紅島冰廳

Open Now

Now Closed

港式冰室又開多間，這間紅島冰廳是一家面積非常大的餐廳，令人印象深刻的是它擁有三層樓的寬敞空間，營造出開闊舒適的用餐環境。每一層樓都設計得極具風格，結合了現代和傳統元素，營造出一種時尚而溫馨的氛圍。🥰❤️芝士蕃茄煎蛋菠蘿油一向也非常喜歡吃菠蘿油，今次見有新配搭，一於試一試，果然超級有驚喜。😍 蛋煎得恰到好處，帶有濃郁的芝士香氣和新鮮的蕃茄片，搭配著鬆軟的菠蘿油，絕對是一個美味又新鮮嘅選擇。👍🧡焗芝士肉醬意粉意粉煮得剛好，配上香濃的肉醬和熱融化的芝士，每一口都充滿著經典美味。😋💛焗鮮茄豬扒飯豬扒煎得香脆多汁，茄汁鮮甜，再加上焗熱的芝士，味道更加濃郁。配上香噴噴的飯，絕對滿足胃口。😋💚炸雞髀薯角炸雞髀薯角是一道經典的小吃。雞肉炸得金黃酥脆，鮮嫩多汁，搭配著炸薯角，口感一流。😋💙越式烤豬肉串這裏有多款越南菜式，我哋選了越式烤豬肉串試試，豬肉串烤得香嫩多汁，肉質鮮美，配上越式調味醬汁，增添了東南亞風味。😋💜雜果賓治、菠蘿西檸乳酸、龍鳳七喜這裏的飲品全部size都係大大杯，啱曬炎熱天氣，消暑又解渴🥰

人哋趕時間 出餐卻慢到爆！！！侍應唔記得落單 講大話說機器死機 卻有時間係出邊搵客 ！！！餐廳入面根本無人招呼 跟餐飲20分鐘先上 黑心老闆一係請多幾個人喇 一係請d醒目2024年係市區仲有如此離譜垃圾的服務 邊個幫襯邊個中招 唔怪得香港人都北上去深圳喇

早晨全餐：這份早晨全餐真是豪華又好吃！裡面有德國腸、黑松露炒蛋、煙肉、炸魚柳和薯餅，再配上一杯凍咖啡。一口咬下去，德國腸帶來濃郁的肉質口感，而黑松露炒蛋則散發迷人的香味。加上煙肉和炸魚柳的鹹香口感，整個早餐真是多樣又美味！薯餅的外皮酥脆、內部鬆軟，配上凍咖啡，既解渴又提神。總之，這份早晨全餐讓人感受到豐盛又美味的享受。焗芝士忌廉龍蝦飯：哇！這道焗芝士忌廉龍蝦飯真是讓人垂涎欲滴！龍蝦的鮮甜味道在口中爆開，配上濃郁的芝士和香濃的忌廉，還有烤得金黃酥脆的外層。每一口都充滿了鮮美的多樣性！份量剛剛好，吃得過癮又不會太飽。整體而言，這道焗芝士忌廉龍蝦飯口感豐富、美味迷人，真的值得一試。

佐敦紅島冰廳🤩環境簡潔而舒適，讓人感到愉快。而這裡的菜品更是讓人眼前一亮！🤭首推肉眼扒拼虎蝦薯菜，這道菜品的口感絕對是無與倫比的。肉眼扒肉質細嫩，口感豐富，搭配上虎蝦，口感更加獨特。再加上薯菜，這是一道非常完美的組合！🙈其次就是慢烤豬仔骨黑椒汁，豬仔骨慢烤至金黃酥脆，黑椒汁的口味獨特，香味撲鼻。吃一口就讓人欲罷不能，真的太好吃了！💁🏻‍♀️紅豆冰甜而不膩，口感綿密，是夏日解暑的好選擇。最後還有葡撻和香酥麵包供，絕對不容錯過！🥰🥰

在繁忙的佐敦，「紅島冰廳」猶如一個懷舊的港式茶餐廳綠洲。午後時分，我走進這家店，準備享用一頓經典的下午茶。港式茶餐廳的下午茶怎能少了邪惡美食的誘惑？紅豆冰涼爽口，菠蘿油上的黃油在熱騰騰的菠蘿麵包上融化，西多士外酥內軟，吃一口就停不下來。這些都是令人難以抗拒的香港傳統滋味。除了這些傳統美食，「紅島冰廳」還提供了豐富多樣的選擇。我點了一碗越南扎肉春捲湯粉，春捲炸得香脆，湯底濃郁，不遜於正宗的越南餐廳。烤牛肉串也是這裡的一大亮點，肉質鮮嫩，烤得恰到好處，每一口都是肉汁四溢的美妙體驗。最後，為了滿足女仔甜品的胃口，我叫了紅豆爆珠綠茶丹麥魔方。這款創意甜品結合了傳統紅豆與爆珠的樂趣，為這個下午茶畫上了一個滿意的句點。

