霜月居酒屋

Open Now

Now Closed

同朋友路過試下呢間新野，首先要讚下服務係真係好好，侍應哥哥好好笑容又會跟返食野進度上菜，地方亦都好整潔，環境係令人舒服嘅！生冷野叫左個壽司拼盤，係新鮮嘅✨吞拿魚紅卜卜，左口魚邊啲油溶洛啲飯到溝埋好好味😋之後叫左啲熟食，炒飯中規中矩啦！露旬炒帶子本身好驚啲露旬有渣，不過食洛又幾嫩，大家可以試下另外有樣特色野叫半生燒，冷盤黎。用一片牛沾姜/蒜同醬汁食，食洛又有小小似食魚生咁，好特別，想試新野可以試下其實食得居酒屋都係想舒舒服服，服務到位，呢間小店係令人滿意嘅希望下次試埋佢啲串燒

今日係佐敦做野行經呢間小店，相信係新開（見門口有塊黑板寫啲新張優惠），坐低一問之下，原來岩岩開左1個星期都未夠😂又可以試下新野坐低後店員主動埋黎斟茶及落單，我就嗌左一款自己未食過既野：炭燒地雞湯烏冬上菜係用一個木盤上，lunch set包左麵豉湯，前菜，小小沙律，相信係甜品既泡芙，仲要有汽水送👍🏽👍🏽呢個烏冬我自己覺得真係好好食😋雞髀肉好嫩滑，烏冬彈牙，仲有一樣野，呢個麵豉湯都算好有誠意👍🏽入面竟然有蜆🤩令個湯增添鮮味好滿足😋最後埋單都係$78蚊臨走望下佢地夜晚menu，整體價錢算中等，有機會會約朋友黎試下晚餐，自己好鍾意居酒屋既感覺，唔似得啲大鋪咁，值得支持👍🏽lunch都做得有誠意，相信夜晚應該唔會差