享多樣風味。今次我哋兩個嚟食放題，🤓揀咗兩款，🐮威靈頓牛柳帶有牛柳的鮮香同薯片的脆爽，🍛泰式紅咖喱則帶來了濃郁的東南亞風情。自選刺身拼盤新鮮厚切，🐟吞拿魚搭配黑松露帶子，鹹香惹味。🍣海膽醬燒赤蝦壽司，入口鮮美。麻辣燙麻辣鮮香，🔥煎鵝肝醇厚細膩，蒜茸燒半殼元貝鮮美多汁。青咖喱軟殼蟹配薄餅，充滿創意，😋咖喱汁配薄饼perfect match~比貝魚西京燒，香滑的口感，令人回味。

剛剛同成班朋友去MegaBox行完街，見到隔離呢度做緊雙重獎賞優惠，一邊食放題，一邊食到晒最新款限定新口味薯片。😳 最估唔到呢度有齊咁多種味，好彩我地有咁多人，一人揀一個口味～ 平時點會見到咁齊。我就最鍾意香港經典風味嘅蝦子拌麵味 & 中式鮑魚味❤️～ 🍶呢餐好正咁有任飲Choya梅酒和清酒，真係不醉無歸！放題都好多款式，揀幾個分享一下❤️🐟自選刺身拼盤：帶子、象拔蚌，油甘魚、三文魚都夠鮮👍🏻蒜茸燒半殼元貝：蒜香撲鼻加埋勁嫩滑元貝～ 最鍾意呢款🐠吞拿魚黑松露帶子壽司：吞拿魚配黑松露加入滑口的帶子，幾好🧶海膽醬燒赤蝦壽司：海膽同赤蝦係絕配🥣麻辣燙：估唔到有得食。味道超級刺激，愛辣必試🥢煎鵝肝：油脂豐富🌟比貝魚西京燒：入口爆魚油到整個口腔都係。超推！另外，甜品仲有多款日式飲品和雪條～ 食埋就十分滿足

🎉為了慶祝2025年，四季‧悅放題2重賞，正價$388現在特價$248，還多送卡樂B薯片一包，而且Total有五至七款新味道，包括:蝦子拌麵、紅咖喱、鮑魚、番茄羅勒意大利、威靈頓牛柳味和千島蝦堡味…去邊度都沒可能有齊晒咁多味，唯有在四季悅可以享用到，係期間限定，薯粉們真是要快點去啦，別錯失良機！🍽️鮑魚味薯片的香脆口感，伴隨著濃郁的鮑魚香味，兩者結合無疑是對味覺的一次驚喜！威靈頓牛柳味薯片則充滿了濃郁的肉香，像在享用一份經典的牛肉大餐，再配上無限享用的梅酒真是完美！🦪任選多種刺身做拼盤，想吃多少吃多少，熟蝦刺身弹牙鲜甜，三文魚刺身油脂丰富，還有北寄貝、赤貝等新鮮刺身，一次嘗遍海鮮美味！🍤火炙左口魚邊壽司和火炙三文魚壽司，焦香四溢，每一口都是滿滿的幸福。海膽醬燒赤蝦鹹香鮮美，鵝肝芝士鰻魚卷層次豐富，一口下去，美味無法言喻。🥩汁燒牛柳粒，肉质鮮嫩，汁香四溢。蟹肉忌廉餅，中間的忌廉濃郁得讓人無法抗拒。🦪煎鵝肝綿密香嫩，海膽流心忌廉餅一口咬下去，忌廉絲滑爆漿入口。豉椒炒蜆，豉椒香气撲鼻，蜆肉入汁，每一口都是滿足。🐚辣醬煮東風螺，辣酱的香辣與东风螺的鲜美滑嫩完美結合。青咖哩軟殼蟹配薄餅，咖喱味香濃

