時新快餐店 (Closed)

距離Poly不遠就黎到時新快餐店，依舊保留老式香港風味，裝潢陳舊，但就是有令人回到80、90年代香港的感覺。就連店員也會頭戴白色三角形帽子，配上紅色的圍裙製服，額外有懷舊的感覺。好彩早少少下午十二點半左右黎到，可以避一避lunch高峰期，咁就唔洗等，即刻有位坐。仲有，店員又會跟你打趣的開玩笑，十分有港式快餐店的人情味；吃倦了連鎖店的漢堡，來這裡感受一下港式風味也不錯！沒有套餐，全部食物、飲品分開單嗌，點漢堡時可選牛肉或豬肉今次選了雙層芝士牛肉漢堡（$21），即叫即煎，加上醬汁好香口！好Juicy！炸薯條（$17）又係好香脆可口，厚身薯條最有咬口，大大份，2個人share剛剛好！廿零三十蚊就攪掂個午餐，店員做事快捷，0岩哂效率節奏快的香港人，仲要新鮮即製又美味，好抵食！順帶一提：見到隔離位有人叫雙層芝士蛋漢堡，見到隻蛋係有蛋汁水汪汪咁流出黎，早知就加埋隻蛋啦，睇落好吸引！

嗰度嘅漢堡包肉質鮮嫩 同埋佢嗰啲牛扒係非常之大塊 佢同埋嗰度嘅用嘅食材係非常之 新鮮 咁另外呢佢嗰度嘅炸雞髀呢亦都係非常之好食呀 薯條亦都好大條呀好好食 嗰度嘅雙層芝士蛋漢堡呢係非常之大過啦日都好抵食啫係廿零蚊就可以食到呀

讀大學個時已經聽過呢間，都未去食過，今次出紅磡張榮記買麵又點可以錯過今次咁好既機會呢老公食雙層芝士漢堡包，雖然無老麥咁大個，但高又juicy我唔食得牛，所以揀咗豬扒包，同澳門大利來有得揮食快餐又點少得炸薯條同可樂呢見到其他食客食炸雞翼，好吸引，下次一定要試下

其實一直都唔知時新係邊，直至參觀完何文田站，行番落紅磡搭火車，係天橋見到好多人企係門口，先為意原來係呢到。入到去係自己搵位的，地方淺窄，所以有人寧願外賣係門口食，而且係好舊式既快餐店，怕污糟/坐得唔舒服的，你自己要諗諗。漢堡包都可以揀牛肉或豬肉，不過記得落單揚聲，除左包類，驚唔夠飽，仲可以揀扒餐/湯麵餐，當然，一場黎到就梗係食漢堡啦！叫左個雙層漢堡，即叫即煎，所以要等下，終於有得食勒，個包仲熱辣辣，好香肉味，咬一口塊漢堡，嘩！真係好好食，塊肉打得鬆軟，係人手打的，而且即煎既關係，塊肉好香，好juicy，雖然唔係咩靚牛肉，但好有home made既口感，即刻諗起細個食屋村快餐店既感覺，連鎖快餐店既漢堡絕對唔係對手，就算貴價西餐廳食到既漢堡，塊肉係靚肉，但都好肉似乾爭爭，同埋唔夠鬆軟。廿幾蚊個漢堡都鏈贏百幾蚊個既漢堡，真係物超所值！

男朋友講左幾次想食時新....今日係黃埔附近就行過去食時新做晚餐啦好好彩....去到仲唔係好多人....唔洗排隊就可以入去.....第一次黎O既我好鐘意呢O的舊式O既餐廳......同男朋友ORDER 左雙層牛肉芝士蛋包同雙層牛肉蛋包 + 薯條+ 紅豆冰 + 凍咖啡男朋友就覺得好好食....我個人就比較鐘意其他大大舊肉西式O既漢堡多D...呢度個包O既麵包就係M記O既包面/底....我就覺得個包洋蔥味太重....同都幾甜...可能係個沙津醬O既闗係...但未好食但到我會排隊去試....不過可能性都係講個份回憶...坐唔夠10分鐘已經滿哂人....希望呢啲舊式O既餐廳可以繼續經營落去啦.....

