四季菊日本餐廳

Open Now

Now Closed

平時英式hightea食得多 見到四季菊出咗日式hightea覺得好似幾得意 就打咗電話去book枱諗住試吓 佢都算幾full booking 所以我既期待值都好高 可能因為太高期望 啲嘢野我有少少失望佢係有2 round野食既 第一round係啲日式既小食 我覺得都唔錯既 但第二round既甜品我就覺得一般般 唔係好值呢個價 真係有啲失望......

好友搵了呢間日本菜餐廳食下午茶，要早大半月訂位，及要先用信用卡付款，在IFC平台層，準時去到，門面低調，店內闊落樓底高，落地玻璃窗望住維港灣風景食飯，藍天白雲心情一定好！先上鹹點，再上甜點，擺盤精緻！$588/2位鹹點：富山縣津和井蟹酢物：茗茗清爽，加上蘿蔔片包嘅漬物，微微酸爽開胃靜岡縣櫻花蝦天婦羅：香口好味！醬油燒日本仙貝：紫蘇葉包嘅丸子，我極喜歡紫蘇清新，好味長野縣鰐梨素之卷：我喜歡食牛油果，牛油果肉軟糯，配炒香芝麻減低油膩感，簡單好味北海道甜蝦波波：蝦肉爽口清甜，三文魚子微鹹吊味剛好，珍珠壽司飯鬆軟度剛好！甜點：焗日本柚子蛋白撻：個人對蛋白撻不太喜歡，呢度的撻底鬆脆，蛋白忌廉無辦法唔甜，所以我只食到一半忌廉，幾軟滑（對我嚟講太甜）蜜瓜忌廉卷蛋：普通忌廉蛋糕，蛋榚鬆軟，忌廉夠滑，蜜瓜清甜，整體好味😋芒果奶凍：賣相靚，似日本蒸蛋，奶凍軟滑唔膻（因個人不喜牛奶膻味）芒果酸甜，不過甜好味京都抹茶紅豆千層蛋糕：抹茶紅豆是絕配，千層皮軟滑，不會切唔斷，如果加重一點茶甘味，會更好味北海道牛奶雪糕大福：糯米糍皮好薄好軟，雪榚軟滑不過甜！餐飲：洋甘菊茶：因為之後要去飲咖啡，所以就點茶，銀色壺精緻，

下午茶限量20份，知道餐廳有無敵大海景，當然想坐窗口位置，不過一個月前預約也訂不到窗口位，有點小失望。食物方面，鹹點和甜點分開上，中間分隔時間比較久，以致後來甜點享受時間比較趕，未能慢慢enjoy。鹹點少少一盤，味道ok但感覺不夠喉，亦不太突出。甜點都ok，份量比鹹品多。茶方面選擇不多。不過這個tea set 是下午茶份量，沒有像酒店下午茶一樣可以吃飽。總括來說，是酒店價錢餐廳質素，可以一試但性價比不太高。

超好吃日式下午茶 • 坐擁IFC無敵海景 • 週未限推20份其實喺香港要搵好食嘅下午茶，都唔係咁容易，今日同大家推介呢一個Tea Set，真係「堅。好。味」!隨着Nobu關門大吉，日式下午茶喺香港已經買少見少，今次四季菊再次推出afternoon tea set，絕對係下午茶粉絲的喜訊。先講鹹點，有大家都喜歡的甜蝦三文魚子壽司、大大隻北海道帶子、仲有好食到停唔到口嘅櫻花蝦天婦羅....講真，如果帶另一半嚟，都無投訴。難得的是，就連甜品都一樣精彩，用日本蜜瓜做嘅蛋捲清甜鬆軟，粉紅色的牛乳雪糕大福個人認為最精彩，新鮮手搓的大福皮煙韌軟熟！宇治抹茶crepe cake的忌廉打得夠幼滑，芒果奶凍亦有驚喜，裏面有勁多芒果肉；最後的柚子meringue 撻亦是心機之作。影完相，唔使10分鐘，大家已經食晒所有食物，好明顯，好食囉。下午茶：$580/2位(只限星期六日供應，每日限推20份)時間：3pm-5pm

仲話forbes獲獎餐廳，黑鮪魚刺身切到異常大舊，乜味都無，炸天婦羅炸到甩皮甩骨，凍蕎麥麵去bento express買$38.9都好食過佢。所謂五星酒店，女侍應行過踢到客人張凳唔好意思都無聲，掂行掂過。嗰日隔離台有一個女性常客黎，幾乎全餐廳職員走曬去招呼佢，完全無視其他客人，招呼大客當然唔係問題，但唔該分配得好啲，唔會expect呢啲低級錯誤竟然可以發生係四季酒店其中一間outlet度。食物同服務質素差到不得了，唔會再食第二次。

