銀都冰室

Open Now

Now Closed

今次試食一間香港仔於華富邨的銀都冰室1968年開業，銀都冰室就位在香港南區中心的香港仔，店家位在大樓內，但真的有夠隱密，所以很少遊客會逛到這邊來，但影友們拍照完都順便來打個卡。室內裝潢提供舊色卡位，整個就標準香港老味道，連一個舊時吐啖警告都有，食野除了食品外，都要食環境。今次我推介年輕必食飯味，腿蛋飯加餐肉我自己稱為「兒童三寶飯」，當日食到太陽蛋生得來有少少脆邊，火腿少少微暖，唔會過熟變硬，餐肉鬆軟，配上最重要係個甜豉油，真係所有回憶都返來。

之前喺享樂買過佢嘅樽庄奶茶嚟飲（食評係2024年1月30日刊登嘅呢篇：https://www.openrice.com/zh/hongkong/review/yeah-%E5%94%94%E4%BD%BF%E5%9A%9F%E5%92%81%E9%81%A0%E9%83%BD%E9%A3%B2%E5%88%B0-e5270208），今次就連咖啡都有，我就托我老公喺享樂買幾樽，因為有幾個同事都飲咖啡，同埋我哋又可以試。飲咗嘅同事都話好飲，而我就喺大前日（23-8-2024 Fri）老公飲時黐兩啖，我一向唔飲咖啡，係因為以前第一次自己沖，落好多糖都依然好苦。今次飲，唔苦亦唔太甘，可能佢哋嘅奶嘅比例多啲啩，啱我口味噃。呢篇食評只計味道同抵食入呢間食肆，其他3個分數,亦唔反映老公今次喺享樂嘅體驗。上次食評係2024年4月11日刊登嘅呢篇：https://www.openrice.com/zh/hongkong/review/yeah-%E8%A6%AA%E8%87%AA%E5%9A%9F%E8%A9%A6-e5400312。

午餐 白汁雞皇飯$48連飲品唔係kfc或者西餐既白汁係港式白汁冇西式咁濃大大件雞肉同薯仔雞肉唔柴薯仔就白烚飯都多多兩個人食正正常常舊式茶記味道餐廳唔大裝修都係舊式茶記

中午食過這碟頭飯，驚喜地味感涼瓜新鮮清香、靚叉燒夠瘦仍足肉香且口感鬆軟、炒蛋滑，更驚喜地留意到廚師堅將三款一樣足多嘅食材連同洋蔥絲炒埋一齊，味感果真混為一絕，食後既欣喜又感動，很久沒食過既有誠意又有地道質感嘅碟頭飯，很讚！

今天早上，我走進了位於華富村的銀都冰室，準備享受一份簡單而溫馨的早餐。當我踏進這家始創於1968年的老冰室，一陣懷舊的氛圍迎面而來，讓我仿佛穿越到了過去。門口的招牌五十多年來都一樣。我點了一個熱狗，這份簡單而美味的早餐讓我回憶起童年時的情景，隨著一口口咀嚼，我似乎能聽見那些年輕時的歡笑聲和歡欣的呼喊聲。奶茶，這是我最愛的飲料之一。在這個富有歷史的冰室裡，奶茶每一口都帶來一種濃濃的滿足感，讓我不由地回想起和朋友們一起在這裡品嚐奶茶時的歡樂時光。這裡的奶茶不僅是一種飲料，更是一種情感的寄托。在香港這個都市裡，華富村的銀都冰室像是一座時光隧道，是一段回憶的寶庫。每一口熱狗，每一口奶茶，每一份懷舊感，都讓我深深感受到時間的流逝和記憶的珍貴。

6-4-2024（Sat）同老公,男友人JT晏晝，因天氣關係行唔成薄扶林水塘，轉去數碼港睇戲，睇完戲就行過嚟食下午茶。我哋嚟到時都冇乜人，坐多一張卡位，睇完menu 後，老公要$35.00 嘅炸雞髀同紅豆冰，JT要$33.00 嘅沙爹牛肉麵，加$6.00要埋火腿奄列同飲茶走，我就要$33.00 嘅西多士(花生醬)，加$8.00要凍檸樂。好快就拎咗一罐細可樂嚟，但唔凍嘅，然後拎咗杯檸檬加冰，厚檸檬都有成四片，但由於可樂唔凍，加咗落去啲冰就好快溶。之後JT嘅茶走到，嚟睇見顏色都幾深，佢飲咗話ok冇問題。然後係西多士(花生醬)同火腿奄列都嚟，睇見火腿奄列好薄;西多士(花生醬)都冇我想像中正常嘅厚度。然後沙爹牛肉麵都到嚟，最後老公嘅炸雞髀同紅豆冰到埋。我切開我嘅西多士(花生醬)睇，好似冇乜花生醬，切完食得，食落係一口油冇乜花生醬嘅味道，唔掂。0.5分而老公嘅炸雞髀呢？雞皮炸到好似薯片咁脆，而雞肉就唔係咁juicy，不過唔太鹹。3分紅豆冰就好夠味又唔太甜，紅豆夠腍正正常常。5分最後因為一場嚟到，我哋都嗌杯$17.00嘅熱奶茶飲，即使年頭喺荃灣享樂(https://www.openrice.com

