食記餐廳

Open Now

Now Closed

相信南區人對食記一定唔陌生  平時經過見到舖頭坐滿人 仲有一條長龍買外賣  今日趁星期日得閒 就去食下啦  我哋叫咗炸魚蛋炸燒賣煎腸粉生菜魚肉  炸魚旦同燒賣炸得炸到熱辣辣 燒賣仲好脆身 點甜醬超級好食  煎腸粉腸粉入邊有蝦米 佢會幫你落豉油 其他醬就自己落  生菜魚肉 魚肉非常多 大大嚿好香 好扺食  

食記呢一間野由中學個陣已經黎食，唔經唔覺都有成十幾年。裝修就真係十年如一日，不過我都係懷念佢個味道，係香港仔坐街渡好快到，去到門口已經聞到好香既油炸味。開放式煮食空間！真係聞到好香既野食味，令人食指大動～圖中所見呀姐真係好忙，一來要應付外賣，再加堂食。所以我一早已經諗定食咩！兩溝，即係碗仔翅加魚肉～我見好多人只係叫生菜魚肉，識食梗係食兩溝啦！廿蚊咁足料，魚肉幾彈牙，加左少少麵粉，唔係邊得黎咁滑口！碗仔翅味道就淡左少少，不過勝在蛋花同埋豬肉絲夠足料～整體味道仲係中學食個陣既味道！炸燒賣～七蚊雞有六粒，炸得幾靚，唔會炸到實的的，味道唔太鹹～最好食既方法有兩種；點喼汁，再唔係撈係碗仔翅食，包好食！咁多年味道都係一樣咁好食，冇咩咁起價，抵食！

間唔中都會心思思放假搭船仔去鴨脷洲大街為左食食記呢間小店真系好多年啦，身邊住係南區既親戚朋友都成日去，所以基本上去親既多數都係街坊，地方唔大，十幾個位到啦，我去親都爆場同未見過門口係冇人排隊買外賣，不過佢既裝修同環境認真一般，但食左咁多年，已經接受左🤣留意既係佢冇指定休息日，佢既休息日會係鋪頭既月曆到MARK左!食物種類唔算多，但價錢真係街坊價，抵食生菜魚肉(大) ($19)菜同魚肉比例係1:4左右啦，魚肉既份量係好多，每一舊都唔會細細舊，好有咬口，我係好鐘意呢D煙韌口感既野食炸魚蛋$7-10粒，炸燒賣$7-6粒即叫即炸，魚蛋好彈牙，燒賣外脆內軟，加埋甜醬，

好日都唔嚟下鴨脷洲真係好遠😂😂😂😂男朋友睇到新乜乜介紹好想嚟大街掃食熱血地揮霍卡路里quota兩個人直指食記食雞脾！！！🔥望到已經好炸聞落都好炸😂層炸粉厚過我底妝一啖齒落去✨炸粉真係厚咗啲但係都係啖啖肉😍啲皮好脆好香口一啖皮一啖肉成個畫面好肥😂😂😂到炸魚蛋😛榮登我魚蛋界第一名魚蛋細細粒咬落彈牙十級爽口😍😍😍唔似其他三九流魚蛋咁粉真係，魚蛋好有魚味呢part 精彩到最後叫咗魚肉翅翅底好厚重好黏味道太咸我個人就麻麻地啦反而係魚肉好夠味加返分👍🙂舖頭唔預你坐得耐😂太多人等都唔好意思阻人做生意食完速閃✨🚶🏻‍♀️P.S. 希望啲姐姐可以開心啲寬容啲😂

食記真係由細食到大，自從畢業後真係好少再食真係食到回億既味道！！！！人手寫既餐牌，價錢都好貼地呢度最出名生菜魚肉，碗仔翅，炸燒賣，炸腸仔難得黎到，一定要叫齊~生菜魚肉～$19魚肉極彈牙！仲要生菜同魚肉比例係2:8極多魚肉呀~碗仔翅～$15相對有d 失望，無冬菇無粉絲。但味道都不錯。~炸腸仔+燒賣~$14炸燒賣係即叫即炸，熱辣辣自己加甜醬鼓油～仲有最鍾意既炸廚師腸呀！！好咸好正食咁多野先$48仲要抱住個肚走

