白木屋 (Closed)

今晚7點幾，同個F去開MEGABOX，就順路入左呢間店。客人唔算好多。服務員都唔多。不過服務態度幾好。一舉手即刻就過來。點左個牛油帶子，三文魚拼盤，釜飯食。第一樣野好正，第二樣野都系同出邊差唔多。三文魚感覺間間食都系咁上下。第三樣就有D焦味，燒飯控制時間唔系咁好咯。好彩我都鍾意食飯焦，不過長期食就唔好啦。熱氣吖~價錢埋單都唔系好貴，好似300多D。都食得下啦~

也知道這個地區沒有什麼特別好吃的東西。一天來這裡，隨手找個吃的地方，看到這裡的餐牌也還算可以。吃了一個我必吃的燒玉子，上來時簡直可以用驚嚇來形容。蛋帶灰黑色，非常不討好，吃下去非常的甜，無蛋香，有一股雪藏味，而且一咬即散開，極之難吃！

今日去食晏，叫個天婦羅拉麵，嚟到變咗蕎麥麵先話比你聽，唔可以轉拉麵，想食拉麵就叫過第二款，吹漲，落單果時又唔同我講！因為小朋友要食拉麵，所以焗住叫多碗豬軟骨拉麵。另外叫個牛肉火煱定食，個牛肉火煱㷛到乾水，碗白飯都未到，催咗三次，卒之㷛熟飯攞出嚟。最尾問攞張收據泊車，「唔好意思喎先生，暫時無喎。」，呢個答題都幾新奇，好老實，我過隔離酒家扮唔記得攞單，人哋都求其比張我啦，簡直不知所謂。仲有，食咗個幾鐘，一次水都無加過，懶！呢間嘢，變晒質，以前啲嘢低食，大件，好味道，依家啲嘢加晒價不特止，份量明顯縮咗水，唔怪得假期晏晝一點，都係得三四成入座率。永遠都唔會再幫趁！

是晚忘了長假期前德福商場必定逼滿食客到達時為時已晚，Pokka Cafe竟然要等20張檯！於是迅即轉移陣地，往MegaBox出發朋友就選了完全不用等位的白木屋居樂屋坐定後就點菜吃日本菜，當然要點我這期的至愛－梅酒梅酒選擇只有３款，就點了最貴的一款：Nakata Umeshu（1杯）用紀州出產的南高梅釀製而成，且用上橡木桶製，酒精成分有20%果然濃度很高，果味也很突出所有冰（約有４－５粒）溶解後，其濃度也不會相差很遠朋友不喝酒，就點了黑芝麻奶昔小食方面要了玉子燒，雞蛋煎得太熟，表面已皺皮芝士年糕外層軟熟，內裡芝士軟身香口，不錯吃！芝士雲吞不過不失串燒盛合（全部要鹽燒）有帶子、雞腎、雞軟骨、雞棒和雞翼雞翼燒得比較香口，所以後來再要了一客雞翼汁燒東菇加雞腎，燒汁太鹹，完全破壞了食物本身的味道鹽燒牛舌又韌又鞋口，劣食！三文魚刺身我沒有吃，朋友說不錯火炙三文魚壽司，這裡的三文魚挺新鮮，且燒得剛好主食是三文魚Pizza，下面烘得很脆，三文魚又不會過熟，不錯！埋單每人約二百多，可以接受吃完才不過９時多，門口附近的食客幾乎已離開（我們也是坐在近門口的位置）店員也突然在我們面前拖地，我們也以為要打烊但臨

星期六工作完畢已經7時多, 係MEGA BOX唔想等位之下就來白木屋食飯. 2條餓鬼叫左客加州卷壽司, 什錦天婦羅, 滑蛋蜆肉飯, 日式炸豆腐及再追加皇帝菜炒什菌. 2個人叫5樣野真係有點嚇人, 個人最喜歡都係天婦羅炸得唔油蝦肉亦彈牙, 相反同樣都係炸既豆腐就非常之差, 炸豆腐就算有醬汁附上之下都覺得豆腐好油而且個豆腐完全無味道可言 這一邊豆腐無味, 另一邊個皇帝菜炒什菌就味道十足仲要過分地咸, 皇帝菜又老又有渣又一劣作.最後個蜆肉加上滑蛋, 蜆肉既味道浸入滑蛋來帶點咸香用來配飯一流.整體食物積素算中等, 可能人手不足有時想叫服務員都要叫多次先有人理會不過尚算有禮貌.

