食道樂

Open Now

Now Closed

估唔到響牛頭角同埋九龍灣中間嘅工廈度有間韓國餐廳，間餐廳係應該由一家韓國人去主理嘅~ 點解我哋會發掘到呢間餐廳呢？就係因為樓下有一個韓國爸爸喺度派宣傳單張。佢哋嘅招牌菜係韓國拌飯。呢間餐廳係喺市中心，裝潢都簡潔現代，營造出一個舒適嘅用餐環境。我叫咗佢哋嘅招牌菜🤩韓國拌飯。um…. 可能得一個員工，所以好忙，所以上菜都好慢😢 會免費提供水💦，其他飲品得汽水。不過個韓國拌飯幾好食😋，喺熱辣辣送上嚟😚😚😚

有日收到宣傳單張係附近有間食韓國嘢今日就去試下點知真係伏前菜比得勁寒暄個沙律仲誇張完全同單張二回事黎得叫咗個宮廷炆牛排骨味道得個甜好似壽喜燒咁牛排骨得三舊仔而1/4舊蘿白仲要係近乎生除咗白飯正常之外食完好似無咩到胃唔會再回頭

好彩去到冇人唔洗等咁耐，廚房得一人，人多實變長頸鹿🦒好不滿意既係份量超級少，平時食韓菜前菜唔少得有啲地方仲可以fill, 呢間就唔行去都唔記得俾🤨 仲要每樣得幾條…。我叫左牛骨餐，得兩條牛骨收$88☹️

去食lunch然後返公司，等咗半個鐘都未有，然後同店面講聲話唔食喇，要返公司，佢話煮好喇，然後強行放低小菜唔畀人走，無錯，坐半個鐘先畀小菜個客👀，跟住話其他人都係咁等，厲害👍🏻，唔好意思都無聲，面口仲勁西，跟住就同其他客笑住話「唔好意思呀」，要你等咁耐。你想賺個set lunch 錢，畀你賺，試完味道麻麻，唔係講韓文就一定好食嘅😮‍💨

位於觀塘海濱隔離的一棟幾大的工商大廈裏面原來有數間餐廳，其中一間應該是在附近唯一的一間韓式餐廳，今日天氣頗涼就特意來試試。餐廳裏面一眼已經看完，裝修簡單播著韓國pop song，時間已過下午一點半只有兩檯在用餐。我到達時沒有任何店員來招呼，就坐後一位女店員由廚房出來見到我就立即遞上餐牌。當時我對於餐牌有少許問題，記得上網見過說職員是韓國人，我就直接用英文跟她對話，她卻以普通話回應我，也聽得懂廣東話的，而職員之間則以韓語溝通。牛排骨湯($88)跟配一碗白飯，還有食韓國菜會有的前菜，如需要水客人需要自取，是暖暖的麥茶飲起來幾舒服。前菜包括微辣的翠肉瓜絲、泡菜和薯仔絲，全部味道都不錯只是份量太少，比正常的少起碼一半。一般餐廳是可以添食的但我沒有詢問了。那鍋湯送上來是滾熱的，也由於我是當時最新和該時段最後的一位客人，可以透過窗口看到廚師在我落單後即刻烹調我的食物。湯是淺色、不辣的，有牛肉味、少許甜味和突出的香葱味。如若跟我之前食過的韓式連鎖店相比，這裏的味道算是比較清，甜味也少很多但多了大葱的香辛以及胡椒的刺激，加上餐廳標榜著她們是使用食材自己製作而不是即食食品，感覺是家庭式、溫暖的味道。除了

位置上有啲偏僻，不過我見OpenRice評價都唔錯所以就同同事試吓，可以打電話預先book枱，因為午餐時間都幾多人架前菜幾鍾意個醃豆卜，芽菜都惹味，Kimchee 本身麻麻Special set 燉牛排骨飯 $88 肉嘅份量係幾多嘅有四大嚿牛排骨，厚身但係某兩嚿就鞋啲會痴牙，同埋唔知係咪傳統韓國菜都係重味，個汁好甜，一定要撈飯，同埋要飲水總結：個人覺得冇評論講得咁好，食物水準普通，同事嗰個海鮮豆腐湯都覺得自己煮會再好味啲，我地應該唔會再去，同埋價錢上考慮埋地點都偏貴地址：九龍灣啟興道2號太平洋貿易中心5樓28號舖評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

book 7.點半去食飯，早左10分鐘去，發現根本冇開門😅，係門外等左陣，又打電話，諗住whatspps，原來根本無個個電話。等左5-10分鐘又熱又焗，就走左。‼️100%唔會食呢間野同佢既分店

上年嘅年30晚都係係度開餐,仲要食得好瘋癲,今年年29又係度開餐,因為周邊好多餐廳都收爐啦,再加上食過又唔差,重點係平時lunch好多人排隊,2年嘅最尾一日嚟食都唔洗等今日天氣凍咗,食個辣海鮮湯飯最好不過啦,有前菜3款,不過偏咸,個辣海鮮湯飯都好多料,不過大食量D嘅人就未必夠飽,因為今日碗飯係小咗,不過對於我嚟講就夠啦,整體都唔差呀,話曬都係韓國人煮,今日位侍應姐姐係講國語

