時新快餐店 (Closed)

美式漢堡包店大行其道 每一區都必定有一間 但港式漢堡包店卻少之又少-這間相信是無人不曉的 說到紅磡名物 它必定會上榜的沒錯 我說的就是時新快餐店 而我則最愛看演唱會前來買外賣吃手打的漢堡扒配上芝士 荷包蛋 和秘製沙律醬確實是令人垂涎三尺雖然這裡的漢堡扒不是厚切 但亦一咬下去 肉汁卻源源不絕的流出來而且秘製的沙律醬十分惹味 再加上荷包蛋的蛋汁而芝士亦有如神來之筆這種港式漢堡包實在是令人回味無窮 在別處吃不到的-

5月26號同個朋友特登走左去紅磡食雞脾，其實講左好耐話要去食。事緣係早排係fb睇到d咩全港雞脾大比併，所以就癮起我既食雞脾癮。本來就想去排行最高分果間大埔xxx食雞脾，但就真係太遠，當日時間唔許可，就番番時新食喇，始於都係入左圍既雞脾。其實呢次係我第二次食時新既炸雞脾，對上一次食係冬天既時候，諗番起果陣食，一啖啖咁咬住隻熱辣辣，漏緊雞油既雞脾，肉質好juicy，果種感覺真係好滿足，令我一試難忘。所以亦令我今次帶埋fd一齊去食，一個人食油雞脾，一個人食炸雞脾。咁講番炸雞脾先啦，今次我去食，佢就已經比唔到我上次果種好juicy好滿足既感覺，原因為因為隻雞脾凍凍地，我諗係隻雞脾預先已經炸好左，因為佢都好快唔洗一分鐘就上得碟比我地，咁就變到隻雞脾出面熱，外面凍，無左肉汁juicy，噴油果種效果，可能係撞彩數啦，咁岩果日廚房hea左少少掛，之但係放心，雞脾都仲係大隻同埋肉質好嫩既。到豉油雞脾，個味道比我想像中好，尤其係果個肉質都係一樣嫩既，普通茶記既油雞脾係好難做到，因為佢地通常都係浸到／煮到隻雞脾係鞋，無哂雞味得個咸字。好彩，時新既油脾唔會咁，所以都係推介既，絕對係時新漢堡以外既多一個選擇。雖

一直以黎都知道紅磡有好多隱世小食，但紅磡對我黎講，如果唔係去睇演唱會，我係絕對唔會去，路程實在太遠啦！而且，紅磡除左食，無地方可逛…朋友一直都好想黎呢間快餐試，但可惜佢黎過2，3次，次次都摸門釘！咁啱我今日放工得閒，決定陪佢碰下運氣…酷熱天氣加放工時間，再行左好長既天穚，終於見到目的地，時新係街上一間小店，附近仲有幾間食店，暫時都唔係太多人…店內係先付款後取食物，一到步，立刻揾個位坐左先，由於小店關係，入面係好逼，好窄同好焗…餐牌除左漢堡包，仲有通粉等食物，而且漢堡包仲可自選醬汁，我地睇好餐牌就去收銀付款，每人叫左個雙層漢堡芝士包，另加薯條，5分鐘左右就可以取食物…漢堡包新鮮出焗，仲見到d煙飄下飄下，拿拿淋拎定紙巾出黎，預左要抹手，因為d沙律醬多到漏出黎，我唔客氣啦…哇！個包皮好軟熟，有煙飄但又唔會太熱，果2塊漢堡係精髓，好似入口即溶既感覺，牛肉夾雜少量碎洋蔥，口感好豐富，沙律醬及芝士好配，令人吃完一啖又一啖…薯條係即叫即炸，一碟得好少份量，價錢貴，而且有點乾身，似硬唔似脆…

