川魔 - 龍門一番 (Closed)

川魔位於屯門時代廣場南翼二樓靠近冒險樂園四川大廚烹調主打正宗烤魚以及麻辣干鍋同埋地道串燒涼拌蔥油雞雞肉肉質緊緻滑嫩同時雞皮金黃油潤配搭蔥油涼拌清香濃郁川燒生蠔川魔推出新店開業限時優惠；原價廿八蚊隻嘅川燒生蠔只係收成本價十蚊而且數量不設上限可以任叫真心抵酸菜烤魚烤魚按照品種價格高低收費可以選擇海鱸魚、江團魚或者老虎班同時提供香辣孜然烤魚、川風泡椒烤魚、青花椒麻香烤魚、酸菜烤魚以及金湯烤魚五款口味同埋四種唔同辣度麻度選擇個人推薦魚肉細緻嫩滑同時粗魚骨少細刺嘅江團魚配搭微辣酸菜烤魚酸辣刺激好上癮芒果多多冰芒果益力多沙冰酸甜清爽同時冰涼消暑芝士奶蓋白桃四季春芝士奶蓋綿密順滑配搭四季春茶消膩解滯

川烤生蠔多蒜 $28/隻呢度要講一講，多蒜落單係冇嘅。不過主動同店員講都冇問題！上到黎蒜味果然比較突出，蠔都算飽滿，食到滿足感！青花椒麻香烤魚 $328江團魚、微辣哇！呢個真係不得了，小編真係推薦大家未黎過要黎試一試！黎過未食過都要黎試試😂。呢個小編真係好中意食。首先辣度叫左微辣真係唔會好辣，而麻度比較重。江團魚嘅肉質真係好好食，結質彈牙，完全唔會乾。口感真係似食緊班嘅口感唔講笑！魚開左邊魚骨魚尾烤得香香脆脆，薄薄地嘅都可以咬開食埋！魚皮烤香左厚度質感都有提升索到汁！條魚基本係冇細骨，都係大大舊肉，小編個人真係極力推薦大家試下！口水雞 Ayam Mala $88呢個睇下賣相就覺得唔簡單，鋪到密密麻麻嘅麻香辣椒粒粒，食落冇想像中嘅辣，但麻嘅後勁十足！口水雞嘅肉質嫩滑，中間油脂啫喱都唔厚，口感幾好！奶蓋四李春Cheese Season $32勁鍾意飲奶蓋嘅小編，呢個奶蓋好香滑，四季春茶味突出芒之戀人 Tropical Breese $38呢杯芒之戀人小編另一推薦，口味類似芒果奶昔，但係入邊又有沙冰，再有一層cream加埋芒果雪糕，層次感非常豐富。甜味食完亦唔會口乾，非常順滑解辣！

屯門行下行下又搵到一間食辣的餐廳， 難得好耐冇食烤魚又去試下烤江團魚小辣同川燒生蠔真係幾正， 同好多出名的烤魚店味道差不多。烤江團魚小辣啲魚肉鮮嫩多汁，辣度岩岩好，真係唔錯。見川燒生蠔 有特價十蚊隻 先試兩隻，燒烤完嘅香氣吸引，食落幾鮮飽滿， 最緊要冇腥味， 唔錯 可以encore。至於士多啤梨多多冰，都幾唔錯。佢涼快爽口，士多啤梨嘅甜酸味好開胃。口水雞就正常常啦。 總括而言， 如果想坐得舒服闊落， 都係一個幾好嘅選擇， 最後先知原來有訂位特價，下次會定咗先再嚟。 #屯門#川魔

