Video
Read full review
2017-10-23
579 views
中學喺鴨脷洲返學，每星期放學總有一兩日會一大班人一齊食食記，一下子將人地間鋪仔塞滿人，一個又一個魚肉咁落單，嬸嬸總係一個不漏咁送上枱面。食物有時係一種慣性。呢到嘅魚肉明顯加左魚肉以外嘅配料，大大條，食落異常爽口彈牙，魚味欠奉；翅只有少許肉絲、蛋花、粉絲都冇條；但係喺食記就係想食呢個味道，就好似阿媽煮飯永遠唔係大廚咁質素，但係偏偏你又最鍾意食；如果有日食記變左同出面嘅魚肉翅一樣，佢就唔再好味。炸雞脾係鮮炸，等左十五分鐘，魚肉都食哂，以為嬸嬸都有漏單時就上枱啦！炸粉略厚，但偏偏炸粉又異常好味，有一種好香嘅甜味，好似cornbread嘅味道。雞脾嫩滑多汁，抱歉我實在冇手再影低肉汁炸出黎嘅畫面。二人一齊KO一隻炸脾啱啱好，一個人未必食得哂，就算食得哂都會喉嚨痛！
一下子將人地間鋪仔塞滿人，一個又一個魚肉咁落單，嬸嬸總係一個不漏咁送上枱面。
兩溝
42 views
0 likes
0 comments
呢到嘅魚肉明顯加左魚肉以外嘅配料，大大條，食落異常爽口彈牙，魚味欠奉；
翅只有少許肉絲、蛋花、粉絲都冇條；
但係喺食記就係想食呢個味道，就好似阿媽煮飯永遠唔係大廚咁質素，
但係偏偏你又最鍾意食；如果有日食記變左同出面嘅魚肉翅一樣，佢就唔再好味。
炸雞脾
39 views
0 likes
0 comments
炸粉略厚，但偏偏炸粉又異常好味，有一種好香嘅甜味，好似cornbread嘅味道。
雞脾嫩滑多汁，抱歉我實在冇手再影低肉汁炸出黎嘅畫面。
二人一齊KO一隻炸脾啱啱好，一個人未必食得哂，就算食得哂都會喉嚨痛！
Other Info. :
食記冇服務可言，請自己搵位！街坊小店容不下公主王子！
(The above review is the personal opinion of a user which does not represent OpenRice's point of view.)
Post
