蝦棧 (Moved) New Location

叫左個奶油蝦……都唔錯……最好味係入面啲洋蔥…………黑白墨魚卷…好食……個螺可能唔夠熟……好難整出黎……魯肉米粉個米粉好硬……仲有叫左個羽衣甘藍……味道ok……

[ #哈哈哈 | #奶油蝦蝦蝦🦐]•••約左個積極減肥既朋友食飯❤️佢話要食海鮮無咁肥，我就提議食奶油蝦☝🏻佢食完就怪罪我「你上網search下奶油有幾肥！」好食咪得囉😿🔹奶油蝦煲($188)⭐️7/10一入門口已經見到餐廳自己養住好多蝦🦐見佢話 蝦 煲 同埋$188我諗住份量會幾多，點知得7隻😧有d唔抵食蝦係好新鮮好多膏！😍已經不顧儀態拎住個蝦頭係咁啜啲膏😙😙蝦肉爽口，仲開左一半殼方便食👍🏻奶油好香好好味👅但係蝦完全無奶油味，蝦還蝦奶油還奶油，要食一啖點一下奶油🤷🏻‍♀️叫左個魯肉飯，用奶油撈飯🍚好正‼️🔹醉雞卷($88)⭐️5/10雞肉好實唔太嫩，酒味淡，不討好🙊🔹菠蘿雪芭($68)⭐️8/10每一口都係濃濃菠蘿味🍍好大份，2個人share岩岩好👩‍👧又勁涼浸浸，岩哂依家咁鬼熱既天氣❄️🌬-

一個以蝦作主題的餐廳都幾特別。除了蝦煲，原來還有台灣的菜式小食拼算$58有入味同中辣的麻辣雲耳，好惹味美味的枝豆好清及入味的糖心蛋是日精選，黑白炸墨魚卷外皮好脆好鬆化外，內裡的墨魚肉好彈牙。胡椒蝦煲 $188餐廳有個養蝦缸，點菜後即時從養蝦缸撈出來。上檯香噴噴，更有紫色花點綴，賣相好靚。蝦肉彈牙，胡椒夠入味。樹子冰菜 $98比較少食到，菜表面好似有冰粒，猶如結霜，質感超爽口，蒜蓉味濃，意想不到的美味。飯後甜品是椰子雪糕 及 蕃薯雪糕椰子味之前食過，好香濃蕃薯雪糕較少有，也是好香濃真實的蕃薯味。

話說台灣留學嘅姨仔反黎香港過中秋，女皇爸爸就call齊人馬去食好西，今次嘅目標係位於太子嘅蝦棧，餐廳主打台灣菜(無計女生外向，姨仔反黎幾日就話掛住台灣味)。外貌看似cafe,餐廳面積唔算太大，7:30入座，人客都已坐滿9成。食物方向，當然要點招牌大頭蝦，有幾種煮法，我們就點左胡椒蝦同奶油蝦，前者胡椒味濃郁，但並没有影響蝦肉本身嘅鮮味，而後者就奶油味牛油嘅酥香淡奶嘅creamy都做得唔錯，如果再咸多少少會更合我口味。醉雞卷同平時食到嘅醉雞最大分別就係可以啖啖肉，外圍一層薄皮唔太肥膩，岩晒女皇媽媽。黑麻油雞---姨仔話一定要食因為十分滋補，但我同女皇都覺得雞肉偏老，未太突出麻油香味。經理推介黑白卷，外層腐竹，分別包住白色嘅墨魚膠同泹左墨汁嘅黑墨魚膠，倆者味道分差不大，腐竹炸得相當香脆，而內裏墨魚膠都新鮮彈牙，真係好餘值得一試。樹子冰菜，略為過火最後絶不能錯過嘅甜品雪巴同雪糕南瓜同菠蘿都各有千秋，唔會太甜，淡淡果香，消膩好選擇

黎呢到一定要食蝦啦，一入門口已經見到有個水缸，入面都係新鮮既大頭蝦，呢種蝦係泰國好common, 頭大身細， 自己係香港就比較少見。揀咗個檸檬辣蝦，食落個汁酸酸地，好refreshing, 我同朋友都好鍾意，而且唔會好辣，只係微辣，可以過一過口癮。而蝦真係好新鮮，蝦頭入面有好多蝦膏，而蝦肉都好鮮甜彈牙。呢個黑白配食落較幾鮮同彈牙，出面既表皮係腐竹黎，炸到好脆，幾好食! 豬肋條，必叫! 簡簡單單只係用了粗鹽去燒，但個味道非常好。豬肉嫩得黎彈牙，豬味新鮮又出，食落去好有幸福感。台灣腸，一直都好想係香港搵到好食既台灣腸，但一直都搵唔到，都係d 有橡膠質感既腸而已。今次係呢到食到既台灣腸既味道非常接近台灣夜市既味道，食落有好香既肉味，仲有蒜片提供，正宗台灣腸既食法，應該係一口蒜頭，一口腸，食落會勁惹味。最後黎個菠蘿雪葩，造型上就無得彈啦，味道就好refreshing, 有濃郁既菠蘿果香，酸酸甜甜，一解剛才既油膩感。

