順德公漁村河鮮酒家

Open Now

Now Closed

尋晚我地一家人去咗呢間順德公食飯當慶祝父親節。我地食咗大部分網民介紹嘅菜，所有嘢味道都唔錯！天麻魚頭湯桂花鱔煲啫啫介蘭煲煎釀尖椒污糟雞豉油皇大蝦只是有一個唔好嘅地方 ——— 個鱔煲最後先上，而且有D唔係好熟。個煲上嚟嘅時候我地以經幾飽，不過所有嘢都好味所以我都會俾７５分啦！^o^

一家人一齊去食飯,菜式全部由家人決定,我<<等食>>蝦..大大隻魚..新鮮污漕..特別炒粉面飯..高水準家庭眾會,首選gooood

上星期三(21.11.07) 我們一行五人往衛理道的順德公漁村河鮮酒家(華員會) 吃午飯，女經理很落力遊說我們吃，她給我們看，其實是切了一半的魚頭，我們問她幾多錢，她清楚答$8.5一邊，我們本來沒有興趣吃魚頭，她積極推薦我們叫五邊，我們最後只叫了兩邊試試。埋單時，單據列出這碟菜是$170，我們驚奇地問她為何那麼貴，她說是$8.5一兩，20兩就是$170。她否認說過$8.5一邊。她從來沒有告訴我們是$8.5一兩。這碟菜是否有20兩亦是疑問。由於趕時間番工，我們不能留下來找其他經理投訴。很氣憤，這是極不誠實的經營手法，甚至有欺騙成份！這是一個很差的經驗！

It's a busy Sunday evening. Our family dined early and people started queuing for seats. The dishes were fine. The steamed crab (~HK$620 per crab) and the braised river fish (~HK$220 for a 2 Catty fish) tasted nice. However, the kitchen missed out 2 of our orders. When we're waiting the last two orders and the table was empty, restaurant staff came to our table and asked "D口野口黎齊未" for totally 10 times within 15 minutes. The tones of the questions from them were totally unhelpful and just meant t

住在呢間酒樓附近嘅朋友介紹話幾好，於是星期日一行七人嚟晚飯。叫咗扣野生花錦鱔,蒸馬黎班腩(唔知有冇叫錯,個部長話係一種咸淡水交界的大班),薑葱紅蟹,少林骨,燒鵝,污糟雞同菜。ｄ河鮮真係好正，Ｄ鱔嘅皮好似豬皮咁厚，有幾香滑鮮味可想而知，肉質又無得頂；馬黎班好大條，要咗兩份腩嚟蒸，可能係淡水魚關係，比海班重甜，肉嫩滑夠魚味；紅蟹兩斤幾重，好味又夠肉；污糟雞蒸得好滑，而且個味較得好，可以帶出雞味；其他小菜都有水準，唯一要彈就係都幾多油，清淡一點就重正。本來想叫雙皮奶，但冇訂就冇，好彩個經理送咗四個比我地試，幾好噃：有濃郁奶香又滑，唔太甜，得！不過價錢比食海鮮可能重要貴，但我覺得一分錢一分貨，物有所值。

都有一陣子冇黎過,終於尋晚一行七人到此一食,結果都冇令大家失望叫左以菜式:白灼魚皮(水準保持,爽夾脆,做餐前小吃一流)蜆芥鯪魚球(外皮炸得幾脆,因外層加了米粉碎同炸,魚肉嫩而有汁,冇腥味同泥味,炸脆既米粉索埋D蜆芥醬一齊食,味道不俗)o者o者芥蘭煲(用筷子一摷起D菜即刻香氣四溢,芥蘭都幾嫩身,唔錯)咕嚕肉(此菜就比較一般,沒有甚麼特別)煎釀孖寶(係鯪魚肉釀尖椒同蓮藕,味道都幾好,可以一試)芹菜蝦醬焗魚卜(呢味亦係用煲仔上,味道比較濃,但配合魚卜同食,感覺亦相當不俗,用一個魚卜已經可以食半碗飯了)乞兒雞(此菜比較失望,份量少得幾件雞,味道亦沒有甚麼驚喜)桂花魚兩吃(魚重四斤八)第一吃,唐芹西芹炒桂魚片,應該是煎,可能桂魚肉比較易散啦,所以用煎的做法,桂魚片魚味比較淡,要點少少蠔油同食才夠味,但可能大條關係,口感就非常好,配合西芹同唐芹一齊吃,感覺都唔錯,以淡水魚黎講算係咁)第二吃:頭菜蒸骨腩(全晚個個最欣賞呢味,因為用惹味的頭菜黎蒸,而且骨腩部位都比較滑,個個都食到啜啜聲)如果喜歡食河鮮者,黎這裡開餐應該可以滿足到您至於服務都唔錯,加水換骨碟都做到幾足,單尾送西瓜一碟,我們個個話好味後,