在九龍灣商業區，有這一間門面和店內裝修幾好日本餐廳，餐廳內氣氛唔錯，坐位都幾舒服飲品自助的，有玄米茶、綠茶、以及凍咖啡👍🏻👍🏻但是有一半飲品都是四洲的食物選擇方面，唔算特別多，大部分都是普通款式而食物質素方面，亦是一般比較好味的是蒸蛋，另外串燒都可以炸物都可以，鵝肝都唔錯銀鱈魚都幾好而魚生拼盤賣相都幾好，新鮮，但係壽司就一般，賣相麻麻另外手卷賣相都比較普通其他的比較普通烏冬唔好食關東煮太淋了

#20240712 🤍📍 四季‧悅 日本餐廳 九龍灣宏泰道23號Manhattan Place 1樓101-103號舖 🍽️金鐘夏慤道16號遠東金融中心UG樓A1號舖➖➖➖➖➖➖➖➖➖➖➖➖➖➖➖➖➖#慶回歸日式放題 $225/位💭 網上睇到呢間野有特價，原先好似$385一個人，依家做緊71折之餘仲每兩個人減$100，圍起上尼先$225，當然要原價數加一啦，不過都抵既🤑. 🥢 #冷盤💭 最主要尼梗係食刺身啦，大路野果啲#三文魚 呀、#赤貝 呀、#吞拿魚 呀佢都有既，不過#蝦 就淨係得熟蝦，鐘意食蝦刺身既朋友就要失望喇，用有既刺身尼講，佢都新鮮而且塊塊厚切，算唔錯啦🐟. 🥢 #熱食💭 其實呢度既選擇唔多，但有啲幾特別既，例如佢會有#豬大腸串燒 ，又有#大阪燒 ，好似平時係出面食放題好少見，有得任食#日式蒸蛋 加左分，重點係佢整得幾好食，入面有菇有蝦有瘦肉，炸物最推薦#芝麻雞翼 ，外脆內軟滑，覆桌左幾次都仲想食～. 🥢 #甜品💭 呢間係四洲旗下既放題店，所以佢啲野飲同雪條都係四洲品牌，唔好太高期望，想試伏可以自己去特惠店買條試🚁不過佢有個#窩夫 即叫即整幾吸引，多返啲朱古力醬會仲好味🧇總括而

今年母親節及父親生日搵左間未食過既日式放題餐廳，位置九龍灣Mega Box附近，網上見到做緊優惠價，原價$388，現在$240一位（另收原價加一），而且每2位送4件海膽壽司，以及每位母親送一罐養生桃膠。放題同其他餐廳差唔多，刺身幾厚切，但無生蝦只有熟蝦；燒物方面沒有羊架，而牛脷又乾又硬，有少少失望。但要讚炸物好出色，叫左幾次都係新鮮炸起熱辣辣，仲有軟殼蟹！而比較特別是芝士溶岩系列，有蟹柳，帆立貝，玉子，炸雞粒等，全部熱鍋上加芝士醬，一定要趁熱食！餐廳只有QR code落單點餐，沒有自助區，飲品只有四州旗下飲品，比較少選擇。整體餐牌選擇同平時食開既放題少左啲，食物質素就有高有低，但都合格既。.餐廳地方夠大，客人唔算多，而且無需行出行入拎飲品或自助區取食物所以坐得幾舒適。母親節後少了海膽壽司及桃膠優惠，價錢將是原價減$150，即係比我今次用餐平$2，性價比就低左啲。

呢間餐廳原本已經食過好多次，今次由7:30入座，原本可食到9:30，係8:45職員提我哋9點last order，順手擺低埋張單叫我哋買，我哋就即刻拎張卡出嚟俾錢啦，同時朋友就即刻落單叫埋想食嘅嘢，但係由埋左單（8:45）之後到9:30中間既45分鐘都冇嘢食上過，等到忍唔住去問職員啲嘢食仲會唔會嚟，佢答原來廚師一早已經走咗，廚房已經冇人可以提供食物😓好無奈，原來係客人仲可以嗌嘢食嘅時間，廚師已經離開，對一間餐廳嚟講，都幾唔負責任，之前食過好多次，一直覺得呢間餐廳價錢合理，又坐得好舒服，又適合同朋友食飯傾偈，但今次食唔飽咁離開，真係好失望😓