和這一段的花園街很有緣。兩年前，我們一家三口差不多每天都在這打躉留連。對這兒一帶，特別是食肆的情報，可實是暸如指掌....這一所叫"蝦棧"的小店，主打的是台菜。說她是新店子，原因是從前當我們還在此出沒之時這兒還只是一間西餐廳來的....看這裡的食評，看來評價也挺好的。特別是最近少吃台菜的我，更是對之擁濃厚興趣....店自慢當然是一系列和蝦有關的菜。就在店內門口旁，竟是放了一個養滿了大蝦的魚缸....午市時份，沒有如蝦煲等的店自慢菜式叫，有的，只是好幾款台風套餐....點了一客家鄉豬手配上新竹米粉。餐還奉上一小碟枝豆及半只燻蛋....肚子餓，一口氣將枝豆剝光後放進口。再嚐蛋，煙燻味濃滲著些酒香。若然蛋黃的流心度可以高一點，便更好....這一小碗所謂的台式家鄉豬手，說穿了應是喚作梅菜南乳炆豬手。肉炊煑得非常入味而軟爛，基本上不用費力，輕輕一抿就可將肉從骨分離；皮軟熟中帶微彈牙，膠質極豐；醬汁固之然走濃稠路線，光吃當然不行，最妙之處是放幾匙進米粉湯內，讓煙齦具咬勁的新竹米粉吸飽肉汁來食，不羨仙....一碗簡簡單單的豬手米，令人吃得愜意。找一天，定要來試試一系列蝦菜才行....

朋友約吃飯，選擇去大家都就腳的太子。近地鐵站，大家可以講夜D,返屋企又方便喔！奶油蝦煲*主菜來了，八隻大頭蝦鋪滿鑄鐵鍋，每隻差不多有手掌大，奶油味比想像中淡，不覺油膩，底下鋪滿洋蔥片。蝦肉爽口彈牙，頭部爆膏香甜，三扒兩撥又KO 了這鍋菜店如其名，一進門就看見大大的玻璃箱，大量生猛大頭蝦在裏面來游去，不其然期待蝦的菜式。此外，樸實簡約的設計令人舒適。黑麻油雞及新竹米粉*望落去有一層油但食落去係清甜，雞味濃及嫩滑，忍不住叫了碗新竹米粉撈湯，口感出奇配搭，強烈推介!香煎墨魚餅*即叫即做，上枱時熱度剛好，外脆內軟令人食指大動，兩人吃一碟也不覺膩。

店子燈光明亮，以為亮而微黃燈色為主。裝潢、佈置簡約，有私房菜、家居的感覺。適合和家人來吃聚餐、聊聊天。來到吃蝦專門店，當然要點一道蝦，有大約八款口味，我們選擇了檸檬辣蝦 $188賣相好吸引，加了食用花作點綴，顯得廚師有心製作。一陣很香的青檸味傳入我的鼻，像泰式大蝦。大蝦非常鮮甜，而且十分入味！超讚的👍🏼特製檸檬汁很清新，微微辣，令人胃口大開😋🍴醉雞卷 $88一共六塊雞卷，酒味香噴噴，雞肉非常嫩滑，同樣地也是很入味😋 令人一食難忘。小丁油麥菜 $78蒜香炒油麥菜，炒得很香口，火喉剛好。油麥菜呈翠綠色，較清淡，感覺健康。柚子雪葩 $58柚子味特濃，酸酸甜甜，入口即溶，仍保持冰感，很清新、涼快，夏日進吃有助消暑。菠蘿雪葩 $68賣相吸睛，亦是消夏良品。味道不錯，不過相比之下，柚子雪葩味濃更濃郁。店子食物方面有一定水準，菜色較特別，但上菜速度比較慢，如改進一下，相信更勝一籌。

