船記 (Moved) New Location

携老人家去唔方便因為冇𨋢需要行約二十幾級樓梯。 鐵觀音茶葉味道不香不濃屬一般般水平茶葉。 接線生接聽電話訂枱有禮。 門口知客有禮笑容滿面。 點心# 鴛鴦臘腸卷蒸完入口竟然入面潤腸中心仍然係凍❌臘腸冇味豬油粒❌就好多，蒸牛肉 醃料唔夠冇味道牛肉實登登😵， 炸春捲用咗蝦滑 餡料夠脆夠熱好食👍🏻 蝦餃 外皮包得好蝦肉亦爽 做得好味道👍🏻 服務員態度有禮加水收碟跟得足， 服務員說有贈送糖水，講咗唔需要，幾個服務員輪流詢問需唔需要糖水好客氣。 估下次應該嚟呢度試小菜晚飯， 中午時段聽見周邊食客有幾圍枱只是order食小菜。

6:30 來晚飯，點了些簡單菜式，想吃魚但魚類餸只有2-3 款，於是點了上湯水瓜煮魚鰾，略嫌份量少，味道也非常一般，海味雜菜煲，一眼看到所謂的海味只有幾片小蝦乾，又是太離譜了。再說煎中蝦$40 一隻 看看相片可見非常細小而且無肉 。

讚1.整體係好傳統既粵菜味道，有水準，厚切叉燒腍得黎仲要燶邊，好香口；雞湯豬雞雞好鮮甜，白胡椒味唔會過濃；蝴蝶腩鬆軟，做芥菜係甘而唔係苦；炒飯乾身又唔係米粒Feel，唔係啲乜嘢特別菜式但樣樣都食得舒服。2.上菜速度無得頂，食完第一碟一半就上第二碟，等都唔使等，爽彈1.環境係逼狹左啲既，樓底亦都矮，食果晚就多數都係斯文客，所以唔嘈，如果唔係都應該幾應聲下。

新開的一個酒家，剛試業第五天，來此試吓午市。因我不是愛吃中菜的人，對中餐更要求高。shipkee有點心有套餐也有小菜提供。店員經理都好好服務。點了蝦餃（皮薄，蝦入味）推介，cha siu bun 好吃，棉花雞是我今天至愛，雞嫩滑！還點了燉湯，今天是粟子螺頭蟲草花湯，好足料。甜品試了蛋白杏仁茶，好正宗。絕對值得再試其他。

食物質素美味，聽說以前富聲師傅，水凖高，品質有保證，值得再次幫襯，無論點心，抄飯，菜式也很好吃，今天試了油鷄非常美味，皮香肉滑，可能是用香料之類醃製，食得出有麥芽糖，玫瑰露香味，可能用到靚頭抽做，食完之後，齒頰留香，令人回味，那些配襯豉油也很好吃，送飯一流，腐竹炸蝦卷，不油不膩又，地點比起舊富聲方便，還有其他很多不同種類的點心，各樣精彩，近公司，食完油鷄，齒頰留香，令人回味，值得推介，還🈶️很多特式菜式，如金錢雞，下次真的想試試，裝修環境不錯，裝修格式可以做獨立房間，價格也化算