辛苦了一星期，同女友去食泡菜飲返杯抖抖。 九龍灣沒什麼地道韓國食店。最後預約到呢間。一開始上到樓覺得中伏, 一個客都冇。咁行到黎入口睇睇。有個講韓文既女侍應同廚師。兩個人叫左3樣野，紫菜卷，海鮮豆腐鍋（送），甜辣炸雞。再加soji 佢個泡菜都好味炸雞好滑， 個味道剛好不太辣蔬菜紫菜包飯，清清地，爽口。

whatsapp訂定餐,，去到就有得拎工廈餐廳標榜韓國人主理、不用即食食品，選用新鮮食材SET A $88 宮廷燉牛排骨，好林好入味，甜甜地，係咸左D，不過真係真材實料靚牛肉自家製，好多香草，仲比左好多肉我，加埋差不多有拳頭大，勁滿足午餐送３細盒配菜，一個紅色kimchi，一個菠菜，一個薯仔絲，全部都好新鮮好味道，甚至想問餐廳可否比少一塊肉比多盒菠菜SET A有沙律，D菜都好脆好新鮮，比其他同價位既連鎖餐廳跟餐的沙律菜好多多聲

叫咗牛肉同泡菜味兩款飯卷超級咸🥺直頭係食到啲鹽粒食完要洗腎連啲配菜都係超級咸之前食過堂食又細又貴又慢講到自己個飯卷有幾勁, 驚太受歡迎外賣先有結果都係又貴又難食。

Lunch行去食已經有啲趕，13:10到，即order，等到13:45先上第一個餐。同場本身有2檯客，野食早已經到齊。即係13:10只係得我地張檯要整野食。中途佢只係不斷整外賣。可能人地係落先嘅，我地亦都冇催過。叫左幾個餐，全部都係mini size，但都叫有3/4片肉。個石鍋飯（雞肉）上檯得個鍋嘅1/4，仲要得2粒雞丁，冇錯，係雞丁。我隻貓食嘅都多過佢4倍。食完完全係冇食過一樣，而且要預時間行番工，用左5分鐘勁辣口吞左，因為本身個量都好少。呢個咁嘅餵貓都唔夠嘅飯要$78（冇野飲，有幾條前菜，但唔好食嘅），味道普通。真係試一次都畀多左。😓PS:真係急到癲，所以影唔到相。

最近唔知點解一直好想食蔘雞湯。開個apps望下就發現左呢間韓國餐廳見到話係韓國人主理..點都唔會差得去邊嘅叫左個蔘雞湯，豬手仲有原味炸雞個炸雞唔記得左影相, 但影唔影都冇咩所謂..因為個炸雞偏乾同酸酸地.. 可能點甜辣或芝士有啲味會好啲(自欺欺人🙄)我地每人食左半嚿就成盒唔要.. 真心唔敢用自己腸胃去搏 (對唔住隻雞同地球先生☹️)屋企人唯一欣賞係面頭啲薯條其實無伴餐就預左架喇一打開個蔘雞湯同盒飯我有少少懷疑人生個盒飯..我諗個口大啲兩啖都食得哂個蔘雞湯...說好的蔘，紅棗，栗子同糯米呢？我再望多次個order - Sam Gye Tang.. 無錯啊..成碗湯只係得雞, 蔥同辣椒我哭~~~~~~~~~~😢個豬手係值得推介嘅份量多夠入味, 仲充滿骨膠原添夾埋生菜, 青陽椒同蒜頭 대박🤩👍🏻雖然本文標題係或者堂食會好啲但其實應該唔會再有想試嘅衝動

#隱世韓國小店 #韓國人主理 #食道樂呢排天氣轉凍🥶，突然好想食D辣野暖下身。放工去咗附近的工廠大廈搵食，原來有間隱世韓國小店😃。係正宗韓國人，而且店員都識韓文，播著韓歌🎶，成間餐廳真係勁韓feel。好懷念同孖寶爸兩個人去韓國旅行周圍食韓國菜呢💕~韓國菜當然唔少得前菜啦，個泡菜真係勁好味，而且可以任添架🤩~泡菜湯配白飯（$78) 泡菜湯辣辣地，好開胃，送飯一流👍🏻蔬菜煎餅（$88) 煎得好香脆，配合特製醬汁，不得了🤤韓式煎蛋卷（$98) 估唔到普通蛋卷都可以整到咁好味😋雖然有排都去唔到韓國，不過係呢度可以食到正宗的韓國地道風味，好滿足呢🥰~    

見到好評幾多，特登去試吓🙂距離地鐵站真的超級遠，最近在九龍灣地鐵站行過去也要差不多20分鐘，沿路也沒有商店可行，就是工業區。我差不多七點到達餐廳，入到去見到成個場得我哋一台客，我就知道有少少中伏啦🙃不過環境都幾舒適嘅，睇得出有裝飾過，有唔同顏色氣球小菜有三個，分別係：麻油撈魚餅唔係好掂🤨泡菜同埋薯仔絲發揮正常我叫咗一個牛肉大醬湯，超級鹹🙂撈飯真係啱晒，食完個飯都飲唔完用湯匙畢起下面發現一舊大醬，可能係未攪勻一定不會再來，地點又遠，食物又唔好味同埋佢價錢都唔係平架！唔明點解咁多好評🤡🤡