成仔記粉麵

Open Now

Now Closed

新鮮自家製雲吞呢間粉麵舖簡直陪住我長大，有平又好味❣️❣️推介👍🏻👍🏻👍🏻👍🏻鮮蝦雲吞，彈牙足料又好食😋鳳爪，夠淋入味🥳🥳墨魚丸都好食架😋

雲吞係店家招牌 ， 每次必點 ， 每日新鮮☺️☺️就算外賣返屋企自己煮，都一樣咁好味呢度環境迫啲，地方淺窄，間唔中都要搭枱但勝在雲吞好食，咖啡香濃好飲值得留意，店家逢週四休息另外，該店不做晚市有時夜晚想簡單啲食碗雲吞麵都冇呢個選擇

其實我已經喺哩頭做嘢好耐常常經過門口都好多時都坐滿但我今日竟然今次第一次黎食發覺黎得太遲叫咗一碗雲吞片頭麵成碗都好好食個雲吞係我近期食過最好食的大粒，好大隻蝦，蝦爽彈，肉鮮，皮薄片頭唔係過份彈滑嗰隻，但有魚味，實在麵好彈牙👍👍👍👍係我凍鴛差少少同埋哩道d 侍應姐姐服務好好快靚正 一坐低已經比左杯水唔洗要人叫哈哈辣椒油都唔錯唔錯一定會再返黎食👍👍👍👍可惜我唔記得影相最後影咗個menu 比大家

表面係平平無奇嘅地方雲吞麵舖入面嘅食物一啲都唔流😎(っ◔◡◔)っ ♥炸雲吞 ♥ HK$42即叫即炸好辣口😋係架..好熱氣架不過為食貓係唔會抵受到啖啖爽脆蝦肉入口好正配上酸甜汁解膩好邪惡但會繼續食😈溫馨提示：怕邪惡嘅話自備涼茶😂

成仔記粉麵最鐘意就係佢嘅雲吞😍，以前去開大埔都會去佢嗰間分店食，甚至買生雲吞返屋企自己煮。今次食屯門分店，之前見到同名唔知係咪同大埔同一間，所以今次都係試雲吞，食完我覺得係同一間😂，同大埔嗰間味道一樣。店舖價錢實惠，係民生小店，唔會話有咩特別裝修，但食嘅係品質，客人多數都係附近街坊。叫左碗雲吞麵，雲吞有4大粒，蝦肉好大粒😍、爽口彈牙，幼麵唔會好大陣鹼水味，麵質彈牙，麵湯唔過咸，份量對於我嚟講夠食。推介👍🏻。

以前係大埔都有食開成仔記既雲吞面，今日咁岩經過屯門富健花園，見到咁熟口面，估唔到屯門都有分店今日叫左個炸醬雲吞河，炸醬唔係好多油果款，味道甜甜地，有豬肉，洋蔥，草菇等，加少少辣椒油撈埋啲河粉，十分惹味雲吞入面最少有一隻大蝦，蝦爽彈有蝦味，而個大地魚湯都好清香，32蚊黎講真係冇投訴

成仔記雖然係粉麵店，但服務態度一定唔會比酒店差，老闆店員都好好禮貌，而且食物質素都好得招牌雲吞麵一早已知，但經常食所以想轉下口味，見隔離枱點了鳳爪，所以決定試一試，見到佢哋嘅加了果皮一齊炆，唔掛得炆得咁腍咁入味，加上米粉吸收了湯底濃香味，好味道鯪魚球麵食得出鯪魚球係自家制，好新鮮，仲大粒個乒乓球有4大粒！套餐都係$35包飲品，真係好抵食，所以無論咩時候都好多街坊幫襯最後推介自家制辣椒油，佢既辣真係非一般既辣，$60一大樽，真係有排食