晨早流流嘅尖沙咀無咩餐廳開咗，所以就試試食依間冰室～冰室嘅裝修幾精美，走歐陸風情，同平時嘅街坊茶餐廳好唔同😮依度應該主要做遊客生意，但朝早都唔少上班族食早餐🌞餐廳有2層，座位闊落，唔洗同人迫，食早餐都chill啲💫✴️榨菜肉絲米✴️肉絲份量唔多，口感較冧，唔似食緊肉絲～ 榨菜鹹度適中，米粉軟硬度都係正常～✴️餐包 煎雙蛋✴️煎雙蛋係煎定，上枱時已經係常溫，而且蛋黃爆咗，蛋黃汁仲凝結咗☹️餐包反而暖暖地，合格～

茶餐廳真係無所不在， 而且開關後更有越開越多趨勢，紅島冰室由旺角開到尖沙咀，再由尖沙咀開到佐敦，暫時集中在九龍區，假以時日香港區應該也會發現它的蹤影。今日幫襯係佐敦新開嘅分店，距離港鐵站都唔使一分鐘時間就到。卡位搭枱，中間加膠片兩位吾識嘅人，防止近距離感染。有衛生意識，相當加分。常餐$55價錢正常沙爹牛肉麵麵底火候啱啱好，麵質保留彈牙；沙嗲牛肉好香好惹味，簡直就係無敵嘅配搭。火腿奄列、丹麥方包火腿奄列不厚不薄，入口挺嫰；每口也吃到和蛋汁融合的火腿𢇁，高手。難得吃到入口不太油膩的丹麥方包。奶茶合我心意。

紅島冰廳🍳呢一間冰室除咗一般茶餐廳有嘅嘢食之外，佢哋仲有提供越式嘅食物，覺得佢幾有特色，所以我哋決定入去試吓❤️我哋今次就試咗佢嘅香茅豬扒湯檬$56 ，同埋紙米卷$35，湯檬嘅湯底非常好味，有牛肉嘅清香，如果大家嚟食嘅話都推介大家叫檬粉！另外朋友就試咗佢哋嘅招牌黑椒牛柳$128，我哋就揀咗黑椒汁同埋配焗薯，朋友叫咗三成熟，本身都諗住一般茶餐廳通常三成熟，最後都變成十成熟，冇乜太大期望，結果呢度又真係拿捏到三成熟左右，師傅真係犀利呀👨🏻‍🍳另外我仲嗌咗法蘭西多士🍞$30，呢度嘅西多士係用粗粒花生醬，更加有口感更加好味道啊！🥰甜品方面我哋就決定要一個紅豆爆珠綠茶丹麥魔方🫘$38，見佢$38咁平就決定一試究竟！ 總括嚟講味道唔錯嘅，賣相打卡仲好靚添，完全睇唔出係$38茶餐廳貨色！值得一讚！飲品方面，我哋就揀咗凍檸樂🥤（跟餐加$9） 同埋熱檸茶🍋（跟餐加$3）！

🧀芝士流心西多士$33見到邪惡野緊係要試試😈😈欣賞既係超級多煉奶，成塊西多士好似浸住左啲煉奶甘 夠晒邪惡，又唔算好流心 味道唔錯 正常野👍🐣🥗雞絲扎肉沙律 $46無唸到茶記都有得食越南沙律🥗醬汁就係平時撈矇既汁，味道非常開胃，呢個係性價比高，好足料，減肥人士絕對可以食呢個當一餐👏🐮焗鮮茄牛俐飯 $72牛俐有4塊大大塊，芝士多，茄汁夠多可以撈飯食，呢個整得唔錯，味道可以😋😋牛俐仲要好霖👍👍呢個好有驚喜👍

開張了一段時間，經過被巨大的熊Bear Bear吸引，終於有時間去吃晚餐。安排在樓上的卡位，店面寬落，裝修都幾有情調，對於學生或預算不多的小情侶，十分合適。點了兩個晚餐，薯仔牛柳粒，味道不俗，牛肉都不會太硬。西蘭花蝦球魚塊都幾有鑊氣。算是性價比高。

佐敦閒逛時，見到門口有隻巨熊仔，原來#紅島冰廳係呢度開左，餐廳食物種類繁多，中、西式同越式都有，唔使唸便進入開餐啦。勁邪惡～芝士流心西多士，芝士控的我們，一切開見到個流心芝士，即刻心心眼，牛油🧈味香濃。黑松露炒蛋，黑松露好香，蛋即炒出嚟熱辣辣，多士鬆軟，夾埋一併食好讚啊。鐵板肉眼牛扒配薯菜，跟羅宋湯同牛油麵包，牛點了7成熟度，厚身肉軟淋，忌廉焗薯亦唔錯，墊底尚有疏菜夠均衡。咖喱牛肉意粉🍝加蛋，牛肉份量挺多的，咖喱汁跟意粉汁拌勻，好惹味好吃。飲品點了好飲又解渴的凍檸茶。

