四季禅 (Closed)

早兩個星期去左呢間餐廳食半自助餐，原先係網上見到咁多好評，仲滿心期待，點知大失所望，如果同一個價錢，我寧願去番café east / grand hyatt食全自助餐 law。因為選擇會有十倍咁多，唔會好似而家咁，貼錢買難受!講番正題，果日星期五我同埋朋友2個人約晚上8時到達，但食物供應嚴重不足，例如﹕煎鵝肝及帶子等食物，由20:00 – 21:00 每次出去拎都係冇，試過有一次煎好約10件左右，但排我前面個女人一次過攞晒，問番唯一個師傅(留意: 煎部係得一個師傅，所以你可以想像可以有幾快出野食)，佢就好晦氣咁話等下啦，要煮左主菜(即係牛) 先到你地d自助餐配菜。所以每人平均要成$500，但整晚只食到一轉煎帶子咋 (係我同我個friend各一隻)﹗由於冇野食關係，到21:15就埋單，呢一刻係完全冇食過煎鵝肝!!!!!!原先諗住黎食煎鵝肝架。不停地有得叫既只有壽司law~~關東煮入面只得返芋絲，但係冇人會refill，十分離譜。甜品選擇只有約4款，同埋質素真係麻麻。只有主菜的烏東叫還可以，但$500食烏東及壽司，我可以去食放題，價錢仲平d。真心，我以後唔會再去呢間餐廳﹗

同朋友來到銅鑼灣一帶，又到了晚飯時候，我地去揀左間靜靜地的日本餐廳，名為四季禪，名稱很特別呢！日本菜隨街可見。餐廳不同之處是向上發展，住窗邊位，感覺高高在上，可以望到半個維港景色，十分悠閒、平和，附合禪意，餐廳座位也有不少。我地看過餐牌，都認為日本2人套餐很豐富呢，總是對那個鹿兒島黑豚心癢癢的！！首先係前菜沙律，凍凍地，相當清新，味道很不錯呢！材料有點兒像炒雜菜，生菜爽口且水份充足，醬汁味道亦算吸引。車厘茄鮮甜爽口，一點腥味也沒有，作為前菜，很不錯日本近海鮮魚刺身三款（金木鯛，北寄貝，拖羅），三款刺身帶不同的風味。北寄貝新鮮、爽口，都算肥大肉厚，但味道很淡。金木鯛有著粉紅色的外皮，口切得較薄，彈牙程度比深海池魚更甚，不用點上任何調味料，味道已經很出。拖羅夠鮮甜和肥美，魚油十足，滋味得很，最驚喜係佢一點也不腥，很合我口味，令人一試難忘。 天婦羅盛合粉漿厚度不錯，但略嫌炸得油膩了一點。大蝦夠大份且爽口。舞茸亦都好唔錯，夠脆卜卜。味噌照燒鹿兒島黑豚呢個係main course戲肉啦！！估唔到有咁大份，味噌照燒汁調得剛剛好，一試難忘。黑豚啖啖肉，肉質嫩滑，一點也不鞋口，層次分明，是很難得呢！北

其實日本料理都是我愛，韓國菜當然都Like，不過要數日本菜，隨街可見。今次同朋友相約CWB食日本菜，餐廳感覺都比其他一般區高級。上到黎已知日本餐廳一概風格都好靚，坐低後加埋個靚景，真係好賞心悅目又relax打開Menu，見到有個二人套餐，但因近日不想食炸野，決定放棄有天婦羅的二人Set。亦有半自助套餐選，但擔心吃不下這麼多，決定轉戰單點路線我自己就點左杯乳酸梳打，味道上就不太重乳酸味，反而梳打佔太重比例，本來預期的是帶點梳打的乳酸，卻變成了帶點乳酸的梳打法國鵝肝，一見到馬上心心眼！😍因為早前吃過美味的鵝肝，結果一試愛上！本抱住不太食內臟的我，居然會瘋狂愛上鵝肝這種美食，所以今次我不多思索就決定點下它本來心想一件鵝肝，應該比我一口就KO，點知上到檯，原來係一分為三，而每塊體積都不算小，可以一滿我所願！伴碟的士多啤梨與蘿蔔絲，用來中和鵝肝的油膩，不過對我黎講，鵝肝最正的油香味係最吸引，所以我原塊食，就最滋味！食落去，油香味濃，而且大大塊又厚的鵝肝，外面煎得剛好，令人難而忘懷的美食，不過還是少吃為可，多吃就壞身子味噌照燒鹿兒島黑豚也是美味非常，不過在此先要提醒一下各位，不喜歡肉羶味的朋友還是