跟朋友到太子逛街，然後去吃一點東西。因為真的十分肚餓，點菜的時候似乎有點太沒節制。三杯蝦 ，是用三杯雞的調味烹調大頭蝦。大頭蝦的數量都頗多！大頭蝦很新鮮，蝦肉鮮甜、彈牙。蝦膏很美味，很邪惡！麻油、醬油及米酒， 再加上蒜頭、薑片、九層塔，三杯雞的味道很豐富。鹽燒豬肋條使人十分難忘。黐住骨部份的肉是特別好味的，因為帶一點筋，質感特別好，但要一邊吃，一邊要吐骨，很麻煩。這份豬肋骨已經去骨了，豬肋條都可以啖啖肉，好正！豬肋條外面乾身，帶焦香；咬開充滿肉汁，使人吃不停！黑麻油雞的味道相對沒有驚喜，有麻油的香，雞肉亦十分嫩滑。飲品方面，我們點的飲品是薄荷檸檬梳打及薄荷菠蘿梳打。薄荷味道十分清新，凍冰冰又甜甜酸酸的飲品特別適合炎炎夏日。最後，在非常滿足的情況下，我們還是點了一份甜品-水蜜桃雪葩。我很喜歡這款雪葩，甜度適中，質感是一般雪葩的質感。整體而言，食物比較濃味，味道很好。我十分滿足！

我個人超級鐘意食海鮮，之前經過見到哩間店個名已經好想黎試，聽講有多款蝦煲做賣點，哩日就同個同樣係海鮮迷既朋友黎一試！胡椒蝦煲…大頭蝦好新鮮！皆因店入面近門口位置放左個大蝦缸養蝦，每隻都非常生猛！蝦味好鮮甜，每隻仲有好多甘香蝦膏嫁！蝦煲雖然有十款口味揀，不過我都係鐘情於胡椒味，因為之前喺另一間食過一次覺得唔錯。不過我鐘意哩間多d，唔好以為我要出post先讚，而係佢的確煮得好，首先蝦夠彈牙夠鮮甜，其次係同胡椒非常夾，容易搶味既胡椒冇蓋過蝦味，但又有胡椒既香同少少辣味，係好完美既比例，推介！魯肉飯…估唔到都幾大碗，女仔食一碗都應該飽左，不過對我地黎講就岩岩好喇，朋友果日想食飯就叫左哩個俾佢(其實係share的)😝 哩度既魯肉係肉碎狀，味道比較切合港人口味，勝在夠肉汁，足夠我地撈飯！同埋隻魯蛋都幾入味😋魯肉伴麵(原味)…另外仲可以揀辣味嫁！魯肉同飯既一樣，伴麵既麵條最緊要係有一定既韌度，咁先唔會伴斷哂嘛！哩度就做到喇，麵質有少少咬口，配埋魯肉都唔錯嫁！脆炸黑白卷…香脆腐皮炸得唔會太油膩，分別包住墨汁墨魚滑同埋淨墨魚滑，入面仲有少少墨魚粒粒，口感即刻level up✨ 我比較鐘意加左墨汁哩款，比

有時食太多西餐，要轉下口味，食下台灣菜，個人都幾中意食蝦，話明叫”蝦棧”，當然要點招牌。鹹蛋黃蝦$208蛋黃味十足，蛋黃沾滿了全部的蝦。煎得好脆！蝦肉都好新鮮爽口，全鍋有8隻蝦。醉雞卷$88推介！真係好似成卷咁上菜，醉雞味幾濃。又無乜骨，食落好方便。魯肉伴麵$58麵質彈牙，魯肉味重。小丁香油麥菜$78油麥菜新鮮爽口，不會油膩。薄荷柚子梳打$38柚子味重，又不會太薄荷。菠蘿雪葩$68果味重，而且原隻菠蘿咁上，好似食緊真菠蘿咁又係一個滿足既晚上

花園街除了商店多，食肆一樣多，所以每次與媽媽逛完街後，也不愁沒東西吃。基本上花園街部份餐廳我與媽媽都吃過，不過今天我們發現有新店蝦棧，看見它門外的介紹頗吸引，懷著期待的心情用餐。媽媽一入門就望見一枱食客吃炸物吃得津津有味，本身想也跟他們點一份。媽媽問我他們吃甚麼，一塊一塊的，當時我沒留意，又正好看見餐牌圖上一塊一塊的一口炸豆腐，所以隨意答了她應該是一口炸豆腐吧。後來聽到店員跟別的客人介紹才知道他們吃的原來是蝦春卷，知道的時候已吃飽，吃不下去，唯有下次再吃。一口炸豆腐量十足，每一小塊都脹脹的，外酥內嫩的炸豆腐，單吃就蠻香的，沾醬吃更好吃呢。這豆腐要趁熱吃，在熱騰騰的時候豆腐彈性十足，好不過癮。然後來點惹味的黑椒牛仔骨，還未上桌時，那炒香的黑椒香氣不斷湧進鼻裡，刺激我們的口水分泌呢。牛仔骨一看就令人垂涎三尺，牛肉豐厚又鮮嫩，黑椒醬汁相當入味，加上洋蔥和黃椒拌炒，牛仔骨吃多少都不會膩。大腸湯米米粉湯頭格外清甜，可能因為大腸處理得好不油膩，所以喝起來負擔相對少。黃蘿蔔酸酸甜甜的很開胃，不過認真覺得這一盤量有點驚人，看似小小的一碗，吃完挺飽的。大腸不錯，簡單的燙過沒怎樣醃製，新鮮可口。引頸以待我

