食記餐廳

Open Now

Now Closed

今日專登入鴨脷洲睇洪聖爺誕場面真係好墟冚！想感受傳統文化嘅真係值得一去一場嚟到緊係要食好西呢間食記一早已經聽過佢大名煎腸粉沾上鼓油咸香同少少煎燶邊，超好食！我平時食腸粉點都要落醬呢個就咁鼓油底已經勁好味仲有咸香蝦米！加上份量好足！建議兩個人share一碟就夠！其次必食魚肉！同街邊一樣，可以配生菜/碗仔翅魚肉好嫩滑，唔腥，一樣份量好足！食得出好新鮮！價錢都唔貴，經開鴨脷洲真係必食唯一缺點就係小鋪地方淺窄想堂食可能要排一陣隊啦

南區人一定聽過大街魚肉翅🥹離開依到十年，今日咁岩經過就一定要食！最鍾意佢個魚肉翅，魚肉同平時個啲去唔同，佢超級煙韌，加齊晒胡椒粉同醋，外賣焗佢一齊岩岩好！今日太飽冇食佢啲炒麵，下次再嚟一定要食！

街邊小店試咗下佢哋嘅碗仔翅，真係有啲嘢想同大家環境就係典型嘅街邊檔 feel 啦，冇咩花巧裝飾，勝在夠接地氣。店外招牌都幾醒目，一眼就睇到係賣碗仔翅嘅。講番主角碗仔翅啦，賣相都算唔錯嘅。望落去，湯汁濃稠到好似要黏住個羹咁，色澤金黃透亮，好似藏住好多寶藏喺入面。撈起一羹，見到裏面嘅料都幾多下，有爽滑嘅粉絲、細細粒嘅冬菇絲，仲有啲蛋花喺度飄呀咁。試咗一啖，哇，個味道真係幾豐富啵！湯底嘅鮮味好突出，應該係落咗唔少同醬油去吊味，仲有啲香油嘅香味。冬菇絲就增加咗口感嘅層次，咬落去有啲嚼勁。肉絲雖然細細條，但都好有肉味，同其他配料搭配得幾好。不過呢，都有啲小缺點嘅。過多生份水冇咗嗰種大然嫩滑有啲可惜。同之前喺銅鑼灣試過嘅一間老字號碗仔翅鋪相比，呢間嘅湯汁濃稠度就差咗少少，老字號嗰間真係稠到好似漿糊咁，每一口都好滿足。但係呢間嘅價錢就親民好多啦，一碗先十幾蚊，性價比算高。總體嚟講，呢間街邊小店嘅碗仔翅都算有水准嘅，雖然有啲小瑕疵，但勝在價錢實惠，味道都唔錯，路過嘅時候可以嚟試下嘅。

今年每個假期都留喺香港尋找食嘅舖頭。少有地今次就嚟到鴨脷洲大街，搵到依間懷舊小食舖公眾假期1月1號都有開，淨係星期三休息，下午茶時間都等咗一兩張枱，因為位置唔係好大。細間舖都有三個人喺度，三個都好忙啊餐牌仲要係有啲人手寫仲有一塊係以前嘅舊式餐牌。麻雀雖小五臟俱全，除咗小食早餐仲有甜品，全部都好有香港特色。啱啱好姨姨炒好一碟炒麵，用一個舊式嘅鑊倒返出嚟喺個格仔度。叫咗一個煎腸粉係即叫即整，姨姨之後仲會大聲問你要唔要芝麻同豉油，淨係豉油都已經好好食，個面有少少脆，加埋枱面嘅甜醬口感會仲豐富叫咗個生菜魚肉碗仔翅，小朋友乜嘢都想食，難得嚟一次，梗係乜嘢都放晒一齊。姨姨會問你要兩溝定三溝，其實就係碗仔翅魚肉同生菜三款個個嚟到都會叫魚肉佢都好大條，當然如果你好想食重魚肉嘅，可能就未必適合，碗仔翅夠稠，即使生菜喺個底度食落去都仲係爽嘅揀咗米粉同炒麵好耐最後都叫咗炒麵，侍應哥哥就係用兩隻差嘅神功即刻喺個格仔度卷俾你，佢仲有大細之分，唔會好鹹加埋芽菜仲有豐富口感。希望下次可以試埋佢嘅糖水，去嘅時候係冬天有番薯糖水紅豆沙同綠豆沙，見到好多人叫外賣希望香港呢一類型嘅小店都可以繼續做落去，聽到個姨姨已經周圍去

