Simply Waffles X Mr. 閔 (新都城中心三期)

Open Now

Now Closed

朋友住將軍澳，話想食韓國嘢,又想平民價啲,miss mochi就建議食呢間「閔大人」✌🏼雖然冇韓國神劇「大長今」的男主角閔大人，但店內主打年青路線韓式小食店！位置比較隱蔽，位於電梯旁邊。餐廳裝修超級少女風💗主要以粉紅色同白色為主調💖另外更設有粉紅色牆邊沙發位🌸配上雪石圓枱，啱晒打卡😚餐廳主打韓式炸雞，炸雞提供有骨和無骨的選項，多種醬汁可以選擇，好味之餘，價錢仲要非常平民，但質素好好。新店由於澳洲 Le Cordon Bleu 修畢雙藍帶課程的主廚 Vicky 主理，拍住同集團旗下主攻由韓國紅起來的甜品牛角包窩夫店 Simply Waffles 一齊上，大賣韓式炸雞＋窩夫!1️⃣炸醬麵配無骨雞及蒜香醬($78)❤️⭐️店家炸雞自家醃製,😍採用韓國生炸漿😊即叫即炸,🍗炸雞本身的炸漿香脆不厚🤓外皮香脆🐓雞肉多汁嫩滑😃唔會乾柴🤪不用擔心骨頭🦴的麻煩，吃起來特別方便🤩油溫控制好好😜所以外皮可以炸至乾身，入面嘅鷄肉亦可保持肉汁😋同埋唔會食到一口油😚特別推薦的蒜香醬🤤香味十足，給雞肉增添了不少風味🫣麵條煮啱啱好，彈牙又有嚼勁，搭配的炸醬味道濃郁😈帶有一點微甜洋蔥煮到好甜好淋🧅豬肉粒肥瘦適中超足料加上青瓜絲🥒

小編今日去咗將軍澳新都城中心三期嘅Mr. 閔，真係食到停唔到口！呢間韓式餐廳藏喺商場地下，絕對係打卡兼滿足味蕾嘅必去之選！等我慢慢同大家分享啦～首先上場嘅係韓式水冷麵配無骨炸雞。哇！個賣相已經吸引到我流晒口水！清爽嘅冷麵，上面擺住金黃酥脆嘅無骨炸雞，簡直係視覺享受！👀 冷麵入口爽滑彈牙，帶有淡淡嘅醋香，開胃解膩；炸雞外脆內嫩，肉質鮮嫩多汁，配埋冷麵真係絕配！😋跟住登場嘅係人參雞配白飯。一上枱已經香氣四溢，成隻雞浸喺濃郁嘅人參湯裡面，賣相十足！湯底清甜鮮美，雞肉嫩滑入味，仲可以感受到人參嘅香氣同藥效。配埋香噴噴嘅白飯，簡直係養顏補身嘅最佳選擇！💪壓軸出場嘅係蒜香韓式炸雞。呢隻炸雞真係香到隔離枱都聞到！金黃酥脆嘅外皮上面撒滿蒜粒，賣相已經吸引到我忍唔住想快啲食落口！一啖咬落去，外脆內嫩，蒜香四溢，辣中帶甜，香口惹味，絕對係下酒嘅最佳之選！🍻Mr. 閔嘅每一道菜都充滿韓國嘅地道風味，無論係賣相定係味道都一流。最正嘅係佢哋嘅份量都好大方，絕對食得飽飽滿足！地址：將軍澳寶林貿業路8號新都城中心三期地下G25A號舖#Mr閔 #將軍澳美食 #韓式炸雞 #人參雞 #韓式冷麵 #新都城中心美食 #抵食推

