尚點 小籠包.上海麵館 (元州商場) (Closed)

呢排成日都經過元州商場，俾我見到有一間食上海野既餐廳，今日晏就有時間就去左呢間食下午茶，而我就叫左嫩雞煨麵配豆漿，仲叫左雞絲粉皮！先講下雞絲粉皮，賣相唔錯，不過雞肉同青瓜絲都係有d小，值得一讚係粉皮就夠爽😋跟住介紹下呢個嫩雞煨麵，食落一般般，湯味都濃既，但偏咸，食完好口渴🤭，成碗麵菜好多，對比之下雞肉真係偏小！豆漿夠滑唔太甜，岩岩好👍🏽環境都還可以，坐位夠闊，好多卡位！店員方面，態度唔錯，一舉手就來幫手落單，而且落單快。

長沙灣元州商場都好多食店，較為集中，今日參觀朋友新居順路就周圍行下～行到餓餓地就試下呢間尚點啦～😊👏地方都幾大，同乾淨～各自點左個一人餐！有前菜、主菜同飲品！😋✔️前菜：蒜香四季豆、涼拌茄子✔️主菜：上海擔擔麵、回鍋肉✔️飲品：粟米魚肚羹、豆漿前菜兩款各有驚喜，涼拌茄子夠凍，天時暑熱一坐低食個冷盤，的確人都精神d，四季豆蒜蓉粒夠，又唔會硬崩崩！上海擔擔麵，食到湯底粒粒花生同肉碎，麵條細滑，湯底味濃郁香！回鍋肉，夠惹味，伴有清甜椰菜，不過味道惹味得黎有d過咸，要飲番d水先得！同埋可以選配菜飯/白飯，多個選擇！飲品方面都中規中矩，但有粟米羹選擇都幾特別～另外下單紙上有QR Code，食飽掃一掃，做個簡單問券會即時送甜品，桂花糕兩件！夠硬身～味道有桂花清香～唔太甜！

長沙灣元州商場附近有好多食店有日食lunch經過呢間上海舖就入去試下店內環境都幾舒服平日下午茶時段得好少客靜靜地食飯都幾好而店員服務都好周到帶完位坐低壺茶喺枱面都幫客人斟埋茶Menu有d一人套餐最後單點個夏日推介嘅香麻醬涼麵同檸檬薏米水涼麵賣相唔錯但個麻醬質地太濃稠結遢遢咁好難先撈到個麵而口感都係太黏稠結果食咗一半真係食唔到落去如果可以改善下用個稀d嘅醬汁好似日式嗰種流質d嘅醬相信會好好多檸檬薏米水唔係太甜 薏米味幾香加埋少少檸檬味好fresh餐廳有個活動scan QR code發表意見會有甜品送成功submit咗之後show返截圖俾店員睇就得甜品可以揀椰汁糕或者桂花糕最後揀咗桂花糕桂花糕菱形切法外觀好靚味道都好清甜甜度啱啱好口感亦軟硬適中由於未試過呢間其他上海菜式睇下下次食返傳統餸菜再評價過先

2019年5月10日 今日中午陪女朋友去試妝， 試妝前在長沙灣先吃點東西， 女朋友話不想吃太多，食一點輕便的東西， 於是就近在商場找了這間食上海菜的連鎖店。 店內很光猛，位置也坐得舒服， 於是就坐下來了。 我和女朋友各點了一個一人套餐追加了小食。 涼拌茄子 茄子很腍，附以很開胃的醬汁，不錯 蒜香四季豆 做得也不錯，蒜香味有出來 酸辣湯 可惜酸味和辣味都不足， 味道淡如水 擔擔面 端上來時聞到很香的花生味 奈何和酸辣湯一樣， 淡而無味， 連花生醬味都差點嚐不出來， 色和味相去甚遠 花雕雞菜飯 這個主食等了很久，我們把所有其他的菜都食完了後， 也等了5分鐘才到， 不過也是當中尚算不錯的主食，花雕酒的味道甘甜，融入雞肉中，啖啖肉充滿酒香， 熱菜飯配上花雕雞，不錯 紅油抄手 睇相已見到係無紅油既 最後在碗底發現少許紅油， 混在芝麻和花生碎中， 基本上是嚐不出來， 猶幸抄手本身味道不錯， 但那也不是紅油抄手了。 煎鍋貼 比較好食的鍋貼 有肉汁。 酸梅湯 味道不錯總體上以上海菜的連鎖店的一般水平來比較，這間是比較遜色