記得中學嗰時放學我個同學仔成日都要落嚟食生菜魚肉我會形容佢係一個對食物幾有要求嘅人而佢嘅生菜魚肉又真係幾大碗嘅同埋入面都好多魚肉遠近馳名唔怪得知吸引到咁多人嚟另外佢出名應該係佢嘅魚翅不過相對嚟講就冇生菜魚肉咁出名但都ok如果黎開鴨脷洲都可以嚟試下呢個小食都算係鴨脷洲嘅名物

鴨脷洲大街懷舊小食店🍗有咩驅使一個港女可以選擇30度🥵下係一間對住條馬路🛤️冇冷氣💀環境非常一般，仲要係檯面立黐黐嘅小店堂食❓😆原因好簡單😎食物美味程度可以蓋過以上一切是也😋必食推介：炸雞髀 炸雞翼 🍗炸燒賣炸魚蛋 🍢炸油池 炸麥樂雞🐓炒米粉炒麵🍜煎腸粉 🍳生菜魚肉 🥬早餐都有好多人買白粥🍚 不過我就麻麻地🙅下午茶嘅糖水亦都好受歡迎有番薯糖水 綠豆沙 芝麻糊總之唔怕熱唔怕污糟 唔食就喺你損失🤣呢d寶藏小店執一間就少一間只要我行過附近必定幫襯♥️

聽講呢間都係鴨脷洲嘅名物都算係喺鴨脷洲大街附近近街尾一個角落頭嘅位置今日天氣雖然好熱但係都依然好多人幫襯注意嘅係店入邊係冇冷氣如果怕熱嘅人士最好自己都自備風扇仔.我哋經過嘅第一次已經見到啲人食緊大大碗嘅生菜魚肉！係 超 級 多 魚 肉！🐟🐟🐟但係因為當時仲係好飽，所以再行咗個圈先再返嚟食🤣🤣.兩個人點咗以下食物👇🏻🐟生菜魚肉（大）$25🐟魚肉碗仔翅（大）$25大同細嘅分別只係相差一蚊，咁梗係要大㗎啦😂😂我哋之後仲嗌咗支水都只係$4一支大水慶幸呢區仲有呢啲小店，全靠佢冇冷氣先仲可以做呢個價位呢，真係超級良心價🫶🏻我哋一路食嘅途中都有好多人嚟買外賣或者堂食呢～下次仲想試埋佢哋啲魚蛋一落完單姐姐勁快手就拎晒兩碗過嚟，自己可以落胡椒粉、麻油、醋呢個size同價錢真係冇嘢可以挑剔，份量十足大大碗！佢個碗仔翅底個雞蛋唔係好滑嘟嘟絲咁樣，而係實實地有啲實在嘅，都幾正，我諗都算係佢地嘅碗仔翅嘅獨特之處生菜魚肉嘅生菜都唔少㗎，我諗都起碼有三份一碗，湯底正正常常，重點係兩碗嘅魚肉都超多佢哋嘅魚肉係偏有彈性咬口唔會好削，加少少蔥增加香味，仲要超級大條唔會細細嚿，如果係生菜魚肉愛好者不妨嚟試一試啊！俾我我都應

聽講鴨脷洲呢間食記記生菜魚肉好出名，今日黎開呢頭特登去試吓一點食飯時間，已經見到一條人龍喺度排隊，睇嚟好多人同大食妹一樣將小食當正餐餐食炸魚肉燒賣$10 & 炸腸仔$10魚肉燒賣，炸到脆卜卜，勁脆口$10 六粒幾抵食炸腸仔用左廚師腸，味道就正常發揮啦碗仔翅$21大碗同埋細碗都係只係差一蚊，冇理由唔叫大碗碗仔翅偏芡汁型，材料都包咗雞絲、蛋絲等等配料，記得要落醋，酸酸美味仲好食生菜魚肉$25生菜魚肉，勁多魚肉，絕對冇呃秤魚肉好彈牙嘅，又唔會有腥味，至於最底就有少少生菜

我唔係住鴨脷洲附近 唔係我童年回憶 但朋友都話食魚肉翅一定要試下食記去到成間鋪都坐爆曬人 要自己等位同自己霸位 坐低之後 我哋首先叫咗三碗魚肉翅 一個炸燒賣 一個炸腸粉 原本仲想試吓炸雲吞 但係3點幾已經賣晒魚肉翅大碗同細碗價錢都係差一蚊 一定係要食大碗啦 雖然食落去感覺都係普通嘅碗仔翅 應該話碗仔翅好似都冇話分好食定唔好食 但我覺得食記比起屯門果間嚟講冇咁鹹同黏稠啲而且魚肉同生菜都俾得足 好多料 食到見底唔會得返碗仔翅啲湯水 仲有料係到炸燒賣覺得有炸燒賣 呢個選項都幾有趣 炸燒賣雖然好熱氣但食落都幾好食 食落去外表脆脆地 但內裏燒賣又係冧 食完唔夠喉 仲叫咗第二份炸腸粉炸過嘅齋腸食落口會香口啲 口感又係同燒賣一樣 外面脆底入邊嘅嘢係冧 點埋花生醬甜醬 口感一啲都唔怪 仲幾夾感覺除咗碗仔翅 生菜魚肉之外嘅嘢大部份都係炸出嚟 但係佢有炸燒賣 炸番薯感覺都幾特別 係真係街坊小食 但係聽過朋友講依家嘅炸番薯比起以前縮咗水冇以前咁大份

