川棧小掌櫃 (Closed)

一向好鍾意食四川菜，今日午飯時間行過見到呢間小店，即刻走入去叫左個小辣既毛血旺麻辣湯麵帶。返到公司急不及待開餐，湯底只有辣沒有麻，都係香港style川菜既通病，都預咗，唔會太驚喜。麵底已經過冧，證明煮麵師傅無經驗，唔識預時間煮外賣，其實我只係於隔離大廈返工。呢啲我都可以忽略，因為沒有最差，只有更。鴨血係街市$5一盒果種鴨血，就是食石膏的感覺，同我認知的麻辣鴨血不能說不太相同，只能說毫無關係。說好的牛百葉更是一片都沒有，雖然我沒有很喜歡吃，但沒有就是沒有，餐牌是騙人的。諗住好一餐唔好一餐，起碼都有兩片午餐肉送麵，點知…係酸臭左變壞咗既午餐肉！！無辦法喇，我真係無辦法捱落去了，好彩公司有個杯麵，唔使捱肚餓