四季‧悅 日本餐廳 - 九龍灣📍九龍灣宏泰道23號Manhattan Place 1樓101-103號舖朋友公司附近有間抵食日式放題，原來就係金鐘都有一間既四季悅。不過今日狀態麻麻，上到去都係叫左套餐食，留返下次再黎食放題。啲套餐睇落都幾有質素，而且包左前菜、海鮮三文魚籽茶碗蒸、大蜆麵豉湯、甜品、飲品。前菜有三款：冰鎮梅醬蕃茄、麻醬豆腐、漬物和牛。三樣都清清地，開胃一流，由其是梅醬蕃茄，好fresh. 海鮮三文魚籽茶碗蒸茶碗蒸係熱辣辣咁上枱，蛋係滑到隔時係口到漏走，入面仲有一舊雞肉、蟹柳、冬菇同大大粒既三文魚籽，好豐富。大蜆麵豉湯呢個麵豉湯粒蜆係我見過嘅麵豉湯入面最大粒既，真係超級肥美厚肉，仲要無砂，有驚喜。岩鹽板A4薩摩和牛厚燒120克配御飯 - $358一大舊岩鹽板上面放左燒過既和牛，粉紅色既鹽板好岩打卡用。和牛有燒過既蕉香味，牛既油脂唔算太多，唔會食到一口油，有少少鹽既調味，如果想多啲變化，可以點埋佢既燒汁，係蒜香甜甜地既，兩個口味送飯都一流。時令手握壽司9貫 - $328擺盤都好靚仔，9件壽司都係左靚料既，有大蝦、吞拿魚、吞拿魚腩、海膽、同其餘幾款魚類。飯既份量唔大，所以可以好

喺九龍灣有一間日式料理餐廳除咗主菜單佢哋都仲有放題食不過上次就去試咗單點佢哋嘅料理首先，鹽版牛配飯，真係一絕！😍牛肉嫩滑多汁，仲有啲鹽香，同埋飯嘅口感真係非常好食！❤️🙆🏻‍♀️如果你係牛肉控，一定要試下呢個！而焗三重芝士黑豚石鍋飯都出色～啲黑豚肉已經夠鮮美，再加埋三款唔同嘅芝士😍😍焗熱落去，啲芝士嘅香味同黑豚肉嘅食落去非常邪惡😆焗芝士年糕都係咁吸引啦😄年糕一焗，啲芝士就會流曬出嚟，又軟又滑🫶🏻我哋仲試咗啲小食🙆🏻‍♀️月見免治雞肉棒同煎廣島蠔！雞肉棒外脆內軟，真係滋味☺️至於煎廣島蠔，啲蠔新鮮肥美，煎至金黃，仲有啲醬汁落去😍😍🫶🏻總括嚟講，呢間位於九龍灣嘅日式料理餐廳，真係值得一試！下次都想試吓佢哋嘅放題😆👍🏻

今日喺九龍灣MegaBox同朋友行完街，想食日本嘢，同時又已經食厭咗MegaBox嘅餐廳，朋友就介紹我喺MegaBox對面一間叫四季悅嘅日本餐廳，入面環境唔錯，食物亦都幾好😋🥩岩鹽板A4薩摩和牛厚燒120克 $358 A4級嘅和牛，入口即溶，油脂分布均勻，放喺岩鹽板上面再點上少少岩鹽，令到和牛嘅味道更明顯，配埋御飯食可以減低油膩感，鍾意食和牛嘅朋友一定要叫🐠銀鱈魚西京燒配御飯 $268 新鮮熱辣辣燒起嘅銀鱈魚，皮脆肉嫩，而且燒得非常惹味，銀鱈魚新鮮好味，仲好厚肉，係性價比極高嘅一個set，隨餐仲會奉上前菜同埋茶碗蒸，前菜有冰頭漬、豆腐同埋番茄，非常清新，令人食得非常滿足🐟燒白鰻魚(2串)$76 明太子雞翼(2隻)$56 餐廳仲有啲即叫即燒嘅串燒可以叫，咁今次就叫咗燒白鰻魚同埋明太子雞翼，全部都係新鮮燒起，雖然可能要等五至十分鐘，但絕對係值得等待，因為材料新鮮，調味一流，令人食得非常享受📍九龍灣宏泰道23號Manhattan Place 1樓101-103號舖 - 四季‧悅

