食道樂

Open Now

Now Closed

終於體驗到咩叫好評多但難食嘅餐廳。平時中午會同人食Lunch，今朝未食早餐，Lunch又遲左食飯，諗住食返餐好少少補數，估唔到中伏。行到加賀街附近，本來平時都食開果d餐廳，但食得多都會厭架，行過呢間野見到有我好鐘意既韓燒牛仔骨飯，諗住轉下口味食下韓國野，點知入到去一個人都冇，想掉頭老闆已經放低左杯水，唔好意思走就照係度食，估唔到真係中伏，牛仔骨份量少已不是問題，飯煮到爛晒，湯係凍嘅，未食過咁難食既韓國野，之前d好評肯定全部刷返來，大家小心。

坐低成粒鐘見我哋一枱客都知中伏我叫咗個$108嘅牛骨拉麵嚟到得兩件煲湯骨再加個農心拉麵份量少！貴！味道又普通！食完勁嬲同枱其他朋友叫咗個牛湯飯得一細粒牛肉 個湯仲要勁鹹

菜價好貴，但份量好少。我地嗌咗一個炒飯（$98），一個牛仔骨湯飯（$108）。湘菜之前送咗幾點好細好細嘅前菜，一啖就食晒。個炒飯好鹹，牛仔骨湯飯裏面得兩細舊牛仔骨，再加幾條金菇同埋粉絲，碗飯勁細，但係我哋一啲都食唔飽。我哋嗌咗杯凍飲，買單嗰陣時佢先至同佢哋講凍飲加$10（啲冰喺雪櫃個冰格整出嚟）。結果杯嘢變成$30。呢間嘢仲要收加一服務費。我哋入去全場冇人，食到走都係冇人。真係中咗大伏，千祈唔好去。

超伏，湯勁鹹。份量細到一個女仔都唔夠食....90蚊一碗撈麵，得幾粒肉碎。人參雞又好難食........啖湯得個鹹字。order左6個lunch set...6個人都O曬嘴。

要喺香港食有質素嘅韓國菜多數都唔平，但估唔到今次咁啱亂入咗間由韓國人主理嘅小店，裝飾亦有韓國feel🤩 好食之餘價錢亦相對合理😼我哋4個人各叫咗一款主食，另外再加多3個小食：🍲主食我揀咗我好鍾意食嘅石鍋拌飯，肉就揀咗牛肉，配料份量適中，撈埋辣椒醬食係正嘅🤤 但如果有多啲飯焦就更好😛🥘🍛其他朋友亦分別揀咗牛肉大醬湯、唔辣嘅海鮮豆腐湯、豬肉香菇炒飯，3樣都唔辣嘅😹 其實我好似都係第一次見到豆腐湯係唔辣，我諗唔食辣又想食韓國嘢嘅朋友，嚟呢度都可以有嘢好食☺️🍗朋友想食炸雞，咁我就揀咗比較貼近韓國風味嘅「甜辣炸雞」。醬汁係類似炒年糕嘅味，裡面亦配埋炸過嘅年糕，係幾好味嘅😋🫓我好鍾意食韓式煎餅，尤其係泡菜餅😀 呢度嘅泡菜餅煎得幾香，不過如果落多啲泡菜會更好😉🍙由於男士們好似唔夠飽，我哋都叫咗條五花肉紫菜飯卷。入面嘅五花肉其實唔多，但連埋其他配料同醬又幾夾幾好食😻對於鍾意食韓國嘢嘅我嚟講，我覺得呢度嘅味道好啱我口味，又唔會太鹹，份量就….視乎食量啦🤭 總之，下次應該會再嚟試其他嘢😺！

紅磡有一條好著名食街有日本菜、韓國菜、中國菜、四川菜……等款式多蘿蘿。在花多眼亂下就選擇一間韓式小店食道樂(紅磡)，舖面窄窄地，但進入店舖內裝潢很有特式，好像置身在舊日韓國小學生的時代，有小書包、書籍、小玩具……等店員以韓國人為主，她說得一口流利普通話，英文也可以，最後身體語言都得無難道🫶🫶♧韓式涼伴小菜~泡菜、馬鈴薯、大豆芽菜和生菜，醬汁惹味開胃又爽脆，用來伴飯😋😋♧海鮮煎餅~煎餅饀料有墨魚粒和鮮甜爽脆蔬菜，煎餅兩面煎得脆香好惹味♧烤牛肉粉絲鍋~微冷的天氣，一碗烤牛肉粉絲鍋熱騰騰端上枱，漸漸香甜味樸入鼻子，牛肉鮮嫩肉汁豐盈，粉絲軟滑煙韌配入濃香清甜湯底，再添一碗白飯配上惹味涼拌菜，整頓餐吃下來十分滿足

