白木屋 (Closed)

今日去幫手尋找多莉，尋完之後都已經成8點，好多食肆都大排長龍，突然醒起Aeon有間吉野家，諗住去睇下多唔多人，點知……行錯路，只係見白木屋，見佢唔駛排隊，又無乜人(下次見到無乜人……真係唔好入去)其實都知道依家飲食業難請人，所以唔夠staff都係好正常既事……但係……唔夠到好多枱都未執，多到……連帶我地去邊張枱坐都要帶住個客去搵……就有少少過份日式餃子 - 餃子都好少會失手，所以呢個都係一個唔錯嘅選擇韓式石鍋飯 - 都唔錯，不過大少話唔係好夠熱，無乜飯焦薯仔年糕 - 我就覺得呢個唔錯，不過大少覺得佢太油，一來炸完好多油，二來兩大嚿牛油~~~拉麵奄列 - 嗯……我好少會話匠工房秀吉好食，呢間真係好野，我竟然可以話匠工房好食過佢，佢夠熱嘅，但係味道唔係好名，不過我幾欣賞佢上面啲沙律醬嘅，點都好過燒汁加茄汁

好多款飯麵小食，都係5，60蚊左右。叫了個芝士雞扒飯，勁多飯食唔曬呀，差唔多有2碗，用石鍋keep住溫度 但又唔會好韓式咁勁多油。芝士都有一片左右份，唔會到喉唔到肺，加上甜咖哩汁，但汁比較少同稀唔夠撈飯沙律有粟米，個豬頸肉爽口燒年糕包了煙肉同芝士，係qq的口感，煙肉本身就鹹，加埋幾好食

是日設宴farewell lunch, 祝福同事深感恩。一人一個餐 大家唔駛爭，泡菜豚肉窩 食完要encore,足料夠入味 金菇是必備，泡菜不太辣 豆腐甜又滑，愈滾湯愈濃 味道確不同，沙律頗開胃 凍飲不另計。午餐大滿足 歡欣滿幸福祝願更美好 退休唔嫌早

九龍灣白木屋食Lunch，叫嘅係美人火煱，材料十足，有新鮮既大蘑菇，滑滑的豆腐，加上酸酸辣辣的韓國泡菜，又辣又開胃，主食系豚肉，肉質實而嫩滑，配上一杯夏日特飲，成惠$88。

久别同事白木屋開餐，點餐萝卜蓉炸雞定食，大大塊炸雞上面鋪滿清甜萝卜蓉，雞塊炸到外脆肉嫩，熱辣辣香噴噴。配上日式味噌汤，味道濃郁，最後食個粟米清菜沙律味道味清爽可口。

今晚同男朋友去宜家家居買野，咁就順便去mega box食飯喇。男朋友中意食日本餐，所以就揀左呢間喇....今次揀左個魚生飯同埋餃子仲有芭菲先講魚生飯、賣相還可以，有三文魚，吞拿魚，北寄貝，鰻魚，仲有一隻唔知係咩黎嘅....尚算新鮮，同埋好大碗飯，所以係食唔晒嘅...至於知餃子，真係好差！完全係唔熱，一定係交黎嘅貨但係點解我去味千食果啲，大家都係交黎但佢地好味咁多，最基本都要熱嘛！最後個朱古力芭菲，雜莓好正，夠晒酸，但粟米片擺耐左有啲油益味，個朱古力雪糕都不過不失了！總結，下次應該唔會再黎!

午市menu好多選擇，有成三十款以上，價格由幾十蚊至二百蚊都有。我揀左滑蛋鰻魚飯，完全無令我失望。滑蛋好香滑，剛剛熟。鰻魚好足料，鋪滿成個飯面。鰻魚好香，好甜，切到細細粒容易食。上面仲鋪滿脆脆既紫菜，仲有特製既調味粉，好配搭，好好食。而好特別既係，佢地加左金菇，好少見但又出奇地配搭，好有口感。最後連個飯都無令人失望，係好香軟既珍珠飯。配多個湯，好滿足

見點幾鐘周圍都仲咁多人食飯，突然諗起超市對面有間日本野，無咩人又餓到暈以為有救星啦。見個餐牌啲野食賣相幾吸引，心大心細最後叫左大阪燒炒麵，落單前我都問過有無芽菜？年長啲既侍應實牙實齒話無！十分鐘左右碟野一放低我已經打左個突，首先個賣相同幅相已經差好遠，無鏗魚碎放係面，麵身既顏色又唔夠，根本就炒唔勻，啲汁水汪汪，而且碟麵無鑊氣可言，微波爐叮三分鐘仲熱過佢！最慘係有芽菜，明明問過話無最後都係有，求求其食左一半左右就算，跟餐個碗麵豉湯遲黎仲凍過一坐低比個杯茶。呢六十四蚊真係難受！全場計埋我都無六枱客，個廚房都可以求其成咁，隔離枱order先過我，到我食完佢都仲未有，個侍應話漏左單，呢間野真係不知所謂！

我朋友同我都好鍾意食火灸三文魚飯黎到見到個三文魚咁白好乾都知中左伏比起秋月居食到既，差太遠另外個元貝又係好乾，是旦一間日式店都比佢好我食個陣見到隔離食鐵板牛肉飯又係dry到汁都冇滴，叫服務員黎問佢有冇汁唔記得比個服務員話個餐本身就係咁

