川棧小掌櫃 (Closed)

一向好鍾意食四川菜，今日午飯時間行過見到呢間小店，即刻走入去叫左個小辣既毛血旺麻辣湯麵帶。返到公司急不及待開餐，湯底只有辣沒有麻，都係香港style川菜既通病，都預咗，唔會太驚喜。麵底已經過冧，證明煮麵師傅無經驗，唔識預時間煮外賣，其實我只係於隔離大廈返工。呢啲我都可以忽略，因為沒有最差，只有更。鴨血係街市$5一盒果種鴨血，就是食石膏的感覺，同我認知的麻辣鴨血不能說不太相同，只能說毫無關係。說好的牛百葉更是一片都沒有，雖然我沒有很喜歡吃，但沒有就是沒有，餐牌是騙人的。諗住好一餐唔好一餐，起碼都有兩片午餐肉送麵，點知…係酸臭左變壞咗既午餐肉！！無辦法喇，我真係無辦法捱落去了，好彩公司有個杯麵，唔使捱肚餓

其實我幾中意食佢既早餐 佢個口水雞醬係好味 但係我有時候會因為呢間舖冇賣奶茶咖啡 又淨係得Alipay 同現金支付而轉移買第二間早餐 始終有時番工最需要係一杯提神嘅野飲 希望川棧可以提供埋就好啦

今日去呢間餐廳叫外賣，我要嘅係麻酸湯牛肉麵，佢就比個擔擔麵我，個女侍應明明見碗麵有花生晌面，都有再打開個蓋睇多次，我返到公司打開碗麵一睇先明白點解佢會再睇一睇，其實佢地應該知廚房整錯，但由於食晏時間關係唔容許我再等十工分鐘比佢重新整過，佢就當無睇到照出個麵比我，我打電話返餐廳追問佢都唔即時同廚房查證，只係話好多單好難搵，佢地雖然肯第二日退錢比我。但我真心覺得佢明知唔啱湯底睇到應該同客年即時講聲，而唔係當唔知照比客……

落雨天唔想行太遠買外賣加上又冇乜idea買乜好於是就search下附近有乜好食睇到呢間有川辣野食，記得之前都見過同事買過番公司食， 印象中都幾吸引咁，但就一直都未曾試今日就一於試下幫襯呢間店喇揀了口水雞燃麵(辣)口水雞vs麵食分開2盒放口水雞辣辣地幾開胃燃麵伴有青瓜絲份量ok, 味道也ok下次會想試下佢嘅水煮牛肉客飯

上星期想去試吓叫外賣，點知廚房要維修，結果昨天晚上才可以試得到，真的沒有令我失望，就算等一個禮拜都覺得可以，價錢同食物質素成正比例，一定要試吓，小店人情味濃，😋，老闆還記得取消了我兩次外賣訂單，送了一杯豆漿給我, 😍😍

香港人最喜歡早餐來一碗沙嗲牛肉公仔麵，油炸麵高脂高膽固醇，但川棧 竟然有配上海麵 ，健康軟熟不含防腐劑 ，老闆話每天新鮮來貨，$ 24一碗沙爹牛肉上海麵， CP值極高 ，值得回購😋😋。。另外，手工餃子，有我喜歡的韮菜餃，早餐簡單來一碗淨湯餃五隻，女士們食得飽肚之餘，又可以keep fit，最重要是好味，$20一碗🤑🤑，老闆每天手工製作，還有多種味道選擇。。，午市有招牌的口水雞、葱油雞，酸菜魚……可以配白飯，或者水煑麵，或者酸辣茨粉，或者濃湯米綫🍜🍜。。至於飲料……可以配燕麥豆漿、还有幾款特選花茶……我就忘記了🥤🥤總之CP值高啦……