這間韓式料理咖啡店真係好有🎀少女心，整間店都用粉紅色裝修，環境靚到可以拍照打卡！🍱紫菜飯卷配無骨雞 $68呢個紫菜飯卷配無骨雞真係又飽肚又邪惡！紫菜飯顏色好吸引，裡面有豬肉、醃蘿蔔、青瓜、紅蘿蔔同蛋絲，口感真係豐富。炸雞皮脆肉嫩，整體食落去唔會覺得油膩。特別要提到佢哋的醬汁，蜜糖芥末真係絕配，蜜糖加上椰子的味道搭得淋漓盡致！🥐人氣牛角窩夫-🍌焦糖香蕉 $52呢個係招牌打卡甜品，焦糖香蕉牛角包窩夫！Croffle外脆內軟，唔會太硬，而且上面厚厚一層忌廉，焦糖香蕉表面金黃酥脆，真係好吸引。周圍再散上滿滿的玫瑰花🌹，帶來陣陣花香，少女感十足，食完之後心情都好好！🍋柚子蜜清爽，飲落去好開胃又解渴，簡直係韓國風味享受之行的畫龍點睛之筆！總括來講，Simply Waffles X Mr. EJ 係一個好適合約埋朋友一齊去嘆食嘅地方，食物好味又靚，環境又靚，實在唔可以錯過！

第一次寫食評因為希望佢做得住🙈🙈可以多啲人幫襯，因為新都城捱到既小店唔多😣而今次想推薦既係佢地既窩夫👍🏻窩夫即叫即整，黎到仲係脆卜卜，已回頭食過幾次😋😋外賣叫過一次tiramisu, 有酒香味，拎到返屋企當然無咁脆，但整體味道都好突出😍不過有一次叫左個檸檬味🍋既窩夫，但個醬比較酸左少少暫時食左4款，個窩夫底真係整得好食👍🏻👍🏻👍🏻其他熱食不過不失，炸雞都係值得推薦👍🏻

喺商場一個唔顯眼嘅位置，竟然比我發現有間餐廳食韓國嘢，仲要好抵食。先來2杯清爽特飲，出面實在太熱，飲啖真係大清涼。套餐都係幾十蚊，有主菜之餘仲有韓式炸雞，黑醬撈面超惹味，配埋青瓜絲感覺唔會食到好溜，但就好好味。套餐仲可以選擇食埋呢度好出名嘅啤酒漿炸雞，咬入口超脆，入面雞肉好juicy。另外單點咗啲其他食物，辣年糕勁香我仲要加埋芝士，真係好香濃，辣辣地好開胃，食唔停口。炸魷魚鬚好香脆，有咬口但唔會好硬，真係想叫多杯啤酒送黎食。最後食埋個甜品，即叫即整窩夫太精彩，勁厚cream，唔會太甜但超好味，下次要試埋其他口味。我地食左咁多野，埋單都係二百幾蚊，真係抵食。

🐣無骨雞好大件 每舊炸雞都有脆卜卜既皮 好入味，而且好Juicy完全冇硬得滯或者乾得滯嘅問題加埋醬汁 蜜糖芥末 好refreshing🍯🐝真係好似去咗韓國咁💝🍱🍣紫菜飯卷一條有成10舊 每舊都有豐富嘅配料 例如蟹柳，魚蛋，青瓜，雞蛋，一啖咬落口口感，勁豐富飯團用醋製成 酸酸地 好開胃🤤🐣人蔘雞鍋配白飯 熱辣辣嘅雞 煲到好難 入邊有糯米、人蔘🥘套餐可以半價叫西柚果蓉梳打🧡超爽刺激有清涼感 仲有西柚果蓉有口感另外仲有時令水果沙冰，今日有菠蘿、火龍果等，我就叫咗火龍果沙冰💜再加埋杯凍柚子茶💛店舖面積唔係好大，但係都一應俱全臥虎藏龍 有咁多唔同嘅款式，又有嘢飲又有甜品又有雞蛋仔做工精緻 真係厲害🤩

寶琳嘅Simply Waffles x Mr. 閔 我哋成日會嚟食，有好多款韓式美食之餘，仲有超出色窩夫！韓式無骨炸雞 $98/9件熱辣辣即炸無骨雞，皮脆肉嫩，呢個價錢好抵食，全部大大件，就咁食都好味，配上蒜香醬更惹味～韓式泡菜豬腩片飯 $68豬腩片用上韓式辣醬來炒，加上泡菜酸酸甜甜，好開胃👍🏻閔大人士多啤梨奶 $45好粉紅色好夢幻，新鮮士多啤梨肉配上牛奶，好飲🍓時令水果沙冰 $38西瓜沙冰好甜好清爽，飲完透心涼🍉白雪蜜瓜窩夫 $52呢到嘅窩夫大大大推，我哋成日食✌🏻😂 窩夫即叫即整，要等長少少時間，但完全係worth it！今次食季節限定嘅蜜瓜窩夫🍈 外皮香脆好似千層酥咁，忌廉好creamy，蜜瓜清香，一齊食好個配搭好fresh！（私心推介埋我大愛嘅焦糖香蕉窩夫🧇🤤）