呢間野唔容易搵到，所以去到都唔洗等位，仲好小好小人添。。。以下就係我地叫既野食啦～！呢杯野飲有啲蘆薈小粒，有口感，唔錯～（＠＄28）呢個佢唔會炸得太硬，好香而且份量唔會話太少。美中不足係佢毎粒大細好大差別＠＠（＄38）呢個叫暖暖既壽司拼盤好一般。佢啲蟹籽比平時少，三文魚又無三文魚味，好似好唔新鮮咁。。。人有啲飯握得好唔掂，一夾就散＠＠（＄198）呢個餃子真係唔話得，同我自已買韭菜餃番去只係煎一面煎燶左無分別，個汁又唔係人地平時既餃子汁，而係我地平時食雲吞面落既醋咁。。。特別酸粟＝＝（＄32）呢個有雞腎，雞軟骨，雞肉棒，帆立貝，雞翼，有得簡汁燒定鹽燒，呢個係鹽燒，其他都好平凡，就是雞肉棒加入左軟骨碎，比較有口感。（＄78）我食完走果陣時佢果到都坐唔到四分一人。。。可見係好易有位P。S。我走果陣8點多啲

7月26日同同事食FAREWELL飯,同事提議呢間日本餐廳,我地食晏食得早所以唔使等位,因為係冇得BOOK架. 都算好彩.每人叫一個套餐先,我叫左一個便當,另外的同事分別叫左三文魚腩香蔥飯,有壽司拼盤,三文魚意粉,黑芝麻拉麵,刺身飯,豚肉烏冬,蕃茄烏冬.我的便當賣相都相當精緻,分開一格一格的,有燒魚,三文魚刺身,燒雞,飯,牛肉同埋豆腐,好豐富的呀,跟一碗面豉湯及一杯飲品,飲品我揀左菠蘿乳酸,個便當整體的食物都好平均,好味道,份量都唔少呀! 牛肉好入味好多汁,有一些洋蔥配埋一齊食,用嚟送飯正呀,個飯都有些黑芝麻係度架,好香及飯都係一粒粒的,唔會好淋身,豆腐都好滑及好香豆味,雞扒有三件,個汁都好GOOD,係甜左少少,雞肉都好滑,件魚有一小件檸檬俾你加落去,好細心,都幾大件的,OK呀! 三文魚刺身都好新鮮肥美,食完呢個便當非常飽及好滿足呀! 個面豉湯唔會好咸,啱啱好,入面有一些紫菜及豆腐粒的,GOOD呀,杯菠蘿乳酸我覺得甜左少少及多冰左少少呀!其他同事的套餐佢地都話好味及價錢都算抵食,我地七個人食六個人俾錢,每人都係70幾蚊好抵,同事有會員咭有九折添呀!!

為了小友能有更多節目去消磨時間，兩口子總是費盡不少心思。在一眾就近的大型商場中，太太一直甚愛到Mega Box，因場內的其中兩層商舖是專為小朋友而設的，每次她去到總會有點收穫，而且又有不少可供小友遊玩的設施，大人及小朋友同樣玩及買得不亦樂乎....但偏偏這商場卻是好食肆的墳墓.....前後去了很多很多次，光顧過很多很多的食店，真的是沒有一間是像樣的....其中的表表者，相信是這間叫"白木屋"的和食店了....這裡的經營手法、風格以至食物的種類都跟"和民"一類的居食屋甚為相似。不過論水平，這兒就真的是強差人意....好像這一款豆腐雞絲沙律，賣相一塌糊塗；由豆腐到雞絲，兩者皆是沒有應存的味道。後者更是又韌又嚡有如在食柴皮；生菜片更是帶偏深色的，新鮮度是零。叫人怎吃得下 ?鰻魚蛋卷又是令人吃至氣餒 ---- 前者腥氣衝天，吃了一件後已忍受不住；後者空只得個甜字卻沒蛋香。單憑味道，絕對值一個零雞蛋....土雞肉丸雜菜煲，最似樣的竟是最平凡的各款菜蔬類。肉丸是放置於長形的竹筒中，要吃便先用隻匙羮掏進窩中先淥熟才食，gimmick度十足，不過肉丸的質地卻甚鬆散且乾爭爭；雞肉是普通的雪雞，入口自然就

仲有D團購飛,就試下呢間.團購後變左半價理論上都係O個句,MEGABOX真係好麻煩,平時真係好難來到呢間野D野食好多選擇.可能係叫居酒屋掛其實樣樣野水平都OK.係D壽司飯同埋 個冷面中左招壽司飯好似比較熱左小小.同埋D飯都多左小小.D魚生幾新鮮,都幾滿意.個冷面煮到太諗,唔彈牙,灰左,個汁又唔好味,1個係芝麻醬,1個係豉油汁,2個都太淡OVER都OK,可能係因為團購平左一半令我覺得OK.如果原價就要考慮下

因本人十分喜愛魚生飯既關係,去親唔同日本食店多數都會試試個魚生飯,點知今次..其實只論味道的話,呢個魚生飯係無問題既不過我相信師父都有返咁上下功力魚生薄既程度遠勝我食過既所有魚生飯既魚生如果要我更加確切地形容,呢個魚生飯既魚生既份量就等同其他鋪頭既魚生飯既伴菜: 薑 既份量