一入座，香濃的茶香就撲鼻而來，引得我馬上點了杯熱奶茶。啖啖深深奶香，入口即化，茶香夠勁，好滑唔會膩。法蘭西多士外皮炸得金黃香脆，裡面的麵包吸滿咗蛋漿，咬落去，蛋香四溢，有種唔俗嘅口感。不過如果再搭上多一點牛油，會更上層樓。轉個頭，又見到隔離枱咁大聲讚好食嘅奄列，咁我點能錯過？外層煎得啱啱好，入口即溶，真係又香又滑！幾耐冇試過呢種純正香濃嘅家鄉味道，正！當然唔少得嘗下佢哋嘅招牌小食，順眼就揀咗酥皮蛋撻。卜卜聲嘅蛋撻一入口，頂層嘅酥皮脆得嚟唔係太乾，但底層就欠咗啲火候，蛋漿都只是中規中矩，係呢個下午茶嘅小 遺憾。茶餐廳味道非常有層次，每種食物都有佢獨特嘅地方，真係令人忍唔住一次又一次嚟回味。告訴你哋一個秘密啊，假日嚟可以幾早，唔駛等位，慢慢嘆，真係享受！😋🥤🍞

大前日（27-1-2024 Sat)晏晝同老公去荃灣買嘢經過享樂(https://www.openrice.com/zh/hongkong/r-享樂烘焙-荃灣-港式-麵包店-r799746),記得佢有賣呢間嘅奶茶,於是入去買,見到佢有兩種,一種係正常奶茶,一種係茶走,兩種同樣賣$28.00一樽,咁兩種都買試吓啦,買嘅時候,店員提醒記得搖勻至飲.到翌日(28-1-2024 Sun)朝,老公去完教會,我叫佢喺享樂買啲麵包返嚟食,由於天氣凍,咁我就座熱啲奶茶嚟送.我搖勻嚟飲,絲襪奶茶味道唔太濃,亦唔太甜,OK嘅.3分而茶走呢?明顯係甜啲,但又唔太甜,亦飲到鍊奶嘅味道,我覺得唔錯.5分而兩種奶茶嘅口感都係順滑嘅.抵食係2.7分

上次去咗銀都冰室，話你知，就算冇豪華裝潢，食物搞到你心思思！🤤佢哋個沙嗲牛通真係非一般，啖啖肉、粉滑又彈牙，沙嗲醬香味夠哂勁，味口剛好，咸香中帶點微微甜，咬落去嘅時候真係夠晒滿足！飲杯絲襪奶茶，熱辣辣一滑入肚，茶香四溢，奶味濃郁，透心涼嘅感覺。跟住再來個西多士，呢啲花生醬蛋糕式西多士真係喺口味上正到爆！表面脆卜卜，咬一啖，牛油同糖漿喺舌頭上爆發，濃甜又唔膩口，花生醬包著個喉嚨，暖笠笠嘅真係叫人一試難忘。銀都嘅咖啡雖然鮮味，但翻版啖啖茶香熱乎乎嘅奶茶，實在更加撩人。如你鍾意搵啖好茶，記得唔好錯過啦！跟住上嚟嘅茄汁雞扒煎蛋飯，茄汁酸酸甜甜滲透入飯粒，每一啖都充滿驚喜，雞扒火候啱哂，煎到外焦內嫩，飯食黎真係嘆到停唔到口呀！總之啦，銀都冰室就係平民美食嘅代表，我下次還會去添，點知幾時你都過黎體驗下？👍😋🎉

去薄鳧林牧場之前🐮,其實我哋去咗華富邨~傳說中最靚景嘅屋邨🖼!裏面都係啲老店~有舊式辦館🧃,文具玩具舖📏,仲有冰室~因為佢嘅炸髀幾出名🍗,所以叫咗呢個~佢哋嘅炸體係先滷後炸~不過我就嫌炸得唔夠勁🔥,雞皮只有邊邊位係脆嘅~不過因為先滷,先以好入味而且味道好香~另一半揀咗個精選午餐,亦即係常餐😂😂~佢叫咗鮮牛肉米粉🐂,配搭咗火腿奄列🍳。=~總括而言,呢間餐廳比較係食情懷📸~但呢個屋邨商場無乜餐廳,如果嚟到不妨一試~

