川莊

Open Now

Now Closed

上個星期朗豪坊睇完戲，點知落狗屎，咪諗住近近地是但食，點知食到成肚氣，樓面唔知係心情唔好定我撞鬼，一坐底已經西口西面，問吓個魚會唔會好辣姐，個唔知叫部長定經理又勁寸咀，喂... 問吓都唔得呀，鬼唔知四川菜係辣咩，但間間程度唔同，入得黎食野都係你個客啦，心情唔好咪唔好番工囉。叫落單，應完又唔記得，出菜係唔算耐，但個辣子雞又乾又粉多，水煮魚數埋應該有十零舊嘅，價錢係唔貴嘅，但旺角食野大把有得揀啦，無下次

侍應服務態度十分惡劣，特別是短髮經理，成餐飯都背脊骨落。用餐時間得90分鐘，同友人叫左一個酸菜魚，味道ok無乜特別，可以唔使特登黎試，兩個人食都有d大兜。。。。

晚飯時間又到啦，係旺角朗豪坊行街順利食埋飯先返屋企，行到12樓見到有間食川菜既餐廳，裝修燈光冷氣良好，環境舒服。叫左珍寶酸菜魚，只有辣/唔辣，其實辣只係普通，唔係好辣，驚辣既朋友都可以食到，食得辣既朋友可以食水煮魚。我地叫左普通魚問左店員，普通魚係盲鰽，非常滑有魚味，魚數量雖然唔係話好多，但全部都係魚腩，啖啖都係肉👍🏻👍🏻湯夠酸夠濃，好飲，餸飯一流但本身配菜就冇乜，只有魚，酸菜，薯粉可以自己再叫餸加入去茶樹菇炒菜苗：菜苗新鮮，夠甜，茶樹菇係曬乾個隻，如果用新鮮就好啦，份量夠紅油炒手：有d 失望，本身含料有d 奇怪，除左菜之餘，仲有一d 葉既香料，辣就唔辣，仲有d 甜...總之奇怪八寶茶：叫店員用好熱既水沖落去，食完所有野飲返啖，真係可以畫上完美句號

嚴重貨不對版唔係話啲嘢難食 而係完全唔覺自己係食緊川菜本身同個fd兩個人淨係叫咗三道餸👉🏻泡椒蓮藕帶好普通及唔上深圳10蚊一份嘅嗰啲👉🏻霸王辣子雞食過正宗雞子雞都知 最正最好食嘅都係細細粒嘅嗰啲肉粒於是道菜一上我就慣性夾咗粒細細粒嘅黎食點知一咬落去 係成舊都係麵粉。。啲雞同辣椒完全係似分開製作 等有客叫再撈埋一齊咬開舊雞係一啲味都冇真心kfc啲巴辣雞粒都好食過佢重要成盤嘢得嗰少少雞粒👉🏻濃湯茶樹菇翡翠苗本身係諗住叫黎做配菜好普通、清淡 但已經算係成餐飯最好食嘅餸由於實在太唔送飯 我同個fd焗住要叫多道餸為咗唔好再叫到個好似份辣子雞咁「骨肉分離」嘅餸 特登叫咗個濕炒嘅餸 點估都會入味啲於是我地叫咗👉🏻京蔥爆炒牛肉完全係乾炒牛河啲牛肉嘅feel甚至我覺得金華冰室啲乾炒牛河嘅牛都好食過佢其實餐飯未去到「難食」嘅地步但真係好普通 普通到唔開胃而價錢唔算貴 但亦絕對不是「普通」菜餚的價格食完呢餐之後 自認對食物嘅包容性已經好大嘅我真係忍唔住黎留我第一個cm黎勸大家！唔！好！食！

📍旺角📍勁正‼️$28麻辣海螺🌶$20胡椒花甲海藻湯🐚前幾日又想食辣嘢🌶所以就諗住試下呢間🤔Set Lunch定價唔算平，不過坐得舒服啲🙈每枱都會有一壺八寶茶🍵所以會收茶錢⚠️------------------------------要咗兩個Set lunch 四川麻辣牛肉湯麵+蜜桃冰茶$95💕同四川擔擔麵+蜜桃冰茶$72🍹每個Set lunch都可以追加小食😍所以決定跟Set+$20胡椒花甲海藻湯同+$28麻辣海螺🐚------------------------------Menu都好細心，有🌶標示辣嘅程度😎辣度嚟講四川擔擔麵只有一個🌶唔食得辣嘅話可以叫呢個😎四川麻辣牛肉湯麵就有三個🌶即管挑戰下🤣真係好辣下🙈不過唔算好麻好香，我覺得一般啦😗------------------------------反而想讚下胡椒花甲海藻湯😍估唔到有咁大碗，我以為係麵豉湯size🙈胡椒味好濃，好想飲多幾碗😭麻辣海螺都好惹味🤤勁爽口‼️食到停唔到😭正到呢❤️😏😏------------------------------我覺得湯麵比較普通，但小食係做得幾出色😍如果夜晚嚟食小菜可能好啲🤔

