星林居雲南米線餐廳 (Closed)

我同我太太每次去尖沙咀，好多時都會嚟呢間食米線。通常佢都要等位,不過都係等5分鐘左右,因為呢間野好多人食因為疫情關係入到去多數都係兩個人一張檯，今次叫咗個豆腐卜，炸醬，豬腸，多芫荽，小辣。佢個湯D味都好濃，個炸醬就一定要食因為好好味，其實佢呢度個豆腐卜都好食㗎，豬腸，豬紅都OK嘅，不過豬皮就一般，每次食完一碗都覺得唔夠喉。我我同我太太淨係鍾意食呢間米線，其他乜哥物哥都冇乜興趣。去開尖沙咀必定要試吓。

🌟 魚腐雞翼米線（小小辣）$43.對上一次食星林居應該係6-7年前，早兩個禮拜突然間醒起好耐冇食過，加上可能係坤哥效應😁，食完真係覺同譚仔好有分別，好似特別有風味，而且食完唔會覺得好口渴好有味精嘅感覺！湯係完睇既，至於魚腐我覺得差唔多，雞翼佢係煮得比較耐比較淋嗰種，如果想食有別於譚仔嘅感覺可以去試下星林居！

邪惡指數: 🐽🐽🐽🐽好食指數: 🙆🏻‍♀️🙆🏻‍♀️咁鍾意食米線嘅我，去親尖沙咀如果想食米線就必定諗起星林居💁🏻‍♀️鍾意去舊呢間分店，覺得好似有feel啲好食啲😆❌️小鍋米線湯底 - 每次我都會要少酸，因為我發現呢幾年佢愈整愈酸。成碗嘢好油，但係個湯已經每無以前咁惹味😫米線滑身但煮得偏腍，份量一如既往嘅少，我每次食完都唔夠飽。⭕️餸方面就正正常常 - 腐皮角紅腸都好食，鍾意佢會將油麥菜分開上。整體黎講，我覺得佢水準愈黎愈差。好掛住以前好好味，食完會好滿足嘅星林居😭

呢間餐廳嘅重點係佢個湯底，好濃郁😍我叫左小辣走酸，仲走埋芫茜同蔥🤭如果食到少少辣，一定要試佢個辣湯底，因為有埋肉碎🤤😝香好多😋小鍋米線($30，雞翼+$7，菜肉雲吞+$8)今次揀左雞翼同菜肉雲吞，雞翼好入味，菜肉雲吞正正常常，個餡唔算好大舊😂不過之前食過某啲配料感覺中左伏，唔夠熱又硬🥲所以每次食完都要記低邊啲係中伏下次唔好叫🙈🙈同埋米線份量一時好多一時又好少，好難捉摸🥲😂😂

After doctor consultation at TST, we found a place for lunch. Originally, we planned to have Thai noodle. While that restaurant claimed that it opened at 11:30, it still had not opened at noon and the staff was unwilling to inform the opening hour. When we bypassed this, both of us mentioned that we haven’t been here long time and decided our lunch place. You can choose your preferred sour and spicy level here with a mix of food. Also, you can ask to have more / less / none of the onions.Min

每次出尖咀都會食，之前食唔知點解爭咁啲，所以今次選埋多韭菜、芫荽、蔥、中小辣，味道香好多，不過豬腩肉有啲豬蘇味，要改進！今次係食咁多次湯底最合我口味，希望一路保持水準 ！👍

都係聽Mira介紹先識星林居以前去食嘅時候，真係都見到比較多韓國人🇰🇷疫情之後就少咗好多，但係依然都係多人所以通常都要排陣隊-店內環境比較狹窄員工態度亦都一般般🤯不過佢嘅湯底真係好啱我口味兩個字，夠酸！我對啲酸酸甜甜嘅嘢係完全冇抵抗力不過佢啲配菜水準有時會比較參差，就睇果日大家運氣如何啦😢蘿蔔有陣時會比較大嚿，有渣，唔甜豬軟骨有時都會炆得唔淋，好硬大家可能揀啲比較穩陣嘅食材會比較好🧐-推介俾啲鍾意食酸野既朋友仔去試

人氣米線星林居！之前朋友問我有無食過，講左幾年我依家先食到！聽聞韓國人都好鐘意食！好似因為節目而出名？我就好彩早小小去就唔洗排隊～我之後就張排隊等～酸度辣度可以揀。我就要小小辣普通酸點咗紅腸，豬軟骨同油麥菜，少米線多芽多韭！無諗到係咁大碗，啲菜多到另上！紅腸我覺得一般，豬軟骨夠淋就唔夠入味～油麥菜因為係白烚要浸返落湯先好食～少米線都仲係好大碗，多芽多韭又真係比好多你⋯湯底辣度酸度都好岩我口味！！不過好似無酸菜？而米線軟硬適中！但環境服務衛生都差啲⋯