刺身結冰， 鐵版牛脷鐵版唔熱， 牛脷石頭咁硬， 配菜只微熱， 炒露筍又係微温， 其他都普通， 枱面d碗"痴"住條菜， 連個電視都成日無信號，給人什麼都馬馬虎虎的感覺， 比foodcourt都不如

跟朋友去完 9展之後, 行去mega box 搵野食有朋友話 試過 白木屋的lunch, 感覺不錯一行6人就走左過去試一試試過食物後就發現不妥了點了 拉面2個, 魚生飯2個, 石燒和牛飯 及 蟹鰻炒飯拉面- 太咸魚生飯- 3文魚唔新鮮唔肥美- 跟 百佳3文魚 不相伯仲石燒和牛飯- 跟 一般火窩肥牛 不相伯仲- 非常普通order 滿 $500 就有 3文魚 5片為左這5片 3文魚我地再點左 帶子刺身 + 日式燒餅帶子刺身- 好細粒, 唔肥美日式燒餅- 雖然朋友們都覺得唔好食, 但係我個人覺得還不錯

本身女友早於一個月前已經係團購網上以優惠價買了三張白木屋嘅coupon（只限九龍分店），，，既然咁抵就梗加應該要去試試啦！！😁因為團購的關係，，已預早一日打去book定位。到達後已經係晚上7點半，，但發現竟然比想像中人少，，，所以真係好在唔洗等！！去到''食''方面啦，，，總共係order左4款野食，，，1）'芝麻牛肉拉麵'食評：湯底味道還算濃郁，但上菜時已經唔太熱，，如果要等齊order先食的話，相信個湯底會凍埋；其餘的肉，流心蛋及拉麵都跟還算可以；而呢款麵的其中一個特色，就係需要客人手動將芝麻粒磨成粉狀，感覺都幾新穎。（題外話：由於壓碎芝麻粒需時，所以為免個湯底等唔切攤到凍晒，，上餐後都係食住先較好）2）日式蕎麥麵食評：蕎麥麵都係一個相當唔錯ge選擇，，而且賣相亦十分ok，，無失望👍🏻3）火灸三文魚壽司食評：看似好細件，，但其實份量都剛剛好！而且夾起時，飯粒的黏度都好好，，唔會整到周圍都係；唯美中不足的係飯團有點熱，，，如果凍d就效果更佳！！食評:鐵板燒餅，呢款要等20分鐘噢,,,,,,,,,,,,,所以大家如果要Order呢款餸菜，之前就唔好食太飽啦!!味道都OK,,,美中不足的

去MEGABOX睇《出埃及記●神王帝國》套戲有150分鐘架，中間都冇悶場，又幾好睇完場後當然係去食個DINNER啦！MEGABOX的聖誕裝餅好靚呀！諗唔到食乜，行過就食LEE間啦！燒牛舌~~~牛舌好乾，冇味！旁邊的芽菜好爽口但同樣都係冇味的......和風豆腐沙律~~~個芝麻醬好香，豆腐夠滑但冇乜豆味，沙律菜好新鮮爽脆泡菜海鮮石頭飯~~~熱辣辣，有少許飯焦，味道不錯，但好似唔係好食到海鮮三文魚刺身~~~厚切，不過不失啦！天氣好凍我就好想食雪糕食飽了見MENU個芭菲好似幾吸引，咁就叫來試下啦！綠茶雪糕芭菲~~~雪糕球好細，綠茶味尚可，其實的可以不值一提了！

今晚行開 Megabox , 諗住試下呢間餐廳，點知真係大錯特錯！😡首先，食物非常難食😡牛脷：冇味，超硬！咬吾開！牛油帶子：唔夠味！炒牛肉飯：牛肉極難食！連D芝麻都「益」的！炸雞軟骨：唔入味炒麵：上面D豬肉也是冇味，仲有雪藏味的！另外，員工數目不足，吃完的碗碟冇人收，見你叫佢只是話一陣先，連新上的菜式也不夠位放，要自己把吃完的碟叠高！整體令人極失望，價錢同和X一樣，但質素相差太遠，不會再光顧此店！😡😡😡😡

上星期, 和Mr.HB的600天紀念日,由於Mr.HB返夜既關係,只係隨便係佢返工既地方附近慶祝我地黎左MEGA BOX 既白木屋居樂屋 Shirokiya我地兩個日只係叫左三樣野食Mr.HB 介紹既牛肉火鍋, 因為佢之前LUNCH 食過好好食,天氣又咁冷, 緊係食熱野啦佢平身鍋面就已經放晒D牛肉係到,但因為怕佢好快煮到老, 所以我地夾起左,慢慢煮佢餐牌注明係2-3人份量我就覺得2人都OK, 加多少少野,但3人真係唔夠飽仲有一碗烏冬同生蛋跟埋佢話D牛肉點D蛋黎食冇咁咸, 但個人麻麻地咁食,我最後煮烏冬時, 閂左火加埋生蛋落去, 煮晒先食味道OK既, 但比較甜同濃味蟹棒PIZZA冇咩特別, 唔試都冇所謂串燒盆合有細扇貝, 雞腎, 雞軟骨, 雞骨串, 雞亦除左雞腎燒得比較乾, 其他都不過不欠