約左朋友係屯門見，巿中心真係好多食店選擇，但見到川魔忍唔住入去試下，但朋友唔食得辣，真係擔心味道失水準。原來擔心係多餘的，因為烤魚好多款，仲要以自己揀唔同辣度或走辣，好👌。我地今日揀左午巿套餐，大份抵食。🌟川燒生蠔🦪超抵之選！川燒生蠔做緊$10隻，真係超級抵食！濃郁的蒜香味，肉質飽滿，望落食慾滿滿，入口鮮甜，令人回味無窮。🌟涼拌葱油雞雞肉入口細嫩幼滑，水準不錯，份量亦不少。🌟酸菜烤魚（唔辣）份量十足，江團魚在濃湯度滾，加埋四川直送嘅惹味配菜同香料🌱，香脆而浸湯後帶有韌勁嘅魚皮包住鮮嫩嘅啖啖魚肉，揀咗酸菜味嘅走辣。魚肉鮮味而且嫩滑，好好味，值得推介。🌟黑糖珍珠奶茶＋茉莉花綠茶兩杯飲品超級大杯，味道十分好！茉莉花綠茶好香濃，兩杯飲品都唔太甜，好健康，清甜可口，十分解渴。整體食物質素水準不錯，價錢和份量足，值得再來👍🏻

公司附近已經食到好悶，四圍睇下有咩新餐廳，發現時代廣場龍門一番改咗做川菜，午市烤魚套餐都幾吸引兩個人叫咗一個二人香辣烤魚午餐客飯套餐，有幾款唔同風格，同事鐘意食麻簡咗青花椒麻香烤魚🐟青花椒帶來了特有的麻辣口感，讓人感受到舌尖的刺激和麻木感；江團魚的味道鮮美，肉質鮮嫩，口感細膩，拌點汁醬，滋味無比川燒生蠔 原價$28，家陣做緊推廣$10，生蠔即叫即燒！上台蒜香味十足，蠔肉碩大飽滿，好抵食麻辣魚皮，呢個小食比較辣，好好送飯！飲品方面套餐都幾多選擇，試咗佢地芝士奶蓋白桃四季春同埋伯爵紅茶唔伯好甜，奶香味濃郁，唔錯🍹

屯市開張無耐嘅川魔烤魚😛烤魚即點即燒 食出 鮮 嫩 香～餐廳採用平均1KG+ 嘅重量烤魚 可謂份量十足！๑ 川燒生蠔🦪 • $10/1๑ 藤椒汁拌鯛魚片🐟 • $68川味活燒生蠔 限時優惠 $10/隻 超抵食😎蠔肉都幾飽滿 上面有蒜蓉 辣椒調味 勁香🧄鯛魚片好爽口 底下有手拍青瓜味道酸酸辣辣 好開胃🤪๑ 青花椒麻吞烤魚🐟 • $328有得揀麻度同辣度🌶️ 試咗 小麻小辣😛😛餐廳有三款魚 我哋就揀咗 江團魚 斤兩十足 外表炸得焦香 內裡啖啖肉 又嫩 底下仲有木耳、萵筍等蔬菜配料 都非常入味另外有多款配料可以加😗๑ 寬薯粉🥢 • $22๑ 金菇 薯仔🥔 海帶 鮮枝竹組合🥢 • $58๑ 荔枝椰果冷泡伯爵紅茶🍹 • $32๑ 冷泡白桃四季春🍹 • $32嘆埋手搖茶系 大大杯 爽😆