來食米線，上網一搵，見到星林居，一卡試下。叫左小鍋米線，辣腩肉加蘿蔔，少少辣，少酸，少米，煮久。上到黎，見到醉濕濕，全碗都係好短既米線。少米真係好少，比起某連鎖米線店既少米少很多。酸辣唔係好出味，可能寫得太輕手。蘿蔔兩舊大大舊，好甜，但唔淋。腩肉正正常常，唔辣。

見好耐無食星林居，今日再次試吓中午12點去到，基本上都冇乜人排隊，可以即刻入座坐位唔算坐得舒服，每張枱就好似自修室咁，不過其實最緊要係食物嘅質素呢度係隨意配搭自己鍾意食嘅餸，我嗌左個小鍋米線，再加蘿蔔，魚皮餃同豬大腸，最緊要係多芫荽佢個多芫荽嘅份量都幾驚人，真係成個芫荽山鋪滿晒成碗面而佢個湯底都非常濃郁，夾雜啲肉碎，口感唔錯同埋呢度可以揀辣度，我揀咗個中小辣，都真係幾辣食唔到辣嘅朋友記住揀返少少辣啲餸都不過不失，分量都足夠，嘢飲嗌咗可樂，用嚟解下辣都唔錯

介紹返芫荽控們一個新食法：叫多芽菜多芫荽就有叫多左個餸咁既效果 正！By the way 好耐冇食過星林居 今次食返覺得冇以前咁好食 冇左果個聞到陣味都會口水分泌增加既感覺 不過比起其他米線舖 星林居既湯底同埋米線既口感都仲係比較高質既！餸就叫左雞中翼同埋菜肉雲吞 不過不失咁啦 食米線黎講都係湯底同麵質重要d 餸都係其次 所以冇乜所謂啦

放飯時間 一行四人揾野食同事推介下 黎左呢間星林居食米線好彩去到時間尚早 我地坐低冇耐就見到有人門口排隊等入座主食 湯米線 或者 涼拌米線再按每款餸加錢野飲再另計我今次叫左湯米線 配墨丸同腩肉冇加到野飲 因為真心覺得佢野飲偏貴另外 餸嘅份量真係少左d大家都見 墨丸係得兩粒D餸冇乜特別 正常發揮令我有驚喜嘅係佢d湯真係幾好飲 甜甜地又辣辣地真係未試過其他米線舖嘅湯可以有佢咁出色最後埋單 淨係計米線 真係幾抵食個湯更加係值得一試

去到尖沙咀要食米線🍜，最出名梗係冇人不識嘅‘星林居’，點都要試下😜😜～～～雲南過橋🍜～～～$61好特別佢係湯、米線、餸菜係分開上比你自行處理！米線同小鍋米線唔同，明顯係有上色調味過，我就唔放湯食，凍冰冰有冷麵Feel，仲甜甜地Tim!😋😋，但配料就小氣左d，半條香腸、半粒蟹柳、一塊紅腸、一隻雞翼、一塊牛𦟌等等😂😂雞翼同牛𦟌建議放湯食，會更入味😚😚另外花生超脆口😊😊～～～小鍋米線🍜～～～$58配咗雞中翼、雞翼尖、生根、金菇菜！同樣叫左中小辣，味道辣得黎唔係麻辣個隻，ok la😘😘喺尖沙咀區有咁嘅質素都係收$50幾算平嫁啦😉😉

今日喺尖沙咀做完Facial 行過隔離街就係星林居呢間野係我讀緊書嗰陣時已經喺度旅遊業旺嗰陣 呢度係大排長龍 好多遊客都會排隊嚟食☺️☺️而家因為疫情啦所以都冇乜人排隊今次我同家姐兩個人食我就叫咗蘿蔔腩肉同埋雞翼 嗌咗多芫荽呢一間嘅配菜係可以選擇多與少或者剔除對於我鍾意食芫荽來講我覺得好好✌🏻✌🏻😋😋的確味道相比起以前真係爭好遠以前食覺得好食啲😋😋依家去就覺得冇乜特別而且食完都好口渴 要係咁飲水先得

食米線真係食極都唔厭，呢排嘅天氣真係不適宜食飯，個人已經唔知想點㗎啦，仲要食飯真係唔好玩啦。嗌咗碗米線，真係冇令我失望嘅星林居， 一間好闊綽嘅米線店，你見到佢個湯底顏色，就知用咗好多嘢去煲啦，仲有佢啲配料，幾咁充足，仲有主菜，嘩，咁係唔係講緊啲肉啦，係講嗰啲芫荽啊。本人係高級芫荽控，冇芫荽不歡，日日食都可以唔厭，去其他米線店，芫荽都真係幾塊，好似好貴咁，呢間就唔同啦，芫荽好似唔駛錢咁，我冇額外叫加芫荽㗎，佢本身嘅份量就係咁啦。大滿足