一個地方，吃了兩次，兩個不同的男孩，兩個不同的感覺。 來到了四季禪，如果你是女孩，你會喜歡A男孩還是B男孩?A是乖乖的慳家男孩，帶他來過吃半自助餐，話化算點，B是那種只喜歡揮霍享受，說吃這類最好的東西不是吃自助餐。 今晚和我這個C來，當然我只是一個朋友，不是你的裙下之臣，你告訴我吃這個半自助餐較化算，因為可能你選A吧。 你就發現這裡的a la carte 很好吃，價錢也化算，只不過她說這裡的半自助餐，非常非常平又非常抵食，因此，她帶我來到試吃半自助餐，她說有感情煩惱，我從她選擇晚飯就知她應該選定了吧。 這裡的半自助餐非常有氣勢，就是刺身部分食到你傻，又八爪魚甜蝦真綢三文魚油甘魚呑拿魚，全部都係不錯的質素，貼近酒店質素。 冷盤的海鮮還有那個肥美青口和蟹腳，我差點以為自己在吃自助餐。 卷物，沙律，冷麵，豆腐也是不錯的選擇，我特別喜歡那個秋葵沙律。 熟食我喜歡的有新鮮即炸的天婦羅，還有幾有趣味的蕃薯南瓜餅，還有那個像中式般的蘿蔔炆牛腩，幾款菜式也做得好好。 燒烤部已經有那個煎龍脷柳，然後又有鵝肝多士，這些都是酒店有的自助餐item吧，我也不明白，點解半自助餐都咁豐富，我

今日約左朋友放工後去銅鑼灣行個街, 食個飯, 充一充電, 6點半收工, 之後就出左銅鑼灣同朋友會合, 一致決定都係食左飯先, 因為大家都太餓既關係, 之後就話睇睇附近有咩餐廳比較好食同有安靜既環境可以放鬆個人甘傾下計, 食飯..之後就選擇左"四季禅"一入到去, 侍應有禮貌招呼左我地入去, 一入到去"哇"左一聲, 因為可以望到半個維港景色, 而且真係比較安靜睇睇個餐牌先, 有幾個選擇, 1. 半自助餐2. 單點3. 套餐我同朋友都比較餓, 想試多D野, 但又唔係幾想食自助餐首先黎左杯飲品, 係最為人熟悉既凍奶茶, 佢係用美式上枱, 即是奶, 糖漿和茶分開, 由客人自己按份量倒茶香奶漓係基本常識, 但呢杯飲品飲上是茶味和奶味剛剛好, 中和了雙方既味道, 既飲到淡淡茶味, 又味到純純既奶味 之後黎左個軟殼蟹牛油果卷, 外層味道非常特別, 有少少似山葵既味道, 一啖咬落, 軟壳蟹炸得鬆脆,和飯配合起上黎真係一啖飯一啖蟹肉,加上新鮮既牛油果, 味道一流之後黎左個網燒鹿兒島和牛 , 上茶聞落去已經好濃既香味, 令人口水三分流我唔客氣啦, 和牛一入口, 做到入口即溶,脂肪和肉既比倒亦岩岩好, 加上少

