星林居雲南米線餐廳 (Closed)

之前聽個FD講星林居好食,今日挑起條根起TST行街, 行到ISQURE附近醒起有星林居米線抱住期待的心情去食米線餐廳好細心, 餐牌有中英韓文對照, 每一個車仔餸都有相片參考當日點左 - 小鍋米線, 墨太, 龍蝦丸 同豬腩片米線小辣, 普通酸, 走芽想講, 要特別點提豬腩片, 直頭整到好似牛肉咁, 首先覺得部切割機真係好勁, 切到超薄, 連口感都似牛 LOL整體, 都係食個湯底, 個味好香口, 重口味就一定係D車仔餸, 提議搵D好D既供應商, (X哥/ X仔) D餸真係每個送都唔會差得去邊真係叫過一次唔會再叫.... 我諗叫肉應該會係最穩陣

呢款雲南過橋米線湯同米線係分開上嘅，如果叫唔辣嘅朋友要注意，因為唔辣係唔會有肉碎嘅😶今次叫咗小小辣，基本上食唔到辣味，所以建議要叫小辣或者以上。米線方面就係甜甜地鹹鹹地嘅豉油汁，咁分開上就唔會浸到啲米線林晒啦。湯汁材料比較豐富，有芽菜芫荽同埋韭菜。呢款雲南米線既餸選擇多啲啦，但係每件只有一舊，所以建議如果有特別鍾意喜歡嘅餸要單叫。蘿蔔好大嚿都好清甜，紫菜唔會有沙。米線雖然浸係湯到但係都好彈牙，蔥粒同埋米線吸晒湯汁香味，辣辣地精神為之一振尖沙咀好似都比較少米線嘅選擇，雖然要等位但下次都會再嚟，因為上菜都幾快，同埋湯汁好香濃值得留意嘅係人齊先可以入座我，所以如果人多嘅話建議盡早排隊喔😬

米線從來都係我既最愛嚟到尖沙咀我一定食星林居！係樂道呢間今日嗌左紫菜肥牛米線，今次肥牛有啲老！另外最鐘意既就係每次叫多葱都真係多葱！但係今次食有啲淋，整體都唔錯既

話說今晚想食啲有湯嘅米粉類食物，咁喺尖沙咀I square附近就搵吓有乜嘢食 ，見到呢間星林居就入去試吓啦。我哋兩個人各自嗌咗一碗米線。一碗係油麥菜豬軟骨雲吞小辣小窩米線 ；另一碗係油麥菜腸仔肥牛小小辣小窩米線。因為第一次食呢間舖頭，所以唔知道佢菜係另上的，所以油麥菜就變咗有兩碟。加上我哋都鍾意食芫荽，呢間嘢幾好，多芫荽唔使另外加錢。ps:我個碗仲要左多芽菜。講番碗小窩米線：豬軟骨未算好腍，雲吞皮多個餡，我食到一半個雲吞皮都冇食到。另外一碗腸仔同肥牛就正常發揮。小辣同小小辣 試咗其實都冇乜辣味，下次如果試應該會試吓中辣。順帶一提，佢個小小辣以上係會有少少肉碎的，但其實放咗落碗米線度又幾香，食嘅時候多少少層次感。侍應一上菜嘅時候，一睇成張枱就好綠色，哈哈，係好健康嘅青BB晚餐。要讚嘅係 佢另外上嘅油麥菜好啱我食，清清地一啲都唔油。兩個人要咗一杯凍檸茶，因為我一個人通常都飲唔晒。 晚餐2位一共$140。等我下次再去試吓佢其他餸先。

Every once in a while I feel like having spicy mixian. After reading the good reviews of Sing Lum Khui on various media platform and the convenient location in Tsim Sha Shui, I decided to give it a try.You may customize everything on the menu like the level of spiciness and sourness, less noodles, no coriander, more bean sprouts etc.Soup Mixian with spicy sliced pork and romaine lettuce $49Soup Mixian is $35 and you may pick your own toppings. It took 15mins for them to cook my order although th

放工今日自己一個食自己一個人去到尖沙咀睇d野咁就順便搵埋晚餐啦去完isquare睇d野想係入邊搵埋晚餐不過就冇咩好選擇所以就行返出嚟街道睇吓有咩好食囉最後都係忍唔住都係去左食米線今次去呢間野好差評都有可能識開佢嘅客人就覺得冇問題亦有人會評論呢一間嘢可一不可再而我就係簡唔中就想食佢叫左小窩米線加雞翼蘿蔔豬軟骨多芫荽黎到多芫荽嘅程度真係嚇親我平時都無咁多😆😆😆真心既蘿蔔夠淋雞翼豬軟骨夠入味酸菜好夠酸😂😂😂其實就無負評所講既咁差既所以對於一個人晚上既晚餐黎講算係咁啦

咪睇呢間嘢貌似up dup，其實好多捧場客。週末午餐都有人排隊等位，而且都有回頭客（至少偷聽到隔離檯係）。今次試咗個紫菜涼拌米線，非常有驚喜嘅係佢嘅醬汁。嗌咗小辣，但係辣中有甜，同豉油混合得恰到好處 ，而且食落去真係涼架，雖然未去到凍，但至少唔只得熱撈米線。米線口感好好，雖然係涼過室溫，但係無變硬，仲係好軟滑彈牙，而且冇加其他配料，好滑好純正。不過輸左喺個飲品度。嗌咗個洞咖啡，冇叫佢少甜，但係好少甜而且帶酸。但係只有冰係唔解辣架，味道仲要唔討好。而且對比起其他餐廳，呢度嗌飲品唔係平添啊。過山車上咗天空，最後都要落地。