行山前路過鴨脷洲大街﹐就想試試最地道的鴨脷洲小吃聽說附近有家叫食記的餐廳﹐還不一定定時開門這麼＂大牌＂的餐廳﹐當然要一探究竟 在一個轉角位找到了這家食記﹐入面滿滿都是人﹐職員約三人大約等了兩分鐘就可以入座了先點這個魚肉碗仔翅﹐賣相很吸引﹐魚肉也很多不過﹐魚肉毫無彈性﹐是能吃到有魚肉﹐不過口感很粉而碗仔翅不是難食﹐但是很稠  ﹐感覺好像打芡太多了有點像膠水﹐值得一讚的是﹐份量是很多 炸魚蛋對我來說意義非凡﹐以前讀書是附近也有小店賣 "炸蛋"所以不其然會有比較$7/10粒﹐在現時香港來說是超便宜雖然魚蛋已被炸得爆開﹐不過並沒有外脆內彈的口感只能吃到外皮炸得起皺而己炸香腸賣相很好和魚蛋一樣﹐炸至外面起皺用的是最近火爆的廚師腸廚師腸就是無得輸啊外面少許油香加上廚師腸本身的味道這個我給最高分我不是鴨脷洲人﹐但相信食記可能是他們的集體回憶雖然味道一般﹐但在抵食程度也相當高

食過呢間嘅魚肉真係返唔到轉頭無論服務太態幾差環境坐得幾差你都會俾佢嘅魚肉吸引每日由開檔忙到收檔無論街坊定遊客都係食過就會返嚟食大叫「一碗淨肉 一碟煎腸粉 唔該」魚肉彈牙每日新鮮打我鍾意加麻油加胡椒粉腸粉即炒 好滑 好味好多人會叫炸油池我冇食過因為我勁鍾情佢個魚肉食完油池我會食唔落魚肉㗎我好想寫夠200字俾個好評佢始終小店嘅味道係搵唔返嘅野嚟我朋友小學就食到而家呢啲懷舊野真係買少見少去開真係要支持下我隔兩星期就忍唔住要去一次不過小心佢好多時星期三都冇開

男朋友住係香港仔，我地呢日黎個鴨脷洲一日遊，睇下呢個南區後花園樂土。呢間食記食店男朋友話係必食，座無虛席，而且門口仲現左人龍買野食，生意一浪接一浪。一眼望去都係平常不過嘅港式小食：魚蛋、燒賣、腸粉、碗仔翅⋯⋯但咁受歡迎，必定有佢嘅過人之處。於是我叫左碗碗仔翅，外賣拎走去附近公園嘅涼亭坐低食，環境氣氛別有一番風味。碗仔翅非常熱辣辣，我小心翼翼地將一小啖送入口，一嚐方知真章，碗仔翅好足料，而且味道盡顯材料，唔會係零零碎碎嘅散料，又唔會單一，口感豐富，真係黎鴨脷洲必試啊！

放假最好就係捐窿捐罅搵好嘢食， 由於我唔係住喺南區， 所以鴨脷洲對我嚟講已經好偏遠嘅地方😂 今次嚟到鴨脷洲大街， 當然要試試附近嘅街頭小食啦。之前睇雜誌都有報道介紹過呢一間食記餐廳， 我哋二話不說就叫咗兩碗同魚肉有關嘅嘢食， 分別係生菜魚肉碗仔翅同埋生菜魚肉。 店員拎畀我哋嘅時候，我哋都不禁哇咗一聲，好足料丫，啲魚肉果然係名不虛傳， 非常非常之彈牙， 唔怪得知咁多人嚟幫襯啦！另外我哋仲叫咗隻炸肶， 好大隻吖! 淨係睇賣相都已經夠吸引， 雖然睇落好多炸粉， 但係其實 個皮唔算炸得好厚， 入面啲肉都唔會炸都好"鞋"，正！哩啲小店香港真係買少見少， 各位經過香港仔or鴨脷洲嘅時候都真係要去試下呀！ 真心推薦!