雖然這南區咁多年但係其實好少去華富村，今日去開華富村就專登去銀都冰室感受一下懷舊嘅味道！ 喺門口已我感受到70年代嘅香港味道，估唔倒價錢都唔算貴40幾蚊就可以食到一個午餐。今次我就叫左個吉列魚柳火腿黑椒汁飯，加一個凍檸茶走甜，首先到嘅凍檸茶，竟然有四片檸檬，打檸檬茶比較澀。吉列魚柳火腿黑椒汁飯， 魚柳脆卜卜好味，但黑超執就比較杰。值得一提係，員工態度超級好，主動拎多個碗仔俾我地，絕對係一個人情味嘅餐廳。

#搞串個pantry今日嚟到一個充滿住都市傳說嘅國度🔯，又有多人目擊UFO事件🛸，又有神秘棺木，呢度係邊？就係華富邨啦🌟！！#華富邨 過幾年就開始拆卸重建，原有舊時代嘅風情即將消失，想去嘅朋友可以把握時間去😚。今次就嚟到一間由1968年開業至今嘅茶餐廳😎。睇到個招牌嘅字體、舖頭嘅裝修，就已經感受到佢歲月嘅味道🥹。我哋今次嗌咗叉燒腸仔煎蛋飯($44)🍳、蒜茸汁吉列魚柳火腿意粉($48)🍝。兩碟嘅份量都係大大份，正常茶餐廳份量。叉燒腸仔煎蛋飯今次就切咗瘦叉個部分🐽，不過食落口唔會好老好乾，反而有蜜汁、豉油，成件事就變得好好食🤩！另外，豉油汁混合埋蛋黃，再配埋飯咁食，呢個配搭真係完全抗拒唔到。如果個煎蛋可以再多一、兩個就更好，咁就可以多啲蛋黃嚟撈飯😜！！蒜茸汁吉列魚柳火腿意粉就係港式西餐嘅感覺，味道唔錯🤤，不過略嫌魚柳太薄，炸粉太多🐟。而意粉煮得好腍，我哋就鐘意腍啲，所以感覺唔錯！！呢到華富，相信呢度會比到你一種回到過去嘅feel😝。大家不妨過一過嚟行個圈，食下嘢。

之前無睇清楚營業時間摸門釘，今次終於食到喇！星期日晏晝兩點幾嚟到，人唔多，又啱啱有下午茶餐。一開始叫咗一份西多士、炸雞脾配紅豆冰，同埋什扒湯通粉。之後再追加個炸雞翼腸仔公仔麵，本身想叫叉燒，但係賣哂🥲 法蘭西多士 — 冰室名物，點都要試一試。熱度夠，上枱嚿牛油已經半溶，不過偏薄身，味道正常 炸雞脾配紅豆冰茶餐 — 炸雞脾細隻咗啲啲，生炸嚟講幾夠香脆，唔會好油膩，又唔會太乾身，係爭咁少少鹹味；紅豆冰睇落有啲稀稀地，攪勻哂嗰味又OK唔錯嘅什扒湯通粉 — 豬扒、炸雞翼、腸仔同火腿片各一件，豬扒夠味唔鞋、腸仔應該沾咗層粉先前煎/炸，幾香口，係個通粉質地偏淋 炸雞翼腸仔湯公仔麵 — 後加呢個都算有個完美作結，掛住食所以無影到相🤪公仔麵係我鍾意嘅硬身質地，最驚食啲發漲麵，湯底清得嚟又夠味，同上面湯通粉一樣，唔係平時一丁嗰種；炸雞翼有4隻，香口又唔乾，夠哂簡單好味😋 呢種香港舊情懷真係買少見少，特登帶埋小朋友嚟感受一下，好好記住💛

冇九層樓高 冇爆漿餡 冇創意口味乜乜乜🔹法蘭西多士🔹$34潮流興將傳統食物改革，注入年輕一代喜歡嘅元素🧀🍫🍵 故之然吸引但喺呢個整色整水嘅年代，你仲會唔會為咗一件普通嘅花生醬西多，行入餐廳門口呢？即叫即整♨️ 餘温令牛油溶化得恰到好處 兩三下抹匀望著略為過多嘅黃油流淌，隨意倒上糖漿，沾著西多食，齋睇都覺得肥仔🧈😈係冇硬崩崩嘅外殻，鼓起嚟嘅蛋衣炸面依然炸得非常香脆，聽得見嘅咻咻聲😲👍🏻夾心係薄薄一層花生醬🥜 足夠香濃，當然多啲開心啲啦(≖‿ゝ≖)✧繼上個post炸髀之，好建議大家嚟潮聖嘅第二樣華富名物，感受一下跨越半世紀的傳統味道

聽講華富邨有三間老字號名物，今日試咗呢間，非常有風味。下午茶時段點了油沾多兩個人share，再加一杯凍檸茶一杯凍奶茶。味道方面都係正正常常嘅茶記味道，不過入面嘅裝修以至老伙記嘅人情味就令人回味無窮，係小時候𡃁仔嘅童年回憶，呢啲老店買少見少，真係要支持吓。