星林居雲南米線餐廳 (Closed)

風靡萬千韓國人嘅米線店，其實無論係食物和服務嘅評價都唔多好，但都走去試一試因乜嘢令韓國人咁捧場？那裡有名物：黑臉嘅阿姐、粗聲粗氣嘅阿姐和粗心大意嘅阿姐......身旁坐咗三位韓妹子，佢地各人電話都有張相係翻譯咗劃餸紙嘅食物名稱作對照！明顯係有備而來嘅！可以想像到係韓國應該幾出名......等位唔耐，最耐係等嗰碗米線！等咗半個鐘有多.....🤦🏻‍♀️問題唔係客人太多、唔係漏單！而係根本好耐好耐先見到阿哥哥仔拎一兩碗麵出嚟，然後再等好耐好耐哥哥仔先再拎一碗麵出嚟......全場係呆等✩✩米線淋到相信無牙都可以直接瀡落去胃部，小辣係......唔辣......食得辣嘅朋友，我斷估叫中辣以上至有feel🤔，不過佢味道係ok嘅～✩✩丸類都係普通貨式✩豬潤好鞋和偏硬.....✩✩✩✩白蘿蔔幾好，夠淋和入味，無渣唔苦✩✩凍檸茶茶膽偏淡，一般般.......地方淺窄，清潔衛生一般，矯正坐姿梳化......46蚊麵底餸另計，以呢種貨式完全不值，食完都唔明白點解會咁多local和遊客去食🤷🏻‍♀️而我竟然係其中一個🤦🏻‍♀️

係尖沙咀做完野,有時太累,就會想食番碗米線,每次行到海防道頭,就會諗起星林居👍🏻星林居係以前窮書生出尖沙咀必食既地方,佢個秘製醬汁真係好正,無咩地方可以比得上,更重要係,呢到可以揀好食既涼拌米線,今日叫左腩肉魚皮餃小辣,呢到既辣真係非同小可,我自己本身都已經算食得辣,但一路以黎挑戰到既只有中小辣🙈辣得好過癮,有時辣得滯,都會叫杯奶茶飲,中和番🙈🙈雖然我成日覺得涼拌係少過小鍋米線既,可能佢唔熱,好快就爬晒,但食完起身果下就好似消化晒咁😂如果份量多少少就好了👍🏻

因一個雜誌d 報導...........就返去尋找回憶既味道.....點知.. 一碗應該係速食既米線， 等左20 分鐘....仲聽到個女侍應鬧人鬧左20 分鐘... 唔想做咪唔好做.. 有冇諗過黎食野既唔係要受氣... ...碗米線終於到.. 個樣唔好唔緊要， 但湯底味精味重又唔夠熱， 酸辣味大把小店米線好味過佢， 米線好淋... 點解.... 真係好傷心...........所以話往事只能回味，舊事還是不要重提，唔再見了.....

星期日的尖沙咀，想找點便宜的選擇，加上本身是個「米線怪」的港女，便想起了久違的星林居。也許是尖沙咀的關係，店內很多「同胞」，本覺得沒太大問題，只是她們的行李太多，本身店舖的座位已經不算多，她們的「戰利品」卻是佔據了一些本應可以再坐客的位置，有點不方便。喜歡星林居的配料很多，酸度辣度也有調整的空間，配菜也是。唯獨叫飲料的時候，本應跟牆上的選擇點熱鴛鴦，店員態度很一般地指鴛鴦沒有熱的，好，點熱奶茶吧，奶茶也是沒有熱的，只有熱咖啡。最後來了一杯不怎麼樣的咖啡。我點的是魚腐、腩肉、海帶、油麥菜小窩米線，配料很一般，海帶的感覺像是日本麵豉湯那種泡水會發起那種軟軟小小的海帶乾，魚腐也不是自己想像中的魚腐，像吃魚片頭的味道，很明顯是雪藏久了的感覺，腩肉則較像普通火鍋時候的豬肉片，也沒有特別好吃什麼的。湯底也沒有想要一口接一口地喝，吃完米線就完全失去依戀的湯，唯米線的口感正常。然後尾聲的時候好像留意到有客人外賣，好像客人是忘了在單子上寫上「外賣」，店員隨即爆了一句粗口拿著單據回到廚房，火氣甚大。

幾年前食過星林居，今日同朋友係附近又想食米線，就落左去叫外賣。價錢都無咩特別貴左既，不過今次食呢間就第一次，之前係係金馬倫道個間食，食過都覺得幾好先決定食。行到落去，認唔到係星林居，個門面好亂下，好多唔同廣告咁😂叫左個*紫菜腩肉酸辣米線（少酸大辣）*首先食左紫菜都正正常常唔大問題既，但個湯底好結下，辣度對我來講岩岩好，不過稍稍酸左dd。再食埋個腩肉，餣味太重，而且un ,不太欣賞。最最出事在個米線，淋到糊仔咁，無諗過會差成咁，雖然係我地講話外賣湯唔洗另上，但佢一出左外賣比我地基本上兩分鐘已上返朋友公司開餐，根本無諗過會淋到一pat 野咁😨，最basic個米線底都咁好失望下，怕怕，唔敢再食🙈仲有朋友話之前個豬大腸好好食，今日一食佢話～臭架😱

聽過好多人講過星林居既米線出名，好多人遊客都慕名而來，今次咁岩黎尖沙咀，就一於去試下🙆🏻‍♀️咁岩黎到唔使排隊，但眼見都係遊客多有張紙比你揀鐘意既餸and口味💁🏻‍♀️酸度同辣度都有得比你自己揀落單後都等左一段時間先有得食，大概超過15分鐘😢米線叫左小小辣，但完全唔辣，建議叫辣d會好食d酸度就叫左正常，但整體係偏酸，如果叫辣d再夾埋一齊食，個味應該會出d但整體而言，味道一般，有點兒名過其實