今日有幸約到我個小mentee 出嚟午餐，佢話唔想食熱氣嘢，因為怕生豆豆但又冇乜ideas , 所以我哋行去啲餐廳度，睇下有咩好食啦，經過呢間餐廳見到個餐牌，望落都幾健康，就揀左呢間餐廳喇結果我哋各自揀左個lunch set, 有三款前菜可選，佢喜歡茄子，我就喜歡四季豆。佢揀左飲品, 我就揀左個湯。個四季豆唔會話好老，都入到口，但個湯就略為太健康清淡喇主食我揀左炒年糕，個感覺又係好健康清淡，只可以講，如果想食清淡啲嘅，呢間餐廳會係一個非常好嘅選擇

鄰近港鐵長沙灣站的食肆，位於元洲邨商場地舖。上班日午膳時間頗多人，特別是一時後。四人枱可以分拆成二人枱，吸引了一些單身人士光顧。不過，枱較密集/擠逼，但環境尚算靜。對胃口細的女士來說，一個套餐有點滯，主菜大大份嘛！男士就應該很滿意，夠飽肚！嫩雞煨麵的雞粒大大，亦不少，配上小棠菜粒，幼麵也大個。套餐包前菜及粟米魚肚羹或凍/熱豆漿，豆漿不算甜。其他飲品需加錢。蝦仁雞火炒飯的蝦仁及雞粒不大亦不少，兩者也多，配上蛋炒，更豐富。

上一年周不時都會黎食，不過就覺得menu冇嘜新意.今年換左少少，午餐加$12就可以食到酒釀丸子.呢個就係成個lunch喇😂好豐富😆.首先有前菜-粉皮👍🏻.嫩雞煨麵，份量都好足，麵條口感適中.如果唔想飲飲品，而家有得叫粟米魚肚羮，襯熱飲會較好,凍左變水.午餐加$12就可以食到酒釀丸子.味道唔濃，淡淡的，做飯後甜品都唔錯！.環境❤️❤️❤️衛生❤️❤️❤️人手❤️❤️❤️可逗留時間 ❤️❤️❤️食物質素❤️❤️❤️禮貌❤️❤️❤️選擇❤️❤️❤️送菜速度❤️❤️❤️座位數量 ❤️❤️❤️❤️攝影環境❤️❤️❤️..5❤️為滿分.Total: $74

自從投身社會大學後，每天重覆著上班等下班，下班後身心俱疲地回家的生活，跟從前比起來更少與朋友聚頭。最近翻看自己的食評，幾乎全都在紀錄上班時獨自享用的午餐。這天難得相約好友們聚在一起互道近況，選了這間位於長沙灣的餐廳，地點方便大家之餘更有大家都喜愛的上海菜。餐廳很大，晚餐時間沒太多客人，我們被安排到靠邊的梳化位坐。我們點了一份適合二至四人享用的自選套餐，當中包括一前菜/點心、一湯羹、一主食(麵/飯)、兩小菜及一甜品。前菜選了鎮江排骨，酸辣湯，主食為上海粗炒，而小菜則選了回鍋肉及糖醋魚塊，甜品選了豆沙鍋餅。先上的酸辣湯比想像中多，有約六至七碗的份量，酸跟辣的調味做得好，怕辣的朋友吃得開心，重口味如我亦覺得味道很夠，味道不錯。鎮江排骨味道較甜，肉質正常，不算特別。上海粗炒的份量有點少，味道正常。回鍋肉一點也不辣，椰菜、豆腐乾及菇佔的比重較多，肉片很少，有點失望。糖醋魚塊也是偏甜，沒有太明顯的甜酸味道，但份量比回鍋肉多一點。由於我們共四個人，主食及小菜份量又少，因為我們加點了一碗排骨擔擔麵、兩籠小籠包，一份金網生煎鍋貼及炸饅頭。擔擔麵味道偏淡，花生醬味不夠；排骨炸得太乾，以致質地鞋口。小籠包的