好味家庭形式經營的韓式小館呢家土瓜灣的韓式小餐館好好味道！同朋友叫左小菜兩三碟都覺得好好食！價錢又實惠，份量都足！韓式拌飯好好食，小菜好多碟，有好多韓式伴菜，泡菜同拌青菜，簡簡單單已經好好味了！兩個人share 剛剛好。另外仲有個泡菜煎餅，煎到個邊好脆又唔焦，好香，好好食，食到停唔到口呢！另外仲有個豆腐泡菜湯，好美味，好好送飯呢！少少辣，都幾適合香港人口味！最後仲叫多個炒粉絲，有蛋絲鋪係面，好正，入d料有蘿蔔絲，冬菇絲，好正，一d都唔咸，口味適中呢！下次再次幫襯下！

星期六又約咗阿仔去食飯，今次去咗紅磡嘅崇潔街美食街，之前有朋友住係呢度附近，所以知道呢度有不少有質素小店。今次食呢間韓式小店，入到店內立即好有去咗韓國家庭式的小店感覺。發現原來小店全由韓國人主理，裝飾佈置令人非常舒服。餐廳主要提供韓式料理、煎餅、紫菜包飯、豆腐海鮮湯、人參雞湯、部隊鍋等等應有盡有，此外亦有醬油蟹供應。每枱都會按人數送上適量的醃菜，相當有驚喜的小店。點了至愛《海鮮嫩豆腐湯》（$78）配有白飯，豆腐真的十分嫰、湯十分足料，有翠肉瓜、金菇、魚肉、青口、小蝦肉等，味道很不錯。阿仔就選了《宮廷炒粉絲》（$128），炒粉絲有很多配料有肉碎、蛋絲、木耳、紅蘿蔔絲等等。粉絲炒得很好，味道帶微甜，有種說不出的親切感。下次可以再來，好想試埋其他食物。

今晚約咗位識韓文嘅姊妹食飯👭，當然要食返啲韓食啦🇰🇷！ 喺紅磡崇潔街美食街逛逛，經過望到韓國國旗就知呢間 #食道樂 係韓國餐廳喇；店內仲有好多韓國Signature嘅復古陳設，電視都播緊宋仲基㗎😍！！入到店內，見到阿珠媽，互相講句 안녕하세요👋！阿珠媽好快手已經上咗茶同韓國前菜，食食吓都唔係太餓，所以簡單嗌咗以下👇👇👇🥟煎餃子 $78都真係煎得好脆，近乎有少少炸嘅香口感覺。味道剛剛好，配埋個醬汁都唔會好咸👌🏻，幾好食！🥘牛肉大醬湯 (配白飯） $78啲大醬湯味好濃郁，辣辣地🤏🏻，冇食開辣嘅我都Handle到！雖然就咁飲係會咸，不過最後食晒啲飯都係照隊，因為個咸香味係好吸引你再想飲多啖😌！真心覺得韓國啲醬料做得好好，以前睇大長今都知個製作過程好令人Respect，唔怪得咁濃郁🤘🏻！🥗宮廷炒粉絲 $128唔好以為粉絲好齋，食食吓真係成兜完美KO！韓國好多菜式都會撈蔬菜，會落紅蘿蔔絲、木耳絲、蛋絲咁；除咗有營養，成個味又好夾👍🏻！而呢個粉絲嘅蔬菜都好多，食咗咁大兜都唔會好膩，又夠飽肚！阿珠媽好溫柔話下次記得再嚟食呀，好開心我哋全部都食晒🤘🏻！不過可惜餐廳地點位置比較唔起眼，客人唔係太多😪。其

想食正宗韓國料理，但又想價錢相宜，呢間食道樂就岩哂你！位於紅磡崇潔街，環境寬敞，夠哂乾淨企理，坐得舒服～一坐底店員就奉上4款小菜，食落酸辣清新，好開胃。醬油蟹醬油蟹大大隻，肉質鮮甜，滿溢蟹膏，賣相勁吸引！醬油味道適中，夾埋紫菜飯特別滋味，真係食到停唔到，不愧為白飯神偷啊！海鮮嫰豆腐湯（配白飯）湯底味道好正宗，甜甜辣辣咁～材料有青口、八爪魚等海鮮，仲有豆腐和翠玉瓜，材料豐富又新鮮，拌飯食一流，超正～