📍川魔 - 龍門一番想食辣野既我同朋友去左呢間新開既川菜餐廳😙主打四川烤魚🐟同時亦都有唔少小菜、干鍋等任君選擇，特別係中意食辣既朋友仔，就唔好錯過喇！🐟烤魚 （江團魚$328）烤魚既種類有3款：江團魚、老虎班同海鱸魚，價錢由$288-$328；職員就好推薦江團魚，肉質比較嫩滑，亦都少魚骨！味道亦有5款可以揀：香辣孜然烤魚、川風泡椒烤魚、金湯烤魚(唔辣）、酸菜烤魚（辣）同青花椒麻香烤魚可以選擇，今次就試左佢川風泡椒烤魚～香味係遠邊撲鼻而黎，隨之而黎既係勁大盤既烤魚！魚係好大條既烤魚😍，而且有煎炸過，點可能唔好食呀！🤪魚皮炸到好脆身，而魚肉好嫩滑同好厚身，一啲都唔鞋口😌亦都吸收晒啲湯汁，相當滋味，亦都辣得過癮！配菜方面亦都好有誠意，有大量芫荽、蓮藕、萵筍、芽菜、木耳、豆卜等，好掛湯同入味😝份量多到適合2-3個人share食🦪川燒生蠔 （✨特價$10/隻）呢個優惠大推！！一隻先$10！！🤩🤩超級抵食～基本上每枱都會叫㗎，當然我都點黎試下😌蒜香味濃，隻蠔都幾飽滿，脹卜卜幾肥美，一啖食曬好滿足🈵～🐥四川口水雞 $88口水雞嫩滑多汁，主要係雞髀位同雞翼位，啖啖肉🤤食得好滿足～另外配咗四川辣油，醮啲

平時我都唔太鍾意食魚，因為怕魚骨。但朋友話想食，話唔會有幼骨，所以就黎試吓啦。舖頭都算大，座位與座位之間有足夠嘅空間，私隱度高。平日夜晚來到都多人。叫咗青花椒麻香烤魚（江團魚，微辣，小麻）$328本身以為份量唔大的，結果嚟到有啲嚇親，份量好大，兩個女仔其實啱啱好。我唔係好食得辣，微辣小麻對我黎講啱啱好，都已經有少少辛苦。味道都好好，不過食到最尾就會開始越來越濃，會越來越辣同咸。最好食到一半就夾起來，唔好再煮落去。魚肉超級鮮嫩！仲要啖啖肉，無幼骨，超好。本身以為烤魚份量唔大，所以仲叫咗口水雞$88。口水雞都好惹味，辣度適中，雞肉嫩滑。見做緊優惠，生蠔$10隻，所以叫黎試吓。都幾大隻又惹味，超值得加錢食！另外叫咗芒果同白桃多多冰 $32味道香濃，酸酸甜甜好開胃，亦都好冰涼解辣，好推薦！

🌟屯門市中心，而家越來越多嘢食🌟今日想食辣嘢，所以揀咗主打四川風味濃厚嘅烤魚。川魔🦪川味活燒生蠔 （$10/隻）（限時優惠，原價$28/隻）-見到每台都有叫燒生蠔-原來做緊限時優惠，$10/隻，原價本身要$28/隻，勁抵食-落咗好多蒜蓉醬，同埋四川風味醬一齊去燒，惹味十足-生蠔好大隻，新鮮有蠔味-推薦推薦🐔四川口水雞 （$88）-香麻辣嘅比例好好-口水雞好好彩咁俾咗雞髀位置，好嫩滑-紅油四川風味十足🐟青花椒麻香烤魚。江團魚 （$328）-有三款魚可以揀，分別係海鱸魚，江團魚同老虎斑-揀咗中位價錢嘅江團魚-江團魚出名肉多，只有正骨冇細骨，真係啖啖肉咁食-仲要職員話每條魚為咗烤魚，醃製同燒出嚟嘅鮮嫩味道，會採用差唔多1公斤以上既魚-烤魚用熱爐奉上，連埋芽菜、蓮藕片、唐芹、黑木耳等配料，CP值真係唔錯-有幾款口味可以揀，亦都可以揀麻度同辣到好貼心-完全食得出新鮮，嫩滑，香味十足嘅四川地道風味🥭芒果多多冰 （$32）🍑白桃多多冰 （$32）-食辣嘢，必點多多冰-瞬間解辣清爽-食烤魚嘅最佳拍檔飲品🌟職員仲有講旦凡留言及訂座，即時有88折優惠加免費成為會員👍🏻👍🏻👍🏻🌟會員原價會籍都要＄350，即