久仰時新快餐店的大名，一抵達已見數名食客在門外等候，細小的店舖座無虛席。好不容易找到位置用餐，似乎漢堡包和薯條是必點的，每枱食客都點了這些。所有漢堡包也可以自選醬汁，有秘制沙律汁，茄汁，沙爹汁，咖哩汁可選。由於不想太熱氣，我們沒點薯條，點了沙律汁漢堡芝士蛋包和滷水雞翼兩隻，大約等候了十分鐘，終於叫號讓我們取食物。漢堡芝士蛋包比我預期中細小，牛肉吃得出是手打出來的，算是厚身，肉味也適中，但調味不夠。也略嫌蛋煮得太熟，不夠軟滑。而沙律汁的份量有點少，吃起來漢堡似乎不夠juicy, 以這個價錢來說，都算是合格吧。吃過漢堡包後便品嚐滷水雞翼，這個令我們希點失望。因為滷水味不足，幸好肉質算是鮮嫩，可以彌補。

去完PolyU諮詢日之後 就想去試下時新快餐店.我order咗芝士漢堡🍔 凍奶茶 炸薯條🍟個漢堡好普通 好dry 冇乜驚喜凍奶茶都ok好飲 不過好細杯 唔抵飲...炸薯條啲鹽好唔均勻 好鹹 好難食我fd order咗雙層漢堡芝士包同可樂 但個姨姨冇mark到可樂 我個fd冇得飲 唔知個可樂系要自己攞定點啦...

 充滿懷舊港式風情既時新快餐店提起紅磡兩隻字,應該好少人會唔識雙層牛肉芝士蛋漢堡,個名都長過人!佢成個包,個漢堡扒係精華所在,真係好好食塊扒好明顯係自家製,出面真係食唔到咁正塊扒好厚好juicy,仲要有成兩層食完一點都唔覺得太油膩絕對好過哂咁多間連鎖快餐店

🔊俾到驚喜我喎，比想像中好食好多✔自家製漢堡牛肉好juicy✔芝士係平日百佳買到既片裝芝士片(我至愛)……我係芝士控🧀✔沙律醬同塊漢堡牛肉既味道好夾不過，美中不足既係雞蛋唔係炒蛋而係熟透既煎蛋🍳真心，如果係配炒蛋會好食好多囉🐷 〰〰〰〰「大學生最油膩午餐之選」

Heard about this place and decided to try the burgers but boy, were we disappointed. The burgers were horrible, too must filler in the meat made the texture too mushy ans it was loaded with salt so cannot taste the meat.The ice tea was a disappointment too, no tea taste at all, but just water and sugar and milk, yuck.Service is not their strong point, and the cashier came across as an arrogant SOB. The cooks handled raw meat with bare hands and the hygiene of the kitchen area was very poor. Best

今日時間好充裕，所以想起依間好耐冇黎既漢堡包店。黎依度唔食漢堡包真係覺得差d咁，所以我同老公點左個雙層漢堡芝士蛋包！雖然都估到個包係嘉頓麵包，但唔知點解好似係度食個包香好多，而且個漢堡係自家製，唔似連鎖店個d咁乾，juicy 好多！再加隻我喜愛既太陽蛋，yummy😋再黎個港式粗薯條，基本上如果d薯條唔係返炸，炸𤓓晒既話都唔會衰既😜仲有炸雞脾，炸得好香脆，少少咸，夠入味不過條炸香腸似煎多d,同堆太油了

雙層漢堡芝士蛋包Double Burger with Cheese and Egg🍔$23; 8/10🍴簡單便宜嘅美味🤗🤗星期六黎食都幾多人，等位等左一陣漢堡扒煎得好香口，唔會好老/ 好靭/ 煎到燶矖🍖又鎖得住肉汁，份量都唔算太細🍔不過煎蛋略嫌太老，變左全熟而唔係流心🍳整體黎講都幾好味，加埋芝士同埋自製沙律汁好好味😋😋

呢到d快餐同其他連鎖快餐店唔同，好有港式風味我買左普通漢堡包，炸雞脾同薯條，漢堡包入面饀料好足，牛肉好厚同juicy, 炸雞脾都好大隻好脆，薯條就普通不過不失啦，整體黎講都值得一試

某個星期六黎到紅磡食個下午茶，一來到就有位，外面好多人等外賣，堂食同外賣都好旺場，好幾年前都食過2次，印象都幾好今次叫左個芝士漢堡要沙律汁，手打漢堡好香洋蔥味，即煎起比較油，同細塊左，細個時係九龍城讀書好鍾意食某間外賣店既手打漢堡，要搵校車司機幫我買，後來搬左屋無再搭校車自始無再食過，大左後番去搵都唔見左間鋪頭。經開紅磡都會再來食，味道唔算最好但算係兒時回憶

睇完TVB節目介紹，星期六下午好奇去試。超級多人，叫外賣都等左成個鐘，超誇張。好彩入面有位坐，入面係傳統70 , 80年裝修，勾起我童年嘅回憶。食物方面嗰兩塊包面有煎過都叫做幾香脆，塊免治肉鬆扒係心機之作，落左糖化左嘅洋蔥，加埋個好傳統一般80年代嘅漢堡都會用嗰種帶有微酸嘅醬汁。唔可以話佢超好食，但係咁樣嘅加錢來買一個童年嘅回憶真係超正