四季禅 (Closed)

知道係銅鑼灣最近開左一間聲稱每日都會自家制烏冬的鋪頭，心想新鮮制同我係超市買的會有什麼分別，好奇心驅使下，就同太太黎試下。鋪頭提供兩款烏冬，簡單D講，一款粗，一款幼。我選左粗，叫左個A5和牛溫泉蛋冷烏冬，感覺好似清清地。我太太因為鐘情蕃茄湯底，所以叫左個蕃茄海鮮湯烏冬。估唔到太太個個先到，碗蕃茄烏冬，未食已經知道好有蕃茄味，事關好濃的蕃茄香味已經漂過黎呢。太太當然興奮，食左兩口，見到佢好滿足，原來佢講不單有蕃茄味，仲要好難得可以做到酸甜適中，呢方面好多地方都做唔到架！佢好強調！甘D自家制烏冬點呀？！有什麼分別？WELL～可能D蕃茄味真係好濃，淨係講到好彈牙⋯⋯呢方面只好係我碗A5和牛溫泉蛋冷烏冬到感受下啦。首先，鐘意食烏冬的人都應該知道，烏冬好容易有一種酸酸的味道，原因可能係原材料不良，存放大久或煮的時間過長。食左一口，我可以講D烏冬真係好好食，不但沒有酸味，仲有一陣很香的麵粉味，原來新鮮制的烏冬係甘吸引，加上將隻溫泉蛋打爛，濃溢的蛋汁＋鮮嫩A5和牛＋新鮮彈牙烏冬，不用10分鐘，已經清得乾乾淨淨同太太講，下再黎可以試埋個buffet, 原來呢到中午同夜晚都有semi-buffet ka

自從在東京吃過一碗地道的即製烏冬，就一直對它念念不忘！那種煙韌滑溜溜口感，跟我們平日在超市買的那種烏冬，絕對是天和地的距離。昨天經銅鑼灣新地標Midtown，全楝都係食店夠集中，見到新開的四季禪，有日本師傅自製烏冬，即試！點了一客鹿兒島牛肉溫泉蛋烏冬，烏冬的質感好煙韌，而且超級彈牙，湯底的味道濃郁，跟烏冬很配，另外溫泉蛋亦煮得剛剛好，蛋黃仍然是流心的，這碗烏冬的質素真的不錯！唔使飛去日本都食到地道烏冬，小確幸 おいしい~