嗰日喺新都城行完街之後，就搵嘢食，發現有間新開嘅食韓式食物餐廳叫「閔大人」 😆於是乎就去試吓啦😗🍗自家醃製無骨雞-蜂蜜醬油味: 呢個雞真係不得了！雞肉醃得啱啱好，好嫩滑，一咬就爆晒汁，而且唔會乾爭爭，啖啖肉，好滿足！蜂蜜醬汁甜而不膩，有淡淡嘅蜜糖香，襯托出雞肉嘅鮮味，真係食到停唔到口！ 🍗芝士熱狗棒: 熱狗棒香脆可口，配埋芝士，真係絕配！芝士好香濃，熱辣辣，而且拉絲效果一流，一啖咬落去，真係食到好滿足！ 🍗韓式辣肥牛飯: 肥牛薄切，軟嫩得嚟又唔會太油膩，飯粒粒分明，吸收晒辣汁嘅香味，食落去香辣惹味🍗提拉米蘇窩夫: 提拉米蘇窩夫真係好正！窩夫鬆軟，有淡淡嘅咖啡香味，提拉米蘇醬好香濃，入口即溶，有淡淡嘅酒味，甜而不膩，令人食到停唔到口！ 🍗番石榴梳打: 番石榴梳打好清甜，有少少酸味，解暑一流！番石榴汁好濃郁，飲落去帶有清新嘅番石榴香味，梳打有氣泡，飲落去清涼解渴，真係好正！ 🍗士多啤梨奶: 士多啤梨奶好香甜，有少少酸味，令人食到心情靚靚！士多啤梨好新鮮，牛奶順滑，帶有士多啤梨嘅香味，飲落去好舒服，真係一杯令人開心嘅飲品！

兩個人叫咗一個炸醬麵配炸雞餐，tiramisu 窩夫，西柚梳打西柚梳打第一次上嘅時候完全冇氣，只係杯有西柚味道嘅水，個人覺得係用開咗好耐冇咗氣嘅梳打水整，同職員講佢地第一下冇反應，再問先再換咗一杯有氣嘅西柚梳打炸醬麵上嘅時候完全唔熱，表面冇蒸氣，只係微溫，但因為唔想再等所以冇叫職員換，炸雞味道正常，但咬開入面有少少粉紅色唯獨Tiramisu 窩夫擺盤靚，味道好食，咖啡味重結論係可以略過熱食，食甜品就ok

黎到寶琳一定要試閔大人韓式窩夫咬落又香又鬆化窩夫冇得輸，制作需時但值得等食，食極都甘好食韓式炸雞都好食因為夠新鮮熱辣即叫即炸，又可以簡配壽司或年糕，野飲又有特色

最鍾意食炸雞🍗朋友話我知我附近有間好好食嘅韓國餐廳,成間粉紅色好靚啊🎀🍗炸雞即叫即炸外皮香脆，雞肉多汁嫩滑，仲叫咗豬軟骨飯同紫菜飯卷，個味真係好似飛咗去韓國咁🤤超鐘意個人氣牛角窩夫🧇，我哋叫咗白雪草莓同檸檬吉士兩個都好好食😋擺盤好靚好啱打卡，三個等唔到搶住食😂無骨炸雞 ，原味紫菜飯卷🍗韓國豬骨伴鵪鶉蛋飯🍲白雪草莓/檸檬吉士窩夫🧇

今日約咗朋友食飯，大家都想回味吓韓國之旅，所以就搵咗間韓國嘢食朋友話之前食過啲炸雞好好食，所以我哋叫咗一份五件，另加一個炸醬麵~炸雞五件$58（無骨）（蜂蜜醬油醬汁）夠熱，夠脆，不過炸粉偏多，不過都好食👍🏻~韓式腩肉炸醬麵配青瓜絲$58味道一般，麵條唔係韓國麵~韓國年糕配炸雞正常味道~Tiramisu甜窩夫 $52好食👍