我最鍾意食高級日本野，通常廚師精選都有一人前或者二人前， 兩位一起吃當然選擇Omakasa 2人前，而且不用有選擇困難症。 這個＄1088的餐內容包羅萬有，樣樣有一些可以每樣吃一些， 日本餐廳就是吃精緻，不是嗎？ 前菜沙律 沙律菜款式非常多樣化，而且甜甜酸酸很開胃，特別是車厘茄。 青瓜的切法特別，口感爽口，整體新鮮是一個很不錯的前菜。 日本近海鮮魚刺身三款 金木鯛，北寄貝，拖羅 金木鯛口感比較薄，帶出魚的鮮味； 北寄貝是黑色的，比較特別，而且旁邊有一些裙邊很有海水味； 拖羅的切紋好靚，油脂十足，口感入口即溶。 天婦羅盛合 蝦和茄子炸得香脆可口，不像放題的那種均一外皮， 味道較好且食材亦能留住鮮味。 味噌照燒鹿兒島黑豚 外表好似豬扒，黑豚豬肉鬆軟之餘亦不失甜味。 由於肥肉佔比例很小，所以不會很肥膩， 黑豚味道跟一般的豬肉很不同。 北海道帆立貝配黑松露照燒汁 好少帆立貝會配上黑松露汁，首先帆立貝口感彈牙有鮮味， 加上有黑松露照燒汁味道不會蓋過原本的鮮味，令味道錦上添花。 三款壽司 牡丹蝦、左口魚邊、海膽壽司 只吃了牡丹蝦，與赤蝦、有頭甜蝦品種不同， 吃起來特別鮮嫩而且爽口，

和好友補祝生日，朋友喜歡吃自助餐，但我見一段時間沒見又想找個清靜的地方update近況，最後選了這間口碑不俗的四季禅。四季禅位於金朝陽中心2期Midtown 29樓，這大廈其實特色餐廳不少，但我還是第一次來呢！上到高層自然人流不算多，加上餐廳佈置清雅，典型的日系簡潔木系風，坐得舒適。店員還安排我們坐在窗邊位置，美麗的維港景色立即盡收眼底。好友對餐廳環境非常滿意，這晚的確沒有選錯地方！餐廳除了有omakase，還供應豐富的半自助餐，這亦是我們是晚的目的。semi dinner buffet會有頭盤，海鮮，刺身，壽司，卷物，天婦羅，鐵板燒和甜品等以自助形式無限供應，收$398，另自選一款烏冬或和食菜餚做主菜，每位合共＄490-＄698，最後價錢就視乎所選的主菜而定。生日還有大優惠：送北海道毛蟹！！！！！可惜好友是上個月生日，錯過了優惠！要不然真的太抵食了！！！（12月我將要去北海道旅行，做了一些research去食毛蟹宴，要知道在北海道吃毛蟹亦價錢不便宜呢！）先去主攻刺身！刺身方面有三文魚、油甘魚、吞拿魚、牡丹蝦等，全部都是厚切，吃進口裡倍添口感。我最喜歡的三文魚依舊肥美，油脂滿佈。但吞拿

一向喜歡食自助餐，但係半自助餐就唔係成日試，今次經朋友推薦之下，相約一齊黎左四季禪，試試日式半自助餐既滋味。可能因爲係平日晚上6點既緣故，現場顧客唔多，只有兩三臺，環境更加安靜舒適，我地被安排到餐廳靠窗最入面既位置，竟然仲可以遠眺香港醉人夜景。名副其實對住靚景食好野，環境感覺一流。雖然可以單選自助餐，但貪心既我地都係選擇左main course+semo-buffet,如此一來就可以試更多既野食。我揀左滑蛋松葉蟹肉自家製烏冬（$498）。揀完main course要食咩之後，首先餐廳員工會先上一個壽司拼盤，包括有海膽壽司、玉子壽司、火焰三文魚壽司、北寄貝壽司同埋帶子壽司。其實每一款壽司都係任食既，不過餐廳就會俾你試曬咁多款先，之後再揀自己中意食既encore。唔可以睇少buffet既質素。雖然任食，但海膽壽司絕對高質，非常新鮮鮮甜，無腥臭味，而且口感好滑。火焰三文魚係我第二最愛，半熟三文魚油脂感豐腴，而且魚香十足。呢兩款壽司都俾我地encore左好多次，實在太令人回味。之後就到自助區。雖然係semi buffet, 但食物款式多籮籮，應有盡有，而且每一款都看似吸引，即使無main co