青花椒麻香烤江團魚🐟 $328用心炮製 整條魚微微炸香皮香肉滑 香料入味斤兩十足 值得一讚 啖啖魚肉 😋仲有好多蓮藕 萵荀 雲耳等配料算係我喺香港食過最高水準嘅烤魚👍🏻麻辣魚皮🌶️ $68絕對超出「前菜」嘅portion 由頭食到尾🤣口感爽脆 香辣過癮 推薦!川燒生蠔🦪 $10/隻新鮮肥美 加埋蔥花 蒜蓉 辣椒碎 相當惹味差唔多成隻手心咁大隻 性價比幾高 每枱都必叫幾隻啊😆白桃多多冰🥤 $32冰鎮清涼 解辣一流 芝士奶蓋茉莉綠茶🥤 $32比想像中大杯 甜度剛好

咁啱去冒險樂園經過先發現呢間餐廳，見環境都幾乾淨企理就入咗去～一坐低，店員都幾nice咁介紹吓有咩好食，當中最吸引就係有得用推廣價HKD$10叫燒蠔😍😍因為得2個人，都唔敢叫太多住，最後一共叫咗一個前菜、一條辣魚、5隻蠔同2杯飲品就飽晒🤣藤椒汁拌鯛魚片 • HKD$68比較少見嘅小菜，幾有驚喜😳口感好爽，特別啲魚皮，咸淡適中再加少少麻香，係好啱夏熱天時食嘅前菜～香辣孜然烤江團魚 (微辣) • HKD$328因為同友人都唔食得好辣，但又好想過吓口癮，所以就叫左微辣，辣度啱啱好，適合食譚仔十小嘅人～餐廳一早幫手將條魚起咗骨，並將啲骨油炸過，再留落黎淆湯，呢樣喺其他食辣魚嘅餐廳都比較少見，反映咗餐廳嘅用心👍🏽因為冇乜骨，所以食落啖啖肉勁爽，啲魚肉仲係好嫩滑，但一開頭就未算好入味，要滾耐啲先入味啲。川燒生蠔 • HKD$10第1 round唔敢叫太多，所以叫得2隻燒蠔試吓。因為即叫即燒關係，都要等一陣先有。蠔肉大大粒，好飽滿，而且食落仲新鮮。呢個價錢真係好抵，所以後來round 2 encore左3隻🤣🤣🤣食辣魚冇可能唔叫野飲，所以叫咗一人一杯。冷泡白桃四季春 • HKD$32飲到真係有果肉，

🌟 酸菜烤魚 💰$328今次選了江團魚🐟 肉質鮮嫩、啖啖肉，無乜魚骨，用來烹成酸菜魚真的最合適不過🤩 酸菜夾住魚肉，一口一口的吃 好過癮！💗 仲有豆卜、蓮藕、萵筍、木耳 & 芽菜做配料，非常豐富😙 川燒生蠔 💰$28/隻(⚠️餐廳限時優惠 $10/隻⚠️😍)覺得這個生蠔是必叫的！滿滿的蒜蓉辣椒在面上，配搭肥嘟嘟的生蠔 口感+ 味道雙重滿足👍🏻 而且熱辣辣燒出來，沒有一點腥味 只吃到蠔的鮮和甜 大推🌟☺️涼拌蔥油雞 💰$88蔥油雞沒有很大驚喜，尚算可以。雞件滑嫩、份量合理，如果蔥的香味可以更加突出就好了～😋白桃多多冰 💰$32吃伴大大讚好的飲料😚 甜度適中，白桃味很濃🍑 吃過重口味的烤肉後，喝一啖飲品 爽！芝士奶蓋四季春 💰$32上枱被它的”份量”驚艷到😆 奶蓋厚實且滑身，配搭淡淡的四季春 不會太heavy，好喝！🥰

