Simplylife Bakery Cafe

Open Now

Now Closed

約左朋友仔一齊去金鐘參加MTR 既GO文化導賞遊，行到攰攰地， 見時間尚早， 不如食返個afternoon tea。下午3點左右， 餐廳人流不算太多仲可以坐窗邊位， 一邊食一邊欣賞下金鐘。Tea set 分別係$66 & $58 包飲品我就order左Beef Burger with Smashed Avocado, with Spicy Fries & 限定冰茶。牛肉漢堡被溶化既芝士包裹住， 配埋牛油果蓉， 清新不覺膩，賣相相堂吸引；香辣薯條較失色， 辣味不足。

同埋屋企人去完香港公園，餐廳選擇不多，見到呢間餐廳有位就入左黎。因為我仔仔未到三歲，仲細，所以問下有無BB 椅同埋膠碗（我自己有帶小朋友餐具），侍應話無。去一啲比較出名嘅西餐廳，BB 椅同膠碗兩樣都無，我都係第一次。諗返我上個禮拜六去某西餐廳，有BB 椅、膠碗、膠餐具，仲有顏色筆同顏色紙俾小朋友玩，對比有啲大。咁我order 幾款食物，其中一個係all day breakfast, 裡面有炒蛋。我要求侍應想餐廳將個炒蛋炒熟啲，因為俾小朋友食的話，我都想食物係全熟，以免個仔腸胃唔舒服。侍應話啲食物一早煮好左（我諗類似煮定左，客人有order 就可以快啲出食物），所以無得話整熟啲。我心諗「咪將啲炒蛋放返落鑊炒多幾下⋯⋯有難度嗎？」咁我無問出口啦，我就照order，不過就無俾仔仔食蛋，但有俾佢食其他食物。我真係覺得呢間餐廳好唔flexible, 將已炒左嘅蛋再熟煮啲都唔得，就算叫你炒個隻，都好快啫，炒蛋咋喎⋯⋯？平心而論除左以上2 點，食物質素，餐廳環境係ok 嘅。同埋我地食完碟上食物，都好快有侍應黎收左個碟，呢樣係幾好，而且侍應都係有禮貌嘅。如果只係一班大人黎，或者我個小朋友大啲，應該唔會

星期日行下香港公園，欣賞完好春色，當然要有美食，食色，性也。在金鐘食肆選擇不多，這裡剛好有位，就這裡吧。職員提點用餐時間1小時。🤪好像沒有人排隊呢，不用這麼多限製，感覺不太好。幸好食物不差，效率很高，我選了牛油果醬漢堡包，沙律和果茶，還送脆脆法包。😋漢堡包🍔好大一個，材料豐富新鮮，鮮炸薯條香脆可口，吃得停不下來。😘不夠飽還可以添法包，再大胃王都可以滿足，冰茶也很好喝，不會太甜，滿滿的果香，超大一杯，健康又好味。😘👍

平時在金鐘中午時間都好多人排隊等Simplylife, 今次見人龍唔算太長，等左大概15分鐘，就可以入座。中午時段叫set lunch算係比較划算。$118 另外加一服務費，可以有餐湯/沙律, 主食, 飲品。以金鐘黎講，價錢中等，裝修座位環境又算幾好，味道都唔錯，都幾值得再食！車打芝士牛肉漢堡配牛油果蓉︰個漢堡睇落唔係好大，但係食落都幾飽肚的！牛肉幾鮮味，牛油果味都突出，值得推薦比牛油果控，兩樣味道幾夾呀！

年29放早，路經金鐘，見到Simplylife勁爆，真係咁好味？晚餐就食得多啦，試吓佢個下午茶先。價錢好親民， $66一個餐，有嘢飲。雞肉漢堡配辣薯條 + Latte漢堡包唔算鬆脆，普普通通，雞肉比較硬身，味道一般，薯條反而有驚喜，外脆內軟，仲有d香草味。酸種麵包，蘑菇，菠菜，芝士 配青蘋果沙律+🍋水首先講吓青蘋果沙律，有好多紫椰菜，好爽脆，沙律醬調得啱啱好，整體好fresh👍不過椰菜係多過青蘋果好多，應該改名叫椰菜沙律😝多士加埋熱辣辣嘅芝士蘑菇菠菜，仲有香草橄欖油，非常豐富，兩個字，好味😋

有一次經過金鐘見到呢間野好多人排隊，之後覺得呢間應該好食所以都排隊（羊群心理）😂等咗45分鐘終於入到去😅 環境唔錯，望著d廚師👩‍🍳整野食😁雖然我無點望🤣不過特色黎嘅 入咗去有啲lunch set，咁我就叫咗個類似巴馬臣火腿配雞胸肉，之後去配一個湯同埋一個類似水果茶嘅飲品🧐 咁雞胸肉成日都會覺得又柴又乾，但佢整得唔錯，無又柴又乾嘅感覺，都ok. 而湯方面唔記得咗係咩湯，但幾好飲🤣 野飲都係不過不失😂 價錢💰，我就覺得好貴😢食一次好啦😂感受下，性價比不大，有錢嘅就當然推薦🤣🤣🤣