為友人慶生, 想找一個地點就腳又比較寧靜的食店輕聚, 三人皆在港島區工作, 順理成章由我這新界人親自出城赴約, 吃和式料理感覺較精緻, 就選擇了位於金朝陽二期29樓的四季禪落腳. 自落成以來, 還未有來過這裡用膳, 整幢大廈有不少企理的特色餐廳, 環境高檔, 人流其實也不是想像中多, 踏入電梯直上29樓, 門一開已是餐廳入口. 穿過迴廊走入餐廳, 佔地頗大, 簡潔的和式木系佈置, 整齊排列着的枱椅, 其中一邊是全靠窗梳化卡座, 採光充足, 環境開揚. ​ 由於有預先訂枱, 店方特意預留了靠窗座位給我們, 從窗外望去, 可見銅鑼灣的繁華夜景, 也隱約看到海景, 居高臨下, 喧鬧跟寧謐只一窗之隔, 果然是聚會的好地方. 不明所以何以四季禪為店名, 或許在清幽環境加上優質食材下, 寧心享受食物和心靈的交融, 已逹禪意. 細看餐牌, 倒是可讓你吃得捧腹而回的半自助餐. 聞說這裡最出色是烏冬, 當然要一試. 一行四人各點了一個main, 再加自助前菜, 小食,刺身, 壽司, 甜品等 點完餐急不及待出去看看, 就在入口處的兩旁都放滿食物, 有師傅即塲主理.前菜有和式沙律, 沙律菜以外有粟米

個人推介指數分8 (10分為滿分) - 身在這裡, 環境可說是無敵, 遠望外面就是維港的景色. 室內空間很大, 坐位又舒適, 有時候豪一點花費也是值得. 食物方面, 以半自助形式, 款式貴精不貴多, 食材質素很高, 單是吃多幾塊鵝肝就能回本.已好一陣子沒有和太太來到些格調高雅的餐廳, 今天特意給太太一個驚喜, 在千挑万選下帶她到這座落成約一年但食店滿門的大廈, 品嚐一個高質素日式半自助料理. 這晚我們一早來到, 大部份客人也沒來, 我倆好像包場一樣, 感覺很正. 坐在軟軟的沙發卡坐(圖中是一般椅子), 遠望外面的景色, 太太未食也很滿意. 食物方面, 主要分刺身壽司, 熱盤,鐵板燒和甜品四類, 客人可自由在食物吧拿取,壽司方面. 除箱壓壽司在外供應外, 還有五款即叫即做的壽司, 客人只要安心在自己坐位ORDER 就是. 還有別忘記主菜 , 客人可以自選一款日式料理, 包括如下:關東煮首先, 我和太太來個清酒煮硯做WARM UP, 為吃刺身壽司打好基礎. 不過單說這關東煮, 味道夠入味, 蘿白又甜又軟, 實在是不錯的開場小品.刺身吧刺身最好食的是油金魚, 魚香且非常肥美, 還有我最愛旳三

前個月跟每月飯聚的好友遊日本回來, 大家都樂而忘返, 雖回港已有一段日子, 但仍很記掛當地的風景、當地的人和事, 而最記掛仍是當地的美食, 刺身、壽司、蟹宴、海膽、雪糕、甜品……通通都美味得很, 真的令人懷念, 為了重拾快樂時光, 決意今晚跟好友來一頓豐富的日本餐回味一番。餐廳位於大廈二十九樓，一出升降機門已看到搶眼奪目的店名。內裏環境優雅寧靜, 裝潢具和風色彩, 加上柔和的燈光, 感覺很舒服。最吸引是可飽覽一望無際的景色, 早點來到，可看到清晰的街景，令人醒神; 待晚一點，可望着絢爛的夜景，令人醉心。餐廳地方寬敞闊落, 設有多張二至四人卡座、一排長沙發的二人座、多張四人枱, 枱與枱之間距離甚多, 令人坐得舒適自在。還有一個可容納十多人的貴賓房, 亦設有露天用膳區, 相信入秋時坐在這裏, 吹着涼風、望着靚景、嚐着各道美味的菜式, 必是一大樂事。欣賞完環境, 是時候品嚐美食。晚巿有四項選擇, 第一是半自助晚餐, 客人除了揀選一客主菜外, 還可任食自助區的食物, 收費視乎所揀的主菜而定, 價格介乎$398-$688。第二選擇是廚師推介套餐, 即是廚師發辦Omakase, 有齊沙律、刺身、天