是晚同老公二人世界，去朗豪坊睇戲順便搵食。真係唔知幾年冇行過朗豪坊，覺得多左好多野食。由最高層行落去遂間睇，見到川莊，心血來潮好想食啲辣野。環境，樓底高，裝修靚，坐得舒服服務，呢到侍應姐姐好扺讚，好想講姐姐唔小心收左格離枱個menu，以為格離枱已經點好餐，格離枱兩位港女隨即單單打打，口臭到極，侍應姐姐仍保持良好態度，辛苦晒!食物，當晚仲好驚食唔晒，但唔知係太好味定點，清晒哈哈老公係咸檸啤，我係手工啤，唔記得左係咩味，但係我好鐘意，甜甜地，好岩女士飲水煮牛肩肉，可以揀4個配料，我配左蘿蔔，豬紅，牛栢葉，芽菜，除左豬紅唔入味其他都好正，唔知係咪因為豬紅本身唔索水，牛肉好香好有牛味，我地只點左小辣，唔算好辣。黑松露蔥油拌麵，宜家係咩都加黑松露既時代，但呢個認真食唔到黑松露味，建議大家揀番普通蔥油拌麵就得啦。麵好食，彈牙，蔥脆口。去親大陸都好鐘意食既干鍋菜花，係香港都食到大陸果種惹味，呢個都叫左小辣，但係辣過水煮牛，完全唔食得辣既人要諗諗呀。當晚兩人埋單6百幾，其實性價比唔算高，但係值得一試新派川菜

we ordered Sichuan fried rice and deep fried lamb through online dining platform . The rice was normal fried rice with egg and bland chicken for 110 HKD..deep fried lamb was chewy and rubbery☹️..huge disappointment...not worth the money at all

在朗豪坊完成2 小時的高溫瑜珈課後，非常的餓，想起朋友推介過川莊很不錯，嗜辣的我就來一試！川莊的環境不錯，枱與枱之間的距離不會太近，要讚一下其玄米藥材茶，很香很解辣。現在是下午茶時間（溫馨提示：下午茶餐牌是要問店員才會拿給你看的），我點了四川麻辣桂花魚湯麵套餐，包了一杯飲品和涼菜三併。涼菜我選了香醋麻辣爽木耳、酸辣土豆絲、醋香滑豆腐，三款涼菜也做得非常美味，不錯！而主角四川麻辣桂花魚湯麵，是三個辣，真的好麻好辣，愛辣的我覺得很不錯，面條口感很好，不會太軟淋，桂花魚也很嫩滑，沒有過熟也沒有魚骨，讚！隨餐附送的豆漿是很大的一杯，喝不完呢！

老婆想食辣嘢，今晚嚟咗呢間川莊試下。去到門口，都幾多人等緊，不過好彩2人枱去得幾快。等咗半粒鐘到就入座。呢度原來都有手機下單，都幾方便。喺揀緊食咩時，先冲杯八寳茶。焗一焗先飲，茶味帶少少甜。先嚟個土豆絲，辣味好怪，好"人工制造"。水煮魚。配料揀咗長豆卜，秀珍菇，牛栢葉同木耳。佢啲木耳我就話係雲耳，唔知有無執錯料。呢個水煮嘅辣就天然啲，我地叫咗2級辣，下次應可再加辣。魚肉份量都多多，肉地算嫩滑。叫多個燒羊架，唔夠騷。勝在調味夠味同熱辣辣。不過$42有點貴。叫多個小饅頭，有12粒。一啖一粒，點埋鍊奶解下辣。整體不錯，應會再嚟幫襯。