兩個字 失望 一直聽聞呢間米線好受旅客歡迎 又話咩米芝連 就諗住黎朝下聖 但點知完全係浪費自己時間第一 服務態度極差 無論收銀定上菜 態度惡劣 唔講以為我自己做錯野激嬲左佢 佢話無豬潤 我想轉第二樣姐 佢都要俾臉色我睇第二 作為一間餐廳 態度差都算啦 野食仲咁難食 憑咩仲態度咁差 豬紅食落又凍又咸 湯底得個咸字 蓋過晒酸味辣味 仲有陣味精既甜味 食兩啖已經想搵水飲 總括而言 好耐未食過咁差既米線 一定唔會再有下次 唔明點解仲有咁多人排隊食 ！！！！

之前聽朋友話依間米線幾好食，去左幾次都大排長龍，一直都無食到，今日經過見到唔洗排隊即刻就入左去試，選擇都幾多，完全可以根據個人要求選擇，總有一款適合你。叫左個腐皮角魚腐小鍋米線小小辣正常酸走莞茜走蔥，小小辣完全食唔到辣味，下次可以叫辣D，湯底微微酸，但係魚腐唔係我諗個隻譚仔既魚腐，似魚蛋多D，唔係幾岩食。腐皮角就好正常，因為都係煮熟就食得既野。份量唔會太多，女仔食應該岩岩好，男仔就可能會唔夠食喇。味道都OK，但服務態度就真係麻麻，可能真係太多客，唔夠人手，店員講野既態度都好差。

曾經係尖沙咀住左好多年，經常去金馬倫道的星林居，是一個充滿回憶的地方。好耐冇來尖沙咀，係周圍買完嘢經過樂道呢間，唸住試下。點完餐等足20分鐘，態度勁差，搭檯的姐姐忍唔住走左，個老闆好似慣左冇乜所謂，後來見到其他幾個人都陸續退單離開。米線味道麻麻地，以後唔會再來。卑大家參考下。

11點幾突然想食下宵夜，但又唔想食茶餐廳又唔想食糖水，所以最後我地入左呢間米線鋪。一向都好鍾意食米線，亦知呢間經常比人評分好高，今次黎到，我地好比心機揀餸時，竟然接到張紙話比我地知有成10樣野已經冇哂，都明既，人地都就收鋪，所以最後我淨係揀左腐皮角少辣正常酸少米線，呢到辣度分得好清，每級中間都會再細分，啫少辣同中辣中間會有少中辣，跟住多咩少咩亦都分得好好，所以一張紙攪掂哂一上枱，飲啖湯先，少辣比出面較唔辣，亦偏酸，米線亦都淋左啲，腐皮角OK啦，始終唔係自己想食既餸，但整體都OK，頂到下雲南酸辣種米線味

年紀大的兩位員工服務極差，得門口的女仔有做嘢，態度極惡劣，最諷刺係我地等緊時聽到佢地抱怨上fb見到呢評越來越多，多數係話服務差同味道唔及以前，我地即刻領教到，一定唔會再黎。

如果有零分，我會俾零分，什至負分。真心，一次太差的體驗。漏單，等左半個鐘以上，都算，我本身叫腩肉、水餃米線，上檯又發現漏餸，冇左水餃，而且唔止我，係好多檯都漏餸，淨麵咁上俾客...點解可以錯成咁…湯底唔熱，米線極少，而且餸都好少，腩肉兩片。。。我以為睇錯...少得好誇張，每款餸六蚊但份量得一蚊...成件事好差，以前成日都黎食，點知事隔數年再來，退步到咁誇張，不會再來...亦不建議人來...其實係咪賣左盤，點解同以前可以爭咁遠...

本身入到間鋪，已經聞到陣勁臭既廁所味，想離開，當時夜晚9點幾，朋友話想食米線，咁就坐低左⋯未嗌野食前，上左黎openrice睇下有咩好食，見倒評語麻麻，都心知不妙，嗌左碗蘿白雞翼酸辣米線，諗住實無死啦，點知黎到，蘿白好似未熟咁，隻雞翼係無味既，究竟點解我會入左黎...... 食左一半，已經放棄左吾想再食。真係無下次，吾洗比錢都吾會考慮入黎食。

之前係書到見過廣告，幾吸引講自己整獨家湯底，一直都想試下，但附近太多野食，所以到左今日先順路試下，兩三個人等位，等左幾分鐘就到我，入面都幾迫，但至少唔駛背對背，要左豬肚（$8）魚腐米線（$6），小酸辣，多莞茜來到碗野個樣都好吸引，真係好多莞茜（正），飲啖湯都叫普通，同某間雲桂x 連鎖米線店個酸辣好似，米線都正常唔太硬唔太淋，魚腐咬落去仲凍，一定好少人食，所以冇解凍，豬肚有少許臭味，唔估係唔新鮮定洗得唔乾淨，但呢間野冇下次

雲南米線一向都競爭激烈。。其實口味人人不同，各人有各人喜好，星林居的米線勝在多自選項目，可以走青，又可以多莞荽，辣度都可以細分，小小辣，小辣，中辣等等....... 雖然分得細，但出餐時間都尚算可以，繁忙時間都唔會等太耐。湯底的調味都幾濃，選擇小小辣或更辣口味會有肉碎，這次點了墨魚丸，雞翼，羅白。3款餸的份量都適中，湯底選了小小辣和正常酸度，辣味真的好輕好輕，酸度個人認為正常酸都偏酸了一點。總括是可以再幫襯的繁忙時間等候時間都幾長，多人排隊，需要人齊才可入座，記得若果約朋友食，要等齊人先啦