上星期先去過食飯, 點知今個星期六又心思思想去食...上次成八點先去, 等位等左幾個字, 今次好早, 七點鬆d就到, 唔駛等位今次叫左呢d野食1) 薑葱花錦鱔2) 天麻魚頭湯3) 蝦醬芥蘭d湯好正, 不過太多, 我地兩個人每人飲左五碗都飲唔晒, 份量我諗六個人都夠...花錦鱔好好味, 好香, d 肉又脆埋單六百幾, 貴過上一次但真係好好味呀～～～

住嚮附近，但都係第一次去食，我地兩個人，點左：１）鯪魚球２）蒸馬泥斑３）粉葛鯪魚湯４）蒸海中蝦全部都好好味！個湯尤其係最正！不過份量都幾多，如果多ｄ人去食會好ｄ，我地兩個人食到捧住個肚，ｄ湯都飲唔晒，埋單五百蚊，唔算平但又唔係太貴啦！

I have tried it several times, the best food is dim sum - cheap price. For the dinner, I think it is really so so. But the expense for lunch is very low, about $30 per person.

星期六，同個老朋友落黎呢度晚飯，七點前後，得返一張兩人枱，都殺啦！ 叫咗魽魚薑葱焗(約一斤多D)，酥炸鯪鱼球，蒸鮑鱼(二隻)，三枝啤酒，兩個白飯。 前菜是仁稔(新鮮的)咁大個女，第一次見前菜是仁稔，魽鱼好好味因為用瓦煲上吱吱声同埋好香，鯪鱼球都唔錯，D蜆介很鮮味，反而鮑魚做冇乜味。 直得一提，個女侍應問我要咩茶，原來有得揀我要咗鐵觀音，茶味都唔錯。 埋單四百幾，真係一分一分貨。

22/2(三)今日去QE覆診前,同男友11點左右黎飲茶,我地系第一枱客,環境吾錯,典型中式裝潢,四正光猛.午茶小點$8.8,中$10.8.大$12.8,價錢蠻合理!我地叫左叉燒包,爽滑魚皮$20,蒸蘿蔔糕,萈菜餃,黃膳粥$19.8,鮮蝦春卷.除左蒸蘿蔔糕太爛吾足料外,全部點心都一流!尤其爽滑魚皮及黃膳粥!值得一讚系服務高水準!侍應上菜說明菜名及講"多謝",收碟問你食完未,拍得住大酒店!!食物,環境,服務全屬高質素,價錢相宜,下次會黎食晚飯.埋單$104.highly recommended!!!

前排同屋企人一行五人去0左呢度食, 之前去過偉晴街0既總店, 第一次0黎呢度0既分店, 覺得呢度明顯好坐d.講到食物, 佢出名好食0既淡水河鮮確係唔錯, 當中又以"魚甘"魚同鱔最好味!佢呢度大部分菜式都係用大大個瓦撐裝住, 滋滋聲香噴噴熱辣辣咁拎出0黎0既, 單係賣相經已唔錯. 食落除0左惹味新鮮之外, 仲炒得夠乾身, 鑊氣夠同埋個瓦撐應記一功.服務方面, 大致良好, 但部分侍應頗為霎霎下, 猶在夢中咁款, 要揀個醒目d0既0黎落單.價錢0黎講, 佢呢度唔算平, 但食物質素唔錯, 我覺得係物有所值0既.

上星期六家庭聚餐於此。例湯，幾好飲，分量多，每人起碼分到兩碗。涼拌魚皮，爽脆特別，大家吃很多except me, as this dish is not my cup of tea la.炒鱘龍魚片- 好味，火侯剛好不會老。少林檀香骨- 煲仔上，熱辣辣，香口惹味。鹽焗雞- 不是古法製作，但都幾好，大隻，肉質頗嫩滑。田雞煲- 煲仔上，幾香，怕寄生虫，不敢吃。兩大隻蟹- 清蒸，肉鮮甜，都幾多膏。海參花膠北菇煲，腐乳汁生菜。好似還有一碟蔬菜和其他菜。我覺每道菜都好味，火侯夠，新鮮熱辣。甜品- 燉奶，奶味濃，甜味適中。送生果(西瓜)，埋單9大1小約$1700。