這次外買回家醬油蟹！我老公是韓國人，嚟到香港成日都想食到正宗又抵食韓國料理。依間小店嘅醬油蟹又好味又大件，價錢合理約480元就有兩大隻啦，另送幾隻醬油蝦。作為香港嘅另一半，提醒食前需要準備多啲飯，雖然好好味，但好咸😂 ，我還是香港胃嘅節食女孩，所以未必個個香港人都喜歡食，另外女孩子食太多飯就怕肥🤭。我老公話食醬油蟹就一定要配好多飯食先係常識，仲要留返啲汁明天配白飯食😅。我老公評價: 特別是螃蟹比我的手掌大,所以很滿意,而且肉和蛋蟹膏都非常飽滿。 好似係韓國食一樣,在蟹蓋上拌飯吃,味道更好。 沒有米飯可能會鹹，所以推薦一定要和米飯一起吃，他很推薦這家餐廳。

身為紅磡居民，經常係附近覓食，老老豆豆呢區真係好多野食，食左咁多年都仲有好多寶藏小食🤣開關後，個個唔係飛韓國就泰國🤭飛完泰國🇹🇭無咁快再飛就食下韓國菜囉，呢間餐廳🍴好出名，仲係韓國人打理，連店員都係講韓文🤭咁啱又世界盃見隔離枱邊睇波邊燒肉，好有feel~我地2條友嗌左個 #泡菜湯飯 熱辣辣上碟，又夠辣，仲好足料，鐘意食重口味既人士啱曬😌見到呢度有 #醬油蟹 食，有驚喜喎，仲有#醬油蝦 同 #醬油鮑魚，估唔到鋪頭細細都幾多選擇，個蟹好入味，撈埋個飯加蟹膏，正！

經常光顧的韓國小店週一關門，大老遠跑到這家店買辣海鮮豆腐湯，是為了在只有7度的夜晚買份熱辣辣的泡菜湯暖胃。買回家，第一口，鹹！第二口，很鹹！第三口，非常鹹！辣海鮮豆腐湯沒有一點本該屬於它的鮮香，或者海鮮的鮮味，喝下去一點也沒有幸福感，努力尋找在湯中細碎的海鮮，努力配飯喝湯只是為了不浪費它78的價格和大老遠拎回家的辛勞。三盒小菜，土豆結冰。本來就涼颼颼的夜晚，配著結冰的土豆和齁鹹的豆腐湯，心中不知不覺將此小店放入黑名單。

近土瓜環與紅磡之間嘅崇潔街周邊圍住工廠 住宅 學校呢邊有一條人稱「食街」成條街都係唔同類型嘅餐廳見到呢間韓國菜好似唔錯就去試吓原來係韓國人主理餐廳環境都算乾淨企理店內貼滿啲韓星相 電視又播住韓綜好多韓國菜菜式都有坐低隨即會送上前菜前菜味道就不過不失啦部隊鍋明知部隊鍋出面食勁唔抵🤣但太耐冇食又想止下癮部隊鍋適合2-3人份量材料包括香腸 午餐肉 菇 高麗菜 泡菜 拉麵材料唔算豐富⋯好似唔太正宗味道就唔錯嘅甜甜辣辣 湯底係韓式辣泡菜味都幾濃郁 不過就偏鹹所有都係現成材料所以食材味道就冇乜特別普普通通啦個拉麵應該係辛辣麵索哂湯底嘅味道麵質彈牙唔腍身 係幾正辣炒年糕其實食完個部隊鍋已經好飽但都要叫多個炒年糕埋尾！😂嚟到見到個份量真係嚇親係細到嚇親！$118嘅份量係一個飯碗多啲😐落咗好多醬汁已經變成年糕湯不過醬汁味道甜辣 唔錯嘅年糕係細條size似韓國即食年糕杯個種年糕口感都算煙韌仲有一粒炸餃子同炸紫菜粉絲卷已浸到腍咗 味道麻麻地-諗住韓國人主理應該唔錯估唔到質素麻麻地價錢偏貴嘢食細份確係有啲失望！希望只係分店問題😐

崇潔街韓兄弟隔離都有一間韓國人主理的小店，店內座位不多，門口亦不顯眼，工作後九點先搵晚飯食，入去一試之後，發現CP值超高，除咗食物味道搵到韓國嘅感覺，值得一寫係佢真係大份夾抵食，真係不得了❗️開飯前，會附送韓式一碟碟嘅醃菜，每一碟醃菜都好好食，唔係出面好Hea嗰種，食完係會想再encore。開飯啦！個牛肉鍋真係夠兩至三個人食，牛肉好足料，除咗牛肉份量多，鍋入面嘅蔬菜亦都好多，男朋友鍾意食肉，我鍾意食菜，完全滿足晒我哋兩個人嘅需求。下圖份量，两人食完有打包，都係$400到。