久仰時新大名，今次終於一嘗港式滋味，果然名不虛傳！！！時值兩點幾，店內仍然人頭湧湧，好彩搵到位置，同朋友快快坐下。雖然呢度出名漢堡包，但我因為未食飯真係好肚餓，結果叫左沙嗲牛通。無諗過等左足足十幾分鐘，肚餓既我心急如焚，而且見到個樣同期望有啲落差。同一般茶餐廳賣相不同，唔係有一pat濃郁既沙嗲汁同牛肉，醬反而好淺色。但一試簡直不得了！！！！係非。常。好。食！成個湯都係沙嗲牛肉湯咁，而且真係好熱，真係啱啱整起！雖然熱到辣咀，我仍然一啖接一啖咁食！堅係食過最好食既沙嗲牛肉通！除此之外，呢度既薯條真係好好食，新鮮炸起唔在講，食極都唔厭架！連杯檸水都足料過人！食物非常好，但小店當然係窄Ｄ，冷氣細Ｄ。雖然食到身水身汗，但下次有機會再去紅磡，一定再幫襯！

食漢堡包，不一定要食某知名連鎖快餐店，有時食下本地小店，一樣都會有出色的食物。來到紅磡又興起想去食時新。晚上依舊座無虛席，餐廳格局是先付款後取食物，以自助形式找位置。有飯，粉麵，扒類，小食汽水供應..........雙層芝士煎蛋漢堡包(沙律醬) - 麵包很鬆軟，牛肉雖然唔大塊，不過食落很有肉汁，像手打牛肉般的感覺。煎蛋很香口，令整個漢堡不再單調起來。薯條剛剛炸起很熱很脆，而且不咸。點上茄醬吃份外美味。雞翼炸得很香脆，皮身炸得夠薄，而且啖啖肉，肉質很嫩滑不會過嚡，不錯！

今日難得經過紅磡就決定去試下久仰大名的時新，由於太多人的關係要等位於是就買個飽算了。舖頭的裝修都係好懷舊，餐牌係門口都貼有。是次選擇了呢個雙層漢堡芝士包蛋，即叫即整的，好快就有。咬落麵包好鬆軟，牛肉好多汁，洋蔥都幾多所以都幾甜，蛋就普通荷包蛋啦，芝士融化曬，成個口感唔錯！好味指數就🌞🌞🌞三個太陽啦！味道未到驚為天人，支持下小店同感受懷舊味時新係唔錯選擇，價錢都好合理，下次經過紅磡都有再試下佢其他的食品的打算！😆

去到時新，最鍾意佢懷舊style 餐廳feel. 員工亦算有禮貌，會講笑嗌左雙層漢堡芝士包配秘製沙律醬，正之後決定食埋飯，嗌左雞扒蛋飯配黑椒汁。相對失色，冇特別，唯一可取係隻流心蛋！

呢間都係一間出名食包地方，我敢講無咩人唔識呢間嘢入到去就係好迫同埋有部好耐無見過個豬潤電視之後啲阿姐同阿叔啲態度都唔係太好，我用咗5秒諗要咩嘢汁阿姐都黑哂口面個阿叔又係，到我果時話我企係度唔出聲我點知你想點我見你做緊嘢先無出聲，算，唔同佢嘈漢堡包唔算好吸引，只係話係自家製的厚牛肉漢堡扒，有少肉味，少個包對我黎講有啲細食完都唔係好飽，仲成陣油煙味，我都係寧願食M 記好過

說起漢堡包，很多人必然會想到那數間大型的連鎖快餐，而近年以漢堡包為主題的漢堡專門店也成行成市，漢堡包的餡料亦越來越多花款，鵝肝、龍蝦、軟殼蟹等食材五花八門，標榜矜貴創新，但其實已有點偏離了漢堡包的原有味道。現時人人興懷舊，其實說起漢堡包也有不少兒時回憶，還記得小時候在地道快餐店的港式漢堡包嗎？那薄薄的免治漢堡扒配上沙律醬及質感綿密的餐包，童年時不會覺得有何特別，但當這類地道美食逐漸買少見少時，方知這種香港味的珍貴…位於紅磡有間快餐店營業近六十年，曾多次獲得飲食界的獎項及推介，據說它是全港首間引入漢堡包的食店。從網上資料顯示，最初此店是以牛肉、豬肉和雞肉攪拌打成漢堡扒，麵包也是自家做的，取名為「雜港包」，及後改名成漢堡包。筆者最近在紅磡火車站附近上班，當然趁機去拜訪一下這老店。快餐店的門面及室內仍維持八十年代的經典港式快餐店裝潢，白色橙色的磁磚牆身，長長的白光管，橙色防火膠板木枱和膠椅，不銹鋼的櫃台及開放式廚房，全都很眼熟，但又想不起已有多久沒見過了。這裡仍源用一貫舊式快餐店的做法，客人先到廚房前的收銀處點選食物，再自行找位子及在櫃台等著自取食物，真的彷彿回到學生時代。小店裡的漢堡包餡料