裝修很舒服，下午茶價錢貼地親民點了一個牛油果蓉牛肉漢堡配香辣薯條，叫了一個handmade cake，係抹茶味，飲品叫左hot chocolate 同一杯coffee 。下午茶推介之選

特登等到下午茶時段來Simplylife 吃飯，因為價值較午餐平1/2，而且下午茶套餐真是款式繁多。-車打芝士煙肉雞蛋牛肉漢煲牛肉塊夠厚身，唔會太乾薯條剛剛炸起，溫溫的，而且頗脆，整體來說，不錯幾好食！

自從銅鑼灣分店關門之後，都已有一年半冇去幫襯Simplylife，昨天突然間想和一家人去金鐘果間食，去到餐廳門口要排隊，入面都好多人食以為應該會食得舒服開心，但是排隊嗰陣時都已經同你講定要60分鐘用餐，大大影響咗我的心情，然後一入去坐低，餐廳內的服務員態度也非常一般，目無表情，點完餐之後，叫服務員攞杯水俾我哋，但係叫極又唔認，食物還可以，選擇好似少咗好多同埋價錢加了大概20%，希望下次佢會有改善。

🍁之前食過一次simplylifel嘅牛扒覺得好正，今日經過金鐘見到有simplylife咁就試下佢嘅Brunch啦，是日沙律+白酒+主菜白酒煮蜆辣肉腸手製扁意粉蜆肉飽滿鮮甜，手製扁意粉軟硬適中，味道幾好，但份量偏少烤美國春雞半隻·車厘蕃茄西班牙甜椒辣肉腸雞肉外皮好香脆，肉質嫩滑醬汁辣辣地，好開胃，好食🥂白酒都幾好飲餐廳環境偏暗，幾舒服，食物整體幾好味，職員服務態度都ok, 可以一試，不過呢間d set好似成日來來去去都係咁，比較耐先轉一次menu

中國節日食西餐，西方節日食中餐，是出外揾食的秘訣。今晚中秋，中餐館多數沒位置，食西餐是最佳選擇，這裡人不多，燈光不足夠浪漫，食物也不錯，最好是法包和酸包，做得夠地道，份量足，過了個滿足的中秋夜。

今日放假去shopping , 只是十一時半，發現這家店排長隊。餐廳環境寬敞，又帶現代氣息，坐得舒服。午餐有十款選擇，選一款主菜$105，主菜加餐湯或沙律$115， 咖啡另加$15先送上磨茹湯，磨茹湯質地稠厚，啖啖磨菇肉，磨茹味濃厚又creamy, 好味道！蟹肉沙律、西洋菜. 青蘋果、蘋果芝麻煙肉汁Crabmeat salad, watercress, green apple, apple sesame and bacon sauce 這沙律份量十足！沙律菜十分清爽新鮮，而且種類唔少，蟹肉鮮美，加上脆爽青蘋果和鹹香煙肉，再拌上沙律菜和醋汁，很輕盈的夏曰味道，酸酸的，還不錯。Latte +$15咖啡口感香滑，咖啡味濃厚，入口温度也剛剛好，不錯。這一天的午餐很不錯，既輕盈又健康。

if you want to have steak in a cheaper price.this is your go to place! they offer a number of dinner sets and I am sure you will find something you like.today i had my medium rare steak with a glass of wine.life is too short to be sad.enjoy steak and be happy!

我自己唔係喺金鐘返工， 不過今日需要去金鐘， 所以就去Open Rice睇下金鐘有乜嘢食, 見到呢間餐廳D環境都幾ok， 所以就打電話去預約， 不過餐廳回覆是沒有得預約， 而且午餐限時一個鐘。 但係嗰日我去到， 餐廳職員同我講只得45分鐘， 不過我同佢講我已經打咗電話嚟問係有一個鐘， 所以最後佢都畀一個鐘時間我食。 午餐可以選擇餐湯或沙律，一款主菜 和飲品。 如果你說只選擇沙律加主菜 或者飲品加主菜， 只需$105, 沙律加主菜加飲品， 需要$115， 餐飲可選擇汽水， 如果飲咖啡， 要再加15元。佢哋個蘑菇湯整得幾creamy， 味道唔錯； 燒春雞味道可以， 不過隻雞唔夠嫩； 蘑菇闊條麵整得幾好， 闊條麵軟硬適中。 不過真係食得好趕。

一向比較鐘情金鐘simplylife分店，特別鐘意佢嘅環境同氣氛☺️ 餐廳俾我有種置身法國小酒館嘅感覺，裡面燈光偏暗，营造一種浪漫氣氛😌非常適合收工過嚟食晚飯傾吓解😄食物方面，我覺得都做得幾好，質素對得住價錢💰 今次叫咗我最愛嘅加拿大天然豬鞍架🐖，配上南瓜泥，松子，同自家製乳清芝士，豬鞍煮到恰到好處，整個配搭好正👍👍另一個主菜叫咗燉紐西蘭羊膝，配上薯蓉同特製蒜頭，羊膝好腍，用叉已經可以將肉拆出，鍾意食羊嘅朋友可以一試😀 加$30 就有餐湯/沙律，仲有飲品，全部質素都不俗，推薦大家加配哦😊