今日有幸黎到食一間我諗我呢世都唔知會唔會黎食嘅餐廳因為佢好似好高級 不論裝修格局好高級 價錢都好高級今日食呢間嘅午餐 就係叫四季菊嘅日式餐廳喇蕃茄沙律落得比較多醋 成個沙律味道都比較酸海老海膽腐皮蒸蛋味道唔錯 幾好味 熱辣辣嘅蒸蛋啲蛋入口仲幾滑添刺身 - 深海池魚、左口魚、甜蝦得三件嘅刺身味道可以 幾新鮮嘅天婦羅 - 活蝦比較細隻 但睇住佢係即場炸 炸比每一位所以係新鮮出爐 即上枱但味道一般天婦羅 沙追魚冇乜特別粟米芯一條炸咗嘅粟米芯冇乜味南瓜天婦羅 係佢即炸即上最有誠意一出爐最新鮮嘅口感味噌湯幾好飲呀都宮崎和牛薄燒呢個好出色個和牛真係好好食味入口鮮嫩 有肉汁有口感可能佢係肥牛咁薄 佢包住咗啲雜菜咁上下嘅嘢但堅係好味 得呢個好味但份量太少 海鮮炒飯完全冇味可能海鮮太細粒 最後有個抹茶蛋糕做甜品紅豆抺茶味道ok嘅都幾好食總括黎講 價錢太貴 食完覺得唔值 貴夾唔飽味道唔算特別出色但餐廳裝修一流 私隱度高廚師係面前炮製食材

之前有聽過朋友話呢度幾好食，既然要同客食lunch就試吓呢度啦，早一個星期book位，服務員好有禮貌喺電話問我需唔需要private room, minimum charge $3000, 我哋一共六位，不過我打算causal啲就話唔使啦，不過嚟到我就後悔啦! 因為環境真係幾嘈，lunch好多人加上鐵板燒渣渣聲，呢度講緊一個lunch set都$5-6-700所以我哋六個人真係應該坐private room可以靜少少。同枱嘅所有人全部都係點鐵板燒set lunch $620，得我點咗懷石料理bento $720。先來係普通到冇得再普通嘅沙律，之後starter係食落又似豆腐又似蛋加上ikura，然後就係兩種sashimi，食落都算新鮮，不過我個人鍾意食啲肥美啲嘅魚生。Bento終於黎啦，賣相都唔錯，四樣嘢係右上格嘅牛柳最好味，入口即溶，食完其實我都已經後悔點解自己唔食鐵板燒。其他嘢唔差，但又未去到好好味。呢個$800嘅lunch 喺中環食日本野已經可以食到好好食嘅omakase。總體來講呢度性價比低，只係食地點，係同客食飯我先至會嚟食。

第一次晚飯光顧四季菊！環境不錯、服務認真一流、侍應們殷勤有禮，而且上菜時間非常佩合！唯獨食物擺設未夠精緻，但當食到炸物時，食物非常新鮮，入口可口美味～龍蝦🦞亦非常鮮甜！難忘的一次體驗！

This grill set was really filling. Started off with refreshing salad and sashimi.Grilled assorted seafood was just briny and tasty! Prawns were bouncy! So good!Grilled scallop with salmon roe was great too! Silky smooth scallop and succulent salmon roe sure added a nice flavor to it!That simple seafood fried rice was really something extra to me. I was quite full by then already. Haha... but I still couldn't help myself from finishing that whole bowl of fried rice. It's delicious!~Lastly, the de

Had lunch here ages ago but it’s not impressed. So was going to give it another try......We came here for dinner. The view is spectacular but the food is not as good as we expected. The dishes look good but not very appetising. The sashimi is fresh and delicious but the signature tempura,teppanyaki and sushi are just average. It’s overpriced and overrated for the food.

優越地點，落地玻璃加維港景色，環境一流！香港的日本餐廳有如雨後春筍，高檔的壽司店也越開越多，平均質素也越來越高。坦白說，來之前已經聽說這裏的壽司質素平平，只是由於位置方便，所以抱著一試的心態。其他的不說了，魚生壽司的質量較銅鑼灣的中檔鮨店好一點點。吞拿魚壽司較為出色，海膽壽司也不錯，鮮甜飽滿。晚餐千多元消費大概有超過一半是付給環境和服務。如果你是一心只想「食好西」，便可能會認為over-priced了！

發覺門面裝修比較豪華大方,於是入來進食午餐。當日天氣非常凍，於是點了一個鰻魚飯定食。他們有沙律以及麵豉湯。麵豉湯非常有驚喜，濃郁有層次，香甜且帶肉類的味道，令人欲罷不能﹔香濃得嚟令人覺得很陶醉。鰻魚飯生熟度剛好,入口又嫩滑。濃濃的鰻魚汁及肉香慢慢滲出,野味不太辣。吃不了辣的朋友最啱不過。他們這間食店嘅鰻魚味鮮好彈牙，趁熱食最好。鰻魚飯亦有紫菜在旁邊， 新鮮有彈性。都係因為比較晚才去到， 菜式品種雖然不多，但絕不欺場。食物質量十分高分量也不少。因為同事食量比較大,另外點了一些刺身。有三文魚及吞拿魚。都是非常新鮮,令人食指大動。