今日工作關係到紅磡，3點幾未食飯，咁就行咗去時新快餐店食，叫了碟鮮茄朱扒飯加凍啡，等咗5分鐘到水吧就叫朱扒飯邊位！出去拎碟飯一睇d鮮茄去咗邊？？？收銀阿姐話有架有架！咁就無理過我，反轉成碟飯除咗幾條發黃嘅菜心，真係一舊鲜茄都無食咗幾啖飯就成碟都無再食。總結:朱扒差，凍啡似凍糖奶水！咁就盛惠$44

今日又到星期五, 又可以早放工, 一於同老公慢慢由尖沙咀散步落去紅磡搵野食, 見時間尚早, 我地就去左時新買左個漢堡包食, 因為一陣要食飯, 所以我地叫左個最普通的牛肉漢堡包, 冇蛋冇芝士, 等左十分鐘到, 最終有得拎啦..包面有芝麻, 個塊牛肉好 juicy, 好香, 細細個, 個感覺就好似兒時自已買嘉頓麵包+超市買的一盒牛柳返屋企自己整既漢堡包咁, 下次黎食, 我要加芝士先得, 老公話佢要加蛋加芝士添

餐廳入面坐滿人，外面都有幾個等緊，唯有外賣拎走啦，唔使等嘛！見到個漢堡包滴晒汁個樣真係幾吸引！佢地自家製的牛肉漢堡扒，唔係薄切切㗎，都幾厚身 牛味一般，質感有少少似手工蒸肉餅，肉粒有大有細，口感上層次多咗 醬汁都有幾款比你揀，沙律汁黑椒汁等等，只要落單時講明就可以嚕。

好多人話去紅磡要試吓呢個平民漢堡包諗唔到有咩特別 更要挑戰下 睇下點解出名五點幾去到人都多 要排隊 即叫即煎堂食冇最低消費 外賣 堂食也能看見廚房一塊塊漢堡煎製的過程大約15分鐘之後有漢堡了 漢堡看上去十分平庸兩塊普通的嘉頓麵包 將蛋 漢堡 一片芝士看見芝士頓然感覺愕然 芝士並未溶化這令味道十分淡薄麵包入口鬆軟但是粉感很厚 有點失望蛋煎得有少少過熟蛋 幸好蛋香仍能保持最驚喜的是漢堡煎得濕潤多汁 肉味頗為香濃沙律醬雖然稀身 味道酸酸甜甜令漢堡更重味整體感覺未太驚人 除了漢堡和沙律醬以外其實幾普通 但亦不妨一試吧

想食好耐 但一直未揾到機會😩 咁岩星期六得閒又無plan到去邊度 就同男朋友黎試下😋黎到已經兩點幾 都唔算好多人 咁岩又俾我地揾到個位坐😁叫佐一個雙層芝士漢堡 一個芝士蛋漢堡 兩個都係配沙津汁😁等佐一陣就有得食啦 🙈雖然賣相一般但食落口 牛肉熱辣辣 配上洋蔥粒同沙津汁 甜甜地咁 好味呀😋😋😋 值得一試 不過我地食完都好快走 因為出面有好多人排隊呢🙈

這間漢堡包店經常上雜誌，已經非常有名，但這是還是我的新嘗試。＄18個漢堡包並不是最便宜，但他的質素卻是媲美於60多元的，因此性價比非常高！漢堡夠厚，吃到牛肉味道。醬汁是黑椒汁，帶一點微辣，十分惹味。在於我來說，煎蛋才是重點，帶一點點的生，為整個包畫龍點睛！如果有一日要漫遊香港，到處覓食，這是我必經的地方。