一間新食肆要突圍而出少不得要有新噱頭，呢間台式食店就用到即叫即撈的台南蝦煲作主打菜式，一入餐廳門口就見到魚缸入面養著生猛大頭蝦，客人落單後先會從魚缸撈出大頭蝦即煮。嚟到蝦煲專門店當然要一嘗正宗台式蝦煲，餐牌另有其他小食可供選擇。麻辣雲耳雖然睇唔到任何紅油或辣椒醬踪影，但入口冰凍麻辣，雲耳用上貓耳朵質感細嫩爽脆。醉雞卷應該將雞肉切片再捲成圓桶狀，再浸入紹興酒玫瑰露花雕酒等至入味。雞肉雪過肉質難免略硬，幸好雞卷酒味香濃撲鼻。蝦煲有多種口味選擇，有台式奶油味、胡椒味、三杯酒、麻油味等，亦有香港獨有的避風塘味或鹹蛋黃味。今次選擇重口味的胡椒味。一煲內有八隻大頭蝦，味道與海蝦各有千秋，大頭蝦肉質比較腍滑鮮嫩，蝦頭膏多甘香。大頭蝦背部已切開及去除蝦腸，胡椒成粒狀較難出味，如果加入已磨碎胡椒可能更入味。煲底有不少蒜片，蒜片吸收晒大頭蝦的鮮甜味，比大頭蝦更香口更搶手。羽衣甘藍用中式炒法煮好少見，羽衣甘藍入口質感似紫菜但比較厚身，配上蒜頭同煮居然味道非常合拍，下次街市見到羽衣甘藍真係要試試呢種煮法。魯肉伴麵魯肉唔算太肥，原味香嫩魯肉加汁伴入油麵，再加上半隻雞蛋，簡單但卻美味。餐廳有原個水果雪糕雪葩可叫，

今日同老婆試新餐廳，原來地方唔算好大，好彩有訂位。坐低叫左個生燒海花螺同醉雞卷，嘩！個花螺好有驚喜，好好味，唔洗點醬已經好夠味同新鮮，醉雞就普通，如果酒味濃啲會更好，最後我地叫左個奶油蝦，冰菜同滷肉飯，奶油蝦真係好香好好味，啲洋蔥配料都俾我地食晒，冰菜一樣好味，我諗成餐飯最唔好食應該係滷肉飯，因為啲肉偏瘦，冇咩口感，同埋真係冇咩汁，另外，服務都幾好幾有禮貌，日後有機會都會再去，因為仲有其他野想食，哈哈！

云，喜歡吃蝦。這日，去了太子近期挺「火」的蝦棧，想吃一窩蝦。踏入店內，近門口的蝦缸，空空如也。女店員告知，鮮蝦乃每日由供應商新鮮送來。由於時間尚早，故未有。 飢腸轆轆，決定先點其他食物，邊吃邊等。 薄荷菠蘿梳打$38，以新鮮菠蘿調製，遠比坊間以人工化物料沖泡為佳，入口滿滿菠蘿的鮮甜味，且夾雜薄荷的幽香，清爽且不會太甜，性價比又高。值得一讚的是，除了老闆細心有禮，笑容滿臉，服務殷勤外，就連樓面女店員亦然，一改小妹對旺角太子油嫲地一帶的偏見﹗ 云，要了薄荷柚子梳打$38。 魯肉飯+貢丸湯$48，配有半隻滷蛋，和少量枝豆。平心而論，這一碗的魯肉飯，是港式中規中矩之作;貢丸也是不過不失，飽肚抵食有餘，好吃或特別則談不上了! 蝦，仍姍姍來遲，再點來一客誠意十足的香煎墨魚餅$88解饞。大廚以炸腐竹包裹著鮮爽彈牙的墨魚餅，外層炸至金黃酥脆，中間的墨魚餅相當彈牙可口，且夾雜富咬口的墨魚粒，混入醬料一起吃，酸香有致。 天，不從人願。又，點來一客醉雞卷$88。坊間的醉雞，一般都是一件件的。這兒的醉雞，呈圓形卷狀。大廚把醉雞整成卷狀，兼去骨，入口啖啖嫩滑雞肉，而且酒味甘醇芳香。 南瓜雪糕$68，口感綿綿，啖