離港近3星期，一回到香港就可以與好友來到中環IFC的四季菊，邊欣賞久違的無敵維港靚景、兼品嚐我向來大愛的日本料理，實在一大開心。這夜的時令前菜拼盤，賣相一貫精緻，尤其喜歡當中的津和井蟹肉醋物和鮮腐皮伴海膽，鮮味滿分。接著的湯品及刺身亦選用時令食材。金目鯛竹筍清湯的湯頭熱騰騰又清甜。而3款刺身分別有九州大分縣左口魚及熊本縣針魚，配愛媛縣赤貝，都是清爽春日好滋味。每次來到中環四季菊，其中一樣不可錯過的美食，就是由自稻菊時代至今一直坐鎮的日籍天婦羅老師傅Sakuma San親手炮製的天婦羅。這夜我們吃到的7款天婦羅，包括愛媛縣海老、姬小鯛、白子、海膽海苔卷、蛤、小玉蔥和楤芽。各款天婦羅都做得炸漿薄脆不油膩，香口但又不會蓋過食材本身的味道，相當出色。食事的蛋黃丼，突顯師傅的天婦羅功架。輕輕破開天婦羅蛋的外層薄炸醬，澎湃的蛋黃流出來，與香軟的米飯混在一起，每口都讓視覺與味覺大滿足。甜品抹茶雪糕亦是繼續天婦羅～ 外層微微酥脆燙熱，而雪糕還保持冰涼滑溜仍沒溶化，吃起來外熱內冰涼，口感有趣，為這精彩天婦羅夜做個甜美結局。

中環 IFC 商場四樓、鄰近四季酒店的 四季菊日本餐廳，除了精緻和風美食，最近新出的週末兒童餐也又美又豐富好吃！兩年前到訪還是 稻菊，現在已全線更名為 四季菊，寄意利用當季的食材，烹調出四季的味道，透過視覺的融合將日本料理推至更高境界。 在美好開揚的海景位坐下後，當然要優先處理兩位主子的胃口。這天兩兄妹都點了週末限定的日式兒童餐 ($320)，四道菜餐單包括沙律、壽司、自選鐵板燒或天婦羅（配米飯或烏冬）以及超精美的獨角獸甜品，每位小朋友還有自選果汁一杯。 兩兄妹對首道菜的番茄沙律不太感興建，而這正是大人以身作則的時候：不要介意自己的午餐尚有一份沙律，父母可讓小孩吃下清甜的車厘茄，然後將把攬沙律的職責承擔下來，樹立不挑食、不浪費的榜樣。要知道，這裡的沙律用料十分新鮮，十分吃得過！ 接著由蟹籽壽司、玉子壽司、蟹柳壽司卷組成的壽司併盤就深得兩兄妹歡心了，在媽媽還未為食物拍照、自己還未做好謝飯禱告，囝囝已經忍不住塞了一件壽司進口，超搞笑的！而由於蟹籽壽司份量澎湃，小朋友還可以創意組合出蟹籽玉子壽司、蟹籽蟹柳壽司卷呢～ 接著主食可選鐵板燒三文魚／雞扒配白飯，又或者是活蝦 + 野菜天婦羅配

我們一行十二人 有幾個小朋友所以book 房 希望唔會嘈到人冇食過佢前身 冇得比較門口reception 帶入房 我是最遲來的一個 入到房 其實坐左幾分鐘 都未有人俾杯茶我房內係有兩位侍應嘅 唔係忙緊其他人全部有茶 大家未order 仍睇緊menu 我主動叫侍應俾茶我 咁有茶飲嘞😅😅前菜：枝豆..魚乾...炸蝦仔 係熱嘅👍👍👍刺身：溫度剛好 toro 新鮮 海膽也新鮮嗱嗱嗱😅😅😅😅一碟刺身佢擺到三人分 竟然冇俾隻🥄亞海膽係咪想我地交換口水😌😌😌侍應在我身旁 我叫左一次🥄好耐都未有 要叫第二㳄🧐🧐🧐海胆溫度應該已上升不少🙈🙈我地坐長枱 所以全部食物係兩份嗱😂😂問題又來了聽住友人order 時 講左kinki 只要一條結果 嚟左兩條🤷🏼‍♀️🤷🏼‍♀️侍應話 唔緊要 可以cancel但友人話照食 唔好浪費結果 我地食到你推我讓 enjoy 唔到😥蝦sushi 👍👍size 剛好 一啖一粒鐵板蜆👍👍海膽蒸旦👍👍炒雜菜👍👍仲有😅😅😅房內有一隻大烏蠅全晚陪我地兩位侍應哥哥都係視而不見嘅結論食物點好 都會被侍應破壞講真 咁嘅價錢 服務真的要好好 冇得hea 差不多價錢 銅鑼灣🌸盃 服務贏四季🌻九。條。