🧡🧡🧡鋾鋾星林居🧡🧡🧡想食米線，好想食米線，去到尖沙咀都係好想食米線，見呢間寫住有法國藍帶美食勳章就入咗去啦（雖然唔知同雲南米線有咩關係XD每碗米線都有好多唔同options,可以揀走芫荽、多芽菜、多酸、多辣等等🙈 超級tailor make XD🧡小鍋米線 🤩8/10（魚皮餃、蘿蔔、中辣、多芫荽、多芽菜）鍾意食芫荽一定好驚喜，雖然填咗多芫荽都諗唔到佢會俾咗成座山我哋XD個蘿蔔大推！係我地食過嘅米線入面最好食嘅🙈 超級淋加入味 記得一定要叫！！🧡小鍋米線 🤩8/10（牛筋丸、魚腐、多酸、小辣）唔食得辣嘅都可以嗌小辣，因為佢嘅辣只係係啲肉碎入面個湯底係完全唔辣嘅，有啲肉碎個湯底嘅口感會更加好🙈如果唔食得酸嘅都係唔好嗌多酸啦，佢比正常嘅湯底酸好多好多好多XD總體嚟講呢間米線都幾好食，想過係咪仙人等你又唔想食平時嗰幾間都可以試吓🧡🧡______________________________味道😋: 8/10環境👀: 7/10服務👨🏻‍🍳: 7/10抵食💰: 8/10鋾鋾星林居尖沙咀樂道23號地下A舖

話說之前試過另一間樓上鋪嘅星林居用餐體驗同埋食物質素都覺得唔錯一路聽到好多人話呢兩間其中一間先係正牌 所以我就試埋呢間。🍜涼拌米線+海帶 $38辣度我揀咗中辣 同平時譚仔中辣程度差唔多👌米線的確夠涼甚至有啲冰 似係放雪櫃雪咗好一段時間雖然係涼但米線口感偏軟好容易斷個人偏向有咬口少少嘅。第一個問題係涼拌醬汁味道偏酸 唔係平時酸辣酸菜嘅酸 而係真係有少少似臭腳味😥跟著個配菜海帶都出哂事 平時都好鍾意食佢但可能因為係涼拌無湯 而且佢上菜前好似無特別煮過啲海帶導致口感非常硬而且完全無味道 就算係同米線撈勻或者將海帶放喺米線下面都索唔到味道所以海帶完全係0味道然後口感又唔得☹️可能食小鍋米線會好啲嘅...

下午茶最想就係去食米線 😶星林居出品話係出名份量十足起馬配料芫荽 蔥 銀芽 全多係好多 嗰啲配料都真係幾多嘅，我就叫咗少麻辣加豬潤同埋紫菜，豬潤都煮得啱啱好唔會太老，紫菜味道都正常份量都足夠。不過個湯底都比較鹹同酸，食完真係會好口渴一定要嗌杯嘢飲。另外個同事就叫咗豆卜同肥牛，佢就可以再食辣啲嗌咗中麻辣，個豆卜入晒味都幾滋味，但係個肥牛就爭少少好肥，沉咗底影唔到俾大家睇，不過食呢個小窩米線都唔算平，一個都叫咗$60，所以都係覺得譚仔抵食啲。

太噁心了，吃出了蟑螂🪳，太可怕了這個衛生。有重新煮過一碗，嚐了一下，湯底味道還是OK的，但是豆卜太硬了，然後想到蟑螂也就沒什麼胃口。啊！怎麼會這樣子啊，太失望了！

我叫左酸辣肥牛豆卜米線小辣。好好食，足料！湯底濃厚！地方雖小，但就係有個種風味。如果座位可以清潔下更佳，食完起身成褲都油油地🥲員工態度幾差，十問九唔應，可能因為覺得唔憂做？

星林居成日食，但發覺呢排差咗好多。首先炸醬已經發現比之前少咗好多，所以先叫佢另上，可以即場對峙，免得佢側側膊。其實都唔係比以前少咗㗎喇，但可以接受。而家連芫荽都少埋，嚟星林居都係貪佢多青。同個有口音嘅阿姐講想要多啲，佢竟然話要加錢！！明明係你比少咗人！我哋話成日嚟，冇可能得咁少，佢先扮傻去加比我哋。奶茶以前好好味，而家難飲到以後都唔會再叫！差咗咁多，唔怪得知而家冇人排隊！

🤩星林居雲南米線餐廳 米線除左食X哥 食星林居都係個好選擇同樣都係米線 但湯底味道截然不同🍜小辣米線 、 中辣米線湯底味道豐富 有齊甜酸辣既味因為湯底偏甜 小辣完全冇辣味建議食辣嘅人叫中辣以上另米線煮得偏淋 睇個人喜好啦🤩蘿蔔+肥牛蘿蔔有啲失望 多渣煮得唔夠入味肥牛正常發揮🐷豬潤+豬紅豬潤太薄身偏乾 豬紅好味靜靜雞話你知 叫左多配菜好似都唔覺多咗聽友人講 當年叫多芽菜係可以成碗滿滿的🤔😋靜靜雞指數 🐥🐥🐥🥚🥚🔂再偷食指數 ✅✅✅☑️☑️💲減荷包指數 💸💵💵💵💵——————————————————店舖資料📍尖沙咀樂道23號地下A舖#eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #foodlover #hkrestaurant #asianfood

食過真係返唔到轉頭👍🏻香港真係好多米線店但要講到色香味俱全就真係星林居👍🏻乜都可以簡辣度酸度 多芽多芫茜好似客制化咁👍🏻.服務態度就唔預好架啦但都有求必應既最緊要米線好味😋.推介 豬軟骨 蘿蔔 紫菜 腩肉都係必食👍🏻蘿蔔清甜 大大舊每次都會叫最緊要多芫茜！❤️