成個餐廳咁多樓面，但係個個都掛住傾計 ，見到你都扮睇唔到你繼續傾計 ，唔會理你😅 。幾個樓面得一個阿叔（樓面）肯做嘢、理你，我見佢忙住幫人地落單就等佢落曬單先order，結果比佢lan2我點解唔一早叫埋….😅無語點左下午茶餐 芝士炒蛋魚柳包配薯角+熱奶茶 （HKD44）抵食咁嘅價錢黎講我覺得已經好好 同平時出面貴價餐廳嘅魚柳漢堡質素差唔多 魚柳就係平時係大快活早餐吃個種吉列魚柳 但係完全唔乾 juicy的 個蛋好滑 個包脆得黎又唔乾 薯角就普普通通 偏乾身

之前同朋友食過旺角的紅島，覺得佢地超有水準勁高質🤩👍 茶記必備既「快、靚、正」一應俱全🤭🫶😙 今次經過佐敦，發現佢開左新分店😳❤️ 唔使諗即刻入去食餐好🤤🤤🤤 黎到紅島一定要叫佢地個扒餐😚😚 我地㨂左個招牌黑椒牛柳🐮❤️ 兩塊牛柳超厚切勁大件🤩 食落軟腍又多汁，一D 都唔韌😋 牛味又濃又香，加埋黑椒汁更添惹味🤩🌟 跟扒餐仲有餐湯同餐包送tim🤤 超豐富❤️ 另外叫左個海南雞飯🐤 D 海南雞又滑又嫩，食落勁鮮美😋 點埋特調的醬汁醬料，真係超級好味道🥰 唔夠喉叫多件經典西多士食🤭 炸得金黃又香脆，食落唔會好油，外脆內軟甜甜地，真係好正😚❤️ 最後加點左餐廳推介既紅豆爆珠綠茶丹麥魔方，D 紅豆珠質感真係好似平時食開既爆爆珠咁，一咬即爆好過癮🥴 丹麥魔方好綿密有層次，味道唔錯👍野飲就叫番杯茶記必飲茶走🥴 茶味好濃好突出，愛茶人士必飲👍 仲㨂左個菠蘿西檸乳酸特飲，酸酸甜甜都幾開胃😋

難食就唔難食⋯普通茶記質素，但價錢比較貴少少，都明嘅係地鐵站隔離，裝修似做遊客生意但真係令人覺得難頂係d服務態度，西過澳牛⋯入到去有好多個侍應，但個個都扮睇唔到，冇侍應理你終於坐低左叫左野食等緊，其中某女侍應不停大聲鬧其他侍應，其實要調教同事可唔可以放左工先教，要全餐廳聽住呢d調教聲送飯係乜玩法? 不過平心而論，其他侍應質素都係有目共睹⋯重頭戲黎啦⋯我見到個男侍應拎住我叫個個鉄板餐每枱係到問有冇叫到呢個餐⋯心諗都知出事啦，肯定係唔知送錯左去邊枱再回收番黎再送，當我認領番個餐切緊塊牛柳之制，我發現個牛柳邊邊有好明顯俾人齒過嘅痕跡都有猶豫好唔好放棄個塊就算（因為怕換會俾人加料同個餐廳就收工）但個餐得2塊牛柳，少左一半又怕唔夠飽⋯的起心叫個侍應問，個西女侍應埋黎睇，望左我塊牛柳over 30 秒，應該都係想賴唔換，但個個齒個嘅位又真係唔係好合理，佢竟然話可能係廚師要睇吓熟唔熟切開過，你介意就幫你換佢只係的起個塊走，期間一句對唔住唔好意思都冇⋯大佬用刀切同口咬我諗一個成年正常人都應該分到卦結果都係快手食完快走，冇下次！

經過見到門面企理，入去試一次，環境唔錯，15:01hrs開始落單，叫左鐵板牛柳餐五成熟，奶醬多士，串燒，凍檸茶，凍啡。十五分鍾全部到齊，衹欠餐湯，牛扒餐，再叫姐姐跟單，最後吹左兩次，終於15:40hrs來了一客全熟牛扒，羅素餐湯仲係未上，唔通湯係即煮，最後cut 單走人！走前收銀問我送個蛋撻比我食，我連主餐都未食已經一肚氣，叫我食撻真係唔知佢想點。再試呢間就唔會，希望呢間店舖日後好好改善，唔好再漏單。