成仔記粉麵地址: 屯門富健花園地下78號舖等咗好耐，終於到了又到星期六啦。心血來潮想食雲吞麵，經屋企人推介 #成仔記粉麵，就決定特登去試下。淨雲吞🦐雲吞喺呢間最出名菜式之一，粒粒雲吞都係自家制，人手包㗎，而且粒粒都非常足料，皮薄餡靚，啲餡料仲塞到滿滿添；一咬落去就見到大大隻嘅蝦，好爽口彈牙，蝦肉味係口中迴旋，一個字形容“正”🤤，食完真係超有滿足感㗎！如果係雲吞控嘅朋友一定唔可以錯過。炸醬麵🍜炸醬麵質感非常好，煙韌有咬口，唔會太淋或太硬，再配搭佢地辣辣地嘅炸醬醬汁，真係越食越開胃，非常之滿足，值得一試👍🏻。

自細就喜歡食雲吞麵，成仔記暫時係我最鍾意嘅雲吞麵之一。今次叫咗粉麵套餐，雲吞➕鯪魚球，幼麵，雙拼$38。雲吞一向都食開，又薄又滑嘅外皮，包住彈牙嘅蝦同肉，大大粒，超好味。今次第一次食鯪魚球，好似乒乓波咁大粒，感覺幾新鮮，啖啖肉。加多幾蚊，就可以加埋菜心，感覺再健康少少，當然唔少得杯檸檬茶啦。值得一提嘅係，呢度嘅辣椒醬係自家製，辣度幾高，作為辣妹嘅我都覺得幾辣。不過加咗之後，絕對可以提升碗麵嘅質量，所以每次點都要落少少！

店铺不大，但出品卻佳。他们的云吞又大粒又好味，里面的虾不但新鲜又大隻，吃起来十分爽口。炸云吞併炸鲮鱼球也是上佳的选择，松脆可口，油而不腻。他们的生面也很彈牙爽口，辣椒油又夠香辣。而最不可缺少的就是炸魚皮，非常松脆，油而不膩，他们店的炸鱼皮与其他的不同，十分香口，亦很有鱼味，吃面时没有它，確实会失色不少。

成仔記麵質彈牙有咬勁, 自家製餛飩很大粒, d 蝦肉又新鲜。炸鯪魚球, 炸餛飩也是招牌手選， 每次光顧必叫打孖，仔仔最欣賞, 價錢又相宜 ，服務也不錯，速度又快。下次會再幫襯！

成仔記呢間粉面舖我真係由細就食到大，有晒感情，當我一要諗食乜既時候，第一選擇就係成仔記。仲要咁多年既水準都保持到咁好。👍🏻好多人鐘意佢地既雲吞，但我最愛就係佢地既牛丸，一咬就有汁咇岀黎，正🥰🥰仲有就係佢地既秘製辣椒醬，食得辣既一定要加，香口好多👍🏻

趁公司食團年飯，於是食個無咁heavy既午餐再搏殺，於是就諗到食呢間雲吞麵。睇個餐牌，雖然百物騰貴，間鋪亦曾經加過價，比起出面我仍覺得合理水平。細蓉加色，有四隻雲吞，好大舊蝦肉而且好爽口。食緊既時候，我見到近門口果邊有位阿姐不斷包緊，可能就係箇中原因。麵底好彈牙，伴埋辣椒油咁食，食下食下就唔覺食晒店內有辣椒油賣，感覺唔算貴，如果遲下多係屋企煮麵，或者會考慮下。凍檸檬茶好多片檸檬，屬於少見。不過茶底略甘，如果唔係食辣野恐怕飲唔晒。

成仔記既牛肉係好腍嫩既牛肉，因佢地冇賣牛腩牛雜既，所以冇得加腩汁。而佢地所講既加色則係佢地既另一佳作鳳爪既湯汁。此外，佢地既雞翼一丁亦很出色，雞翼一定一定要嗌另上，咁先可以感受到佢地香脆鮮嫩既雞翼。推！

碼頭區少有粉麵店富健那間成仔記也真的很不錯一碗雲吞麵只買25，而且也有5粒雲吞，性價比奇高。蝦很新鮮，雲吞大少也很適中。湯底也很不錯，食完也不會覺得口渴。而且老板和其他員工也很有禮貌。