紅島冰廳

Open Now

Now Closed

🍴芝士流心西多士 33 蚊個多士勁正勁多牛油 一切開入面流心芝士 推介🧀🍴晚餐 a 焗鹿兒島葱燒醬油牛仔骨配薯菜 🥔🐂牛仔骨厚切 肉多 熟程度剛好 焗薯好軟林 個燒汁好香咸。正🍴炸蝦餅 42 蚊🦐香脆炸蝦餅 上面有 d蝦碎既脆脆 點 d甜酸汁都唔錯🍴海南雞飯 65 蚊🐥個雞幾彈牙多肉 黃飯幾香 點 d酸辣汁都唔錯🍴檸檬柚子梳打 9 蚊🍋柚子落足料 個甜度同檸檬既酸 match番#茶餐廳 #冰室 #海南雞飯 #泰國菜 #炸蝦餅 #牛仔骨 #焗薯 #芝士 #西多士Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#紅島冰廳佐敦彌敦道192號協成行九龍中心地庫至1 樓~~~~~~~~~~~~

差差差……服務差，味道普通，以後不會再去點了一份歐陸早餐，餐牌上面寫明有茄汁豆，竟然上菜時沒有．跟他們說沒有上茄汁豆，他們竟然回應餐牌改了.大家避雷, 香港这些服務態度死得, 怪不得好多香港人都上大陸玩玩食食

排隊買麵包，等勁耐都無人回應，明明店內都唔係好忙，收銀完全唔理出面情況，買野時態度極為惡劣！之後搵經理反映，完全搵唔到人要自己打幾次去，打通都仲要等好耐，人手分配有問題，經理亦無好好處理！

忍唔住要寫人生第一個OpenRice食評， 因為真係太難食，喺附近返工，呢間嘢啱啱新開，諗住門口咁多人排隊，實冇死啦。 三個人嗌咗兩個雞翼撈檬粉，一個海南雞飯，越食越唔對路，個檬粉啲汁係餿左，海南雞隻雞凍都算，未食過油🍚係凍嘅..啲小食都唔OK，嗌個炸春卷上到嚟得兩嚿加餐收$22 ，🤯🤬🤬 啲服務還算可以，但佢哋堅持啲汁係咁個味 ，D眼神好似講到我第一次食檬粉咁黐線。 冇下次，尖沙咀最難食嘅冰室非佢莫屬

上次嚟食個常餐個沙嗲牛已經凍，不過啲麵好熱都食得到今晚去食晚餐，個紅湯都ok，個餐包濕嘅，乜嘢事？！跟住到個主菜，個牛柳加帶子配焗薯雖然我知响茶記食朳唔好高要求，但真係唔係去到咁極端地衰。佢一上菜，真心諗做咩要用咁大隻碟帶子係凍牛柳真係細得可憐，直徑連三寸都冇，又唔係厚喎1.5cm倒5啖食完個焗薯又係凍嘅想點？ 已經唔係講味道，當然唔係好食，好的只有個紅湯同杯華田，多謝晒呀⋯⋯劣食，我真心希望唔肚疴留返俾啲內地遊客食好喎唔會再食

今日嚟到佐敦紅島冰廳，佢哋裝修環境好舒適，地方好大一共有三層，每層都有好多座位，全部都坐滿左客人。除咗傳統冰室嘅常餐，小菜、粉麵，仲有越南美食，我叫左4款小食，一碗越式牛肉河，仲有常餐瑞士汁雞翼撈丁，叫左6款食物埋單好平，野食質素都好好，服務態度都好有禮貌。·菠蘿西檸乳酸+$9清新怡人，口感酸甜適中，非常開胃。·香茅雞翼$38外皮酥脆，鮮嫩多汁，雞肉又滑又彈牙。·烤雞肉串$38肉質鮮嫩，烤得啱啱好，醬汁調配非常驚喜。·烤牛肉串$40每啖牛肉脂肪肉質平均，肉質鮮嫩，口感豐富。·炸蝦餅$42口感香脆，外層炸得少少脆，蝦肉幼嫩鮮甜。·生牛肉湯粉$58湯汁鮮美，牛肉鮮嫩，河粉爽口彈牙，加埋檸檬辣椒，酸甜鮮味·常餐B瑞士汁雞翼撈丁$55瑞士汁香甜美味，雞翼濃郁好味，撈丁彈牙。紅島冰廳 (佐敦)佐敦彌敦道192-194號協成行九龍中心地庫至1樓

紅島冰廳這間我常常有幫襯開， 無論堂食或買個麵包🥯都有， 是平靚正的好選擇！原來在佐敦都新開了一間新餐廳喔！餐廳環境超舒適空間感十足，有地庫至一樓，坐得闊落，餐廳外有個大大熊熊🐻打卡！其中越式美食好吸引： 海南雞配雞油香飯雞🐓肉夠嫩滑🤤飯🍚油味香噴噴！另外各款下午茶☕️美食極優惠， 我們點了公司三文治🥪 、芝士流心西多士， 惹味十足！紅島冰廳 地點： 佐敦彌敦道192-194號協成行九龍中心地庫至1樓

伙記全部都態度惡劣，唔知係唔夠人手定人工太少，個個都求其是但做，十問九唔應，叫佢落單又永世都叫唔到人，個個好似聾左咁，咁都算啦。最過分係嗌左兩個餐，一個食完，個湯都未到，另一個仲衰，直頭無，但又唔同人講，等左好耐都唔到，然後聽到隔離枱有人叫，伙記同佢講無，我就心知不妙，拿拿淋問個伙記，睇睇我嗰個點解咁耐，佢先同我講無，把幾火，激到飽哂，跟住佢同我改單，因為已經上左飲品，所以變左散嗌一杯野飲，頂，錢識收，野唔識做，無下次。

嗰碟飯已經遲嚟，終於等到嚟，海南雞係凍嘅明白，因為間間都係咁，但個雞油飯都係凍嘅，真係未試過，試左兩啖原全食唔落，叫左换過個飯，等左十五分鐘都冇人跟，有個好似高級D都知,但都冇去跟進，未準備好就唔該唔好營業住啦，人手又吾夠，隔離枱直情漏埋單㖭，成68蚊净係食嗰幾件白切雞，又唔係特别好食。樓面侍應都還好，都會同你跟一次，高層少少D就話之你，新開派哂宣傳單張又如何，入到去就另一回事， 廚師無理由'凍飯都拎出去。