四季‧悅 日本餐廳 (Manhattan Place ) (九龍灣)九龍灣宏泰道23號Manhattan Place 1樓101-103號舖。雖然係觀塘番工，但係都比較少係九龍灣食野。四季悅相信係金鐘番工嘅朋友都會聽過，因為都開左好多年，估唔到九龍灣原來都有wor。九龍灣分店環境再好d，整體空間好大。劍魚腩刺身（$36）、三文魚腩刺身（$32）刺身新鮮肥美，用上鮮磨wasabi。岩鹽板A4薩摩和牛厚燒120g ($358)和牛燒香之後放上岩鹽板，每舊食之前都輕輕係岩鹽上沾一沾，我覺得唔洗再用醬汁成件事已經好足夠，A4和牛油脂好香，簡單配上白飯就已經好好。龍蝦天婦羅配御飯（$308）成條龍蝦尾起肉再做天婦羅，呢件事勁奢華～ 龍蝦肉口感彈牙，即炸外層炸漿唔會太厚。#gpigkowloonbay

四季‧悅日本餐廳喺九龍灣嘅Manhattan Place，位置係Megabox對面，距離地鐵站遠少少，遠離塵囂，係商廈去入面。我地揀咗啲串燒，有（1）明太子雞翼，價錢$56。呢道菜係兩隻炸雞翼，上面包住咗好香濃嘅明太子醬汁，味道好鮮美。雞翼炸到酥脆，再加上明太子嘅鹹香味，真係一個好好味嘅開胃菜，仲有（2）日本冬菇同（3）燒雞軟骨，每串價錢分別係$26同$36。呢兩串燒都烤得啱啱好，冬菇口感鮮嫩，燒雞軟骨就香脆可口。前菜嘅意式風乾火腿沙律係一個清爽嘅開胃菜，火腿嘅鹹香同沙律嘅新鮮蔬菜好搭。另外湯以有大大隻蜆，味道唔會好鹹。仲有紫蘇蝦，酸酸甜甜，胡麻豆腐同枝豆。另外蒸蛋亦啱啱好，唔會好水。主菜我地揀咗特級牛肉壽喜燒配御飯，價錢$268。呢道壽喜燒本身係煮好上，無明火效果，但自己倒生蛋，保持口感。特級牛肉煮得好軟滑多汁，加埋酥脆嘅外皮同甜甜嘅醬汁，每一口都好有口感。御飯份量都好足夠，搭配呢道菜真係完美。流沙海老配御飯，價錢$328，用鹹蛋黃裹蝦肉係幾新穎嘅做法，大隻蝦肉質鮮嫩，用鹹蛋黃配搭嘅口感特別，令人驚艷。配上御飯，呢道菜絕對係一個好味嘅享受。另外，我揀咗Kirin同宇治茶梅酒，價錢分別

好耐好耐無食放題，原因可能係人大左食量細左，價錢貴左，食物質素差左。由於呢度做特價，兩舊幾水，一次大同聚會，一次家庭聚會都揀左呢度。回頭，係因為1）闊落，我地兩次都有小朋友，好坐既，張枱夠位擺野既2）食物唔Hea，唔係MK求其炸定唔熱都上枱，刺身都係似樣3）服務員唔會黑口黑面。每次壽司上枱，都提我地食左紫菜先 （當然唔黑面，同佢唔忙都有多少關係既）唔識個老細，不過相信佢係有心做既，想佢做到，但又想佢唔好咁好生意，等我地可以靜靜地食飯，香港人，就係咁乞人憎，夜市已死，係有原因既，哈哈