今日入屯門探屋企人，諗住去飲茶，結果大家都俾隔離川魔的香味吸引左，入左去食烤魚及川燒生蠔，味道超級唔錯，真係好正😋。我地揀左香辣孜然烤魚、川燒生蠔、四川口水雞及兩杯特飲：🌟香辣孜然烤魚份量十足，濃濃麻香味即刻飄上來，聞到都好吸引！烤魚係用江團魚（微辣），肉質實而香口，仲要十分大條！魚肉鮮味而且嫩滑，好好味，值得推介。魚皮炸完好香脆，唔油膩，肉質好滑好新鮮，口感十足，吸晒D湯汁，好好食湯亦好濃郁，越食越野味。🌟川燒生蠔見到每枱都有幾隻，原來做緊$10隻，真係超級抵食！濃郁的蒜香味，肉質飽滿，望落食慾滿滿，入口鮮甜，令人回味無窮。🌟四川口水雞集麻辣鮮香爽嫩于一身，味道甜中帶辣，辣中帶香，香中帶麻，雞肉入口細嫩幼滑，人人食完口水直流。🌟芒之戀人及白雪公主兩杯飲品都賣相好吸引，味道十分好！用上了菠蘿型狀的杯，好得意，份量亦唔細，清甜可口，十分解渴。食得好滿足，埋單即有88折優惠，十分驚喜！仲可以免費成為會員 (會員費價值$350-)，幾抵！見到好多人食紅糖糍粑，可惜我地無食到，下次一定要來試下先得！#屯門巿中心美食 #川菜 #美食 #生蠔 #口水雞 #川魔 #屯門 #屯門好去處 #打卡

太耐冇見的好友由台灣返來，我緊係把握時間約佢出來#metime 啦！ 我就佢入左屯門到去川魔同佢食烤魚✌️✡️ 香辣孜然烤魚 ～ 四種辣度，我選微辣， 三款魚中我就選擇江團魚，魚肉質感幼滑， 微辣的湯底慢慢滲入魚肉到，令每一口魚都咁滋味。✡️ 川燒生蠔 ～ 燒蠔大大隻， 質感腍滑綿化需，而且充滿肉汁。✡️ 涼拌蔥油雞 ～ 雞件夠滑，蔥油散發香氣，雞油香味與蔥香氣，清爽而不油膩。🍹 西柚椰果梳打 ～ 打卡一流的飲品， 食完辣野飲一口可以幫忙解辣。🍹 芝士奶蓋白桃四季春 ～ 茶味唔太濃，白桃白甜，芝士奶蓋夠香， 吸一口解口渴。又唔會太甜。

呢間原本係上海野，唔知轉左老闆定咩，好似荃灣分店都轉左四川野🤔。早排同屋企人黎試下，坐卡位都唔逼。主要係食烤魚同乾鍋，都有飯麵同甜品，實夠飽🤭。🔅金湯烤魚(江團魚) ($328)🔸豬紅 ($38)🔸鮮支竹 ($22)🔸娃娃菜 ($22)🔸凍豆腐 ($22)魚好大條，唔多骨啱我食🤓，後期飲埋啲湯好正🥰。配料都新鮮。🔅香辣海鮮乾鍋 ($228)🔸娃娃菜 ($28)🔸豬皮 ($34)🔸金錢肚 ($38)有海蝦、鮑魚(3件)、青口(2隻)同魷魚鬚，原本有埋大蜆但無貨，所以轉左鯛魚片。雖然望落好多辣椒，但食落唔會好辣/好油。🔅川燒生蠔 ($28>$10)🦪Promotion $10/1(另收原價加一)，幾抵食，好香蒜蓉味，少少辣🌶。🔅火焰澳洲M5牛柳粒 ($36)呢款原來係串燒，一串得5粒左右，好細粒，重點係好鹹🤮，搞唔掂…🔅肉末水晶粉 ($88)雖然唔錯，但其實無咩料😂，性價比麻麻。🔅紅糖糍粑 ($48)炸得好香脆😍，煙煙韌韌，沾埋紅糖好味😋。🔅荔枝多多冰 ($32)🔅芒果多多冰 ($32)🔅Hoegaarden ($68)飲品都幾大杯，特別係啤酒🍺😱。多多冰雖然都係糖漿沖，不過食辣野