星期六的晚上，德福、淘大的日本菜餐廳都要等位，而Mega Box的白木屋居樂屋則可以免卻等候，適合沒有耐性的我。加上看到Open Rice有75折優惠劵，馬上決定在此吃晚餐。我們坐在店內最入面的位置，靠近玻璃窗，可看到街景，環境不錯。我們吃了～香蒜牛油帶子($46)：蒜茸和牛油味很香，帶子雖然小，但數量算足夠，肉質鮮，味道佳！涵館特產冷拉麵($42)：賣相不錯，拉麵清涼而夠爽口，質感不錯，加上麻醬、冷麵汁，不會淡而無味，好！博多豬骨湯海鮮拉麵($68)：海鮮有蝦、蟹柳、帶子，全都是兩隻，份量足夠，感覺亦算新鮮。拉麵不過不失，但湯底甚為普通。結帳時每人只是$67，價錢算便宜，6月30日前仍可使用OpenRice優惠券，我會再去光顧。

見團購好多人買,而且就返8號果日行完同人展就可以去食,我早半個月已經book定位雖然鋪頭既位置比較難找,但店員服務態度很好,我同fd遲到左15分鐘, 出面都有少少人等緊位,我地臨時加左一個人,而店員都即刻幫我地安排座位~很周到!size普通,魚生比較細片,份量少左d,珍珠飯都夠煙韌(重有另一個魚生飯,但記得影相)刺身很新鮮,種類很多,而份量都可以龍珠就聽得多,真正食果種就未試過,加上蛋和汁,整個飯都很滑很入味~而且份量很多,一個人食唔曬因為朋友不夠飽所以叫這個,蛋皮很香,豚肉都不過不失,菜都很爽口,我朋友話清清地唔錯,我本身鐘意食濃味d既野,所以覺得一般很香很脆,有些芝士味又不會咸加上豆腐花,味道很特別,但比較淡口些

早一陣子 我一家購入了4張團購卷 買100蚊當200蚊用我地打算慶祝爸爸生日的**食前要提早一日訂位當我地去到Mega Box 2樓 我地都唔知間野係邊架 因為都幾角落~幸好Mega box 有指示姐^^我地入到去就有四個位了趕快到看餐單了 因為打電話去果陣 果個人同我媽媽講只得2個小時食 所以第一時間就看餐單餐廳的杯menu炸明太子芝士雲吞& 炸蝦天婦羅真係好好食 炸芝士雲吞 係出面都唔係成日都食到既 所以我地都叫左2次炸蝦天婦羅 底下有一d炸面條 第一次見有餐廳會甘做 但係都幾好食啊炸蝦仲好食 原隻大蝦 哈哈!南瓜番薯天婦羅 掂!!!pizza 就mama la 不是太好食v.v暖暖 主要係由三文魚同蟹子sushi 蟹子sushi 太散了 蟹子周圍都係三文魚 就好鮮了!! 可能我食果日甘岩黎左一條好既kekek 真係好好食~~~^^燒魚& 魷魚ok la ~~ 因為果陣已經食得好個拉面完全唔得啊!!!唯一一樣真係唔好食既!!!仲差過媽媽係超級市場買回來煮的味千拉面啊!!!!!!!!甜品 佢地讚好!!!^^其實 仲有一個煮蜆同一個甜品架~~因為我已經有8張相冇位再放 kekeke但都

今晚吾知食咩好，就求其簡左呢間，唉！8：30點左3樣野食芝士年糕--8：45上到冷蕎麥面--9：05分才有得食，但食落去d面幾有咬口！口感吾錯！15件sushi--最後呢要三吹四請先可以向9：15分先有得食。雖然d食物超遲先到，但食物的質數都有d水準。最起碼d海產的sushi一d都吾腥。

閒日晚上的Mega Box，人不算多，白木屋居樂屋內的顧客更加寥寥無幾，適合喜歡寧靜用膳的朋友。我們吃了～三文魚壽司：是夜所有壽司半價，三文魚壽司原價$18，現在只是$9兩件，便宜不少，可惜三文魚不夠肥美，質素一般。炸明太子芝士雲吞($28)：雲吞皮炸得十分香脆，熱騰騰，很開胃。雲吞內的芝士有少許溶，味道不錯。自家製滋味黃金卷($38)：一碟只有五塊，色澤欠佳，沒有蛋味，質感亦不滑，實在又昂貴又不好吃。屋店風日式炒麵($46)：份量一般，勝在不算很油膩，麵質彈牙。博多豬骨湯拉麵($48)：豬骨湯底味道較淡，拉麵質感尚可。整體而言，食物合格，環境亦可，但簡單吃了五種食物，每人已花了$100，不太划算，可以偶一為之。