又俾我地發現一間好抵食既韓式餐廳今次嚟到將軍澳港鐵寶琳站新都城三期，地點喺天幕廣場中間直行扶手電梯旁邊直接進入食評:韓式炸雞-有骨雞-半隻 $98自家醃料, 味道唔會遮過雞味, 生熟炸得剛好, 唔會炸過龍, 肉嫩唔乾, 脆漿炸得剛好, 一撕就裂韓式豬腩片飯 $68份量都幾多, 腩片份量都唔少, 仲跟個小泡菜, 沙津味道就比我平時食既無咁濃味, 鍾意淡口少少可以食呢款韓式豬肉紫菜飯團份量又係好多, 還配送個小泡菜, 飯圈裡面好足料, 有我最鍾意食既黃蘿蔔, 飯粒唔會乾硬, 外咗SIZE比韓國的大和多料外, 味道正宗士多啤梨鮮奶 $45 跟餐半價初初望落以為係果醬加鮮奶, 但飲落又飲唔到果醬, 而且食到粒粒果肉, 鮮奶亦無額外加添糖水, 幾好飲喎!提拉米蘇窩夫 $45 - 必食推薦我以為窩夫係純粉漿倒入夾機製, 食落驚艷到我外脆內軟之餘, 裡面仲有一層類似酥皮, 然後每層都有唔同口味, 食它真的有如食緊tiramisu cut cake咁, 口感有層次, 必食推薦最驚艷的是, 2個人擺滿一枱餸, 埋單都係$299, 好抵!攬住個肚埋單, 大滿足!

Simply Waffles X Mr.閔以其精緻的韓國人蔘雞湯套餐而聞名。這道套餐以濃郁的雞湯為基礎，加入了韓國蔘的獨特風味，使湯的口感更豐富。搭配著香嫩多汁的雞肉，這道套餐絕對能讓你感受到韓國傳統料理的魅力。另外，他們的傳統韓國泡菜竹南肉鍋配白飯也是一絕。這道菜以竹南肉鍋為基礎，加入了韓國傳統的泡菜，營造出獨特的口味。肉鍋中的肉片鮮嫩多汁，搭配白飯食用更是絕配，給你一種濃厚的滿足感。對於喜歡辣味的人來說，韓式辣雞窩芙是一道必嚐的美食。這道菜以辣雞為主，搭配著蓬鬆的窩芙，口感豐富。辣雞的辣味和窩芙的酥脆相互襯托，給你帶來一種獨特的享受。

又係新都城呀，突然想食炸雞又想食窩夫 🐔🧇比我地搵到呢間一筆兩得既餐廳 #mr.min_chicken 佢就係😍《Simply Waffles x Mr.閔》😍佢店面唔算大，不過真係禾稈冚珍珠😏，啲野食質素相當高🤓加上佢既套餐又真係好抵😱😱，炸雞套餐$68-78，仲可以半價加飲品👍🩵紫菜飯卷配無骨雞及蒜香醬：好大份！個炸雞熱辣辣超脆口！咬落去係有汁嫁！一啲都唔乾！個#kimbab 都好足料，大大舊💙炸日本南瓜片：呢個覺得係必叫既！因為係外脆內軟，個炸粉唔馬虎係有味既外皮再加香甜既南瓜，絕配😝🩵韓式炸豆腐：拿唔係百X豆腐喇🤣真係有咬口既，有質感既炸豆腐黎💙韓國水冷麵配牛肉凍湯：呢個係瑤媽韓食最愛🥰，見到有得食就立即叫番個，個湯底正，冷麵配埋泡菜真係好好味🩵主角甜品💙🍓白雪草莓窩夫🧇：十個LIKE呀真係👍！個牛角包窩夫焗到脆口又香甜，忌廉夠滑，士多啤梨唔酸，完勝，難怪瑤瑤由影相開始已經偷食緊🤭🤭🩵最後講埋野飲先：瑤媽飲🍏青蘋果梳打：唔太甜好清新。瑤瑤飲🍓士多啤梨奶：鮮奶加左士多啤梨醬同果肉，瑤姐表示讚好😁佢仲有好多口味既Waffles，下次要再去試另一隻味！瑤媽睇中佢個焦糖脆餅香蕉窩夫🍌！