細細個已經成日食，細時喜歡吃碗仔翅，大個左就喜歡吃魚肉，佢曾經有一排差左好多，不過可能近來南港島線開左，多左人黎，佢又好似好食返啲。今天外賣一個兩溝即係魚肉翅，是一貫的兒時味道，魚肉有咬口，唔會好粉，可能食慣左呢度既質感，其他店既都唔岩口味。本來想要買7蚊10粒既炸魚蛋，可能多人啦，魚蛋已炸定，所以我就無買啦。平時佢既炸燒賣都好好吃，一定要加甜醬吃。炒面也是我favourite，好香。唔知係咪因為多人左，所以阿姐都好惡，以前都試過幾次計錯數，所以而家我會自己計左先，大家都要小心。

今日專登由九龍入到黎呢度食呢間d飮食節目介绍过，d食評又話兒時味道，所以满心欢喜去試下，嘩未試食已经受盡氣，我排隊等叫食乜都比阿姐鬧叫排隊，打尖的熟客就冇問題，好喇同阿姐講左喺度食，佢硬要比發泡膠碗多收我$1.講番d魚肉硬到呢完全冇味，果个我叫羅白盒既炸物，炸粉多过罗白，又凍又硬，呢间野d食物根本係不知所谓，

基本上住南區既朋友一定識，甚至食過😋雖然我住南區，但要去鴨脷洲都要搭船仔/搭車，間唔中放假隔一兩三個月都會去食一次，因為真系好好食😋呢間小店真系由我細細個食到宜家，所以佢既裝修同環境真系未必人人接受得到，正正因為自己食左甘多年，所以又已經覺得無乜野🤣食物種類亦唔算多，所以堅本上我都食過哂🤗我每次去都一定係食淨魚肉，炸魚蛋，炸燒賣😋其實兩溝(魚肉碗仔翅)都好多人食，只係我個人口味本身麻麻地鐘意食碗仔翅價錢方面係超級抵食，炸魚蛋$7/10粒，炸燒賣$7/6粒，淨魚肉$19。

26/10放假走去鴨利洲大街食野，因為之前睇左南區之友講食記碗仔翅好味，好彩都吾難搵，點左兩溝+炸雲吞+炸魚旦，味道都可以，但係佢個環境真係麻麻，相信應該冇下次！

中學喺鴨脷洲返學，每星期放學總有一兩日會一大班人一齊食食記，一下子將人地間鋪仔塞滿人，一個又一個魚肉咁落單，嬸嬸總係一個不漏咁送上枱面。食物有時係一種慣性。呢到嘅魚肉明顯加左魚肉以外嘅配料，大大條，食落異常爽口彈牙，魚味欠奉；翅只有少許肉絲、蛋花、粉絲都冇條；但係喺食記就係想食呢個味道，就好似阿媽煮飯永遠唔係大廚咁質素，但係偏偏你又最鍾意食；如果有日食記變左同出面嘅魚肉翅一樣，佢就唔再好味。炸雞脾係鮮炸，等左十五分鐘，魚肉都食哂，以為嬸嬸都有漏單時就上枱啦！炸粉略厚，但偏偏炸粉又異常好味，有一種好香嘅甜味，好似cornbread嘅味道。雞脾嫩滑多汁，抱歉我實在冇手再影低肉汁炸出黎嘅畫面。二人一齊KO一隻炸脾啱啱好，一個人未必食得哂，就算食得哂都會喉嚨痛！

鴨脷洲大街食記餐店係一間幾有口碑嘅老牌小食店，區內街坊人人都識。在大街體育館打完波，又唔想食得太飽，就同朋友去食返碗魚肉。食記餐店的格局好平實，有個大不锈鋼櫃做枱，還有些摺枱摺櫈，坐得唔太舒服。不過食客都是區內老街坊，我諗都習慣哂。我點了一碗淨魚肉，朋友點了一碗魚肉翅(兩溝)。淨魚肉的份量很多，魚肉可能溝粉多，魚味不太出。不過魚肉的口感係彈牙，蔥都落得夠多，無咩魚腥味。而兩溝的翅底有蛋絲和肉絲，味道就是一般雞粉味。如果佢個翅可以加啲冬菇木耳絲就更perfect 啦!食記的魚肉唔可以話係「驚豔」。不過呢個價位嚟講過下口癮都唔錯!