獅叔 (Closed)

同朋友食飯已經食厭西餐同日本嘢🤣經過The forest 見到呢間cafe竟然食正宗馬來西亞菜同星加坡菜🇲🇾菜式好多選擇而且配搭創新😍 餐具顏色好colorful 🤪食落有驚喜，而且服務態度好友善～好似係第一次喺香港食檳城炒粿條😍一上枱就feel到好有鑊氣🔥 粿條軟嫩彈牙，醬油味濃郁☺️味道咸甜中又帶點辣味，夠晒香口🌶️ 配料都好豐富，有蝦仁、豆乾、洋蔥、綠豆芽等等🤩另一個印象好深刻就係馬來奶油咖喱雞🥘賣相好精緻同吸引🥰 咖喱香氣四溢，雞肉鮮嫩👍🏻另外叫左油酥手抓餅點咖喱食🫓手抓餅外脆內軟，搭配著濃郁嘅奶油咖喱醬汁，口感豐富滿足😌小食叫咗娘惹蒜米酥脆魷魚🦑魷魚外層炸得黃金酥脆，入面鮮嫩彈牙🥹每啖魷魚都食到蒜香🙌🏻 飲品叫左桔仔酸梅水同椰皇🍹絕對係消暑好選擇🤪桔仔酸梅水清涼解渴💦酸酸甜甜好飲💕椰皇都好清甜🥥檳城炒粿條 $118馬來奶油咖喱雞 $118油酥手抓餅 $52娘惹蒜米酥脆魷魚 $78桔仔酸梅水 $36椰皇 $42

Weekday 同幾個朋友行街, 見到有新餐廳開張就入去坐低試試。可能新開未有人知，入位唔洗等～兩個人叫咗燒雞翼、沙嗲、炒粿條、蒜蝦飯粒、炒蜆同埋咖哩蟹肉。雞翼好味！個皮有啲脆脆哋。同埋有斬開，食嘅時候方便啲。沙嗲就中規中矩啦。蒜蝦飯粒幾過癮，同以前喺馬六甲食啲海南雞飯粒一樣啲飯係一粒粒！期望下次會有海南雞～個咖哩蟹肉一定要配簿餅食！味道都有啲驚喜，如果有原隻蟹仲好！有個 friend點咗熱海南茶，我叫咗凍嘅海南茶。結果都係熱好飲啲。無位食甜品，下次同再試個美綠多士！結論，味道好味！份量都幾啱 share !! 服務都幾好，侍應都有埋嚟介紹下餐牌。

行完波鞋街梗係揾地方醫肚，上到呢商場見有新餐廳，一於試下先。原來係星馬菜，叫個豬肉沙嗲試一試，豬肉唔嚡口又juicy，加個邪惡嘅咸蛋黃肉鬆薯條，開咗個胃之後點正餐.......咖哩鷄配手抓餅，炒棵條加碟馬拉盞通菜，性價比中上，如果個咖哩鷄多啲汁點手抓餅仲完美，而且商場冷氣勁咗啲，影響食物溫度。少少寒意，試下杯貓山王榴槤咖啡，咦，榴槤同咖啡冇互搶大家嘅味道，好心思好工夫。最後試個焗蘋果金寶甜品作結尾，完滿。

係旺角逛開街見到間星馬餐廳，比裝修吸引咗入去🦁️推薦勁似炸魷魚其實係炸無骨鳳爪😂仲有個蝦湯鍋巴😍😍湯底好正😋至於四大天王就見仁見智啦😆😆味道好既..但四種蔬菜我自己有兩種唔食🙈朋友就食得好開心😅😅甜品反而好多選擇🤩最後揀咗milo toast！絕對係香港邪惡toast頭五位，牛油+ kaya + 朱古力醬+ milo =超級無敵邪惡 🤣🤣 1/3投降

今日我地去嗰陣餐廳應該係啱啱開張無幾耐，嗰果籃都仲係到。啲員工完全唔掂，明明假日唔應該俾平日午市套餐，佢又俾我地睇，到我地想落order嗰陣發現qr code無午市套餐，先知原來假日無得點午市套餐🙂🙂。同埋其實得我地一枱客，有成5-6個侍應企曬係到吹水，無嘢做，又唔會話主動斟下水嗰啲，服務態度真心麻麻地，係去到後期佢地先會主動斟下水。嘢食黎講就唔錯嘅，蝦麵有成4隻大蝦，仲有隻烚蛋同幾舊油炸鬼。蝦麵有油麵同米粉，即係摻摻黎🤤🤤。湯底好重蝦味，幾鮮甜。我地試左沙嗲雞串燒，串燒就普普通通，無咩特別。蒜蓉蝦球飯粒，其實就係飯糰咁，不過係油飯整成嘅飯糰，賣相就真係唔多吸引🥹🥹。勝在蝦球都有成4粒，啲蝦球食落都幾爽口。美祿咖央多士值得一試😋，美祿味好濃，有厚厚一層咖央同牛油，多士都好脆身，不過多士就真係凍左少少，所以有啲扣分。

行經波鞋街個商場，係佢地下果層聞到好勁、但唔知係蝦醬定蝦湯味。上去一樓買完野時發現有間新既星馬菜餐廳，聽店員介紹原來只係開左幾日，樓下聞到果陣味係佢地煮蝦湯既味。聽佢咁講完，就入去坐低食個lunch。佢地都有lunch set, 有叻沙、檳城蝦麵、炒棵條之類既typical 馬拉野，另外有幾款唔係好常見到既，不過忘記左影個menu。比個蝦湯味吸引左我興趣，所以點左個檳城蝦麵加杯龍眼茶，$72。蝦湯的確出色，好濃既蝦味，但個湯又好清香，唔係死咸果隻，麵既份量都足。今日個肚唔太舒服，未試杯海南茶，下次有機會再試。