快靚正既賣小食店次次食完都返唔到轉頭永遠都要加多好多胡椒生菜魚肉香港嘅美食名物🤣平時食開第二間d魚肉都好粉。呢間又唔會而且個湯都好清甜。諗起都想來多碗🥰🥰🥰

再一次證明有時啲野⋯⋯⋯真係食回憶😮‍💨#明就明⍥ 生菜魚肉（大） ❙ $24細既$23 但大既只需加多$1緊係有大食大架啦🤣即叫即煮 碗細細 視覺睇黎好full好大碗😫但質地真係唔係我鍾意煙煙韌韌 膠膠地 係太多粉？？魚肉好似比例唔多同食開既魚肉燒賣非常唔同😭😭😭我見好多人食架但怒我唔識欣賞～⍥ 炸魚肉燒賣 ❙ $10十蚊六粒 微暖炸得香口😋燒賣唔知係咪真係魚肉但至少唔會好厚粉咁🤣質地我好鍾意我覺得好味丫😗😗

食記必食生菜魚肉，炸魚蛋炸燒賣，以前細個放學成日食，到而家返工放假都一定會過嚟食，嗰種風味依然喺度，味道依然無變，而家依啲小店越來越少，店舖環境雖然細，但係依然都會有好多人幫襯

食記喺鴨脷洲開咗好多年啦，每次都一定食都我好滿足😍！(正餐又好, 下午茶又好)基本上次次都係叫2溝 - 生菜魚肉翅（$23）啲碗仔翅入面嘅肉絲、素翅同配料都好足，而魚肉嘅份量好多，塞到溝曬架！最重要嘅係佢唔會腥，又唔會有粉漿味，真係好正好飽！👍支持一下地區小店------------------------------食記餐廳🚦鴨脷洲鴨脷洲大街42號舖環境: 🔥🔥🔥🔥 (外賣啦)味道: 🔥🔥🔥🔥🔥 (好味)價錢: 🔥🔥🔥🔥🔥 (街坊價)評分: 4.5/5------------------------------

(自費食評) 由細食到大的高質小食店❤️每次返回鴨利洲大街吃中午飯，我一定選擇食記，我已經吃了約14-15年了，由細食到大，食記餐廳間格也沒有改變，非常懷舊我每次黎到也是吃淨魚肉，因為我覺得份量是最多，與生菜魚肉和魚翅撈魚肉(餐廳叫該食物俗稱為：兩溝)相比是比較多的今天的魚肉做得好好，非常彈牙，現在的魚肉非常賣得，他們也不停打新魚肉落煲中煮了。魚肉沒有腥味，非常有口感，吃之前可以加入麻油和胡椒粉會更加美味炸燒賣，即叫即炸，熱辣辣希望可以一直吃落去

港式小食店已經買少見少，食到好味嘅更加唔好放過食記已經係鴨脷洲開咗好多年，食極都唔厭，當正餐又得，下午茶又得🤩每次嚟到必食兩溝或者三溝😋🍧另外仲有糖水 (豆腐花、紅豆沙、綠豆沙、蕃薯糖水、芝麻糊)🐟生菜魚肉翅 ($23)碗仔翅嘅肉絲、素翅、蛋花都好多，每啖都食到好足料🤤魚肉份量好多、好大舊，完全唔腥，又唔會大陣粉漿味，咬落非常煙韌有3大片生菜墊底，好大碗，食到好飽🌟 Lamlam脷指數 😋😋😋😋😋 (5/5)🥢炒米粉 (大$16 小$14)炒米粉都係另一個街坊大讚嘅美食之一，雖然蘿蔔絲、菜絲就少咗D，得兩條😣但係米粉唔會炒到碎哂或者一團餅咁🌟 Lamlam脷指數 😋😋😋😋 (4/5)🌟整體評價: 依個價錢已經好難搵到咁足料嘅魚肉翅，仲要整得咁好味，嚟到鴨脷洲必食嘅小店啊😋🌟 Encore指數 ⭐️⭐️ ⭐️⭐️⭐️ (5/5)