本身想食小寵包 之後經過長沙彎竟然見到呢間 之後就去試價錢平仲要好好食小寵包40有4個 呢個價錢黎講好高汁🤝👏🏻👏🏻個飯都好好食😋😋仲有個牛肉我覺得咸左d🤨🤨

由一坐低就提我們90 分鐘用餐時間，90分鐘內，提左四次。我們一行十幾人有大有細，都要時間食架😏仲要係個個服務員都係黑面，比錢買難受。。。算，去荃灣分店食好過。

六點咁上下嚟到，餐廳未算好多人，兩個人都坐到卡位。四人位寬敞更似六人位，相當舒服！叫左個上海擔擔麵同埋一個青菜煨麵。上海擔擔麵個湯底做得相當出色，上枱麻香辣香味撲鼻，輕輕攪動湯底濃稠剛好，嚐一嚐湯底濃郁，麻醬味夠另加香脆花生粒增口感，再加上輕輕少辣唔會搶。麵質煙韌有咬口，撈起掛湯好，沾上芝麻肉碎有多重口感。雖然相比正宗麵質略粗，但係始終係連鎖店要大量採購先有咁嘅價錢，其實已經相當唔錯。青菜煨麵相對失色，湯味鮮，惟麵質只係稍為比擔擔麵軟身，少少溶都冇，感覺講唔上係煨麵。

二人套餐的份量其實可以供給三至四個人，而食量又不是太多的人享用，酸辣湯兩碗忘記影，甜品桂花糕拼椰汁糕,沒有上枱也忘記追單。二人套餐:$238 加一~酸辣湯~ 連鎖店的貸式，太正宗的味道。~小籠包: 夾起每件都黐底,湯汁通通流失，史上最差感覺的小籠包~回鍋肉: 穩陣菜式，沒有驚喜~鎮江排骨: 醋味濃郁，好入味，排骨也切到細细件，易入口~津白肉絲炒年糕: 味道清淡~忘了上枱的甜品，扣分我們一行四人，再散叫了~番茄濃湯咸肉麵: $58 ，份量不大，味道也一般，不值這個價~排骨擔擔麵: $62, 這款反而大大碗，炸排骨和湯底味道也不過不失。金綱生煎鍋貼: $36, 外觀精緻，用料也一般般，所以味道也麻麻。二人套餐:鮮肉小籠包二人套餐:回鍋肉二人套餐:鎮江排骨二人套餐:津白肉絲炒年糕排骨擔擔麵$62番茄濃湯咸肉煨麵$58金綱生煎鍋貼(五件) $36

其實呢間食店之前，喺初開及其間喺唔同時期咁食過幾次，但今次食有點唔同，款式及味道都有大大改進。叫咗鮮肉小籠飽，皮唔算太厚，裡面有好多湯汁好好味。金網生煎鍋貼淨係個金網已經夠吸引，鍋貼煎得唔會太燶幾好。涼拌茄子、拍青瓜、鎮江排骨、雞絲粉皮係前菜併盤，涼茄子帶點辣味幾好，拍青瓜及雞絲粉皮味道都幾清新，而鎮江排骨就非常酸，有少少over咗有待改善。😅蔥爆牛肉味道似干沙牛河，只係冇咗河粉。老上海炒飯有點驚喜，材料有梅菜、豬肉、毛豆，味道非常之好可能有梅菜關係，呢個炒飯值得Encore再去食😉。

小時候一家人常常會去食上海菜！！所以對我嚟講上海菜等同回憶幸福菜！！今日去到長沙灣尚點回憶一番！！一家四口坐低叫左糖醋魚塊，四式拼盤-燻魚、素鵝、烤麩同鷄絲粉皮，排骨担担麵(少辣),燻蛋，仲有金網生煎鍋貼！！糖醋魚塊酸酸地，幾好味！！燻魚太多骨！！素鵝好正！！又熱又脆！！烤麩，鷄絲粉皮同燻蛋一般啦！！無乜特別！！担担麵湯底好濃！！少少辣！！超惹味！！D麵QQ彈口！！最正係金網生煎鍋貼！！外型殺晒！！無得輸！！又香脆！！又好味！！呢個係美好嘅回憶！！

係附近做野，食過幾次lunch，食物質素都幾好，豆漿豆味濃又不太甜。環境也相當闊落，即使食飯時間也容易搵到位。本身對呢間餐廳都印象幾好，但有一次食野，落單時疑似經理既態度認真麻麻，本身我朋友只係想問佢拎個餐牌睇睇，點知佢會錯意以為我地想落單，佢過到黎先發現我地唔係想落單，佢就立刻態度十分差黑住面走左。講真，呢個價錢我唔要求有咩服務，黑面都算啦，但都唔洗咁既態度，好聲好氣想拎個餐牌都比人咁對待，唔會想再去第二次