本人好鐘意食辣，基本上都可以話係無辣不歡。較早前其實都知道川莊的存在，到而家終於有機會來試。來得食辣野，佢既水煮鍋應該一定係每張台都必叫吧。我地叫左水煮魚片，再加4款可自選既食材 自選食材都有好多選擇，牛肚，牛柏葉，菜，豆腐... etc. 之後就叫左少少串燒 + 碟螞蟻上樹。螞蟻上樹🐜其實就係一碟普通肉碎炒粉，吾辣，吾大碟，無裝飾可言，似普通茶餐廳既炒粉，咁樣就 $9x... 味道雖然ok, 但都真心覺得有點兒貴。個水煮魚有得自選辣度1-5，我地揀左 3 。初時食吾太辣，仲幾入味 太多辣椒浸住喇，越食越辣，越食越麻，麻到嘴都痛。建議食吾到太辣既可試再少d辣。因為越食越辣，忍吾住叫左佢既迷你炸饅頭。因為用炸饅頭點一點鍊奶食，可以清一清口裡的麻辣。佢既迷你炸饅頭的確無改錯名，真的很迷你，好似用來BBQ 的綿花糖般大細，咁就$3x....... 其他餐廳大個既都係$2x 有4-5個喇⋯整體覺得呢間野可以一試，真的只限於試一試。還是去別的性價比高。

店十分乾淨企理, 但台比較細, 叫得2, 3樣食物已經無位放, 應該反思下香港人點解要係一個咁細既空間屈身用餐.點左個酸菜魚, 味道正常, 唔係好食又唔係難食. 魚份量中等, 酸菜太少, 底有D薯粉, 比較難夾起. 另外點了個前菜, 不太好吃.  再來一杯玫瑰特飲, 幾清新, 這個是最好.侍應請左D大陸人, 我講講東話, 我唔知佢講咩話, 佢唔係好聽得明我講咩, 我完全聽唔到佢講咩.很多地方有待改善.

本來一群人要去吃天吉屋，但是排隊的人實在是太多了望眼過去至少要排1個鐘！無意間看到川莊等候人數較少，就決定試試味道因為本身不是很能吃辣，所以點了南充特色酸菜魚小辣，結果一試味道並沒有想像中的那麼辣，覺得下次可以挑戰其他的辣味魚！還點了七彩雞翼拼盤，一次可以試7種口味，有麻辣、香辣、韓式辣醬、芝麻、紫薯、沙律、芝士，味道還不錯！酸辣土豆絲是食物裡面個人覺得比較辣的，但是一樣很好吃還有一道是秋葵和豆子裹金沙（忘記菜名了），秋葵炸得有點硬，豆子倒是軟硬適中很好吃！最後一道肯定要來個甜品做結尾，香蕉拔絲女人的胃永遠都會留一個位置來品嚐甜的食物四個人吃了800多，價位算一般般。

今日約左3個閨蜜去旺角行下街，突然又想食水煮魚就想試下位於朗豪坊樓上既川莊，我地一早7點已經上定去等位，點知已經好多人係度等緊，但一心都想食水煮魚，我地都決定繼續等，同朋友邊傾計邊等，大約半小時便可入座。雞絲粉皮～無得輸濃湯茶樹菇翡翠苗～翡翠苗好嫩，上湯濃郁水煮魚🌶🐟～我地選擇了桂花魚，侍應推介桂花魚肉質比較爽同滑，亦比較少骨，另外再可免費選4款配料，我地選擇薯粉，木耳，牛柏葉及鮮腐竹我地選擇最少辣度，所以好易入口。川式炸醬麵～炸醬味好濃好味孜然雞皮，牛舌～燒得勁香口拔絲香蕉🍌～好特別既甜品，又係相機食先系列下次想再黎試水煮牛肩肉🤤🤤

價錢吾平 但服務態度不佳 經常溜單！！！！最慘個員工落錯個水煮魚size 我地後尾發現想問佢加番個差價D魚都吾得 因為我地冇即時發現佢錯size 各位食之前睇清楚張單先啊！！！！！！！！因為佢落錯單 而要我地自己再買過一份細size魚 冇下次野食一般 呢個價錢我相信有好多選擇！！！ ！！！！！！！！！！！！！！！！！！！！！！！！！！！！！！

旺角食飯，其他餐廳全部都要排長龍等位，就揀咗呢間食川菜。前菜手拍黃瓜伴木耳，好淡，淡到幾乎係無味，黃瓜同木耳就咁撈埋一碟，無調味，份量又少，咁都要$33，真是唔值呢個價。南充特色酸菜魚，選咗唔辣，$208。魚肉幾嫩滑，不錯。不過又是鍋大肉少，其餘都是酸菜同個粉。整體都無咩特別，唔難食但亦都稱不上是好食，普普通通，可能加辣會好少少。玫瑰荔枝冰茶，玫瑰味好重，荔枝味無乜。不過賣相幾好，透心涼，好解渴。